鱘昧 (已結業)

同朋友起dfs shopping完,比我地起新文華中心發現左呢間性價比高嘅鐵板燒🤩餐廳食品種類繁多:有鐵板套餐、午市套餐、丼飯、串燒、壽司、刺身同小食等等,當然仲有最受歡迎嘅廚師發辦啦🥳佢地食物唔單止高質,價錢相對黎講都好平,絕對抵食呀！🥰澳洲鮑魚鮑魚上黎嘅時候仲係會動的, 十分新鮮🤤師傅會沿殼挖出鮑魚,去掉內臟,切片上碟,一次過滿足視覺、嗅覺及味覺嘅享受😎配上醬汁食用, 令味道更富層次，亦令鮑魚肉更加爽口鮮甜，非常好吃!澳洲龍蝦🦞龍蝦大大隻原隻上,正呀🤩份量相當充足, 而且肉質鮮嫩,好彈牙🥰鐵板生蠔🦪本身個人好怕d蠔嘅腥味,但係朋友想食就點左份🤣然後貪食嘅食我試食左下,點知係一d都唔腥!而且食落肥美鮮甜🥳十分推介!🫶🏻

想食好啲又食豪啲😎去食鐵板燒就可以同時享有味覺同視覺享受🤩今次就嚟到尖沙咀嘅鱘味，餐廳環境以黑色為主調，雅緻得嚟帶點神秘感。鐵板燒有唔少套餐，多款肉類、海鮮、蔬菜等鐵板燒仲可以單點，豐儉由人，另外仲有其他日式定食、刺身壽司等，選擇好豐富😗😗A4宮崎和牛厚燒和牛輕輕一燒已經出晒啲油份💦油香豐腴，勁邪惡，肉質軟腍又有濃郁肉味，配少少蒜片一齊食更香口😛鐵板生蠔生蠔🦪燒至外面焦脆內裡飽滿多汁，蠔嘅鮮味好濃郁，灑上大量蔥花令整體更惹味😚😚虎蝦真係超級大隻🤣又新鮮，肉質彈牙鮮甜。師傅會用蝦頭餚成汁，令虎蝦鮮味更濃👍🏻👍🏻人均消費：$1000推介指數（10分為滿分）：8分

繁華與寧靜之間嘅天文台圍最近開了新日本菜店焦糖玉子玉子控嘅我當然要試試呢間店獨有的焦糖玉子， 廚師喺面前細心地燒熱玉子，慢慢轉成微金黃色的外層，一邊焦糖味已經飄緊過嚟！ 吃落甜甜地很特別，有點像西式的焦糖布甸赤貝壽司 很喜歡貝類的刺身，特別鮮甜肉厚肥美，又爽口新鮮。今次廚師推介新鮮的赤貝壽司，未食已經被廚師巧妙的刀功吸引著，切得細緻，提升左層次，吃落十分爽甜。壽喜燒定食熟食熱門之選最能看出店家的誠意度。這壽喜燒湯底夠濃郁，其次牛肉嘅熟成度剛好，用湯嘅熱力餘温來灼熟牛肉，整體材料豐富。

📍鱘昧 (尖沙咀)👩🏻試試新開嘅日本料理，有鐵板燒又有壽司🍣。✨鮫鰈魚肉配裙邊👩🏻一向只愛食油香十足嘅裙邊。但呢碟連魚肉有掃上魚油，令本身比較淡口嘅白身魚多返鮮味。✨赤貝篤一篤仲郁嘅活赤貝，口感好爽脆。✨鰤魚以蘋果木燻過，多咗少少香氣。入口肥美又爽口。✨拖羅紫菜包住拖羅、魚子、鱈魚乾、紫蘇葉，味道好豐富。雖然拖羅油脂好豐富，但加埋紫蘇葉感覺唔會好油膩。✨牡丹蝦牡丹蝦黏糯鮮甜，加上蝦膏鹹香又鮮味。✨魚生丼大量魚生鋪到滿晒。三文魚子粒粒飽滿，鮮甜鹹香。海膽味道唔濃但係好鮮甜。📍鱘昧 (尖沙咀)尖沙咀科學館道14號新文華中心1樓155-156號舖

