影片
更多
2016-11-01
2182 浏览
早排已經經常聽到呢間火鍋店的名，個個都對佢地的招牌"花膠鮮雞"湯底有讚冇彈。既然大家都講得咁好，當然我都要約埋朋友一齊黎試下啦。訂左位8：30，但黎到發現除左餐廳裡面座無虛席外，外面都竟然排哂隊，真的係人氣高企！最終我地都要等左一陣先有得坐。 室內裝修係仿香港舊式大排檔風格，仲有海鮮魚缸和開放式豬肉檔。別出心思！ 半隻鮮雞燉花膠湯 ($238)花膠雞湯的湯底顏色濃郁，味道仲非常濃厚味鮮，飲得出應該係俾足心機煲左長時間的雞湯。所以大家都忍唔住係正式打邊爐前飲左兩碗雞湯！飲左啲雞湯後再refill的湯底原來都係一樣足料的濃厚雞湯，而唔係啲普通上湯或清水，真係十分之抵！煲內的花膠仔份量亦都好足，有成十幾舊咁多，而且都幾厚身同大件。而果半隻雞就係原隻上，服務員會係湯煮滾前幫忙剪碎啲雞肉方便食用，所以啲肉質仲保持到嫩滑鮮味。果然冇令人失望！ 大魚頭 ($88)非常新鮮大魚頭，滑嘟嘟。 小籠包魚旦 ($28)用竹籠仔裝住小籠包造型的有餡魚旦，真係好鬼可愛。裡面係漿爆豬肉餡，而外皮係彈牙的魚旦。 手切牛肋骨肉 ($188)即叫即切的牛肋骨肉，脂肪比例適中, 食落牛肉味濃郁，肉質淋.
室內裝修係仿香港舊式大排檔風格，仲有海鮮魚缸和開放式豬肉檔。別出心思！
半隻鮮雞燉花膠湯 ($238)花膠雞湯的湯底顏色濃郁，味道仲非常濃厚味鮮，飲得出應該係俾足心機煲左長時間的雞湯。所以大家都忍唔住係正式打邊爐前飲左兩碗雞湯！飲左啲雞湯後再refill的湯底原來都係一樣足料的濃厚雞湯，而唔係啲普通上湯或清水，真係十分之抵！煲內的花膠仔份量亦都好足，有成十幾舊咁多，而且都幾厚身同大件。而果半隻雞就係原隻上，服務員會係湯煮滾前幫忙剪碎啲雞肉方便食用，所以啲肉質仲保持到嫩滑鮮味。果然冇令人失望！
大魚頭 ($88)非常新鮮大魚頭，滑嘟嘟。
小籠包魚旦 ($28)用竹籠仔裝住小籠包造型的有餡魚旦，真係好鬼可愛。裡面係漿爆豬肉餡，而外皮係彈牙的魚旦。
手切牛肋骨肉 ($188)即叫即切的牛肋骨肉，脂肪比例適中, 食落牛肉味濃郁，肉質淋.
手切安格斯牛肉 ($158)一樣係即叫即切的安格斯牛，脂肪較少而且網紋脂肪分佈平均，食落口感嫩滑易咬。
鮮雞腸 ($52)唔係到到都有咁新鮮的雞腸食，而且仲好大抽。灼熟後口感爽爽地，冇腥味。
鱔片 ($98)好肥美的白鱔皮，肉質彈牙味鮮。
油炸鬼 ($32)一圈圈碎上的油炸鬼，翻炸得非常脆口非常香。放落去吸盡濃厚的雞湯，簡直正爆！
花膠雲吞 ($48) + 帶子水餃 ($48)雲吞同水餃同樣大大隻啖啖肉，肉饀食落味道都幾鮮唔會霉，而兩者味道係非常相似的。只係一隻係加左花膠仔，而另一隻係加左鮮帶子仔。
脆鯇魚骨腩 ($78)骨腩厚切而且仲有成十件咁多，份量真係好鬼多。肉質爽口彈牙鮮甜, 絕對抵食！
薑汁皮蛋貢丸 ($38)彈牙的貢丸外皮，而裡面包住皮蛋碎粒同少少薑蓉。一咬落去漿汁爆哂出黎，有濃郁的薑汁同淡淡的皮蛋味，都幾特別。
鮮味爽口的桂花蚌 ($118)
新鮮娃娃菜 ($32)
张贴
