鯛魚魚湯專門店 (已結業)

好鍾意飲湯嘅我，突登搵有湯嘅地方試下！之前已經鎖定咗要呢間餐廳，今日終於黎試下啦～今晚叫咗兩款嘢，當然係試推介食品：鮑魚花膠魚肚湯飯 及 鯛魚片羽衣烏冬先講講個湯飯，比起烏冬，湯飯的湯比較濃，可能因為有火熱著，所以感覺比較良好！鮑魚好夠味，但真係食唔出係咪自家煮的，花膠好大嚿，但覺得有點硬，魚肚厚身吸味，唔錯！整體唔錯，但比個建議，就係脆米方面，預先放下的脆米都淋晒，如果可以用小碟另上會比較好點，等再熱點時先放下，感覺會更好！鯛魚片羽衣烏冬，湯係好味的，但唔夠濃～調魚唔係全熟，啱啱好，這個超讚羽衣烏冬有點似刀削麵，好易淋，但都ok的！整體係唔錯的，唔怕魚腥的人一定會鍾意的！不妨可試試

屈小姐Training既第2日，又要搵野食啦，lunch之前不停問Mr.O!考慮番唔同既因素之後(冇咁肥😂😂), 最後決定左食呢一間!都知道會多人嫁啦，所以好早去定，已經1點前到，都要等15分鐘左右! 舖頭其實細細，人多起上黎，其實都幾嘈...屈小姐今次order左鯛魚片魚湯手打烏冬，佢既評分係4星，詳情如下:1) 魚湯 : 好濃既魚味，湯比較清，有啲啲鯹，不過中意食魚嘅屈小姐接受到，初初食1，2啖都覺得幾好味既，但食得耐味道就比較單調…佢唔似其他魚湯舖咁加左胡椒/薑，味道欠缺左層次，但如果鍾意食魚既，會好鍾意2) 鯛魚片 : 好滑，完全無骨，啖啖肉! 好好食!煮既火候控制得好好唔算好重魚味，但唔鯹3) 手打烏冬 : 同一般既日本烏冬差唔多，都好食既，中中庭庭，夾個魚湯既4) 配菜有好多 : 木耳絲，椰菜絲，豆卜絲等等，加強左碗烏冬既口感，同時令個烏冬變得豐富但整體而言，佢個魚湯比生記同添記都欠缺層次，而性價比較上述2間低，對慳家嘅賴生同屈小姐尼講，除非係果度附近做野又好想食魚湯（又或者唔想食咁肥），如果唔係都未必會專登入去食

今日lunch同同事黎左呢間魚湯專門店叫左個生蠔泡飯 $78生蠔泡飯評分：3/5以鯛魚製成既魚湯, 一上枱魚湯既味充斥住魚湯唔算太濃飲落好清甜, d蠔都幾新鮮食落幾香魚湯配埋飯食的確唔錯！奶茶好香滑而且飲落唔hi口呢道價錢屬中價, 最貴既差唔多要$150, 得閒食一次都ok ge

筆者本來不愛喝湯，因為坊間太多味精湯，令人愈來愈渴。但這兒的鯛魚湯果然名不虛傳，鮮甜而沒有一般魚湯的油膩感，令人一喝而盡點了廣島生蠔配手打烏冬 $68生蠔份量只有兩隻，但肥美沒有腥味，尚可接受。配菜豐富，各種菜絲口感清爽，增加成品的層次感，最欣賞吸滿魚湯的油揚絲 ( 豆卜絲 )，入口魚湯四溢至於手打烏冬口感彈牙，幸好沒被好奇心驅使點像河粉的羽衣烏冬，相信手打烏冬的質感與魚湯較為匹配。雖然小店地理位置不方便，但食物水準不錯，定價合理，相信仍會吸引區外客到訪，加油！

