鮮入圍煮花膠雞海鮮火鍋

营业中

休息中

今日去左身體檢查之後，就係尖沙咀覓食。每次諗唔到食咩，我都會行去H8，成棟大廈都係食肆，大把選擇！最後我地揀左去打邊爐，因為見到「鮮入圍煮」個花膠雞煲好吸引！上到去餐廳成2點鐘，已經過左午飯時段，所以大把位。少打邊爐既朋友留意番，餐廳每人要收$15醬料費嫁。濃厚原隻雞煲花膠湯 （半隻）雞煲先上，店員會幫你再剪開雞隻。有好多雞件同花膠，我地果煲有成5舊花膠。真半隻雞，有雞胸，雞腿同雞翼花膠都唔薄，幾「膠」下。記得落其他料打邊爐之前，試一試佢地個雞湯先，真係雞咪濃郁！膠膠地既花膠雞湯，飲完個身即刻暖晒！豆苗冬天最岩食豆苗，雞油令佢更加甜份量都比我想像中大盤。帶子粒鮮肉水餃成粒帶子係裹面，每粒都好飽滿，不過個人就覺得佢唔夠個湯底鮮啦！牛骨汁濃湯牛丸原來係振興既牛汁牛丸。振興牛丸係好食，而且我平時重會成包買番屋企煮麵食嫁！總結：花膠雞好膠好鮮，好值得再黎。下次要再約多幾個朋友，先可以夠腳叫下海鮮同牛肉。我諗到時個湯底應該更加鮮到不得了。

火鍋店位於尖沙咀商廈H8的8樓內，景色開揚(樓景) 。本身係尖東站P2出口行10分鐘過黎，但係走的時候發現原來其實係The One後邊加拿芬道過黎比較容易🤣主要有6款顏色紙比我落單，包括肉類生料，雜類生料，丸類及麵食，蔬菜生料，海鮮類小食，湯底(11款)等等，都幾多選擇👍半隻花膠雞湯下單不用5分鐘，侍應便端來一碗金黃色的雞湯，望到都垂涎三尺 XD 雞肉好滑，沒有雪藏味，似用新鮮雞🤭 再加上湯底有好多大大小小的花膠，勁滋補！豆苗有去開街市買餸就會知道唔係一般貨色，係豆杯，高級野～碌完入口爽甜☘️中山脆肉鯇魚⻣腩打邊爐有靚湯底，就梗係要用黎碌魚食，洗乾淨整整齊齊排係碟到，大約有十餘件左右。魚肉入口結實，未知是否關場內有自家魚缸事，條魚即叫即劏😆？凍提子梳打價錢合理，味道正常，因為雞湯太惹味，不經意把它比下去🤨 可能叫返啤酒飲比較岩場合🍻總結：店員有禮，會主動詢問是否需要添加豬骨湯。場內冷氣充足，枱與枱之間尚算足夠✅一路食，諗起d人而家興屋企食，不禁問下去是否提供外賣服務，原來都有做外賣全港送，與時並進🗣️

鮮入圍煮食過花膠湯唔錯，見朋友未試過就話不如午餐來吃，來到下午關係不多人，我哋叫咗一個細鍋加3個材料，叫完食物醬料就來到，我哋每款都拿了點，這裡豉油不是死咸不錯再配辣椒蒜最岩，整體都夠2人作午餐十分飽肚。一大盆半隻花膠雞湯來到，其實細都夠2人食，待應話已經可以飲湯先，好濃又香，我哋每人飲了2碗再加湯食其他食物，花膠數量不少都幾彈牙有些就好淋身，不錯。雞份量都可以，雞肉幾滑，啖啖肉，價錢$308。蟹籽鮮蝦滑幾大份，入面都有不少鮮蝦粒，口感彈牙蝦味都幾濃郁，手工九菜餃6粒$45都可以，好香九菜味好惹味，皮又夠薄身。最後菜就選了皇帝菜，我哋2人慢慢食咗個半鐘待應都好快手倒湯和水，服務不錯。

我從2016年已經開始幫襯小店，每年最少去3-4 也試過一年去吃六次 但係湯底真係一年差過一年 尤其今年 每一次我去食都係花膠雞火鍋 由一開始花膠會發好先上 一鍋數得出6-8 片 到後來可能生意太好發吾切D花膠，要喺個火鍋起碼煮個半鐘先軟身，到早前去食連湯底都淡埋…，而且食吾出花膠味…，淨係飲到淡雞湯味…。真係好失望，個火鍋其實精華就係個湯底，如果湯底冇咗以前嘅水準，就真係冇意思㗎啦，暫時今年唔會再幫襯 下年冬天可能會再試一次，但係如果湯底都一樣係咁就應該就冇下次。依間餐廳一開始出名係花膠雞火鍋，希望店主見到會改善一下。

