鮨一 (厚福街)

营业中

休息中

日本菜永遠都係香港人既最愛，十八區入面，每區都一定有唔同既日本餐廳，不過香港人越來越識食，亦會追求更好更高質既日本料理，今次去到厚福街搵食，都有唔錯既驚喜。呢個鮨一沙律有來自日本既蕃茄，食落好似食生果咁，再加上三文魚，帶子，蝦同沙律菜咁，一睇就已經好豐富，加埋食材夠新鮮，非常開胃。來自日本既蠔，好有海水味，蠔味好濃而且好甜，愛蠔既朋友必試。活北寄貝肉質好爽口，入口好甜既貝味，唔錯。粒貝食落好爽脆，而且切得好薄，每一片都差唔多厚度，而且好鮮甜。蜜柑鯛，師傅建議第一啖唔好加醬汁，先試下佢既原味，會有好清既蜜柑香，甜得來好清新。師傅將時令既秋刀魚做成刺身，切得好靚之餘，師傅起骨再片既魚肉，刀功一流，而且魚肉肥美，入口會食到魚油香味。比較少見既沙甸魚壽司，粉紅色既魚肉包住醋飯，食到好鮮既魚味，賣相仲好吸引。雜錦天婦羅有海蝦﹑茄子﹑青椒等等，個炸粉好薄好脆，唔會太油，可以食多幾件。辣酒煮廣島蠔，蠔肉大大粒，吸收曬辣酒既味道，非常香口。清酒煮蜆，蜆肉好清甜，加上清酒既淡香，個湯可以飲多幾碗！

之前食過Omakase，同男朋友很喜歡呢類高質素而且新鮮既日本料理，略有意猶未盡既感覺，一直都想搵間同類高質既日本料理。於是我地訂左呢間鮨一試試。位於美食集中地既厚福街，環境顯得低調而溫暖，有唔少日本傳統既小擺設。G One Salad首先試下沙律，頂層係來自日本凍蕃茄，多汁清甜，而下面就有唔少剌身粒，每粒都切成bite size，有三文魚、帶子、牡丹蝦、劍魚等，最底下為沙律菜，再加上沙律醬，非常清新。日本真蠔Size 有手掌 咁大，食落口非常鮮甜，而且好Creamy好厚肉，再配上特調醬汁，非常開胃。活北寄貝刺身同一般食到既紅肉北寄貝唔同， 活北寄貝肉厚而爽脆，但比普通既紅肉北寄貝軟身，味道鮮甜。粒貝刺身粒貝即係一段我地俗稱既響螺，師傅刀功唔錯，切得好薄，入口爽脆彈牙，加上醬油令粒貝更加鮮味。蜜柑鯛比較特別既食材，鯛魚培育時已經會餵食蜜柑，所以魚肉入口後會食到淡淡既柑橘香味，建議就咁食，不加醬油，會可以品嚐到柑橘香味。秋刀魚刺身食野當然要「不時不食」，師傅介紹，指每年既9月到11月，都係秋刀魚最肥美既時間，所以推薦我地食秋刀魚刺身，切得好薄之外，魚肉粉嫩偏紅，配上姜茸、蔥碎及醬油，油脂

今晚同朋友去左尖沙咀食日本野, 價錢合理, 味道超乎我地預期哦叫左一些機貨, 其中一個就係宮崎新鮮粟米, 原來可生食, 第一次食真好好驚喜! 每一粒都香甜, 而且皮薄, 有高質素嘅粟米食, 好窩心呀第二個飛機貨就係北寄貝刺身，冷拌生吃，口味清新。味道甘甜、肉質肥厚、口感極佳。搭配豉油芥末，滋味一流!日本真蠔, 肉質肥美，鮮甜，口感Creamy，金屬味和海水味不重，更能突顥它的鮮甜，有獨特的甜味!蟹噌甲羅燒，蟹蓋上放了豐滿的綠色蟹膏、蟹肉及鵪鶉蛋，邊攪拌再配埋多士一齊食, 咸香滿溢, 十分滋味辣酒煮蜆, 蜆大大隻又無沙, 肉質夠滑, 味道真係惹味到極點... 食到唔想停

今晚同未婚夫黎拍下拖叫了幾款小食，都非常滿意所以要黎記錄低！刺身壽司價錢合理日本真蠔鮮甜，海水味不濃始終日式食法，不同食生蠔佢仲會有個醬汁同食特別！牛小排未婚夫話好好食燒得剛剛好，軟嫩！華味鳥雞翼普普通通，不算特別調味也未見特別但燒得剛好，不會老雜錦沙律沙律菜調味特別，幾好味！魚生粒相當慷慨，每款魚生也大大舊，絕不將貨就價，俾啲下價野！正！什錦天婦羅賣相精緻，炸物不油膩蔬菜比蝦肉更出色！

