鮨真 (已結業)

🇭🇰 Hong Kong Tsim Sha Tsui 香港尖沙咀13貫Omakase lunch, 食完唔飽😅 啲飯細到一飯點，open rice 好多好評。個人覺得還可以吧。。。 個師傅個樣黑口黑面，可能因為我個朋友食野比較慢，師傅要等埋佢食完先可以上第二件，燥燥地。之前食過一次，今次再試多一次 。同樣地沒有驚喜。食大Toro咁細件真係第一次。但老實說，一份錢，一份貨。400蚊係咁上下架啦 😂 残念! そんなに美味しくない#平價omakase #抵唔抵見人見智 #沙鰈 #章虹 #赤貝 #赤蝦 #池魚 #銀鱈魚 #大Toro #帶子 #鏗魚 #剃刀魚 #燒右口魚邊#イクラ #カンパチ #ヒラメ #あかがい #赤えび #しまあじ キンダラ #大トロ #ホタテ #かつお #カミソリ

係openrice見到好多人都讚所以抱住一試心態上去，餐廳雖然主打廚師發板套餐但我地最後決定叫一個廚師發板魚生及再散叫其他嘢食，食物新鮮不太花巧及服務環境都好好，這餐廳絕對可以再去。我地点餐時候已問清楚侍應會每款會有兩件，但係來到其中一碟時候居然只有一隻蠔及一隻蝦，其實落單侍應及廚師都知道我倆是一起食的，所以當看到時候心想如果他們細心一點的話，應該在落單時候問一聲會否這兩款都各加一件這樣就完美好多，

因為朋友介紹，話呢度環境質素又好，所以想過嚟試好耐啦。呢度位於尖沙咀，位置都幾方便，樓高20層，景觀都好好，食環境都唔錯，夜晚嚟一定更好view。見今日轉左新Menu，就試一試呢個馬頭魚松皮燒定食！都係得$250咋！呢個係套餐黎，又有燉蛋同沙律，仲會有甜品。首先上沙律開開胃，接着仲有蟹肉燉蛋，沙律菜新鮮。燉蛋好多蟹肉，蛋又蒸得夠滑，完全冇交行貨。而麵豉湯都唔錯，味道剛好！香濃適中，飲完唔會好口渴。而今次個主角係馬頭魚定食，上層好脆口，用馬頭魚骨炸成，外脆內軟，好好食！加上特別調製嘅汁一齊食，真係好好味！兩樣野加埋好夾，溝埋珍珠米食！簡直一流！食飽飽仲有甜品食，雪糕有椰子味同提子冧酒，酒鬼嘅我梗係想食提子冧酒，酒味好香，又真係有提子乾食下，好美味好完滿好滿足！

識我既朋友仔都知我最愛食既係日本野～每次都完全係抵擋唔住，成日都好想食咁😳今次試左想試好耐既鮨真Lunch Set～環境好舒服，仲可以坐係師傅面前望住佢地即整壽司😳-🎈鮨真魚生飯定食 $348Lunch Set入面包左沙律、茶碗蒸、魚生飯、麵豉湯同埋甜品tim～先講茶碗蒸，啲蛋好滑同埋裡面仲有滿滿既蟹肉，好正﹗至於個鮨真魚生飯真係超豐富喔，超多款唔同既魚生😍仲要全部都好鮮甜😋最愛最愛的當然是帶子、海膽同埋拖羅啊🥳其實我以前真係唔食海膽，唔知點解有一種抗拒，但當有一次食過啲超正既海膽而且係勁甜之後，從此就愛上了❤️最後當然要講埋佢既甜品，有得揀開心果味同豆腐味，因為好少食到開心果味雪糕🍦所以就揀左了～～ 食埋甜品好飽同埋感覺好完滿🤩-🔸鮨真📍尖沙咀亞士厘道17-19號20樓

