鮮‧港式串燒吧 (已搬遷) 新店位置

約左好耐既朋友，今晚終於成事，就我方便，於是來到觀塘搵食，搵到呢間串燒，仲有刺身，生蠔，啱使我哋口味🤗價錢偏貴，不過係幾好食嘅，來嘅朋友不防慢慢叫，因為都好快可以出到嚟，太快叫可能會凍左

雖然明知道熱氣,但有誰可以抵得過香口食物的引誘?為於觀塘工業區的鮮,除了有刺身生蠔,還有多種串燒,平時吃串燒很多時都在半室外,又熱又大油煙,但是這裏冷氣夠大,就算是開放式廚房也聞不到油煙。有燒汁,鹽和泰式辣醬。芝士丸超好味,彈牙之餘流心,而牛柳很多汁,點燒汁最夾。茄子很香蒜味,脆肉瓜多汁又爽口。香辣蘑菇,都幾辣,但很多汁很惹味。白鱔,沒想到這麼大一塊,皮脆肉彈牙,回味無窮。燒明太子飯團,外面有飯焦,明太子都算多。豬頸肉,幾爽口,醬汁加分,而且份量比想像中多。魷魚圈,好大一碟!外面炸得超香脆,如果一邊飲酒應該更加嘆!價錢來說也不貴,環境也加了分。

這段日子仍是廢青的生活，但行程密密，總有要到的地方。是日在apm逛商場後，順帶等細佬下班，然後一同來到附近的工廠大廈看看有什麼開倉減價，特別是波鞋，某些更減至一折，非常吸引。逛過去當然要醫下肚子，最後來到駱駝漆這家串燒餐廳。時間尚早呢，故仍有不少吉枱。但用膳環境舒服，整體上菜效率亦高。提供不同種類的串燒，價錢亦合理，每串最平$15起。每人也有三款醬料，不過個人認為食物不沾醬其實味道已足。比較喜歡的是芝士丸/$15，一串有三粒，即點即燒，芝士丸非常彈牙，咬開滿滿芝士爆發，最讚的是灑上的黑椒提味，令整體更好吃。小妹串燒例牌必點的雞軟骨/$15，不過不失，味道是不錯，但軟骨好像燒得不夠火喉，質感偏軟，缺乏嚼勁。相反，這串脆卜卜雞皮/$15，優勝得多。每塊也是份外卜卜脆，而用上的鹽恰到好處，可吃到脆皮風味。鹽燒雞中翼/$22，亦是不錯選擇，非常惹味，而雞肉嫩滑。雙重芝士薄餅/$48，則有待改善，薄餅過硬，加上芝士味不太突出，比較遞色。燒白膳串/$58，可是全晚最值得吃的食物，白膳外脆內軟，單單外皮已感到卜卜脆，但不失原汁原味之感，加上不會太膩，推介！點了兩個飯糰，兩者比較之下，自己較喜歡這個蘑

駱駝漆大廈太多選擇，每日㨂一間食都要d時間先食勻。夜晚想同朋友歇腳吹水，又唔想食咁飽，就走去食串燒，貪佢選擇多價格相宜。剛坐暖店員為每位會附上一份調味醬方便自行配搭口味，由左至右分別是甜豉油、粗鹽及蒜蓉甜醬選揀困難跟廚師推介點菜，先叫芥末凍花螺，用冰鎮方法將海螺凍上，再用豉油提鮮，芥末味唔太出唔會食到攻鼻，夏天食感覺新奇，唔錯既開胃菜。然後例牌會叫既燒墨魚丸同茄子，墨魚丸爽口彈牙，茄子上面則鋪滿蒜蓉，岩哂我呢個蒜蓉怪，但茄子稍嫌切得太薄，比調味料搶哂味，如果係原隻燒茄子我會更開心黑豚肉串可能來貨價貴，所以份量較少，一共4粒，口感較一般豬肉鬆軟，味道唔錯。豬頸肉居然幾大份😳，燒得香口又彈牙，難得選料脂肪唔多唔會太肥膩，沾上特調醬汁別有一翻滋味，對比黑豚肉來講性價比好高，是日重點推薦！蟹鉗食得出係雪藏貨，炸漿略嫌唔夠脆，如果可以炸到似天婦羅就好。咖啡菇反而有驚喜😳一刀切落已經感受到有幾juicy，夾埋舖係上面既芝士煙肉，非常對我口味😋魷魚燒得岩岩好，唔會過熟搞到好似咬橡筋咁，裡面仲好嫩滑，切成細細份方便同friend share，細心位加分👍🏻甜品叫咗個鯛魚燒，開頭以為係熱上，殊不知原來係

