鮮入圍煮 (已搬遷) 新店位置

好大非常好味，花膠湯很鮮甜，材料都很新鮮，最後的菜苗都會好吃，牛肉也好吃，海鮮也新鮮。環境也比較乾淨，是模仿大排檔形式，很有特色。就是我們不知道要提前預訂湯，所有去到花膠整雞湯沒有了，只有雞件湯了，還好也很好吃，湯一定要提前喝，之後再加的湯濃度就沒那麼高了

成日係openrice見到，冇諗過原來就係喺旺角呢度，大排檔街市做主題都好吸引～係openrice成日講嘅花膠雞湯底＄238細鍋，啲雞肉好嫰滑，但係唔知點解d花膠好似成日食到沙～牛肉都好有口感好有鮮味！！牛柏葉都新鮮爽口！！值得讚嘅係有我最鍾意嘅芫荽同皇帝菜，兩樣唔係間間火鍋店都有得食～響鈴就好失望，唔係即叫即炸，唔脆口，已漏氣～魚滑都OK～今次我同朋友因為胃痛已經留手唔係食得好多，但係冇諗過平時食得少野但係埋單都要＄800咁貴～ 仲要係佢有好多海鮮做街市主題，唔平，但係竟然要現金賣單，冇得碌卡，如果真係食好多海鮮嘅，唔通真係要帶好多現金去俾錢咩～

天氣終於轉涼，今天小學同學聚會，最好不過是打邊爐了！地點選擇旺角就最為方便。位於登打士街的鮮入圍煮，是朋友推薦的，還叮囑我一定要試那個花膠雞湯。醬料方面，有生蒜，炸蒜，辣椒，蔥及豉油。如果可以有麻醬更好！原隻鮮雞燉花膠湯 ($238)：鮮黃色的雞湯，十分濃郁，有半隻雞的份量，雞肉十分軟嫩。而花膠的份量亦都不少，食極都仲有，我們先喝了幾碗雞湯，味道真是平時喝到的鮮雞湯，不是某牌子的雞涉，或是一些溝了很多水的清雞湯。另外，加湯的時候都是會加入雞湯，完全不用擔心，可以喝多幾碗花膠雞湯先再打邊爐。桶蠔 ($138)：一客有五隻，份量雖少，但蠔的體積十分大隻。滾完撈起的時候依然十分大隻，沒有太過縮水，非常肥美而且鮮味。花甲王 ($58)：花甲王的份量比想像的多，每隻大小均等，非常新鮮，味道清甜。馬貝 ($58)：馬貝的體積比花甲王大更多，已經預先切好，有十幾片，亦算厚身，不算切得太薄，口感十分爽口，比花甲王更加鮮味。海膽包心丸 ($28)：外型獨特，顏色鮮黃色，一定唔會搞錯做其他丸，內裡的餡料味道不錯。辣椒牛丸 ($28)：口感彈牙，微辣，十分惹味，牛肉味濃郁。魚旦皮小籠包 ($28)：用竹籠裝

作為一個邊爐holic，呢間火鍋想試咗好耐，標榜懷舊街市買餸打邊爐，好似好得意咁。今日一大伙人上嚟食，book枱嗰陣話只收cash，閒閒地一枱都食過千，唔明點解連碌卡嗰少少手續費都慳返，要㩒定巨款上嚟畀錢。果然期望越大，失望越大。所謂即場買餸，只限（貴價）海鮮，其實同酒樓有咩分別？價錢方面相當貴，叫咗個豬肚胡椒雞湯，盛惠$288，六個人一齊食，埋單平均每人$400。裝潢亦係街市style，名則懷舊，實為慳皮。摺枱摺凳，即棄枱布，環境又逼，不如真係去熟食中心打。

