鮮一夜火鍋 (已結業)

如今這算甚麼 你是否非他不嫁當選了是他 我認輸都不可怕最怕其實被取消資格還不知道 拼命掙扎如今這算甚麼？是我愛你愛到失去自己，但你就似毒癮，我無法戒掉……你，拋下我隻身一人……我還苦苦追尋……「鮮一夜」推出的「一夜皇御套餐」，當中有鮑參翅肚、刺身拼盤(5款刺身)三文魚腩、厚切帶子、赤蝦、北寄貝、希靈魚。套餐更包有一客鮑汁扣海參拼溏心鮑魚，原條澳洲海參及南非10頭鮑魚，店家用濃郁的鮑汁扣至軟腍入味。紅燒花膠翅，更是以老雞熬製4 小時而成，口感濃稠膠質滿溢，配上大大梳翅針及厚身花膠，非常滋補。湯底有6款選擇，杏汁豬肺鍋、重慶麻辣鍋、藥膳養生鍋、養生椰子雞鍋、香濃豬骨湯及芫荽皮蛋湯。航母海鮮拼盤有時令海鮮，基圍蝦、大蜆、青口、龍躉球、廣島蠔、貴妃蚌、蟶子等等......安格斯肥牛 肉味濃郁打邊爐配料超過50款，白鱔口感脆爽、粟米清甜放在養生鍋更惹味，蟹柳是採用貴價日本仿蟹柳，口感更佳。重慶麻辣湯底更香辣帶麻香，入口嗆喉，配金菇吃一流。即場讚好Facebook專頁，4位以上即送澳洲Half Island Riesling白酒一支。說了千萬遍你也是離開了我，但我仍然停留在原地不願離開，我知我說甚

大家有冇試過食一次打邊爐可以同時食到鮑魚、花膠、火腿、魚翅，仲有日式刺身？今次，小弟就嚟到位於荃灣大鴻輝嘅鮮一夜試下！餐廳地方好幾大，一坐低，侍應就介紹今晚食野嘅流程，先食鮑魚花膠等，再食刺身，之後再雞煲同火鍋。第一個紅燒花膠翅，花膠翅好香濃，都算足料；第二個鮑汁扣鵝掌併溏心鮑魚，鵝掌炆到好稔又入味，鮑魚稔滑，唔錯！食完鮑魚就食刺身，刺身有5款，三文魚、赤蝦、帶子、希靈魚、北寄貝，三文魚大大塊，幾肥美，帶子爽口，北寄貝、赤蝦同希靈魚都唔錯呀！原本有雞煲食，但係有2個朋友話有小小感冒，所以唔食，咁我哋就決定陪佢一齊唔食，食少一次都唔緊要啦！我哋之後就直接打邊爐，每枱首先送一份航母海鮮併盤同安格斯肥牛，海鮮併盤有扇貝、象拔蚌、生蠔、蝦同蜆，好多好豐富！扇貝好鮮甜，蜆又冇沙，又大隻。我呢個健康一族就揀咗杏汁豬肺鍋，湯底淡淡嘅杏汁味，為食物提鮮，入面亦有唔少豬肺肉！自製混醬首先即刻試下個安格斯肥牛，因為好薄嘅關係，所以煮一陣就熟，食落好重牛肉味，真係回味無窮啊！以下就等我介紹埋啲火鍋配料，有炸魚皮，脆卜卜，就咁食同放湯都係咁好食呀。有自製炸響鈴，索哂啲火鍋湯，太正了！豆腐、冬菇脆肉鯇要讚下，因