想黎呢度好耐嫁啦，地方方便，中午時份都滿座，環境都唔錯，大玻璃靠窗位，坐得舒服！呢度嘅魚生就出名好食，今日同朋友經過想試埋呢度既熟食，叫左個馬頭魚松皮燒定食！一開始就送上沙律、蟹肉燉蛋，菜新鮮，燉蛋足料！麵豉湯都好好飲，有魚肚同好多豆腐，味道剛剛好！呢個魚定食口感好特別，外脆內軟，同汁都好夾，好高級既味道，而配上珍珠米，再配魚既湯汁，唔錯！最後，雪糕是提子冧酒，感覺是自家製既特調，好好食，酒味又唔算好重，值得一讚！

幾個月前同朋友慶祝生日，食左夜晚omakase好滿足，今日朋友想再去食，我地就揀左中午lunch去食，對住維港景嘆omakase一大享受。我地叫左13貫壽司1件卷物，有沙律，茶碗蒸，麵豉湯，甜品和飲品。而家叫午餐set會送梅酒，不過我地唔飲酒叫左可樂。沙律新鮮爽口，醬汁帶點柚子味，酸酸甜甜好開胃。茶碗蒸蛋漿滑到無朋友，入面材料都幾豐富。壽司整體新鮮無腥味，拖羅油脂豐富，好香。赤貝好爽口，深海池魚肉質彈牙，海膽鮮甜，三文魚籽大大粒，晶瑩剔透，鰻魚肉質嫩滑，白魚子質感好彈牙，幾爽口。另外叫左個日本沖繩雞扒照燒定食，雞扒煎得好香，肉質嫩滑多汁，醬汁加左蘿蔔泥減少油膩感。我中意個麵豉湯唔會太咸。最後食埋藍莓雪糕好滿足。

本來想散叫，但價錢都是差不多，所以都選擇了omakase前菜很開胃。蝦即使熟了，但都很爽口很多汁。然後到刺身了，很薄很好吃。這裡的拖羅很好吃，入口即熔，非常香口好吃。螺片很爽口很鮮味。所有刺身都很鮮味很好吃。這個燒帶子很巨形，但不失口感同味道。但燒完比較油，所以師傅用紫菜包著給我們吃。紫菜很脆，然後帶子爽口又多汁，是口感同味覺上的享受。這六件壽司最值得介紹是海膽壽司。源自日本的海膽，鮮味得來沒有太多海水味。最後是日本靜岡縣的蜜瓜，非常甜。臨走時還送了消毒揉手液給我們。是很衛生的餐廳。

🔎 尖沙咀亞士厘道17-19號20樓*📍 鮨真.經過尖沙咀,見有間日本嘢好多人介紹.加上諗住lunch可能小啲人,即刻去潮聖下!搭lift嘅時候已經覺得view一流,上到去食住嘢去感受咁wide嘅景色真係好正!叫咗個刺身套餐,有蛋,蟹柳,蝦,帶子,魚籽超級鮮甜!不得不提係呢到嘅吞拿魚,超級厚身,滿口脂肪!勁正呀!set仲配有麵豉湯同同蒸蛋.🤩擺設得美侖美奐.#entrytsimshashui

其實我真係好鍾意食日本嘢咁岩喺尖沙咀做開野記得呢度有好多日本野就嚟咗鍾意食廚師發板因為佢夠新鮮而且啱晒我啲選擇困難症嘅人佢哋會幫你揀唔同嘅壽司今次我嚟就食咗個13貫壽1本卷物仲有麵豉湯同埋甜品真係飽到傻因為我晏晝時間去食都比較多人所以我冇得坐喺壽司吧如果你哋下次去食就建議你哋一早book位話坐壽司吧因為佢晏晝多人而且壽司吧位得八個如果坐壽司吧位呢佢就會一件一件壽司上我今次冇得坐就錯過咗壽司分別有吞拿魚面豬燈，赤背，新鮮青魚，白蝦，膠魚，春魚，銀雪魚，蜜柑叼，拖羅，深海池魚，油甘魚，三文魚子，海膽樣樣都好新鮮唔係你平時去食嘅壽司店仲有個手卷係拖羅手卷，好正雪糕佢就係豆腐/藍莓雪糕3/4月份佢仲會送自家製嘅梅酒佢啲梅酒浸超過一年以上