在旺角打邊爐，大多數都是光顧那些連鎖式及有時間限制的火鍋店。今次朋友帶了我去一間位於旺角柏裕中心對面的樓上火鍋店，平時真的不為意它的存在。餐廳內的裝潢十分特別，有點舊式街市的味道，令人回味的回憶，環境也不會太焗緊。最吸引我的是那個佈置得十分逼真的海鮮檔。朋友之前已預訂了這裡最出名的原隻鮮雞燉花膠湯($238)。如果不預先訂好，有機會即場點不到這個湯底。一看到個火鍋湯底，已經看得出非常濃郁，細味下真是平時吃到的雞湯味道，雞肉又滑又鮮味，而花膠的份量都非常多。火鍋材料未到，已經不經意喝了幾碗。喝完才擔心唔夠湯，是否要加入清湯，原來是會再倒入雞湯！非常貼心的服務！手切安格斯牛肉($158)：一大份安格斯牛肉放在冰盆上，即叫即切，每一片的脂肪分佈平均，稍為放在湯裡，等一下再夾上，口感嫩滑，牛肉味重。另外都點了幾個海鮮...馬貝 ($58)：即是平時日本刺身會吃到的馬刀貝，每一小片只要滾十秒以下便足夠了，口感非常爽口，而且味道鮮甜，一大隻馬貝大概有十數片。南非飽魚仔 ($42/1隻)：飽魚清洗得十分乾淨，滾１－２分鐘便可以，體積不算太少的，肉質爽口，鮮甜味突出。花甲王 ($58)：一碗有九隻花甲

朋友帶我來鮮入圍煮。名字聽得多，但還是第一次來。裝修頗有特色，和一般酒樓的裝修不同，新派路線帶有少少玩味，明顯主打年輕人。湯底選擇都好多，朋友試過蟹粉那款都話好得，不過今次都點佐佢上次試唔到既原隻鮮雞花膠湯底，兩個人點佐小$238。好足料呀！真係有成隻雞去熬，唔怪得啲色咁黃咁鮮，好濃郁，輕輕一舀，全部都係花膠！多到好似唔使錢咁！店員叫我們快d試幾碗個湯，因為第一轉係最鮮最清！只可以講，正！鮮甜到不得了，絕對真材實料。因為個湯底好濃郁，所以基本上放啲咩落去都好鮮甜入味。我哋點咗沙爆魚肚（$56），放入去由得佢自己索味，吸晒啲花膠雞湯嘅魚肚漲卜卜，一咬啲汁噴灑落口，真係好正！！！！脆肉鯇（$63) 好大碟，用料新鮮，質感爽脆帶魚鮮，又是推介之選。蟹子鮮蝦滑（$78)，呢度嘅份量真係好多，樣樣都大大碟，見到咁大碟，我哋完全冇慳住慳住，大大件咁烚XD 鮮蝦滑爽滑彈牙，而且蝦的鮮味亦濃，相信蝦肉成份很足，在鮮甜的雞湯烚過後，更是鮮甜加倍！小籠包魚蛋($28) 開頭覺得好得意，就叫佐來試。魚蛋皮，入面包住豬肉餡，味道其實同普通夾心豬肉丸差不多雖然湯底已經充滿花膠的骨膠原，但見到花膠雲吞（$48）如

今日同幾個朋友去咗呢期好hit嘅鮮入為主 圍煮，火鍋熱點， 位於旺角地點都 好方便。 環境裝修參考大排檔嘅風格， 雖然不是走高檔路線，但感覺頗為親切 ， 優點係 乾淨企理，沒有大排檔嗰種污糟邋遢兼且怕有老鼠行過嘅情況。 放工坐喺度打住邊爐吹下水，感覺很有風味 點餐紙上面沒有列明海鮮，所以必須留意這個海鮮櫃，因為海鮮每天係唔同價錢的。 我們幾個朋友就是太過投入傾偈沒有留意，吃飽了才見到這個海鮮櫃上的價錢牌，認真失策，哈哈~ 初頭奇怪點解餐單上面冇ge，還要為這個只不過係裝飾， 食到最後周圍望下望下先發現原來價錢牌擺喺上面，唯有下次嚟先再試下佢哋啲海鮮啦。 原隻鮮雞燉花膠湯$238 一整隻雞 加一大堆花膠去燉，個湯係白色㗎，充滿膠質 ， 又濃又杰又黏口， 簡直覺得飲完 塊面即刻滑哂，超正。 幾個朋友都忍不住一人飲咗兩碗湯 後就叫加湯先再開始打邊爐。 黃色正方形的是黃金麻吉燒， 有點像日式嘅魚蛋，先炸完再打打邊爐，很滋味。 薑汁皮蛋貢丸， 平時我好鍾意食貢丸㗎 ，今日見到呢款薑汁皮蛋鑲喺裏面嘅貢丸好特別呀，攤凍完先至夠膽食，怕會熨口， 薑汁味好濃，皮蛋味道就比較小