從前我好少黎荃灣，但自從好兄弟結婚生仔搬咗屋之後，為咗同佢吹下水，就久不久嚟荃灣搵佢食飯，佢大佬我又唔使煩。入門口乾淨俐落，有卡位坐，幾個人都坐得好寬躺，今晚我哋係來食好嘢的。聽講有鮑魚又有花膠一夜皇御套餐 $268果然一點好餐，店員就奉上掌上明珠，鵝掌加鮑魚，糖心靚鮑魚係名貴的接着是紅燒花膠翅，真材實料五色刺身拼盤，元貝跟牡丹蝦，肉厚彈牙而且勁鮮甜。美食一浪接一浪，店員很快便開爐，為我們即炒奇妙雞煲，我真係好鍾意食雞煲㗎！食極都唔厭，雞肉嫩滑多汁，醬汁好惹味食完雞煲我哋一於揀番個推介嘅火鍋湯底，杏汁豬肺冇得彈，夠晒滋潤，打邊爐前我都飲定一碗湯先令一邊就係重慶麻辣鍋⋯⋯真係越滾越辣！跟住係送嘅航母海鮮拼盤個蠔大隻又鮮甜，桂花蚌彈牙，海蝦勁新鮮總有優質嘅安格斯肥牛，因為係送嘅所以份量唔多，少食多滋味！由頭食到落尾真係好忙，仲有 Facebook 打卡開心 share 送多支白酒添仲有自助飲品同埋雪糕甜品，品嚐了開心美味又滿足的一餐

今晚同朋友去了新開嘅火鍋店，通常現在都會先食雞煲再火鍋，這裡就唔只咁簡單，佢重有兩部份，一個價錢兩種享受，part 1就並非任吃，出一次，有四種食物有紅燒花膠翅、掌上名珠拼溏心靚鮑魚、五色刺身拼盤、即炒奇妙雞煲，一道道先上，最快嘅紅燒花膠翅，味道鮮味重有炆得軟滑嘅花膠，重有爽口彈牙嘅翅，而個鴨掌炆得好入味同埋一入口就感覺到當中嘅骨膠原，拼上嘅鮑魚亦十分煙韌彈牙，雞煲同個刺身拼盤一齊上，雞煲雞肉嫩滑軟熟，十分入味，刺身有最後嘅爽彈嘅蝦刺身又有肥美嘅三文魚，前半已經好忙地吃！Part1之後就係Part2自選火鍋湯底，今次選了杏汁豬肺同麻辣嘅鴛鴦湯底，兩個湯底個人較喜歡杏汁豬肺湯底，一上枱已經嗅到香濃嘅杏汁味道，而且湯底入口鮮甜，當然個麻辣湯底都真材實料，只是小辣，入口已經十分刺激，而湯中嘅豬紅更加彈牙煙韌夠晒味道！另跟上嘅安格斯肥牛、同航母海鮮拼盤，真係分量十足！當然重可以在選菜紙上選擇必吃嘅火鍋配料，如肥牛、丸丸等美食，一入單轉個頭就出來了，哪邊滾就放下去，安格斯肥牛肉質軟滑軟熟夠晒肥美，兩種湯底一樣美味，而個海鮮拼盤，有肥美嘅生蠔、象拔蚌、海蝦、蚌等時令海鮮，如果一個價錢就包了咁多美食

今日放工得閒同朋友去食火鍋🤤今晚決定就是你。鮮一夜火煱又剌身又雞堡又海鮮又鮑魚花膠🤤諗起都興奮🤭諗左好耐。最後決定食盡啲。一開始立刻上了剌身盤。有三文魚、帶子、赤蝦、希靈魚和北寄貝相比平時放題的任點剌身，人頭剌身係足料啲嘅。三文魚腩勁肥勁鮮，厚度適中。繼續頭盤🤤花膠翅湯。唔係話特別杰，不過個湯足料。鮑魚。大過一口鮑！海參。原條上，幾彈牙又無腥味。主菜！雞煲。設定好時間，一響就食得🤤雞煲微辣，啖啖雞肉係正既（無頸肉係重點）通常食雞火鍋，都是食完雞煲再加湯去當火鍋🤷‍♂️鮮一夜會準備好新的煲來打邊爐🤤夠哂誠意趁熱第一時間要煠海鮮。個人最愛是鮮蝦🤤煠一煠就食得接住係安格斯肥牛。一點雪味都無，亦沒有半點嘅根，雪花分佈亦都幾平均，最之就好食啦其實食完海鮮、雞煲已經有點飽，隨意再點配料當小食就已經好好好好飽😂