第一次晚飯時間食燒物，今次同幾個朋友上咗工廈吹水食串燒以為會食飽唔飽，點知最後飽到行唔郁。依間環境唔錯，地方闊落係個傾計既好地方，裝飾設計簡單，感覺舒服黑松露薄餅 $68味道唔錯，黑松露味道濃郁，亦有好多茹菌焗得亦唔錯，薄餅皮厚而香口厚切牛脷$38 & 黑椒牛根肉$15 & 芝士丸$15牛脷夠曬厚又夠味牛根丸同芝士丸都燒得好好味廚師推介生蠔一打 $420 我最愛既生蠔，新鮮但唔算肥美生蠔種類係每日廚師推介的，除開$35隻，價錢可以接受蒜香雞全翼$25雞翼夠肥美，可惜外皮偏鹹，所以我碌咗皮再食肉，味道濃郁夠味

係觀塘工業區食市臨立 更係去歷史悠久嘅駱駝漆大廈 今晚就去左食一間港式串燒店 朋友話睇過食評都話唔錯咁就去吧 一想起嘆串燒飲杯啤酒 可惜這工廈係無得申請酒牌架 有點失落囉 地方乾淨夠大 坐得舒服坐下女侍應會囉調味三格 分別係辣辣地醬汁 岩鹽同埋醬油 當然除自己喜好點啦 廚師推介 生蠔一打 $420 即叫即開新鮮 幾滴檸汁已好鮮甜 而今次分別係一款澳洲coffin bay同兩款法國生蠔 有驚喜除串燒還可食到新鮮生蠔添 燒雞腎 $25 同牛柳串 $28 醃得入味 偏重味 雞腎爽脆剛剛好 牛柳較乾身燒厚切牛舌 $28一串 燒得外脆金黃有咬口得黎帶點軟熟 讚 牛根丸同芝士丸 各$15串 無失手夠晒惹味炸牛乳蟹肉薯餅 $25 炸得好脆入口爆出像奶油般既牛乳跟蛋黃醬同食更突出 不過真係幾漏唔能夠多食 燒雞全翼 $25 一隻 燒得微焦 脆口雞皮 醃得剛好 即叫即整無得輸 略鹹 燒磨菇雞肉飯團 $28件燒得微焦 入口脆餡料足有磨菇雞肉 夠味不用再加味 燒牛仔骨 $38 一串 牛味重 有咬口 正呀

駱駝漆大廈開左好多店鋪 仲開左唔少食肆 其中有一間見佢幾干淨企理，就貢左入去~ 鮮‧港式串燒吧 入去之前其實都唔太清楚食乜! 見佢又鮮又海鮮咁 HAHA 原來係食串燒~ 工廈地方大，呢度既座位都好闊落 仲有一大個吧頭~ 另一邊仲有一排枱，有隔間，私隱度馬上提高了~ 餐牌有蠔/ 魚生/海鮮拼盤，感覺都幾高檔咁~ 是日又老又嫩，都係唔好食生野啦~ 另一張餐紙就係點串燒的~ 串燒由十幾蚊到幾十蚊都有~ 阿囡家下識字啦，一黎已經係咁劃d xx 丸 xx 丸~@@ 佢既至愛呀～ HAHA 每人都有一個醬汁 (有燒汁/粗鹽/泰式辣汁) 墨魚丸 + 芝心丸~ HKD 15/串 丸燒得幾均勻，有少少焦 但無乜雪味，墨魚丸幾彈牙~ 不過鹽太多，有D咸~ 芝心丸入面好熱的，大家要小心食~ 牛柳串 HKD 28 牛柳基本上無乜調味~ 可以點少少燒汁食 牛柳燒到剛剛好，唔韌, 仲見到有肉汁~ 不過可能摺埋左既關係，中間位無想像中咁熱~ 另一個香芹貢丸 HKD 15 肉丸好彈牙，比平時食的貢丸多份很香的菜味，幾特別呀~ 鵝肝多士 HKD 68 多士大約掌心咁大~ 不過鵝肝燒得唔錯，

本身諗住去bbq 不過天氣唔好取消左上網見到工廈竟然有串燒 一於試一試燒即開生蠔生蠔幾新鮮配上蒜頭辣椒黎燒 相當惹味 不過都幾辣下 唔食得辣既人未必食到燒白鱔串好厚肉好彈牙 燒得岩岩好 唔會太老墨汁墨魚腸有啲似台灣既香腸 外皮甜甜地 咬落去有陣特別既香味厚切牛脷好juicy好淋 燒得好香 即刻再encore燒聖子王唔係太新鮮 叫多兩隻燒蠔好過羊架唔夠騷煙肉芝士大蘑菇一切開啲汁即流晒出嚟 非常juicy不過啲芝士唔係太香 冇咩芝士味綿花糖薄餅開頭以為係pizza個種薄餅 點知係印度薄餅有啲格格不入 仲有腐乳雞串好伏 腐乳同雞一啲都唔夾