平時好少出街食飯，但係呢一間鯛魚令我黎咗三次第一次，抱住試新野嘅心態，點咗個我未聽過嘅羽衣烏冬配煎餃子，雖然麵嘅質地真係腍咗啲啲，但係個湯又真係幾正嘅第二次黎，點咗個鮑魚花膠湯泡飯［真心推介］$98，入面有二隻鮑魚，四條花膠 （當然唔係四隻啦～ XD), 但係隻花膠真係好入味好有膠質，鮑魚都好入味好腍～ 埋單果陣先發現原來係唔使加一！ 同場其實我偷食咗人地隻魚肚XD! 都係咁入味.... （偷食冇影相！）第三次再同屋企人黎食～ 今次都係鍾情鮑魚花膠，不過今次揀手打烏冬（唔係羽衣喇～），真係彈牙好多，保持到水準喎！哎呀！其實我應該認真啲影呢份吉列豬扒餐，因為真係好厚（目測最少有1.5cm厚，可能有2cm 添！）食入口唔會油淋淋，都值得推介架！嗯..... 我覺得自己會去第4、5、6....次～

呢篇係我第一篇食評。平時都無打開食評我真係好鍾意食所以成日上OPENRICE搵好野食今次真係忍唔住要開心些牙 要極力推薦先得之前LUNCH成日經過鯛魚魚湯專門店門口都好多人 食飯時間比較短 所以成日都食唔到 難得OT完又無約人情況下同孕婦同事2個人去鯛魚試試去到唔洗等位個場都將近坐滿一入到去門口個店員就即刻帶位由於我地2個有選擇困難症 我地諗左一陣 店員完全無唔耐煩仲好熱情介紹我地2個人叫左2個主食加一個小食日本帶子烏冬有2種烏冬可以選擇手打烏冬 或 雨衣烏冬我地揀左雨衣烏冬 因為未食過個名又好特別口感有D似河粉 外型好似闊條麵唔錯唔錯鮑魚花膠魚肚湯飯超有誠意 勁大碗 好足料 我地2個完全食唔晒奶白色既魚湯一D都唔腥 孕婦同事仲食到LAM LAM脷TIM呢個湯飯真係無得輸下次仲可以翻兜XDD店員服務態度真係好好個飯一黎到叫我地快D襯熱食因為凍左個湯會"張"住 變腥會唔好食佢地仲會一直留意我地個火有無熄到見個火一熄就即刻幫我地再加D啫喱(?)落去繼續開火KEEP住個溫度真係勁貼心蒜片牛粒牛肉一D都唔難咬好鬆軟 勁惹味牛肉粒加蒜片一齊放入口真係好好食側邊仲有個沙律伴碟係胡麻醬都幾好食 一D

新野喎, 搵埋吃貨同事去試下先!太古坊附近既餐廳間間都細細間, 鯛魚都唔例外, 檯貼檯, 大隻少少, 行入去都會掃冧隔離檯既menu. 打開menu, 嘩! 見到個鮑魚花膠魚湯烏冬/泡飯, 好似好補身甘, 但百零蚊又鮑魚又花膠, 其實都抵食........不過食個lunch啫, 都係揀番D平實食物.我地都揀左海鮮類食, 隊長叫左個象拔蚌, 貪出面少見到, 其餘2位就叫左八爪魚同海蝦. 至於烏冬都有2款揀, 一款叫羽衣烏冬, 侍應話好似闊身河粉甘, 另一款就係手打烏冬, 3個都貪新鮮, 3個都叫左羽衣烏冬. 首先黎左隊長既象拔蚌烏冬, 話明魚湯專門店, 先嚐一口魚湯........入口都幾大陣魚腥味, 如果怕魚腥既人要諗諗, 隊長就OK既, 同埋魚湯都無乜落到大量胡椒粉/7味粉去闢魚腥咪, 食完都無話好口渴, 即係味精唔多啦~ 再試下舊象拔蚌.......嗯! 都彈牙, 不過無味既!? 有點似食緊無味既蒟蒻.最後試埋個羽衣烏冬.........真係烏冬嗎? 我覺得似食河粉, 無烏冬既感覺, 早知叫手打烏冬~至於同事既八爪魚同海蝦都OK新鮮, 2碗都擺得靚靚上檯, 味道就同象拔蚌果碗差唔