今日去厚福街打邊爐，諗住試吓佢哋個花膠雞湯。個雞湯$308 ，非常足料，有好多雞同埋沙滘，仲有隻大雞髀！侍應提我哋要先飲雞湯，之後先至落打邊爐嘅生料，因為落咗了之後個湯就冇咁好味。個湯非常之濃味，花膠同雞都好入味😋啲雞又好滑好大嚿，朋友都話好足料。我哋另外嗌咗烏冬、金菇、餃子同丸，兩個人都唔係好食得晒，因為冇諗過湯底已經咁多料。個貢丸都幾好食，夠彈牙。本身見佢40幾蚊都覺得有啲貴，不過係好食嘅！烏冬都好大個，又好滑，夾埋啲湯真係一流！同埋呢間舖好得意，一開始侍應就會捧一大盤醬料去你面前，俾你任揀同撈自己嘅打邊爐汁，都幾正😋有花生、蒜、蔥、辣椒等，朋友話辣椒都好夠味幾好食，所以食得辣嘅朋友都不妨試下～

見好多好評一心同朋友仔試好多人推薦的花膠雞湯真心雞係幾好食不過花膠就好鞋口貴妃蚌唔知點解好鹹蝦滑一啲都唔好食整體嘢食都好一般呢個價錢我會寧願食出面任食火鍋同所有朋友都覺得真心冇下次

以前係旺角已經成日食但原來疫情間已搬左去尖沙咀厚福街同朋友都一致想食返佢個花膠雞煲😍🎈花膠雞煲好濃郁好香 一如既往都仲係好足料半隻雞 花膠都唔少仲要大大舊忍唔住飲晒啲湯 職員仲會幫你剪好晒啲雞 唔使自己剪飲晒啲湯之後先落返豬骨湯底打邊爐🎈牛骨汁濃湯牛丸超好味牛丸👍🏻牛骨汁牛丸真係食極都唔厭而且佢呢度啲牛丸都好彈牙 值得一試驚唔夠飽仲叫多咗個雲吞❤️蔬菜方面，最後我哋叫咗蓮藕同油麥菜連我份量都好多，唔驚唔夠食🤭

幾年前喺旺角食過「鮮入圍煮」，佢其後搬咗去尖沙咀H8。呢晚放工就同朋友到訪，重溫舊味😀。餐廳面積細好多，但同樣有魚缸養海鮮。濃厚雞煲花膠湯($288/半隻)，嚟得餐廳當然要嗌花膠雞湯🐓，二至四人建議嗌半隻。店員預先已將雞剪開，方便食用。雞肉一直放湯滾住都無變嚡，另外仲有大大嚿花膠，好滋補。由於係雞湯，就避免唔到有少少油。蟹子墨魚滑($98)，🦑墨魚滑抵食，份量好多，分到成十粒以上。墨魚滑真材實料，口感非常爽彈，又帶鮮味，如果再多啲蟹子就冇得輸。爽口花膠鮮肉雲吞($56/4粒)，🥟鮮肉雲吞大大隻，花膠粒剁碎混入於豬肉之中，食落都幾香，但感覺好似爭隻鮮蝦咁，好貪心，哈哈。皮蛋($8)，見平平哋就嗌咗隻嚟食🥚，溏心效果強勁。留意返，餐廳收取醬油費每位$15，另收加一服務費🧾。總括嚟講，如果想食花膠雞湯打邊爐🍲，呢間係始祖，地理位置又方便👍！