今晚同朋友仔去食日本野又來到厚福街，唔好以為又係H8原來係附近的另一棟大廈我地早早黎到，可以靜靜地咁食先叫左一個特上刺身拼盤共有八款刺身叫了侍應介紹了一下分別是超拖羅，池魚王，鯛魚，帶子，𩶘魚，牡丹蝦，金目鯛同海膽豐富到極呀！每樣都好新鮮！𩶘魚食落去淋淋地，卻有鮮味池魚王，超嫩滑，魚肉細緻金目鯛味似三文魚但更肥美，魚香四洋溢厚厚的帶子，甜美！海膽，鮮美！什錦天婦羅有三隻天婦羅蝦，蝦肉不算好彈牙，但炸粉夠薄，挺鮮美！蔬菜天婦羅每款都很美味！南瓜與茄子，甜美到極！華味鳥雞尾尖感覺幾特別就叫黎試下食落其實係一舊肥肉，但脆炸過後，面層脆脆的，內裏軟軟地，幾好味！華味鳥雞腎串朋友喜歡的就叫黎試下，幾有咬口，食落好有雞味😜味噌煮牛舌本來想燒牛舌，但無謂重覆，所以揀呢個味噌湯超甜，蘿蔔又好好味，完全無渣！牛舌不是超淋的，但煮得剛好，而且很入味，讚！👍今餐真的超滿足，超滿意估唔到咁嘅價錢，可以有咁高質素嘅食物唔怪得會得到朋友推薦！一定會再來的！

最近朋友揾到新工，想好好慶祝下，所以就話請我呢個仲未有收入嘅可憐蟲食餐好嘅～既然唔係我比錢，梗係交比我朋友負責叫野食。佢係一個海膽fans，所以特登揀左呢間食海膽好出名嘅餐廳。侍應安排左我地坐bar枱。我本身以為Bar枱相對係冇咁多人鐘意坐嘅，點知後面黎嘅人唔少都要求坐Bar枱可能可以望住師傳準備野食有氣氛D第一樣上枱嘅野係日本真蠔。朋友真係好大手筆，知道我鐘意食生蠔，就一人叫左一隻上枱真係嚇親我，差唔多成隻手板咁大隻望住師傅去清洗處理，令我非常之有信心佢係乾淨嘅。師傅係上枱前已經幫我地調好左味，唔駛自己落汁。食落口首先第一個湧上黎嘅味道係海水味，鹹鹹地，之後就係蠔嘅香味口感超級滑，又脹卜卜，完全係超級高質之選。我從來都未試過係酒店buffet 以外食過生蠔，太平嘅又唔敢試，太貴又唔捨得。今次真係令我大開眼界，令我更愛生蠔啦！隻蠔真係大隻到食完都佔左個肚嘅一D位置。係呢D咁高級嘅餐廳，我地都係奉行叫一兩樣，食完再叫嘅原則。之後就食呢個鮨一沙律。魚生沙律真係第一次食，感覺好清新。有時食魚生食得多會稍稍覺得膩，但食返D沙律就覺得fresh返。而且有好多唔同種類嘅魚生，每樣都唔少，一次過就可

今天和好朋一齊食尖沙鮨一食好嘢不用是什麼節日，只要和最好的您食就是最美一入來，可能因為早，不算多人我們被安排了坐吧枱，又可以望住主廚為我們悉心準備各式刺身！我們點了雜錦刺身，共有八款，包括帶子、拖羅、海膽，仲有些不知名的魚，味道真是一流！今天，我們特地嘗了秋刀魚刺身，師傅手功一流，將原條秋刀魚活現我們眼前。細細一條秋刀魚，味道卻很肥美！正！驚喜真的一浪接一浪，我們點的辣湯煮蜆，先是蜆又大隻又厚肉，而且還很甜美，辣湯也非常好喝，最重要是白蘿蔔，吸收了蜆和湯的味道，真是滋味無窮！雖然位於尖沙咀，但價錢一點也不貴！下次有機會一定要再來。溫馨小提示，記住要訂枱，因為雖然是樓上店，但也有很多人排隊。