呢度嘅午市比起同區餐廳算比較划算，套餐會跟埋沙律、茶碗蒸、麵豉湯同甜品。想忙裏偷閑就嚟咗呢間午市唔算多人嘅鮨真，環境舒服，有大玻璃可以睇到尖沙咀景觀。麻醬沙律，平時好怕食到沙律菜係苦嘅，但呢度就冇！茶碗蒸同出面嘅唔同，呢度有蟹肉，食落就更奢華！蟹肉鮮甜！主菜揀咗三色魚生飯，其實唔止三款魚生！呢度有三文魚籽、海膽、吞拿魚蓉同玉子燒。魚生多，感覺唔會似淨係食白飯，三文魚籽份量多，口感正！海膽新鮮，超鮮甜！吞拿魚蓉有魚油香味，撈埋晒一齊食真係好邪惡，好滿足！麵豉湯。甜品方面有開心果雪糕，食落唔會太甜！

今次嚟咗尖沙咀亞士厘道一間食日本菜嘅餐廳食午餐，專門食廚師發板，環境都幾舒服，落地大玻璃可以望到尖沙咀景象，仲可以坐喺師傅面前睇住佢哋整壽司。午餐揀咗個廚師發板5款刺身+5款壽司，套餐仲包左麵豉湯、沙律、蟹肉蒸蛋同甜品。蟹肉蒸蛋好足料，滿滿嘅蟹肉！刺身方面有深海池魚、帶子、拖羅、太刀魚同新鮮青魚，師傅建議我哋由白身魚開始食起，味道又清到濃。刺身食落新鮮，唔會雪到好硬身，每件都切得厚身，值得推介嘅係太刀魚，燒過，厚身得來有油脂香味！壽司方面，有深海池魚、銀鱈魚、金目鯛、三文魚子軍艦同海膽軍艦。深海池魚沾上醬油，唔使特別調味！好少食銀鱈魚壽司，食落魚香十足！金目鯛，帶點爽口！兩款軍艦都鋪滿滿滿嘅三文魚子同海膽，食落好滿足！雪糕有開心果味同藍莓味。

今日晏晝又俾同事捉咗去食好嘢，不過又真係好好味～今日嚟咗呢間叫鮨真既餐廳食，環境好高級咁，野食都絕對襯得起個環境，好高質！我叫咗三色丼套餐，三色丼係我嘅最愛，見親都會點黎食！呢個餐有燉蛋、沙律、麵豉湯、主食同雪糕。三色當到啦～哇好吸引！！海膽同埋吞拿魚蓉真係超級有驚喜！喺香港真係好難可以遇到咁好食嘅海膽，佢仲要有兩大排，勁高汁😍識落完全冇腥味，因為香港好多海膽都會有啲怪味，但係呢一隻完全係好似係日本魚市場食到，北海道直送既嘅嗰啲質素咁，超鮮甜！食落超幸福！超有驚喜！拖羅蓉都係不得了，師傅唔係絞碎啲拖羅就算，佢仲加咗啲調味，食落超鮮甜，有啲甜味又有啲鹹味吊起個味，用嚟撈飯食不得了！真係好想知佢係點樣整！真係勁好味！三文魚子就唔使講啦，梗係好鮮甜，撈飯食勁好味啦😋甜品雪糕竟然有開心果味嘅雪糕！有特別嘅口味都幾驚喜！又真係好友開心果味，好味～質素好高既一餐lunch❤️

