影片
更多
2016-06-09
1226 浏览
最近公司附近開左間主打鯛魚湯的日式餐廳，同事食過一致好評. 所以我選擇放工後約男友拍拖去試試.我地約6:20pm到達，由於時間尚早，未有太多客人. 起初睇鋪面以為入面會好細，其實唔係. 座位相當充裕，而且坐得舒服.嚟呢度當然要試佢地既鯛魚湯，我地叫左鯛魚湯飯同日本帶子羽衣烏冬. 2:30pm後包一杯熱飲，點左熱檸水同好似幾特別的蒸餾竹炭咖啡.等候過程中，或者因為唔太忙既關係，職員會主動問食客對食物的意見(例：d野食ok 嗎/魚湯岩唔岩飲), 可見誠意.竹炭咖啡先上，應該加左奶，所以上枱時只配啡糖. 聞落唔太香，入口唔加糖亦唔太苦，普普通通. 食物方面，餐廳來貨大部分由日本入口. Presentation上，我個烏冬就正正常常，反而個湯飯有驚喜，上枱時會有個爐熱住，令湯飯保持熱度，食落無咁腥，確係幾窩心.味道上，鯛魚湯呈奶白色，充滿濃厚的鮮魚味，對我嚟講有少許腥，飲得出無加味精(本人對味精比較敏感). 縱然自己本身對魚好感不大，我差唔多飲哂成碗建議趁熱飲，凍左會開始變腥.入面有唔少健康的配料(木耳/海草/黃菜同豆卜絲), 羽衣烏冬形狀好似粗河粉，食落幾滑，卻帶點韌度，幾特別. 帶子有兩大
我地約6:20pm到達，由於時間尚早，未有太多客人. 起初睇鋪面以為入面會好細，其實唔係. 座位相當充裕，而且坐得舒服.
嚟呢度當然要試佢地既鯛魚湯，我地叫左鯛魚湯飯同日本帶子羽衣烏冬. 2:30pm後包一杯熱飲，點左熱檸水同好似幾特別的蒸餾竹炭咖啡.
等候過程中，或者因為唔太忙既關係，職員會主動問食客對食物的意見(例：d野食ok 嗎/魚湯岩唔岩飲), 可見誠意.
竹炭咖啡先上，應該加左奶，所以上枱時只配啡糖. 聞落唔太香，入口唔加糖亦唔太苦，普普通通.
食物方面，餐廳來貨大部分由日本入口. Presentation上，我個烏冬就正正常常，反而個湯飯有驚喜，上枱時會有個爐熱住，令湯飯保持熱度，食落無咁腥，確係幾窩心.
$68
47 浏览
0 赞好
0 留言
入面有唔少健康的配料(木耳/海草/黃菜同豆卜絲), 羽衣烏冬形狀好似粗河粉，食落幾滑，卻帶點韌度，幾特別. 帶子有兩大粒，無雪藏味，仲幾鮮，好食.
至於個湯飯，厚切的鯛魚片，無骨啖啖肉，岩哂我，食落幾鮮甜. 飯我就無試，男友話唔錯.
餐廳希望客人食番食物的原始味道，所以佢地唔會主動提供其他調味料(例：七味粉). 枱上放有一小樽鹽，但我覺得唔加都好足夠味.
整體而言，食物味道鮮甜營養高，職員態度友善，仲要唔收加一，食完感覺良好.
充滿誠意的魚湯小店，值得推薦.
张贴