今日中午去咗你哋度食咗個【竹】餐，內容只有一條脆皮腸，一隻荷包蛋，兩隻雞中翼，一碟螺肉，一碗潮州紫菜湯，一碗白飯，買相比學校飯堂更『頹』，居然收$68，甜品係一粒維記雪米糍，不過個外皮已變成一粒粒散開，雪糕又無乜味，唔知閣下知唔知松、竹、梅點分？呢個頹飯居然係竹？今日得三枱客，居然送餐都會錯，坐滿咪大件事？（不過應該無呢個機會）

在觀塘工廈很有多食店，觀塘區工作或住的都會有所聞，工廈中吃燒烤還是首次聽聞，所以友人邀約一同去嚐，非常地樂意。來到店的單位，門前放著餐牌，可供大家選擇，為此作招萊，非常不錯。門前的擺設，雖不算特別，卻給人舒適的感覺。枱椅整齊的排列著，也非常不錯。大家坐下，要的飲品不是啤酒或是汽水，有一位朋友則叫了一杯水果花茶。水果花茶，內有火龍果及西瓜等，朋友說是茉莉花茶，沒什麼甜味的，由於是凍飲，茉莉花茶個人還是愛熱飲，所以最好還只是一杯清水罷了。先來個燒大蜆，每隻大小相等，可見蜆肉也不小份量，非常的吸引，同是配上燒豬頸肉的醬汁，還是愛原汁原味。打開蜆殼，蜆肉非常之多，也有點點的香味，入口鮮甜，口感非常好。再來的是芥茉凍花螺，花螺凍食，還是首次品嚐。付上的小叉，用以方便食用，非常細心，花螺雖不算大，但肉質看來很有不錯，入口帶點酒香，非常特別的吃法。再送上一打廚師推介生蠔，看到如此新鮮的生蠔，除了拍攝，就急不及待要吃，沒理會是出於何產地。蠔香，蠔肉比海鮮盤的更為香濃，海水味更重，大家都讚不絕口。不知何時送上一碟，香辣磨菇，蒜香濃郁，去除了磨菇的草腥味，令磨菇非常香口。煙肉芝士大蘑菇，煙肉芝士配合著，除

我係一個從來唔會寫食評，唔會係網上留言嘅人，但係今次專登開account招呼佢，希望其他人唔好再中伏。四個人，食咗$1100，重點係食完頭輪即走，因為覺得食咗空氣，仲要係唔好食嘅空氣。啲所謂大蜆，全部都係沙，指甲咁大隻。阿拉斯加蟹腳，呢個堅，$200，1/8隻腳唔知有冇，再斬開4份，賣相似食剩，如果係澳門食自助餐，呢啲係唔食嘅部分。和牛一塊$288，質量同份量都同大家樂早餐差唔多。再加一。所有野叫之前我唔知價錢，老婆叫，睇到份量，食埋知道質量後完全呆Q咗。即刻埋單cut loss 去apm 食過。講質量，4/10分，講份量，4人食飽$4000唔知埋唔埋到單。

相约朋友在觀塘工業區拍照，忙了整個下午也拍不到滿意的作品，唯有在附近找地方擦餐勁嘅安慰下自己，開源道駱駝漆三座由來已經非常商業化，各式商店食肆林立，我們由六樓巡至五樓看到這間鮮.港式串燒吧看來環境寛倘舒適，即時坐下醫肚，看到許多不同的生蠔及刺身併盤，龍蝦聖子鮑魚等應有盡有，由於早前剛吃過生蠔刺身，這晚便嘗嘗燒烤吧!燒羊架口感軟屬，火路剛好，保存肉汁豐富，羊香味濃。蒜香雞全亦雞皮燒得香脆，肉質幼滑。燒亜拉斯加蟹腳干燒效果突出蟹香，連蟹殼都燒得像虾片一様香脆。煙肉芝士大蘑菇燒得金黄厚厚的芝士蓋着大大隻的蘑菇，滿載着美味煙肉的肉汁。燒南非鮑魚新鮮彈牙，蟹籽蒜蓉提升了鮑魚的鮮味。厚切牛脷串牛味十足，出奇地非常爽口，沒有那種死實實的感覺，不能錯過。燒鰻魚賣相吸引，魚皮燒得香脆，大大舊的鰻魚咬落去非常痛快，好似脆肉鯇咁結實，又多汁。燒活魚自制的甜酸醬汁非常醒胃，新鮮活魚少骨多肉。鵝干多士份量適中的鵝肝，烘着小塊的多士比例正好，讓烘乾的多士和多汁的鵝肝在口裏不停咀嚼着，真不捨得把它們呑下。英國有機朱古力炭燒啤酒燒烤配啤酒，這個手工啤酒不但不苦，口感滑溜復習，淡淡的朱古力炭燒香味倍添層次，一嘗即愛上。

