鮨一 (厚福街)

营业中

休息中

味覺早被日本嘅水產市場寵壞, 但下回日本之旅遲遲未到, 今晚決定先到呢間出晒名食材優質嘅日本料理, 滿足一下味蕾。容許我skip前菜、小食先為大家呈上日本馬糞海膽！！！震撼吧！係成隻手指頭咁大嘅馬糞海膽呀！...成板就食唔起啦, 點個手卷過一下癮吧。日本馬糞海膽手卷 $356/2件坐吧檯直擊師傅將一行行海膽密鋪手卷, 每一瓣都肥美飽滿, 一啖入口, 迷人鮮味隨即湧出, 濃郁甘醇, 齒頰留香, 連同行朋友都邊食邊大讚。其他美食同樣出色！日本海葡萄番茄沙律 $128海葡萄出奇地鹹味不重, 沙律菜新鮮爽口, 酸甜紅番茄水份充沛, 清新怡人。有殼活帶子 $128帶子肉質豐厚, 嫩中帶爽。活北寄貝 $248 平時常見嘅北寄貝, 因為經過加熱處理, 貝邊變成紅色。今日呢隻活北寄貝保持原有灰紫色, 食落更爽脆回彈, 鮮甜度無可比擬。清酒煮蜆$65蜆肉甜味融入清澈湯頭, 飲出天然原味。華味鳥雞翼串 $58, 鹽燒牛小排串 $55 串燒火候控制得宜, 雞翼皮脆肉嫩, 牛小排有嚼勁而不韌, 惹味非常。花唉蟹壽司 $116/2件夏天正值北海道花唉蟹嘅盛產季節, 師傅即場起肉製成壽司, 夠晒矜貴。餐廳用料優質

呢間日本餐廳我想試好耐！今次預早訂位～專程來食好西！日本真蠔生蠔肥美漲卜卜！賣相極吸引～口感清脆，肉質飽滿～散發淡淡海水香～帶子位清甜，明太子及青蔥天加帶出鮮味！壽司-師傅非常仔細因著魚的濃味情度，地講解吃壽司的先後次序鰤魚壽司（左上）魚肉極有質感，散發著淡淡魚油香。鯖魚壽司（右上）魚味香甜，充滿嚼勁。白蝦壽司（右下）蝦肉切成條狀，膠質豐富，入口即溶。目光魚壽司（左下）味道有點像鰻魚，香味卻更勝一籌！小肌壽司（中間）魚味最香濃，油香味在口中久久不散，非常滿足！另外一提，鮨一的壽司飯因使用赤醋，故是赤色的，進一步帶出魚的鮮味！華味鳥煙薰雞刺身$88第一次試吃雞肉做的刺身，質感與厚薄程度的確與魚的質感有9成相似！煙薰味濃度岩岩好，亦可以去除鯹味。是很有創意的菜色！餐廳食材新鮮，烹調手法大大帶出食材的鮮味！下次會再來光顧！

夏日炎炎，想吃清新一點的話，自然會想到日本菜！今次和朋友來到這餐廳聚聚舊。餐廳地方不大，平日夜晚都滿座！想吃的最好訂左位先到～鮨一沙律$128份量十足！有大量的三文魚、帶子、章魚等海鮮～三文魚香而不膩，帶子非常鮮甜，章魚水份十足！沙律菜新鮮爽口，靜岡蕃茄酸甜開胃，為晚餐揭開序幕～粒貝刺身$398粒貝爽甜，口感薄脆！沒有鯹味或沙粒～是另一開胃之選！宮崎縣超甜栗米$98想不到粟米生吃也可以如此鮮甜！粟米肉飽滿！像喝粟米湯一樣！非常驚喜呢！日本沖繩苦瓜$78苦瓜用上味林及糖炒香，味道鮮甜，絲毫沒有苦味！苦瓜薄切爽口，容易入口！和友人很快便把這碟菜吃光了！牛舌唐揚$88極力推介！⭐️⭐️⭐️⭐️⭐️喺香港食嘅牛舌好多時一係就好韌，一係就好鯹。呢度有肉汁得來完全唔鯹！炸皮薄得恰好，整體非常出色！傾下傾下，又想食點香口野，就點了串燒-華味鳥系列。雞皮串$28脆口，充滿鹹香！雞肝串$28味道濃，富有質感～雞翼串$28x 1雞皮香脆，肉質結實！時惹味之選！想不到今餐是如此滿足！