每人$268 加1 (只收現金)，4歲以下不收費。人流唔算多，都唔會好FULL。到埸時，職員都帶位之後介紹一下收費飲品自取之類。第一就帶上花膠翅湯，都OK 既唔錯但又唔算好好味。第二就係鴨掌鮑魚，都好入味第三刺身，好新解〝好大件好厚。真係每人一件，好似少左D。之後就問雞煲要唔要辣，甜甜地幾好味。份量都唔多算岩岩好，唔多骨頭骨尾，唔似其他雞煲店比份量多因為雞頭雞尾比骨人地食。火鍋佢地唔係雞煲到加湯，而係換一個豬骨鍚煲黎，好大舊骨，好足料咁。再來海解拼盤，好新鮮，唔錯。安格斯肥牛好吃。火鍋紙選擇唔算多，但都新鮮好味既。而且都有雪糕食。職員服務都好。都要成300蚊位。

一大班朋友聚會。諗地方食都幾煩。上網見到呢間食評唔錯就來試試。果然沒有失望以上就是上餐步驟隻包魚係就細啲。但都好好食。仲有個翅。但我無影低🙈刺身一上檯就搶哂。😃火鍋料都好新鮮。會再來

天氣忽然又凍返幾日，搵食都係食熱野好d，所以今晚收工和兩位同事食火煱放題。去左大鴻輝中心鮮一夜酒家幫襯一入門口見到大型易拉架寫住多款套餐，要慢慢睇睇，我地最後決定點一夜皇御套餐打邊爐前先送上多款美食，紅燒花膠翅，湯底極濃郁，入邊有很多花膠條，味道非常好原隻鮑魚拼鵝掌，鮑魚很有鮑魚味，很有咬口，鵝掌混和鮑汁一齊食，肉質夠淋，骨膠源滿瀉五色刺身拚盤，三文魚厚切很肥美，赤蝦大隻肉質夠晒爽甜，希靈魚有鮮甜味，北寄貝肉質爽，帶子都幾大粒，亦很鮮甜航母海鮮拼盤，有大大隻海蝦，好鮮甜，生蠔很肥美，淥熟左都有海水味，蜆同埋元貝亦都超級新鮮，肉質超鮮甜，食得出係貴價貨色我地揀左杏汁豬肺湯底，杏汁味濃仲有好多大大舊豬肺，好足料安格斯肥牛，厚切夠晒牛味，肉質鮮嫰又唔靭其他火煱生料任點任吃，炸魚皮夠晒脆，唔使淥就咁食都好味，響鈴好甘香，放湯更加正脆肉鯇魚大大片，肉質夠脆口飲品超級多選擇，全部高級野，韓式飲品，Hite啤酒，各款茶類飲品都大量供應仲有多款涼茶供應，唔怕打完邊爐熱氣，食完火煱仲有幾款雪糕任食，今晚味道係朱古力，雲呢拿同埋綠茶味食埋雪糕飽晒超滿足，今時今日食火煱，真係要咁食先至夠歎，而且價錢咁超值，

香港真係一個美食天堂只要你想食鍾意嘅食物基本上可以不分季節都會食得到真方便，而且價錢亦不算貴連時間都慳返，尤其係火鍋真係冇分季節幾時都可以食到，是日就去我平時返工地方開飯就係荃灣，至於食乜當然係火鍋，而火鍋店係大鴻輝中心火鍋餐牌分別有兩款提供有蒸鮮之選海鮮套餐同一夜皇御套餐，當然食材會有D不同分別，最後我地要咗一夜皇御套餐因食材較豐富，先來有紅燒花膠翅，賣相用料足，飲到湯味道鮮甜，花膠夠滑溜口感十足其後有掌上明珠併溏心靚鮑魚，兩款都煮得相當出色，鴨掌炆得火喉足入口即溶，飽魚肉質軟綿夠香濃又到五色刺身拼盤，有三文魚，赤蝦、帶子，希靈魚同北寄貝，刺身食落夠新鮮已值回票價其後有即炒奇妙雞煲，睇落好似冇乜色彩就以為會冇味道，咁樣就錯晒啦其實味道濃郁，雞肉食落好嫩滑，而且越食越刺激真惹味食完一輪美食再來係火鍋時間，湯底係鴛鴦鍋底有杏汁豬肺同重慶麻辣，記得要品嚐下杏汁豬肺用料十足湯底香滑再來係每人附送有安格斯肥牛同航母海鮮拼盤（5–7）款，除咗以上仲有六十多款火鍋配料選擇，當然先品嚐安格斯肥牛，肉質肥美香嫩肉味濃，真係眨吓眼就食完輪到海鮮拼盤分別有海蝦，貴妃蚌，象拔蚌片，蠔同蛤，每款入口都夠鮮甜繼