一向都好鍾意食居酒屋 咁今次就黎到呢間出名既居酒屋享受美食晚餐時段都幾full下 我地坐係吧台位仲可以望住師傅即時整 前菜就試左呢個招牌既鮨一沙律 真係好大份好足料 有好多肥美新鮮既三文魚 帶子 章魚等等 再加上新鮮既沙律菜 鮮甜既番茄 好開胃 鐘意食蠔既我地當然要試下呢度既日本真蚝 真係大滿足 好想encore 生蠔又大又厚肉 又好滑 味道鮮甜 日本馬糞海膽手卷同樣係必吃 估唔到有咁多海膽呀 仲多過啲飯海膽好肥美 creamy  水準唔錯另外都試左幾款魚生 鯖魚刺身 秋刀魚刺身 煙薰雞刺身 全部賣相都好吸引 尤其係秋刀魚刺身 就好似一朵花一樣 呢幾款我都係第一次食 真係幾特別牛舌唐揚好特別 平時都冇見過 炸得幾薄 但又可以為牛舌增添多一層口感 而且牛舌依然保持到原本的肉汁同彈牙串燒系列都唔錯 特別推薦雞胸軟骨同雞腎呢兩款 真係好味 又好有質感而宮崎縣超甜粟米同樣好驚喜 原本見到是要生食粟米都有啲擔心會好乾 但估唔到會咁juicy 一咬落去 啲汁仲會彈出黎 而且真係超甜 可以解下食魚生同串燒後既油膩感後繼續食

厚福街成條街一向多野食，所以我久唔久諗唔到食乜 都會過黎望望有乜野食，比我揾左間日本餐廳吸引到我！上到去，我地選擇左坐吧台,可以觀賞埋師傅料理！我地叫左個日本真蠔，蠔味比較creamy ,海水味不會太濃，蠔肚位漲卜卜，夠哂大隻 係由日本爭鮮空運既新鮮貨！跟住再叫左個飛機貨，秋刀魚刺身，呢款魚魚既鮮味比較重，師傅將秋刀魚切到好精緻，賣相一流，再沾上酸汁 更有鮮味！跟住見到有宮琦縣甜栗米，係生食既，栗米甜得非常自然，粒粒都好令，好正呢！雞皮串熱辣辣夠哂香口，食落唔會好油膩。最後仲叫左個日式味噌煮牛舌，牛舌每一塊都非常厚切，入口好有口感，湯汁好清甜！ 蘿蔔非常軟淋，吸哂湯汁既味道！呢度店員服務態度親切，值得讚啊！

今日同女朋友喺尖沙嘴行完街，到了晚餐時間，都吾知食乜好..於是上openrice 睇下有乜好食..就比我地發現到一間有不少好評嘅日本料理..一於去試下.....這裏地方不大，一眼望哂，連壽司吧枱、大概只有廿多個位..沒有什麼特別的裝飾..但整體感覺尚算舒適....今晚我被安排坐在壽司吧，可以望著廚師弄工作，也算不錯⋯⋯首先先來一客秋刀魚刺身，燒嘅就食得多..刺身真的是第一次試...賣相不錯..果然同燒嘅有好大分別..入口鮮甜美味...👍👍👍岩蠔 - 它比一隻手掌還要大...平時食生蠔都系一口過的..但哩一隻要分幾啖先食得完...非常creamy,蠔味十足...正..再來一個華味鳥雜錦串燒（雞腎、雞皮、雞肝、雞翼、雞心、雞尾），燒得非常香口惹味....各有特色...A5和牛串 - 入口即溶..牛味十足..牛脂肪在口中慢慢滲出⋯⋯一絕👍👍👍淸酒煮蜆 - 湯濃且滲出啖啖酒香味，d蜆亦肥美鮮甜！最後再來一個什錦天婦羅...這個不錯，炸得鬆脆、粉也不會大厚..香口而不油膩⋯⋯完美的一餐就這樣結束了！

今天下午跟老公去了尖沙咀逛街，到了7時左右大家都累了，肚子又餓了，決定是日血拼到止爲止，醫肚爲上。身在金馬倫道的我倆忽然想起了這間很久沒有吃過的「鮨一」，好在即時致電訂枱剛好還有兩位吧檯位置。《日本真蠔 $176/2只》大優厚肉，金屬味濃，放有蘿蔔蓉和蔥，再加上酸汁調味，更顯鮮嫩！《G One 沙律 $128》主要有三文魚、劍魚、帶子、生熟蝦肉和沙律菜，頂部還放有一個凍蕃茄，很清新！《海膽壽司卷 $356/2卷》用上差不多半板的日本馬糞海膽作一卷，味道濃郁鮮甜，完全不會澀。建議要襯紫菜變軟前快吃，以保持香脆口感。《秋刀魚刺身 $168》+《雞肉刺身 $88》兩款刺身都是一般日本餐廳少有的，這裡竟然有，實在驚喜！秋刀魚刺身有一種獨特的濃郁味道，肉質嫩滑完全不腥，咀嚼下有陣脂香浸出，放點薑蓉再蘸上特別配上的醬汁更加惹味。前陣子有位日本師傅知道我將會去日本，特意提我一定要去吃雞肉刺身，估不到在出發之前就可以吃到呢！原來口感和味道有點像火腿，帶點咸香，感覺特別。《清酒煮蜆 $65》蜆的份量多，肉質肥嫩鮮甜；湯底清甜；底部有汁潤的蘿蔔。《牛舌唐揚 $88》有六片炸得金黃的牛舌，入口香脆而且味道調