日本菜吸引之處在於其天然新鮮嘅食材, 不過要喺香港搵到真正好食, 用料新鮮而又未至於天價嘅日本料理並唔容易, 今日我終於搵到喇！鮮味之旅啟程！手掌咁大隻生蠔唔係未食過... 不過大得嚟仲要圓潤到咁就真係第一次食！日本岩蠔 $198岩蠔蠔身肥美豐厚, 啖啖都係肉, 一入口海水鮮味同濃厚蠔香同時爆發, 肉質creamy到不得了, 仲巨型到要分幾啖先食得晒。日本仙鳳趾蠔 $88 仙鳳趾蠔比岩蠔slim一啲, 口感爽嫩幼滑, 又係另一重享受。蜜柑鯛薄切 $178薄切魚片潤澤透光, 魚鮮味突出, 魚肉富彈性, 很有嚼勁。日本馬糞海膽手卷 $178呢個海膽手卷太浮誇了吧！海膽一瓣疊住一瓣, 比飯量更多！ 海膽瓣塊夠大夠厚, 而且水潤豐盈, 香濃幼滑, 獨特韻味於口腔悠長不散。甲羅燒$98蟹膏混合生蛋黃, 甘香稠滑, 配上多士, 滋味無窮。華味鳥煙燻雞刺身 $88 雞肉都有刺身？真係聽都未聽過, 好心奇心驅使下決定一試。食落口感同味道接近煙三文魚, 衝擊不太大。宮崎超甜粟米 $98粟米刺身, 粒粒飽滿潤澤, 清甜爽利, 水分充足。整體食材用料優質, 每一道菜都無可挑剔, 其中生蠔同海膽最為出色, 係

好日都唔出城，今次山長水遠走入尖沙咀為既就係呢間鮨一，成日聽到朋友食呢間我都覺得有咩咁特別，今次就到我黎試下佢。我朋友好中意飲日本既味增湯所以黎到呢到都唔例外嗌左一碗，佢呢到既味噌比較鹹所以我飲完都飲左好多杯水，所以都算適合重口味人士試試佢。之後上場既係八爪魚冷盤，其實佢無乜好特別既味道，反而感覺到佢有用鹽水沖洗過後再用豉油，糖將佢調味上台。另一樣日本菜必食既就係燒牛舌，呢個牛舌比我想像中硬身同偏鹹，假如送酒的話呢個會係一流既選擇。到左今日既重要刺身拼盤同埋金箔海膽丼！呢2樣野就真係要讚一讚，刺身拼盤並唔係一般街邊放題既質素，佢既三文魚同甜蝦可以話係入口即溶，蝦肉好彈牙，無雪過急凍過既味道。而海膽丼亦係一絕，幾款唔同種類既海膽配埋一齊，大家都無奪去其他海膽既鮮味，無苦澀味之餘入口回甘，海膽既鮮甜配上日本珍珠米煮成既白飯，真係食多幾多碗都得呀！