係尖沙咀做野最開心，因為附近最多好野食，今次去左食餐好既日本野慶祝朋友升職～上網揾到呢間鮨真，位置好方便，地鐵站上，五分鐘内到。到門口已經覺得環境好好，好大個窗，景觀開揚。午餐我比較鐘意食丼，叫左個雜錦海鮮丼，店員會好貼心問你有咩唔食～首先有燉蛋同沙律，燉蛋好滑，底嗰度有蟹肉，好香。戲玉嚟啦，哇！超豐富！本來都估到會好多海鮮，但無諗過場面咁墟冚！會唔會太靚呀。仲有個玉子燒左鮨真既名估唔到佢個雜錦魚生丼係有晒大中拖羅！睇吓塊大toro幾靚！拖羅真係不得了，啲魚嘅油香勁鮮甜！仲有海膽都好足料，千祈唔好睇小佢嘅海膽，絕對係日本嗰種勁鮮甜勁好味嘅海膽，完全唔會有怪味。帶子夾住塊檸檬片，一共有兩塊油甘魚都好味，魚生都笑得好好味，全部調味都好好，仲有三文魚子撈飯，不得了！呢個雜錦飯真係超抵食！唔單止多魚生食，仲要每一款都係用最高質嘅材料！😍食完飯之後就有麵豉湯，仲有甜品或飲品二選一，我揀咗藍莓味雪糕，佢嘅雪糕奶味好重，超啱我口味！麵豉湯口味偏龍，入面都好足料。滿意開心超滿足嘅一餐！午餐可以食得咁好實在太開心啦。

疫情期間，連出街食個飯都會怕怕。呢啲時候，最好都係搵啲私隱度高啲，又可以坐得舒服，食得暢快既地方食飯會安心啲。係尖沙咀鬧市入面都有唔少高質既日本料理，可以食omakase既鋪頭都唔少，今次黎到鮨真食lunch set，位於亞士里道22樓既高層，bar枱後方景觀開揚，可以睇到維港，感覺舒服。lunch set由238蚊起跳，由簡單既魚生飯，便當到omakase都有。今次我就揀左omakase sushi set慰勞下要翻工既自己。。。先黎前菜茶碗蒸同沙律，沙律正常發揮，茶碗蒸香滑，入面仲有新鮮既蟹肉絲，係正既。另外值得一提既係，而家做緊promote，lunch set會送自家制梅酒，唔飲酒既朋友都可以揀普通soft drink。跟就開始食壽司～～～先黎比較淡口既魚，左口魚肉質好滑，上面既魚稍為燒過，增添左一份香氣。然後係加左梅醬既針魚，同樣好滑，食落幾彈牙，梅醬味道唔會太濃太搶。深海池魚我不嬲都幾鐘意食，肉身又係幾彈牙，有口感。然後到鱆紅魚，呢件同頭先既完全唔同口感，魚身食落好軟滑。赤蝦都係，而且黏口，帶蝦肉應有既甜味。帆立貝唔係完全軟身，咬落有少許彈牙，感覺新鮮。跟住開始愈來愈濃味，

來過尖沙咀亞士厘道17-19號大廈幾次，有吃過串燒、鐵板燒，沒想到這裡藏了很多餐廳日本之旅由原定二月改期到八月，現在看來旅程應該還得延後或取消只好來找間日式餐廳吃個刺身一解愁緒。食物: 4.5/5▪️鮨真魚生飯定食一上桌，看到這份量就已嚇到淨吃刺身都已飽了，吃不下底層的飯。平日在香港最常吃到的魚肉刺身是三文魚、呑拿魚，但這款魚生飯竟集齊了8款不同魚肉刺身款式可媲美Omakase! 味道及口感各有不同，有淡有濃、有薄有厚，明顯吃得岀分別！重點是魚肉彈牙不會霉、鮮甜、沒有魚腥味(上次去別家吃Omakase，吃完分不到魚肉有何分別，又滿口魚腥味)!另外還有帶子、蝦、蟹柳、海膽及三文魚籽！全部都新鮮鮮甜我最欣賞三文籽，因為比一般更大更鮮甜！Lunchtime 免費送梅酒酸酸甜甜非常適合我！吃完魚生飯就對這裡刺身充滿信心下次再來嚐嚐Omakase