係觀塘返工既朋友話出黎 Happy Friday, 但我話唔想去中環或尖沙咀同人逼, 友人即說佢公司附近既工廈又有啤酒飲又有串燒小食食, 甘好啦, 我即刻彈出黎...肥妹總是低擋不到誘惑的, 哈哈~~餐廳以簡約裝修, 沒特別花巧, 不竟係工廈大樓, 位與位之間有空間感, 又沒有拘束, 份外寫意同休閒~~估不到小小一間工廈餐廳, 但食物選擇如此多, 絕對係有驚喜的~~厚切牛脷串         HK$38 /每串厚切牛脷牛味特濃, 食落又夠爽脆多汁, 上面既調味粉令牛脷更加惹味~~燒白鱔串      HK$58/每串呢度最好食一定係白鱔, 真係必食之選, 白鱔夠厚身, 燒得夠香口又無燒焦, 肉質鮮嫩又彈牙, 最重要係絕無燒乾問題, 肉身仍然好Juicy又唔油膩, 係會令人再追加的, 正~~燒大蜆            HK$45/份燒大蜆就係最經濟之選, 只係HK$45蚊就有甘大份, 差不多有成二十隻, 我習慣海鮮原汁原味食的, 不沾醬油, 超級鮮甜, 好食呀~~燒即開生蠔      HK$45/隻作為一個海鮮控, 又點少得叫燒蠔呢? 嘩, 上枱超吸晴, 有我手掌甘大, 堅足料喎!! 蠔

九龍東工作的朋友們提議來工廠區開飯, 人多怕嘈到隔離檯的人客, 所以特選了有房間的餐廳, 隔音之餘又帶私隱度人多意見多, 有人想吃燒物, 有人又想吃海鮮呢度就可以滿足到佢地, 是晚七點多來到, 坐坐下都爆場點菜呢D重大任務, 當然交由識食的朋友啦我就先點一杯花果茶, 來到都真係幾大杯, 入面仲有好多大舊鮮果當中有一大個茶包, 是茉莉花茶香味, 沒加糖水, 冰凍的花果茶, 啱哂一陣吃的燒物, 可以下下火嘛吹咗一陣水之後, 食物陸續上檯先來豬頸肉, 唔會燒到好乾, 都仲有肉汁附上的有點微辣的, 像泰式醬, 但又無咁刺激燒大蜆隻隻都有份量, 粒肉都唔細架唔使加調味, 就咁食都食到蜆既鮮味~燒物, 當然不少得鹽燒雞中翼燒阿拉斯加蟹腳大大隻, 啖啖肉, 已經分了一半, 食得容易不過可惜有點乾身, 蟹本身的肉汁也不見了另外想食原汁原味, 更鮮甜唔燒的海鮮, 朋友們點了廚師海鮮盤入面有多款海鮮: 1隻法國藍龍蝦, 半打生蠔, 3隻阿拉斯加蟹腳, 4隻車厘蜆, 3隻南非鮑魚, 3隻聖子王及海螺單看個盤已經很開心, 不過當天個胃唔太舒服, 所以只吃了少許龍蝦, 龍蝦已切粒再加入沙律, 彈牙又易食鮑魚亦唔

觀塘的工廈向來都是美食天堂，剛好今天有事要到觀塘，便順道去觀塘的工廈區尋找美食!是日想食串燒，所以去了位於APM傍邊駱駝漆大廈的鮮.港式串燒吧 。餐廳環境餐廳環境企理，用心佈置，一點也沒有工廈殘舊的感覺，進入餐廳要先經過水吧才到裡面的雅坐。廚房則是使用開放式的設計，但緯餐中完全沒有任何油煙味，在抽油煙方邊做得不錯。明太子飯團明太子飯團是貪新鮮而點的，因為未見過有燒飯團，所以有點好奇。明太子飯團味道咸咸辣辣，非常惹味，飯團在燒製後帶點飯焦，變得有咬感，沙律醬和飯團的味道很夾，也能減少飯團燒過後乾身的感覺，讓人十分驚喜。鹽燒雞中亦鹽燒雞中亦燒得外脆內軟，外皮燒製得香脆又能保持內裡鮮嫩的肉質，雞中亦以海海監作調味，吃的時候加上少許的檸檬汁點聚，簡單而美味。粟米粟米是我的最愛，粟米外皮燒至微脆，鮮甜多汁，粟米經燒製後使自身的甜度提升了，味道更為可口。秋葵秋葵經燒製後能保持外層的爽口和內裡的黏性，把秋葵的獨特口感原汁原味的保留下來，秋葵只用海鹽作簡單的調味，保留原有的味道，非常清新。冬菇冬菇配上適當的調味，燒製後使菇味更濃郁，冬菇肉非常爽口也能夠保持冬菇裡水份。粒粒墨魚丸墨魚丸經燒製後外皮帶有點