環境帶點日式，會有SUSHI BAR 見住師傅整刺身。等待中，前菜先點個沙律先日本海葡萄蕃茄沙律 $128超級健康的沙律，海葡萄好爽口，食完好開胃。勁多刺身 ！都係單點既，但會放埋一齊好大盤好正!日本鮮帶子刺身（1匹) $58、鰤魚4切 $118 、鯖魚剌身 $128、活北寄貝 $248、粒貝 $388先講刺身，係好厚切，鰤魚同鯖魚都入口嫩滑，仲有魚油必出黎。我最愛既帶子勁厚又大粒！好彈牙，勁新鮮。而粒貝肉質比教幼嫩爽口。宮崎縣超甜粟米 $98朋友死都要叫粟米，本身以為好普通，原來真超甜！咬落去勁多汁。睇個樣仲以為係生架TIM!鯛魚奶湯 $76好濃烈的魚湯味，仲有陣陣的奶香同朋友兩個食左一晚高級且有質素既刺身！雖然價錢都唔算平，但偶然食下都係不錯

又係紀念日既時間，肥仔好想食日本野，但係又唔想去大型連鎖店，知道尖沙咀有小店好日風，加上刺身日日新鮮送到，所以就去啦。坐係bar台前,係住師傅整。前菜先點蜜柑鯛 $220入口的柑鯛刺身帶有陣陣的蜜柑味，好清甜。日本仙鳳趾蚝 $176純正海水味的生蠔，好肥美。好大隻!!之後係所有刺身放埋一齊,心心眼!!活北寄貝 $248勁新鮮，爽口得黎又有鮮甜粒貝 $388肉質幼嫩而且清甜，爽口帶海水味。日本鮮帶子刺身（1匹) $58帶子鮮甜而且彈牙，鮮味十足。鰤魚4切 $118刺身厚切，入口嫩滑，食落去有油潤的感覺。鯖魚剌身 $128一啲都唔腥，而且仲帶有鮮甜的味道。手卷日本馬冀海膽 $176一見到已經想一啖食左佢！厚厚的馬冀海膽好鮮甜，份量勁多。

見到朋友係社交網站登出鮨一海膽丼既相，決定一定要去試一試，佢有分大碗同細碗，我梗係要大碗啦，點知...個海膽丼一黎到，我就同服務員講，我要大喎，服務員話，呢個係大了...哈哈，真係比啲相呃到，以為個丼有平時食開既丼飯碗咁大... 原來係得一個比中式碗仲細少少既碗咁大🙈🙈 $298，都啱既，都有成皮海膽既，仲好新鮮之後再叫咗兩隻蠔、手卷、刺身、吞拿魚卷，兩個人差不多$1,500落樓，都值既，因為食物夠新鮮，一食就知來貨係上價貨

日本野一向都係我嘅最愛，呢間鋪頭近來好似好Hit！朋友帶領下終於見識到！不過人好多，等位等左好耐，下次來一定要再book位先！海葡萄沙律有大量嘅海葡萄，海葡萄所含的鉀可以幫助人體排出多餘的鹽分，鈣能預防高血壓、動脈硬化和骨質疏鬆、緩解憂鬱等，胡蘿蔔素具有傑出的抗氧化功能，豐富的膳食纖維可以調理腸胃、提高免疫力。係海中植物嘅極品！多吃一點也不妨！日本岩蠔原來咁大隻！肉好厚，好鮮甜，一啖係食唔哂！食落仲有點海水味！另外帶子刺身亦都好巨型，好鮮甜肉厚！帶子好似拳頭咁大！甲羅燒配多士賣相好吸引！用蟹肉蟹糕煮熱拌匀再加蛋！如果就咁食會偏鹹，但加上多士就一流！每一塊都係極品！金目鯛都好新鮮，肉質較彈牙！好香！人坐吧枱，面前勁多刺身，真係好想每一款都試匀佢！