去千色買完東西，朋友提議去大鴻輝食晚飯！朋友想打邊爐，我們見到鮮一夜火鍋是任食放題，就決定去食，晚市時段$268/位上到去見到環境好大，好多位！有各式各樣飲品任飲，還有啤酒~有雪糕櫃！自助醬料區有多種調味料~刺身拼盤新鮮，有蝦、帶子、三文魚、希靈魚和赤貝！厚切三文魚，牡丹蝦大大隻好爽口~足料花膠翅燉湯！鮑魚口感也不錯，炆得夠腍！奇妙雞煲可選擇大中小辣，好多香料，有洋蔥，香蔥！因為太肚餓忘了影相！雞件非常嫩滑，非常惹味！到火鍋了，我們選擇了杏汁豬肺湯！海鮮併盤有蠔，鮮蝦，象拔蚌，花甲好大隻蠔！一點也不怕腥！蝦非常新鮮彈牙，易剝殼！奉送的安格斯牛色澤新鮮，脂肪分佈又好平均，一卷卷，一卷入面有幾片，放落火鍋灼半分鐘就可以食！以上食物都是按人頭份量分配！其他火鍋配料是任食，丸類，手打滑，魚皮餃，全部都好高質素！出面還有蕃薯糖水！整體都很不錯，食材和服務都符合價錢~抵

近排天氣又凍返收工前即興約下有冇朋友去打邊爐好彩都有一個人應機朋友話去荃灣食近佢公司早收嘅我當然冇所謂最緊要有得食大鴻輝中心我都係第一次去估唔到呢度都有好多食肆今次揀左頂樓嘅火鍋店門口入到去好彩唔洗等位平日未到八點成間餐廳幾乎坐滿假期可能要等位坐底之後個呀姐好細心咁講解上餐嘅次序第一部分係跟人頭數目上第二部分嘅火鍋配料就任食汽水雪糕都係任食佢地個火鍋湯底會響食完雞煲後另上夠曬誠意唔洗成餐飯都食同一個味先前以為頭盤送嘅會好隨便出到黎有驚喜刺身好新鮮三文魚厚切蝦同帶子都好甜味道唔錯比得上酒樓水準海參原條上口感一流食完呢兩味以為自己去左酒樓食飯呀姐話雞煲唔好食太辣如果唔係到打邊個時會食唔到味所以叫左個少辣食落唔算辣同三少比可能仲冇咁辣添個人黎講應該接受到中辣雞肉都幾多同冇雪味海鮮拼盤都係跟人頭上有新鮮象拔蚌同花甲爽甜叫左個藥膳湯底冇咁燥藥材味十足呢張火鍋紙上面嘅就任食其實食埋雞煲都飽左一半火鍋都係叫左兩輪雖然價錢比其他任食貴少少但係由頭盤食到落尾口味都幾多變化物有所值

收工一心想去打邊爐食餐好嘅～大鴻輝幾乎所有任食餐廳都食過，終於黎到鮮一夜!價錢比其他任食餐廳高一點，相對地等候嘅人數自然就少一點～不過我依然係用 Open Rice 訂座服務為大家介紹一夜皇御套餐鋪頭賣點就係“鮮”我揀左少辣麻而不辣汁太好味啦真係“鮮一夜”了海鮮嘅鮮甜直豎拇指仲有五十款任食火鍋配料汽水自家涼茶一夜過食左中式佳餚·日式料理·惹味雞煲·仲有無敵海鮮火鍋!!!!!到底我點話俾朋友知今晚食左乜呀