今日難得同老公去左尖沙咀行街 拍下拖 老公發現到原來尖沙咀都有鮮入為煮的海鮮打邊爐店 他話他食過旺角店的 好好食 於是我們決定入去食餐好的 獎勵下辛苦工作一週的自已🤤🤤看了看openrice 介紹 我們毫不猶豫地一同想叫半隻花膠雞湯😍 養顏滋補 話哂都係食海鮮店我們仲叫了半斤花甲 及 原粒帶子鮮肉餃子😍🥰油麥菜及巨峰提子梳打 半隻花膠雞湯職員會連把濃湯同大半隻的雞、大大隻的花膠一齊放上爐煲左一陣 已聞到雞湯的香味 引不住食指大動 過左一陣滾起 職員會上來 好細心咁把雞剪成一口大小 方便我們食用🤤 叫我們飲雞湯先 畢了一大碗湯 一品嘗 已知是真材實料😋 香濃的雞湯 有點黏咀 非常鮮甜美味 完全感覺到一口口的骨膠原飲落肚 ☺️再夾一舊雞 雞肉結實 雞皮爽口😋😋一食已知是新鮮雞 花膠舊舊都手掌咁大 啖啖肉 膠肉Q彈、很容易被嚼爛，仲有一點點粘嘴的感覺🥰😍🤤🤤 只是飲呢個湯都覺得很養顏 老公一邊飲一邊點頭🤭就知好味我們仲叫了半斤花甲見到餐廳內有大魚缸 點海鮮實無死 湯加入花甲 一放下不久 好快就打開殼🥰😍 一口shu落肚 完全不用點醬料 已非常新鮮甜美 又大隻😋😋 新鮮的靚花甲令到個整個花膠雞

今次去食左一直好想試既火鍋店，幾年前金剛小儀推介做節目推介過，當時已想試，但一直都拖到而家，我地兩個人叫左佢地招牌既花膠雞湯底（2人份）！金湯底入邊有半隻雞同埋有5-6塊 Size唔細既花膠！我地先食雞食花膠飲湯，雞是有先預先醃過所以有少少咸雞味但唔會好咸，花膠係幾厚實既雪魚膠，湯頭無味精，好有住家味既花膠雞湯，總之就係好飲！花膠雞湯底（半隻雞）$308兩個人打邊爐，真係比較難叫餸，我地盡量每類叫少少試下。叫左手切頂級安格斯牛肉$268；鵝腸 $98，牛骨汁濃湯牛丸$48（4粒）；帶子鮮肉餃$60（4粒）；紫薯麵$25；桂花蚌$158；響鈴$48，唐生菜$38。最令我驚喜既係牛丸，多汁又彈牙！ 好多嘢食，下次一定叫一大班人嚟試！臨走前念念不忘，睇一睇個招牌，重發現餐廳都拎過唔少獎！

呢排天氣轉涼，又係時候打邊爐😍 今次去嘅呢間主打🥘花膠雞湯，打邊爐同時養顏💘🥘半只花膠雞湯（小）$308一嚟到會係🐥半隻雞上，滾一滾之後職員會幫手剪開雞件，之後就可以飲湯啦！雞湯味道濃郁，🐥雞肉都好嫩滑，花膠都有五至六舊，十分足料～飲完湯之後，可以叫店員加湯打邊爐，所以可以盡情飲湯🤭🥟手工韭菜餃 $45 （6隻）餡料有韭菜和🐷豬肉，咬開會有少少肉汁😳加埋炸蒜和生蒜就更加香口🤙🏼萵筍 $45估唔到份量幾多😍 萵筍已經差唔多係我打邊爐必點嘅蔬菜配料🤣 我自己鍾意一開始就落定先，淋啲好味啲💕手打稻庭烏冬 $33烏冬係偏幼身，煮咗一陣好快就已經散開，所以要注意唔好煮咁耐。花膠雞湯底配合埋微微煙靭嘅烏冬，十分推介👍🏼人頭醬料費 $15/head環境：3.9/5以木係餐枱配搭特色吊燈，採光好好。服務：4/5店員會幫手剪開雞件，上菜速度也很快。食物：3.9/5花膠雞湯濃郁，花膠數量都算多。萵筍新鮮！

Openrice覓食 竟然俾我見到有花膠雞食😍 花膠雞湯 當然離不開花膠同埋雞營養價值高 既養顏仲可以補充骨膠原 絕對係女士滋陰養顏之選橫掂呢排個人咁dry 約同閨蜜一齊嚟滋陰養顏🥰職員殷勤有禮😊環境寬敞整潔-自助式調味料 人頭醬料 每位$15食物種類繁多-濃厚原隻雞煲花膠湯(半隻)$308我哋2個人就試試半隻雞🤤湯底濃郁呈金黃色雞湯煮滾後 必須先品嚐原味湯頭我同閨蜜每人飲咗兩碗湯 原汁原味 真係好飲😋雞肉嫰滑而且雞味濃郁😋呢個湯入面大概有5-6塊花膠好似食極都仲有😂花膠厚身 吸盡雞湯味 又軟又滑😋叫咗幾樣火鍋必備食物-鮮味炸魚皮-炸響鈴-牛骨濃湯牛丸(爆汁)炸魚皮同埋炸響鈴都脆卜卜呢一個牛骨濃湯牛丸幾出色 十分彈牙 多汁好味😋價錢合理 每人$300有找下次再嚟食過