朋友介紹左一間食Omakase嘅日本餐廳，佢話又好食，又抵食，我自己問自己，Omakase(厨師發辧)都有抵食嘅咩？所以決定上黎親自試一試，今日坐bar枱，可以一邊睇住厨師為我們預備食物，一邊品嘗美食，真係別有一番風味日本海葡萄蕃茄沙律$128~好fresh，好清新亮點在於個蕃茄，好清甜，好多汁，好soft,我簡直覺得好似食緊一個好多汁的水蜜桃，超級美味再來就是蜜柑鯛$220~切得好薄，魚肉透明，有一種淡淡蜜柑的清甜，魚肉新鮮彈牙，好好味呀next:穴子壽司$98 兩件~即係海鰻壽司， 完全有別於平時食嘅鰻魚壽司，肉質好爽，好彈牙，醬汁不算太甜，所以食得出海鰻嘅鮮味呢個super 拼盤包括: 有殼活帶子$128,粒貝$398, 和活北寄貝$248~當這個拼盤放上我們的枱上時，我和朋友同時嘩了一聲！真的太美了,廚師很有心思地擺放了很多小花作為點綴，淨係賣相都滿分la再加上我們都超級喜愛蜆殼類的海產~粒貝很爽有咬口，活北寄貝鮮甜到不得了仲有大大隻的帶子，好厚肉，好爽甜，正到不得了呢個拼盤令我回憶起在北海道同樣品嘗過的美食，都是同樣的鮮甜和美味目光魚壽司$76~第一次食呢種魚，爽爽地，幾特別

第一次要出post 講吓呢間餐廳既服務質素，說星期五同老婆搵野食見到呢間咁多好評都想試吓，8點3倒到攞飛排隊，等到8:45到我地下一張枱，有另一對人入黎話book 左枱不過係8點鐘遲左少少。。。過左10分鐘就有枱比佢，（咁下次想食這間餐廳既你可以book 6點，然後你鐘意幾時到就幾時到）， 到9:15到話有位，叫左我地上20樓，跟住同我講搞錯左無位，坐到9:30, 20 樓既職員同我講18樓有位，落到18 樓都係搞錯左，都係無位，當時已經搞到9:45, 譚X 的服務水準都比佢好。

朋友介紹尖沙咀嘅「鮨一」，好食又抵食，材料新鮮，今晚就同老公去試吓～ 我哋book咗位，八點半去到都已經全場爆滿😵 而且仲有人等緊位，餐廳位置方便，座位唔算多，不過氣氛唔錯，食物選擇豐富～鮨一沙律 $128沙律賣相好靚，非常多帶子同三文魚刺身，仲多過沙律菜😍 非常抵食，味道好好👍🏻日本厚岸蠔 $88超級大隻，仲長過手板😵 非常肥美，本身想一啖擺落口，但係真係食唔晒，十分鮮甜好味👍🏻日本馬糞海膽刺身 $388我最鍾意食海膽，見到都覺得好開心😍 味道非常鮮甜，一啲都唔腥，配上紫菜食一流，真係食唔停口😋蜜柑鯛 $220師傅話唔需要點任何豉油或醬汁食，就咁食可以食到佢嘅蜜柑味，真係幾特別，鮮甜唔錯~北海道白粟米生食都超級鮮甜好味！正👍🏻銀雪魚西京燒 $128銀鱈魚好大份，有足足150克，燒到外皮香脆，肉質仍然嫩滑，充滿有油份，味道非常好👍🏻辣酒煮蜆 $65非常多蜆肉，仲有蘿蔔，煮得好入味，蜆湯辣辣地，唔錯～華味鳥雞胸軟骨串/ 雞腎串 $64/ $64雞胸軟骨串同雞腎串都燒得唔錯，味道幾好～A5 和牛串 $256和牛肉質嫩滑，充滿油份，入口即溶，非常好味👍🏻