完全唔掂, 嗌錯number攪到我哋一行6人30幾度下呆等成45分鐘, 入去坐底後再要我哋再我等位都算, 但佢哋竟然老點我哋另一張6人檯好快得, 結果我哋出門口再等咗10分鐘, 之後竟然都要我哋6個人分開坐, 仲要講到比呢個counter offer係好皇恩浩蕩咁! 個好似話得事嘅男人係成件事嘅過程中仲要口口聲聲話lunch time係咁, 半點唔好意思都冇, 全程冇同我哋講過一句唔好意思, 好似係我哋嘅問題咁! 但其實如果唔係佢哋嗌錯number兼唔識安撫客人不滿樓根本就唔會發生咁多事! 佢哋竟然好意思叫人客要尊重佢哋? 至於最重要嘅一環: 食物質素亦好一般, 咩雨衣烏冬懶特別但其實非常麻麻, 花膠烏冬超腥, 炸豬扒就得個炸字, 啲肉勁老勁又鞋而且超乾! 店內亦冷氣不足, 食到我哋個個出曬汗, 完全唔明點解咁多人排隊~ 可以解釋嘅應該就係鰂魚涌嘅lunch time實在太難搵食! 只此一次, 打死冇encore!

這是我第一篇食評。我自認十分喜歡美食，也對食物有很高的要求。我喜歡到不同的餐廳試食，但因為工作十分忙碌，所以一直沒有寫食評。今天，我被經理蔣先生感動了。我十分喜歡魚湯，但鰂魚涌沒有什麼好的魚湯食店，直到一天無意中在Open Rice 看到鯛魚魚湯專門店，一直很想去試試，今天終於有機會了。我點了花膠魚肚手打烏冬（可選手打烏冬、羽衣烏冬或素麵)。上桌時，麵的賣相十分吸引，配菜有黃菜絲，小棠菜絲，什菌絲，木耳絲，京葱，油掦絲和海草。湯底呈奶白色，入口魚鮮香味很濃，喝後嘴邊有黏口的感覺👍🏻，而且沒有味精。魚肚用鮑魚汁煮過，但我比較喜歡魚肚自然的鮮味，花膠軟硬適中，配合魚湯十分匹配，手打烏冬口感很彈牙。由於事前我沒有打算寫食評，所以沒有拍照。吃完麵後，店員問我覺得食物如何，我把我的想法告訴他們，其中一人原來是經理，他告訴我如何為了近合客人的口味不停改進，我真的十分感動！今時今日有這樣的服務態度，真的要比十個like 你們！👍🏻😊整體而言，這間餐廳不論是食物或是服務態度，我都給90%你們！後記：經理帶我去廚房看他們的湯，真材實料！

Fish Trips & Fish Maw with Udon | 花膠魚肚烏冬.一間以鯛魚湯作招徠的餐廳😋 自己是個湯怪 所有湯都不放過😍 喝第一口魚湯是覺得頗有鮮味 不過愈喝就愈覺得淡味😔 花膠和魚肚味道本身好😚 烏冬有幾款可以選擇 我就選了羽衣烏冬😆 賣相好像闊條麵 但好可惜的是煮的有點淋 而且麵條沒散開 一條條搭住 這種麵如果煮得好 應該會好煙韌好好食的😭

聽食之戰友說，在她公司附近開了一間新店子，以鯛魚魚湯作招來，而且用了鮑魚、花膠等上乘的食材，實在太吸引了，放工去轉北角一齊試下。小小的店子，日式的格局，擺放了日本娃娃及天狗面具，有傳統和風之感，不過坐位有點擠迫。主打烏冬及湯飯。附送的熱奶茶，難得日式店子包飲品，味道正常水準。鮑魚花膠湯飯，$98。爐火底座保溫，十分窩心。有鮑魚、花膠的湯飯，賣相十分奢侈。奶白色鯛魚魚湯底，味道濃香鮮甜，以珍珠米製造出來的湯飯，飯粒較有咬口而且入味，有木魚、木耳絲、小棠菜絲等作配料，口感十分豐富，鮑魚味道清甜，花膠吸收了魚湯的精華，味道鮮甜又爽口，都幾好味呀，不過食食下有少少鹹。花膠魚肚烏冬，$88，戰友的。大家好奇甚麼是羽衣烏冬，於是點了，賣相好似河粉，比河粉還要闊少許，口感比較結實，攜點韌，有點似刀削麵呀。十分足料的湯飯，鯛魚魚湯幾好味呀。

下午2點先食Lunch, 人終於較少。既然來到鯛魚魚湯專門店，當然簡鯛魚魚湯烏冬啦配上開邊蝦2隻 （$68）鯛魚魚湯呈奶白色，湯底唔算腥，濃厚魚湯浸住煙韌有口感既烏冬，烏冬浸係魚湯中更加滑嘟嘟，有點黏口。蝦細心地開邊，因此唔洗自已落手落腳meet蝦，蝦肉帶點鮮甜。但唯一不足是，因烏冬無跟野飲，所以想問店員拎杯水，但都無而且食完覺得有d口渴。