今日同事生日，聽同事講公司附近開咗間高質嘅日本餐廳，主打鐵板燒，廚師發辦等等，今日一於揀咗呢間餐廳同同事慶祝生日🤩 餐廳環境舒適，地方寬敞坐得好舒服，而且服務員都好細心，好有耐性咁同我哋介紹餐廳嘅食物👍🏻 🥢鰤魚刺身刺身大大嚿，而且勁新鮮，鰤魚肥美醇厚，咬落去相當肥美，富油脂而肉質色澤明亮，鮮味滿滿😋🥢鐵板鵝肝非常香口，表面煎得好脆，內裏嫩滑，油脂味濃郁，而且入口即溶，配上麵包一起吃，識落唔覺油膩👍🏻🥢磯煮鮑魚超鍾意呢個鮑魚😍鮑魚用慢火炆煮，香甜嘅湯汁包住鮑魚，而且鮑魚肉質爽口彈牙，口感同味道都好好👍🏻

牙仔今日學完琴，同屋企人過咗嚟尖沙咀呢邊諗住我買個新喼去旅行，喺百貨公司行完之後，就碌咗過嚟尖東呢邊，媽媽話想食日本嘢，所以就咁撳吓OpenRice，見到呢間新間主打鐵板燒嘅，佢哋嘅Menu有壽司串燒等等，咁就過咗嚟鰻魚飯呢個係牙仔食嘅，牙仔最鍾意就係鰻魚，呢度勁大條呀😍每一啖都厚厚的，肉質又彈牙，佢哋嘅飯住得比較乾身，所以加埋鰻魚汁都唔會太過漿口。屋企人就唔算太過肚餓，所以就叫咗幾款款壽司：醉酒牡丹蝦壽司 牡丹蝦都算食得多，但係估唔到呢度有醉牡丹蝦，食落淡淡的酒香，牡丹蝦爽口彈牙，鮮味十足。鱈場蟹腳壽司鱈場蟹腳都好鮮甜！仲叫咗肥美嘅大拖羅壽司，但要專心影飯無影😎屋企人覺得唔錯，話遲啲成家一齊過嚟再食過

呢間日本料理店好多元化，有廚師發板、鐵板燒、串燒、壽司刺身、主食、送酒小食及酒類，絕對係豐儉由人餐廳燈光柔和，音樂舒服，以黑色為主調，屬於新派型格嘅日本料理店⛩今次我哋重點係食壽司，可以食到新鮮魚生之餘又食得飽🤣😂🍣鮮帶子帶子厚身爽口鮮甜，配上香氣撲鼻黑松露醬，口腔滿溢鮮香🍣深海池魚深海池魚爽口鮮甜，配埋微辣脆口嘅三星漬，令池魚鮮味更為突出🍣松葉蟹腳松葉蟹腳質感綿滑，配上鮮味濃香蟹膏，絕配🍣活赤貝 師傅即席將活赤貝拍打，使肉質更為爽脆，食落果然爽脆鮮甜，沈上小小芝麻，增添風味🍣牡丹蝦牡丹蝦甜香爽口，所配嘅蝦頭膏濃香惹味🍣鮫鰈魚火炙裙邊鮫鰈魚本身比較清淡，但配上火炙過嘅裙邊，油脂香氣四溢，充滿口腔🍣火炙左口魚邊香脆紫菜包住火炙過嘅左口魚邊，油脂滿溢，並配上清爽柚子胡椒，可減低油膩感，同時又香氣倍增🍣大拖羅腦天火炙過嘅腦天肉質柔軟而且香氣四溢，加埋大拖羅油脂滿瀉，不過師傅巧妙地加咗大葉，平衡返個油膩感，同時又有黑魚子及脆魚薄片，增加口感之餘又不失平衡🍣三文魚籽醬油漬醬油漬過嘅三文魚籽，唔會滑潺潺，爆珠質感鹹鮮非常🍣迷你魚生海膽丼細細兜裏面已經有海膽、拖羅蓉及醬油漬魚生，豐富新鮮，飯質亦軟綿