上次朋友帶過我個嚟食，今次佢有捉我嚟呢間食啦。終於明白點解佢食極都唔厭，因為呢度食物真係層出不窮。上次冬天嘅時候黎食，朋友就叫咗好多刺身。當我今次都本着嚟食刺身嘅心，竟然今次食嘅嘢真係好有驚喜。明明朋友呀話減緊肥，食啲清淡D嘅嘢但係約我你食鮨一，我就諗食刺身減肥咁奢侈，點知呢度真係有好高質嘅野食而又唔怕肥。一開始佢話係粟米、苦瓜、沙律我都有少少驚，估唔到佢真係黎食菜減肥。所以我都叫咗碟刺身，同埋少少炸物串燒佢比我呢個食肉獸吊命😂但係原來佢叫嘅蔬菜都真係好好食。呢個宮崎縣超甜粟米，之前都有聽過話日本有隻白粟米好甜好好食，今次終於食到啦。之前未食過生粟米，呢隻白粟米生食都好甜好爽脆，好多汁，估唔到日本真係咩都有。海葡萄蕃茄沙律份量都幾多，亦都好多海葡萄。之前有朋友去沖繩都買過海葡萄返嚟，嗰陣時食就覺得好鹹，但係今次呢個海葡萄沙律有好清新喎，海葡萄咬落去一粒一粒爆開嘅感覺好得意，蕃茄鮮甜，海葡萄大帶少少鹹味但唔over，呢個配搭唔錯。一開始佢話係呢個日本沖繩苦瓜，我話唔好啦我唔係好識苦瓜㗎，佢同我講呢度苦瓜唔一樣㗎試吓啦，佢真係冇呃我。咁當然唔可以話苦瓜唔苦，但係冇平時食嗰啲苦味咁強，反而帶

粟米刺身有驚喜好清甜！好似食緊蔗咁，飛哂D汁出黎海葡萄沙律本身諗住會好好食，因為好多人叫！點知同平時食開有好大分別！因為佢好似浸咗好耐水咁，淡到無味咁生蠔好大隻！夠鮮甜炒苦瓜依碟為一最快食哂完全唔苦，仲有少少甜甜地！一定好過海葡萄沙律呀刺身整體夠新鮮，由師傅發板其待吞拿魚腩既我，一心諗住會好味又有油香係個口裏，同一食有溶化既感覺以上全部都無海膽飯（大）其實大都好細碗如果叫細，係mini版海膽下面仲有少少吞拿魚蓉十貫壽司由師傅發版如果依個都唔好食既話可以執得鰻魚 又大條，又厚身，又好味燒茄子比錢多謝哂！不過我個人覺得又貴又唔係好食👌食還可以還可以！

海膽是我的最愛之一，在openrice 睇到好多人都讃好鮨一的海膽，咁就急急訂位去豪食啦。鮨一有點似居酒屋，坐位不到50個，有吧枱、大廳、VIP房兩個，適合人少少的聚會。裝修簡潔冇花巧、乾淨企理。我們坐在吧枱，看見有三個廚師為整間餐廳預備刺身美食。用心製作美食之餘，仲回答我哋關於刺身嘅問題，食材嘅名稱、看見他們10分專心預備刺身、感覺10分窩心。🐥⭐⭐⭐⭐⭐頭盤首先來一個蜜柑鯛魚刺身薄切，我問問師傅為什麼沒有醬汁，他說呢個刺身係不用點醬汁就可以食到佢嘅鮮味。一個不用點豉油Wasabi的刺身，果然吃到魚肉的鮮甜味道😜👍🐥⭐⭐⭐⭐⭐再來一個非一般的日本白色粟米，顏色亮麗，鮮甜多汁，粟米味不重，食落覺得十分爽甜清新，仲可以生食的🐥⭐⭐⭐⭐特上刺身拼盤，深海池魚、帶子、油金魚、黑鮭魚、牡丹蝦、油甘魚、海膽、吞拿魚。池魚多數是薄切點柚子醋嘅食法，而今次切了厚厚一片，入口係好軟滑嘅魚生口感、香甜到不能錯過的新體驗。🐥⭐⭐⭐⭐帶子和牡丹蝦大大隻，所有刺身都很新鮮，解凍得十分好，沒有雪味👍👍😊😊主角登場，不可不吃的特上海膽壽司，用紫菜包住壽司飯，海膽多過飯，一啖咬落去海膽豐富甘香滿口，一共食咗五啖，果