上到去見到唔洗等位都覺得伏伏地，不過既然到左就試下，所謂鮑魚海參魚翅，大家唔好有咩期待，個雞煲淨係得調味料味，刺身更加唔好講得雪味，火鍋配料先精彩，第一次食到肥牛好似食香口膠，係咬唔斷，鱔片又唔靚，碌完係淋唔係爽，第一次食唔飽打邊爐，又唔係抵，真係無下次

寒潮剛過。春在枝頭，亦在眉頭。踏進這座荃灣著名食厦的升降機, 看見紫色的夜幕，開始浪漫的一夜。坐在頂層的窗旁，遠離塵囂，在火鍋的蒸汽襯托之下，有神仙之氣。座位之間空間寛闊，整潔有條有理，是談天的好食店。她喜歡吃火鍋，我每次都挑選最新最潮最有特色的火鍋店。火鍋的未來路向是綜合化，一店多食。有日式放題店融入磯燒，火鍋，仍未能跨國度。此店結合港式火鍋，日本刺身，中式晚宴，重慶辣雞煲，四者合為一。店名命為「私房菜火鍋館」，應該是因為只提供限定的菜式，食客除了「一夜皇御套餐」（平日268元/位），別無選擇。🍹千杯相濡酲多少和妳聊天最愜意，口沫橫飛，三台冰箱有數十款飲品供我倆選擇，以補充水份。我們互吐不快，互相鼓勵，結果我們每人約喝了7罐/杯。無情那似多情苦🍸十酲清走愁千緒。令我想起莊子「相濡以沫」的故事。兩條小魚被困在小水窪，彼此吐出泡泡，用自己的濕氣滋潤對方的身體，相互扶持，相互依賴，以對抗逆境。我不敢想像我們將來會如何，只想此時此刻撫平妳的傷口。還有自製的五花茶，菊花茶，冬瓜茶，不會很甜，以助「降火」。糖水只有一款，今夜是雪耳紅棗煲杏仁，滋潤甜漏，以防燥火。正個兩條小魚的需要。💰廣東豪宴+日

鮮一夜火鍋 同朋友係荃灣行街行到攰，天氣又凍，所以決定搵間火鍋店烚下烚下，行到眾安街大鴻輝中心見到呢間「鮮一夜火鍋」有個「一夜皇御套餐」，唔單止有得打邊爐，仲有雞煲、鮑魚、刺身等等，於是就決定食呢間！ 一夜皇御套餐 五色刺身併盤(三文魚、帶子、赤蝦、希靈魚、北寄貝) 一坐底侍應就會過嚟問雞煲想食大辣、中辣定小辣，我地都麻麻地好辣，所以就揀左小辣。揀好雞煲辣度之後，侍應就拎左五色刺身併盤俾我地喇～入面有三文魚、帆立貝、赤蝦、希靈魚、北寄貝，全部都好新鮮好好味！特別鍾意佢塊三文魚，夠哂肥美～ 紅燒花膠翅 食完刺身之後，就侍應馬上過嚟收野，拎左紅燒花膠翅比我地！個湯飲落好鮮甜，而且隻花膠真都幾大塊架～ 鮑汁扣海參併溏心靚鮑魚 仲有鮑汁扣海參併溏心靚鮑魚，鮑魚炆得好入味，而海蔘就彈形有口感～ 即炒奇妙雞煲 終於嚟到雞煲喇，我地叫左小辣都，都真係有小小辣架，不過食落又幾惹味。 藥膳養身鍋 食到咁上下，就係時候打邊爐喇！火鍋湯底有六款可以揀，分別係藥膳養身鍋、杏汁豬肺鍋、重慶麻辣鍋、養氐椰子雞鍋、香濃豬骨湯、芫茜皮蛋湯，我地就揀左藥膳養身鍋。 航母海鮮併盤(包括5