影片
更多
2018-09-15
61 浏览
最近朋友揾到新工，想好好慶祝下，所以就話請我呢個仲未有收入嘅可憐蟲食餐好嘅～既然唔係我比錢，梗係交比我朋友負責叫野食。佢係一個海膽fans，所以特登揀左呢間食海膽好出名嘅餐廳。侍應安排左我地坐bar枱。我本身以為Bar枱相對係冇咁多人鐘意坐嘅，點知後面黎嘅人唔少都要求坐Bar枱可能可以望住師傳準備野食有氣氛D第一樣上枱嘅野係日本真蠔。朋友真係好大手筆，知道我鐘意食生蠔，就一人叫左一隻上枱真係嚇親我，差唔多成隻手板咁大隻望住師傅去清洗處理，令我非常之有信心佢係乾淨嘅。師傅係上枱前已經幫我地調好左味，唔駛自己落汁。食落口首先第一個湧上黎嘅味道係海水味，鹹鹹地，之後就係蠔嘅香味口感超級滑，又脹卜卜，完全係超級高質之選。我從來都未試過係酒店buffet 以外食過生蠔，太平嘅又唔敢試，太貴又唔捨得。今次真係令我大開眼界，令我更愛生蠔啦！隻蠔真係大隻到食完都佔左個肚嘅一D位置。係呢D咁高級嘅餐廳，我地都係奉行叫一兩樣，食完再叫嘅原則。之後就食呢個鮨一沙律。魚生沙律真係第一次食，感覺好清新。有時食魚生食得多會稍稍覺得膩，但食返D沙律就覺得fresh返。而且有好多唔同種類嘅魚生，每樣都唔少，一次過就可
既然唔係我比錢，梗係交比我朋友負責叫野食。佢係一個海膽fans，所以特登揀左呢間食海膽好出名嘅餐廳。
侍應安排左我地坐bar枱。我本身以為Bar枱相對係冇咁多人鐘意坐嘅，點知後面黎嘅人唔少都要求坐Bar枱可能可以望住師傳準備野食有氣氛D
第一樣上枱嘅野係日本真蠔。朋友真係好大手筆，知道我鐘意食生蠔，就一人叫左一隻上枱真係嚇親我，差唔多成隻手板咁大隻望住師傅去清洗處理，令我非常之有信心佢係乾淨嘅。師傅係上枱前已經幫我地調好左味，唔駛自己落汁。食落口首先第一個湧上黎嘅味道係海水味，鹹鹹地，之後就係蠔嘅香味口感超級滑，又脹卜卜，完全係超級高質之選。我從來都未試過係酒店buffet 以外食過生蠔，太平嘅又唔敢試，太貴又唔捨得。今次真係令我大開眼界，令我更愛生蠔啦！
隻蠔真係大隻到食完都佔左個肚嘅一D位置。係呢D咁高級嘅餐廳，我地都係奉行叫一兩樣，食完再叫嘅原則。之後就食呢個鮨一沙律。魚生沙律真係第一次食，感覺好清新。有時食魚生食得多會稍稍覺得膩，但食返D沙律就覺得fresh返。而且有好多唔同種類嘅魚生，每樣都唔少，一次過就可以滿足晒，唔駛逐樣叫咁貴～
朋友鐘意食鯖魚，所以就叫左刺身黎食。之前從來都只係食過燒鯖魚，刺身真係第一次食。估唔到食落幾爽口。
食左一輪魚生之後，開始有少少覺得膩口。店員就建議左我地叫呢個宮崎超甜粟黎試下。一開始我地以為係燒粟米，咁岩我又好鐘意食粟米，朋友就話叫。一上枱嘅時候我都嚇親，諗左好耐都唔知點食，後來上黎openrice睇其他食評先知原來係生食嘅。一咬落去D汁係真係爆出黎，仲唔小心彈濕左隔離位個個人同埋佢真係超清甜，好解膩，雖然我未試過生食平時嘅超甜粟，但佢個種清甜感真係唔係非同凡響～睇落平平無奇，但食落真係忍唔住一啖又一啖。
朋友話一場黎到一定要食海膽，所以就叫左呢個馬糞海膽手卷。其實佢都唔細個，而且海膽好足料，蓋滿晒D飯。海膽超新鮮，平時只要係唔新鮮嘅海膽我就會覺得有陣臭味，但呢個係完全冇！海膽好鮮甜，果然係出名食海膽嘅地方，冇得輸
食左咁多生嘅食物之後就要食返D熟食，呢個牛舌唐揚真係一個幾特別嘅配搭，平時都係食開燒牛舌，呢個炸牛舌係一個新嘅口感配搭，炸粉唔厚，加埋個醬汁幾開胃。
後來見到隔離叫嘅串燒好吸引，所以就叫左幾串試下，有雞肝、雞腎、雞心、雞尾尖、雞皮同埋雞胸軟骨串。朋友比較鐘意食內臟，我就只係食雞腎嫁姐。雞腎果然係爽口，燒得岩岩好，有炭香又唔會太燶。燒雞皮其實我都係第一次食，因為我平時好怕肥膩嘅口感，但朋友極力推介下我就試下。燒得幾脆口，去左好多肥膩嘅感覺，唔講真係唔知係食緊雞皮。
张贴