放假約左朋友食lunch,唔想限時限刻可以坐低慢慢傾，所以最後揀咗呢間散叫打邊爐嘅餐廳呢間餐廳主打花膠雞湯打邊爐揀選左煮湯底之後再散叫而我哋梗係要叫濃厚原隻雞煲花膠湯（半隻）落咗單之後個花膠雞煲湯好快就上枱加埋個調味盒，成個感覺好有儀式感就咁睇個花膠雞湯個顏色已經feel到滿滿嘅骨膠原煲咗一陣之後店員就會過嚟幫我哋將雞切件佢仲提醒我哋要可以慢慢飲晒果糖先至再幫我哋加豬骨湯去做個打邊爐雞件係極度鮮嫩，重雞味花膠雞湯入口勁厚身，有張口嘅感覺飲完之後，成個人個身都暖晒花膠有勁多塊而且塊塊都勁大嚿以咁嘅價錢來講，簡直係物超所值基本食完個雞同花膠飲埋個湯，已經係七八成飽所以我哋之後淨係叫咗小小嘅配料食呢個原粒帶子鮮肉水餃幾有驚喜啲肉多得嚟帶有帶子嘅鮮味，呢個組合幾新奇重點係佢冇限時，可以俾你慢慢食如果係放開平日嘅朋友都幾推介過嚟試吓店員嘅態度亦都非常之好，值得一讚

鮮入圍煮花膠雞海鮮火鍋 (尖沙咀）📍地址：尖沙咀厚福街8號H8 8樓💰人均消費：$250=================今日在尖沙咀做完嘢，就決定同同事去厚福街搵吓好嘢食啦！厚福街多嘢食就不嬲都知，但呢排天氣開始轉涼，所以我哋主力搵啲火鍋類嘅餐廳😍呢間叫鮮入圍煮嘅餐廳出名花膠雞湯火鍋，一場嚟到梗係試吓啦！佢店內環境寬敞，溫度適中，打住邊爐食嘢都唔會覺得熱☺️醬油費$15提供蔥、蒜蓉、炸蒜、辣椒、花生及沙茶醬，但其實湯底太正，唔洗點醬油已經好好味😳濃厚原隻雞煲花膠湯$288 (半隻)呢個鍋真係真材實料！入面有好多雞肉同大大片花膠😳店員建議我哋先等水滾再飲湯😍 湯面有唔少雞油精華，雞湯味濃郁！花膠可以放耐d, 再淋d 食就岩晒😳以為佢d 雞味去晒雞度啦，又唔係wo! 雞肉同樣有雞味，肉質嫩滑😝牛骨汁濃湯牛丸 $48 (6粒）牛丸雖然冇明顯噴汁，但食落牛肉味好濃厚，肉質彈牙😍 性價比極高稻庭烏冬$35麵質滑溜，正常發揮。配埋雞湯湯底眨下眼就食晒😝由於湯底太好飲，我地飲湯都飽晒🙊下次再試其他野！

第一次嚟到尖沙咀嘅「鮮入圍煮」打邊爐，以前喺旺角嘅時候去過幾次，最欣賞佢哋嘅招牌濃厚原隻雞煲花膠湯，咁啱去尖沙咀厚福街H8搵食，見到由旺角搬咗黎呢度，所以就上去回味下啦！😏⭐️推薦❗濃厚原隻雞煲花膠湯（$288）（半隻）兩個人食就啱啱好，煲內除了有半隻🐔雞之外，仲有好多花膠，上枱後，店員好貼心地幫我地剪開隻雞，方便食用，雞件肉質都幾嫩滑，花膠滑嘟嘟，滋潤又養顏！😌建議加其他火鍋配料之前，先飲返幾碗原汁原味嘅花膠雞湯先！👍🏻有好嘅湯底，梗係要叫個竹笙嚟吸吓湯汁啦～⭐️推薦❗原條野生竹笙王（$88）一份有五至六條，仲要係勁大條，好抵食！☺️⭐️推薦❗牛骨汁濃湯牛丸（爆汁）（$48/6粒）採用香港製造嘅大埔振興牛丸，一咬開便有香滑油花，香濃牛骨湯爆出黎，juicy好味，加上肥牛和牛筋粒，口感十足！😋原粒帶子鮮肉水餃（$56/4粒）雖然餃子唔係好大，但係都幾足料，除左鮮豬肉外，每隻都食得到三粒帶子仔，不錯吃！呢度嘅啤酒價錢都算合理，打邊爐，最鍾意就係飲啤酒🍻～