最近公司附近開左間主打鯛魚湯的日式餐廳，同事食過一致好評. 所以我選擇放工後約男友拍拖去試試.我地約6:20pm到達，由於時間尚早，未有太多客人. 起初睇鋪面以為入面會好細，其實唔係. 座位相當充裕，而且坐得舒服.嚟呢度當然要試佢地既鯛魚湯，我地叫左鯛魚湯飯同日本帶子羽衣烏冬. 2:30pm後包一杯熱飲，點左熱檸水同好似幾特別的蒸餾竹炭咖啡.等候過程中，或者因為唔太忙既關係，職員會主動問食客對食物的意見(例：d野食ok 嗎/魚湯岩唔岩飲), 可見誠意.竹炭咖啡先上，應該加左奶，所以上枱時只配啡糖. 聞落唔太香，入口唔加糖亦唔太苦，普普通通. 食物方面，餐廳來貨大部分由日本入口. Presentation上，我個烏冬就正正常常，反而個湯飯有驚喜，上枱時會有個爐熱住，令湯飯保持熱度，食落無咁腥，確係幾窩心.味道上，鯛魚湯呈奶白色，充滿濃厚的鮮魚味，對我嚟講有少許腥，飲得出無加味精(本人對味精比較敏感). 縱然自己本身對魚好感不大，我差唔多飲哂成碗建議趁熱飲，凍左會開始變腥.入面有唔少健康的配料(木耳/海草/黃菜同豆卜絲), 羽衣烏冬形狀好似粗河粉，食落幾滑，卻帶點韌度，幾特別. 帶子有兩大

在太古城中心換完戲票，時間尚早，跟蝦子餅漫步往鰂魚涌太古坊附近找地方吃晚飯。走進了鲷魚，原來是新店，只開了二十多天。門外的營業時間牌是魚骨來的，配合魚湯專門店的賣點，明顯花過心思。不可能不試極品鲷魚湯底，所以我跟蝦子餅都點了魚湯烏冬。這是蝦子餅的廣島生蠔烏冬($68)，配菜十分豐富，有小棠菜絲、什菌絲、木耳絲、油揚絲和海苔，令整碗烏冬的營養更加均衡。我點了日本帶子烏冬($68)，選了較少見的羽衣烏冬，店員介紹時說像河粉，不過我覺得比河粉更闊更滑，值得一試。魚湯喝得出是真材實料煲成的，不喜歡魚的朋友可能會覺得有點腥，店主說不敢下太多胡椒等來辟腥，怕魚味會被胡椒等味蓋過。根據店內的介紹，魚湯的製作過程相當繁複，鲷魚要經過焗、炒和餚的程序，時間又要掌握得好，三公斤的魚只能煮出八小碗湯，成本不低。下午2時30分後點烏冬送咖啡或茶，我們點了一杯熱咖啡和一杯熱奶茶。熱咖啡不是普通的咖啡，是蒸餾哈拉竹炭咖啡，散叫的話每杯20元。其實我跟蝦子餅對咖啡認識不多，只知道這杯咖啡很好喝。熱奶茶的水準也不錯。

平時見lunch咁多人，今日放工就入去試一試佢！係門口既時候，見到雜誌都有介紹廣島生蠔羽衣烏冬，平時係出面都未見過呢隻烏冬既！本人喜愛食雞，叫左雞塊唐揚羽衣烏冬試下先！（店員都會解釋一次好似河粉咁）咬落雞塊一啲都唔乾仲要唔會係成舊粉黎既添！個烏冬好滑，真係似河粉既烏冬！個湯真係好好味呀係鮮甜，一啲都唔hea！唔會好似出面啲所謂既魚湯完全無魚味！仲有小小黏口，骨膠原都好重腥味又唔係真係咁重姐，完全無腥味先至懷疑佢係咪真係用魚熬個湯唔好以為佢個沙律係伴碟，都係一個有心機既沙律加埋胡麻醬，清新既感覺埋單既時候店員都會叫你拎粒糖食個口唔會咁黏，又幾體貼架喎