大佬有時見完客都會搵吓附近有咩好～ 尖東成日都會有啲高質嘅食店，今日就到大佬嚟鱘昧尋下有咩好味～ 呢度有鐵板燒、Omakase、串燒類散叫都得，午市都有幾款Lunch Set A4宮崎和牛薄燒嚟自宮崎嘅A4和牛，差唔多係入口即溶😎炙燒過就更香口，食完成口都係滿滿嘅牛油香七里香咸香嘅代表～ 雖然唔係個個都接受到，但係呢個雞屁股係燒得嘅香口同埋出色～ 蒲燒鰻魚飯食完串燒同埋和牛之後，終於到我期待已久嘅鰻魚飯登場～ 超大件又厚肉。燒到微焦香氣十足，加埋鰻魚汁用嚟送飯一流下次真係可以嚟試吓佢哋嘅鐵板燒

鱘昧  Takarateppanyaki尖沙咀新開嘅日本餐廳真係多到眼花撩亂，今次咁啱去到尖東附近，見到呢間裝修日式風格嘅鐵板燒餐廳就入去試吓啦！金目鯛壽司金目鯛入口質地，非常鮮嫩，配埋米飯香味，食落口感豐富，層次感十足火炙左口魚夀司火炙過既左口魚，燒得恰到好處，燒到表面金黃色，好吸引，食落仲有少少油脂散發出泥tim! A4宮崎和牛厚燒泥到鐵板燒餐廳，又點可以唔試下鐵板燒呢!! 今次叫左和牛厚燒，和牛未燒前見到油脂分布得好靚，燒完食落肉質仲好有咬口，牛味仲好濃tim!

星期五夜晚都成日想同朋友去間餐廳可以傾下計relax下，見到呢間係尖沙咀既日本菜都唔錯👍🏼裝修都好似幾有風格就去左試試-個人嗌左3款食物2個女仔share，因為志在傾計都食唔得多，所以concern都會係食物質素同環境多啲🏮而呢到都無令我地失望-牛肉火鍋🐮蜜柑鯛薄切🐠雜錦天婦羅🍤-個人最中意天婦羅😍因為佢係即炸，而炸醬食得出唔係普通，而係有用心調過👍🏼真係食得出分別，一件接一件都完全無問題-下次黎會想係晏晝，因為都見到佢地午市套餐好抵食，特別係仲有Teppanyaki等廚市發辦Set，價位都好合理，值得一試！🤩

尖東呢頭最近新開左間teppanyaki x omakase日式餐廳，有鐵板燒又有omakase，一次過可以滿足曬兩個願望🤭😍成日都full booking，所以最好預先book定先！大拖羅：個拖羅好肥美，淨係眼見都已經佈滿精緻的魚油花紋，食落真係入口即溶！象拔蚌：食落飽滿多肉，淡淡海水味而又唔會腥，口感爽脆，味道鮮甜，保證一試上癮！三文魚籽味增醬深海池魚：刺身切得好薄，好考師傅嘅刀工，好新鮮，魚味濃郁，連埋三文魚籽點綴起佢既鮮味，好正！黑魚子海膽壽司：海膽上面點綴以黑魚子，食落好立體咁展現出層次分明既極品😍海膽味道好濃郁，配埋原汁原味既黑魚子，好鮮甜鐵板宮崎A4和牛厚燒：厚燒和牛油脂分布非常豐富，食落肉質有咬口之餘勁軟綿 ，食落唔會太油膩！好讚！