第一次食係朋友介紹，我話自己鐘意飲湯，去過一次之後從此就愛上，個花膠雞湯底，顏色係黃色好濃味，落料前通常都要加一轉湯，火鍋料牛肉厚身有肉味，丸類有款薑味丸係間鋪推介，我就唔覺有咩特別，其實最主要都係個湯，火鍋料已經排到好後，環境方面地方唔大，得大約十張多少少，長期爆位，去之前最好訂位，位置唔難搵，女人街隔離，係間鋪出面等上落個位置好臭，鋪面用舊香港做裝飾，出面個自選海鮮檔同切牛肉都用紅白藍做底，我食咁多打邊爐個湯底最好就係佢

其實沒想過外出吃飯會有好靚好回味的湯飲。 吃過好吃的，也有喝不錯的湯，但真正令我回味的湯沒有多少間餐聽想不到跟朋友去打個邊爐，那口湯令我很意外打邊爐不是第一次點花膠雞湯 (HKD238)一上來的雞湯，非常黃，但一點都不混濁入面有半隻雞，而且花膠很大很大塊雞已經煲得很腍，肉都要甩出來了，又滑又鮮味一初的花膠當然未有很腍，而是到最後再吃，味道超濃，又黏又漲口，我有吃骨膠的感覺而那口湯，鮮得不得了，很濃很濃的雞鮮味!!一開始已經引不住喝了2大碗~真是~ 一肚雞湯 喝完湯，點食物之際，也當是休息一下餐廳不是很大，我們8點多入座已經非常多人，其實是有點逼頂級牛肋骨肉 (HKD188) 未食牛先興奮，好大一盤，件件牛肋肉都大片，一丁點厚度在雞湯中飄10秒，入口夠嫩，每口都有濃濃牛味，夾著雞湯的味道，又多一股鮮味脆肉鯇骨腩 (HKD78)超驚喜的是它的份量，初時只預有4-5塊，還是小塊那種，原來是非常大一碟。 最少有10大塊名正言順，肉質又爽又脆，咬口卜卜脆，有魚鮮味道。 白蟮片 (HKD98)蟮片滾熟後很香，望似薄片，但其實熟了之後仍是很大一塊，魚味極濃，可能蟮片本身有一種獨特的味道，一點都不腥。

一早聽過鮮入圍煮的花膠雞湯底，但一直未有機會到訪，最近好友又無意提起鮮入圍煮的高質素火鍋，說得我心癢癢的，終於定了日子和男友去食。通常在家打邊爐都是在街市買火鍋材料，餐廳裝潢就玩味十足，竟然是模擬地道香港街市！應該是想帶出主題－－『鮮』入圍煮，火鍋食材全都新鮮入貨吧！原隻鮮雞花膠湯(小:$238)是我主要的目的，看Openrice 不同食評都見到花膠非常足料，想不到我準備下單時，店員告知已售罄了！才6:30pm呢！幸好虛驚一場，原來男友很醒目地在訂座時已預留一鍋！店員也解釋因爲貨源不定，最穩妥還是先電話預留。很快，湯底就上枱了，單看那黃澄澄的顏色，已知湯底極其濃郁！店員舀一碗給我們先飲，湯底用上原隻雞和多不勝數的花膠，難怪如此鮮甜，而且帶點滑稠，骨膠原豐富。牛魔王當然第一時間點手切牛肋骨肉（$188）。牛肉以冰鎮形式上，份量對兩個人來說也很多。牛肋骨肉本身肉味不算太濃，但有筯位的地方卻越嚼越嚼岀牛味。我倆都有段時間沒吃鵝腸，所以男友一提議，我立即舉手贊成。鵝腸($88)大大的一盤，非常足料，而這鵝腸相信確是新鮮貨，放在鍋內也沒有縮水，而且因為湯底非常濃郁，只烚了一回也已經入味。打邊爐我

