鮮入圍煮 (已搬遷) 新店位置

作為一個邊爐holic，呢間火鍋想試咗好耐，標榜懷舊街市買餸打邊爐，好似好得意咁。今日一大伙人上嚟食，book枱嗰陣話只收cash，閒閒地一枱都食過千，唔明點解連碌卡嗰少少手續費都慳返，要㩒定巨款上嚟畀錢。果然期望越大，失望越大。所謂即場買餸，只限（貴價）海鮮，其實同酒樓有咩分別？價錢方面相當貴，叫咗個豬肚胡椒雞湯，盛惠$288，六個人一齊食，埋單平均每人$400。裝潢亦係街市style，名則懷舊，實為慳皮。摺枱摺凳，即棄枱布，環境又逼，不如真係去熟食中心打。