為好友慶生，她說了一個字［鮨］，［鮨］是什麼意思？在日本街頭特別是築地附近常掛著「鮨」的店招或布條，到處可見，「鮨」是什麼樣的魚？是魚店賣魚的招牌嗎？這是個有趣的問題，根據理解「鮨」的意思是「壽司」，鮨，原意指體細長而側扁、紅褐色有斑紋的魚類。原來她想說食日本料理，需要這麼玄嗎？一於［鮨］到底，上網搜尋有數間的選擇，為遷就壽星女主要由區域開始，尖沙咀是首選，其次是食物質素的比較，［鮨］一成為今晚慶祝及聚餐的地方。******************************日本真蠔$176/2@日本真蠔相山岩蠔略為細小，約4-6cm左右，白滑蠔上化了眼妝迎合夏天，蠔身飽滿肥美肉厚，小胖妹子食落鮮甜蠔味較為清淡，Rock味金屬沒有，這妹子斯文白滑蠔味淡淡而出，讓人回味！******************************蜜柑鯛＄220薄切蜜鯛魚刺身晶瑩剔透，簡簡單單赤祼祼展現面前，品嚐時沒有魚腥味還有淡淡的水果香氣，吃蜜柑長大的鯛魚，散發出獨特的香氣及甜味，入口即化的蜜柑鯛魚軟腴無需過多調味，滋味豐腴厚實。******************************華味鳥煙熏雞刺身

朋友相約於尖沙咀食飯，一早訂定位嘅我哋，八點鐘準時到達，食完餐飯，今晚仲有下場，希望有個愉快嘅一晚。點了鮨一沙律， 完全驚喜， 冇諗過刺身會多個沙律菜，誇張到一個點。入面嘅海鮮種類很多，三文魚，章魚，蟹子等，林林總總，對海鮮敏感嘅人一定唔食得。 最重要其實係個醬，一般都只係普通沙律醬，冇諗過入面加芥末醬，令到少少刺激，增加食慾。手卷日本馬糞海膽， 一開始先點一條，最怕貨不對版，嚟到馬上加單，成半板馬糞海膽咁上，最重要夠新鮮，完全冇腥味，另外紫菜是脆的，已經夠驚喜。宮崎縣超甜粟米， 朋友話一定要食，都唔知有咩咁好，睇到個樣以為生嘅。 估唔到咬落超多汁，勁甜。日本真蠔，嘩嘩嘩，好大隻，好大隻，好大隻，重要的事要說3次。 入口甘甜，帶有淡淡嘅海水鹹味，最重要清潔得夠乾淨，完全唔會覺得放舊污糟野入口，好好味。今次一人食少少， 已經食到好多唔同嘢食，下次再來就要試下，串燒，壽司， 呢啲都係日本食物嘅精髓。

對於我呢個海膽迷黎講，真係日日食海膽都唔會厭，今日男朋友帶我黎呢間有得食千層海膽的日本餐廳。因為我地無book位，所以等左差唔多一個鐘先有位，裡面地方唔算大，所以座位唔算好多亦都顯得有d逼。千層海膽黎啦～有大/細size可以選擇，我地叫左個細既。對比起食過咁多間既千層海膽黎講，呢度既海膽疊得唔係好靚，有少少東歪西倒，而且一眼望落去已經見到有少少水，唔似好新鮮，果然一食落去味道真係無預期中鮮甜☹️對於一個為左食海膽而黎既人黎講，真係有d失望～甲羅燒就幾好食～好香蟹膏味，而且有好多塊多士可以夾住食～

又黎到八月尾就黎開學，梗係要食一餐好野啦。先黎個招牌沙律 - 鮨一沙律，有魚生配生熟海蝦，口感非常特別。蕃茄什至選用長野縣產既蕃茄，相當清甜唔覺酸，估佢唔到跟著試下超甜粟米，平時好少生食粟米，最多用黎煲下湯，呢個粟米好似食埋糖咁，食唔停口。跟著就有各式各樣既刺身，用料相當足夠，魚生又新鮮。食夠生野係時候食下熟野暖胃辣酒煮蜆食落有少少似泰國冬陰公湯味，但蘿白又好甜，唔覺意又食晒。呢度又有串燒同天婦羅，特別推介雞軟骨係連埋雞胸肉上，口感比齋雞軟骨更豐富。最後推介甲羅燒，哈哈，呢度係配多士，估唔到咁夾，比起齋食甲羅燒無咁重味，配搭岩岩好。