早排已經經常聽到呢間火鍋店的名，個個都對佢地的招牌"花膠鮮雞"湯底有讚冇彈。既然大家都講得咁好，當然我都要約埋朋友一齊黎試下啦。訂左位8：30，但黎到發現除左餐廳裡面座無虛席外，外面都竟然排哂隊，真的係人氣高企！最終我地都要等左一陣先有得坐。 室內裝修係仿香港舊式大排檔風格，仲有海鮮魚缸和開放式豬肉檔。別出心思！  半隻鮮雞燉花膠湯 ($238)花膠雞湯的湯底顏色濃郁，味道仲非常濃厚味鮮，飲得出應該係俾足心機煲左長時間的雞湯。所以大家都忍唔住係正式打邊爐前飲左兩碗雞湯！飲左啲雞湯後再refill的湯底原來都係一樣足料的濃厚雞湯，而唔係啲普通上湯或清水，真係十分之抵！煲內的花膠仔份量亦都好足，有成十幾舊咁多，而且都幾厚身同大件。而果半隻雞就係原隻上，服務員會係湯煮滾前幫忙剪碎啲雞肉方便食用，所以啲肉質仲保持到嫩滑鮮味。果然冇令人失望！  大魚頭 ($88)非常新鮮大魚頭，滑嘟嘟。  小籠包魚旦 ($28)用竹籠仔裝住小籠包造型的有餡魚旦，真係好鬼可愛。裡面係漿爆豬肉餡，而外皮係彈牙的魚旦。  手切牛肋骨肉 ($188)即叫即切的牛肋骨肉，脂肪比例適中, 食落牛肉味濃郁，肉質淋.

鮮入圍煮是近來朋友圈中的話題食肆。今日特意跟老公來，兩個嘆下滋補花膠雞煲。餐廳在登打士街，見到賣椰汁和台灣飲品中間的那條樓梯上二樓就是，8時到達，全場滿座，等了一會才有位。先來一個招牌湯底，濃厚原隻雞煲花膠湯 ($238)，雞湯呈金黃色，花膠用量十足，湯雞味濃，花膠令湯質地變得黏，有少少黏口的，絕對真材實料。雖然我不是花膠專家，但冬天時自家定期也會煲煲花膠湯，這湯底的黏口感覺跟自家煲相差不遠。當然二百多元的花膠湯不可奢望有海味店那些花膠的級數，但這湯的花膠數量之多，淨吃花膠也有2-3碗，其中幾隻花膠也非常厚身，口感不錯。一個小窩花膠雞湯足夠分6-8碗，之後店員會再加雞湯做火煱湯底，火煱當然必點牛肉，推介手切安格斯牛肉 ($158)，牛肉冰鎮上枱，肥瘦適中，有雪花紋，輕輕焯過後，入口很冧。試過中途舀到不知何時放入的牛肉，就算滾了好一段時間，牛肉也不算韌。海鮮可以自己出去選擇，看到新鮮可即點，因為飲完雞湯已半飽了，只要了花甲皇(一份半斤$58)，半斤約有12隻，無沙，肉厚，清甜，火煱不錯的選擇。值得一提是花甲用了小時候回鄉時用的鐵碟盛著上枱，好親切。為了盡吸湯底精華，亦點了響鈴及烏冬。今日

秋風起，除了吃時令的大閘蟹之外，另一個就是吃眾多香港人都很愛的打邊爐。而今天，我和男友來到一家最近在「火鍋界」非常火紅的餐廳。突然冒起的原因我覺得是有三點，一是其裝修主題，二是其火鍋湯底，三是其火鍋配料。「新入圍煮」位於旺角鬧市中，雖然入口的位置有點難找，不過其實就在H&M旗艦店的斜對面。個人覺得在油麻地地鐵站(碧街出口)走過來會更快哦。餐廳整個裝修是以懷舊街市作為主調，連座位的設置也是沿用了大排檔風格。一張張的圓形大桌、一把把的圓椅，再加上米黃色的吊燈，很有七、八十年代的情懷。餐廳的廚房是以「牛肉檔」作為藍本，再加上琳琅滿目的海鮮和一層層eye catching的可樂箱，感覺相當市井，但又特別親切，哈哈哈。湯底我們點的是這裡的招牌之一: 濃厚原只雞煲花膠湯(大: $328;小: 238)。我們只有兩個人，點了一個小的湯底，雖然價錢是有點貴，但當店員端來的時候，就知道為什麼一個湯底都可以要價兩百多。它的顏色是金黃金黃的，而且一撈之下，發現是超 級 多花膠和一整只的雞!!!!!!而且在沒有放其他火鍋材料的時候，可以完全當雞湯這樣喝，味道是很濃郁的香味，令人難忘。雖然貴，但仍然值得推薦。手