🐟鱘昧 (尖沙咀)終於挨到月尾，出糧就當然要好好慰勞自己，而我自己就中意趁住收工，去探索一下氣氛好食物質素又高既日本fine dining🍶享受下自己一個既時間。因為自己都食唔到多，唯有食精不食量🦞果然我做既決定係正確🤩揀哂自己既favourite先真正慰勞自己🥰。因為係Teppanyaki店，所以基本上全部都係師傅收到order就即叫即整🔥而食材方面都唔需要擔心，全部都好新鮮。🐒燒羊架💰$108火喉拿捏得好好，師傅都有問想大概幾成熟，我覺得around 7成就岩岩好✅羊味足都好嫩。🐒鐵板澳洲龍蝦💰$時價雖然價錢係貴啲，但可以話係完全值得，因為見到成個烹調過程，而龍蝦肉質彈牙亦十分鮮甜💦。🐒大拖赤身刺身手卷💰$120最後緊係用我最愛既拖羅收尾🥰依家諗翻都回味無窮🐟個種肥美同入口即溶真係得大拖赤身先做到呢個效果

呢日去左尖東 見到呢間日式鐵板燒餐廳餐廳環境好有日本感覺 餐廳以黑色為主調設有不同用餐區域 裝修型格時尚😎還有日本擺設 營造係日本🇯🇵既感覺仿如置身於日本餐廳之中🤩 餐廳主打日式鐵板燒 亦有單點及omakase選擇📍鱘昧 (尖沙咀)尖沙咀科學館道14號新文華中心1樓155-156號舖🍛 日式咖喱豬扒飯選用日式咖喱汁 咖喱味香濃味道調得好好 非常惹味配料都幾豐富 有紅蘿蔔 洋蔥 馬鈴薯等吉列豬扒上桌熱辣辣的 炸得香脆可口肉質偏瘦 但食落唔乾身 口感淋 肉質嫩咖喱汁撈飯 食得好滋味😋👅燒牛舌牛舌都幾厚 燒得外層微微焦脆 肉質煙韌又夠軟淋 牛味濃很香口 加咗少少海鹽 同埋黑椒調味非常好味🤤

呢日經過尖東，見到新開咗呢間日本餐廳，主打鐵板燒、廚師發板及串燒等等，原來中午仲有Lunch set, 同埋幾抵食添👐🏻🍛日式咖喱豬扒定食 $108套餐附有：前菜、茶碗蒸、吸物、甜品猪扒🥩新鮮即炸，再淋上日式咖喱汁，而個咖喱汁入面仲有薯仔🥔、青椒🫑及紅蘿蔔🥕，猪扒食落去依然香脆，炸粉好薄，肉質又彈牙，配埋個咖喱汁真係一流😋讚下個麵豉湯先，好夠熱，咸度又適中，飲落好舒服🤗前菜、茶碗蒸同埋甜品都幾好，不過唔記得影相整體嚟講，環境舒服，又型格！食物都幾有質素，下次想試下佢嘅鐵板燒😍

.呢間日本餐廳位於尖沙咀嘅新文華中心 嘢食相當唔錯 值得推介.鐵板 馬友魚 8/10經過鐵板燒過嘅馬友魚真係特別香👍🏻👍🏻 魚肉非常香滑✨ 而且條魚燒過之後 魚油非常豐富 亦都令到成嚿魚更香.爐端燒雞皮蝦串 8.5/10用雞皮🐓包住又彈牙又爽口嘅蝦🦐 雞皮燒到非常香脆 一擺入口 就食到勁香雞皮嘅油脂味 同埋本身就好薄 所以燒完好脆口✨✨ 裡面嘅蝦肉非常爽口又彈牙 加埋雞皮嘅香味非常獨特.爐端燒雞頸串 8.5/10 唔係好多間舖頭有得食燒雞頸肉😌 見到有得食燒雞頸肉即刻試吓😂 🐷豬頸肉平時就食得多 原來雞頸肉都可以咁好食 非常可口✨ 師傅仲話每一隻雞唔係好多雞頸肉 所以一串雞頸肉可能要用到幾隻雞嘅雞頸😯😯.呢間日本餐廳真係一個好好嘅選擇 大家想去慶祝生日 或者同朋友聚下舊都非常合適 ✨