秋天已經悄悄降臨，一早一晚都有D涼意，響呢個咁浪漫既時刻……就梗係去食火鍋啦！旺角有一間叫「鮮入圍煮」既火鍋店，係食評網既得獎熱店，既然地點咁就腳，一於約朋友去試！ 我去既時間係周二晚，但一直保持全場爆滿，可想而知餐廳既受歡迎程度！餐廳採用懷舊裝修，牆壁唔係真係黑麻麻咁污糟，而係扮污糟既牆紙黎！上面貼滿仿70年代既街招，吊燈又用左懷舊雞蛋燈，好得意！ 原隻鮮雞燉花膠湯底 (細，$238)呢度最出名係鮮雞燉花膠湯底，唔好執輸叫番煲！一上枱，仲以為佢俾錯粟米湯，因為成煲湯都係黃色既！但原來唔係囉，人地係將D湯煲到好濃，濃到成煲都黃色。呷一口，嘩，真係好得！滿嘴都係鮮雞精華，嗒落仲有餘韻！而且花膠分量好足，食極都仲有，食完真係 (自覺) 靚女左！我建議大家可以「齋啪」第一煲雞湯，食肉飲湯，飲到滿足晒啦，就請侍應加湯 (第一次加湯仍然係雞湯，第二次再加就係普通清湯)，加湯後先再打邊爐都唔遲。 醬料 (每位$10) 皇帝菜 ($32)、炸響鈴 ($48)、花膠墨魚丸 ($88)嫌個鮮雞花膠湯唔夠喉，可以點埋花膠墨魚丸，咬開入面都係花膠，真材實料！呢碟丸分量都幾勁，粒粒好似乒乓波咁大，$88唔係

「鮮入圍煮」是旺角出名的火鍋店，有很多人排隊，就是專誠只來喝濃湯，等多久也是值得。她們出名就是花膠濃雞湯，用雞湯燉，雞肉味濃得化不開，加上花膠，灼一灼，湯底極醇厚！除了湯底，店家的海鮮也是必試，貝殼海產無沙，鮮甜到極。蔬菜方面，新鮮嫩菜。濃郁的湯底，新鮮上品，難怪能成為全城最多人認識的「鮮入圍煮」火鍋店。花膠墨魚丸首先，我見到一些較特別的火鍋配料，大家吃墨魚丸就多, 但花膠墨魚丸還是第一次吃, 多豪華呢, 看它粒粒飽滿, 已經很誘人。墨魚粒滿滿, 還有花膠在裡面, 花膠的口感蠻清爽, 墨魚丸餡料豐富, 每一粒都要細味品嚐。相片看不出來, 是大粒圓滾滾的, 造型蠻有趣, 鍋中翻滾後會發大啊, 這是從來未試過的情況, 好打耳呀。「鮮入圍煮」的墨魚丸好彈牙爽口, 味道鮮明出眾, 個人較喜歡這個花膠墨魚丸。入主題了，以花膠入饌的火鍋，我第一次品嚐。「鮮入圍煮」提供不同的湯品火鍋，對餐牌上的花膠燉雞最有興趣。看清澈的湯頭就知道火候十足，喝起來夠熱，味道濃郁也鮮甜，細啖之下也有燉雞的淸甜。需知此品最難做到的就是燉雞湯的湯渣，㕑子也能處理得美味。當然，厚身且腴嫩的花膠當然也是極品，用上的是美味魚肚，