鮨一 (厚福街)

营业中

休息中

同朋友食生日飯，朋友鐘意食日本野，就簡左依間餐廳。我地雖然有bk枱，但去到都幾full ，得番bar枱，所以就坐左係bar枱我地嗌左千層海膽飯三文魚腩手卷牛油軟殼蟹反卷鹽燒牛小排串豚肉蘆筍卷鹽燒油甘魚鮫清酒煮蜆鯛魚奶湯稻庭烏冬千層海膽飯我哋叫咗細，但感覺海膽唔係咁新鮮，但海膽數量都幾多，都係純粹過吓口癮。鹽燒牛小排串及豚肉蘆筍卷，覺得豚肉卷好食過牛小排，雖然兩個都好香但係豚肉卷mix蘆筍好似冇咁油膩。牛油軟殼蟹反卷，出其不意地好食，係咁多食物中，個人覺得最好食嘅一樣清酒煮蜆，一開始我以為成碗都係蜆，勁吸引，但原來下面係一啲白蘿蔔，但總括嚟講成碗都係好好食因為啲蜆夠大，而且蘿蔔都可好甜好淋，但係唔夠清酒味未夠濃。鹽燒油甘魚鮫，都燒得比較香口而且燒到啱啱好都吾錯。三文魚腩手卷同鯛魚奶湯稻庭烏冬其實都ok，烏冬好有魚湯味，而且好滑身，可以一試。

今晚同姊妹黎呢間日本餐廳食生日飯，可惜我遲到左，不過朋友就已經迫不及待叫定野食先！😂我一坐低就見到佢叫左既三文魚子丼剛剛上枱💁🏻‍♀️魚子份量成個柸咁滿，滿滿的魚子粒粒，放入口中爆發，令人大開胃口，姊妹仲要叫多碗白飯黎撈，哈哈再黎海膽飯😋海膽鋪滿了整個飯上面，中間仲有吞拿魚蓉，另外仲可以拎紫菜包住海膽同飯食，係咪見到都流晒口水呢🤤🤤牛舌味道燒得OK，不過可惜有啲韌！拖羅好一般！活帶子，活赤貝一啲都吾新鮮姊妹仲叫左三粒活帶子😥A5和牛，我同姊妹就覺得麻麻燒🍆還可以，味道一般！整體黎講我覺得海膽同魚子係最好味😋

平日放工和友人celebrated birthday, 座位與座位之間十分迫！完全沒有任何間距。而且限制令仍未完結。職員態度差！雖然食物味道不差，但這樣環境未免太差吧！為了做好多生意，而乏略環境，衛生。

今日行完尖沙咀突然間好想食壽司咁就趁冇咁多人嘅時候就食咗個early dinner一入去個店員同我哋講今日full Booking但好彩我哋早黎 可以sip一sip 一個鐘後交檯就無問題又好好彩俾我地坐到吧檯 睇住師傅切野 幾正一坐低叫咗杯啤酒 Draft beer 做緊promotion 好抵然後叫咗一碟刺身同埋十貫目好有驚喜 竟然有螢光尤魚啲刺身全部都好新鮮 解凍嘅溫度亦都啱啱好值得一讚係壽司係用赤酢 個飯溫度同味道都好好 以呢個價錢食到呢個質素 絕對值得再黎！而呢個鹽燒油金魚骹 都係一般野啦 好難唔好食既 下次要認真book檯試多d刺身同壽司先

因為網上有人話係黃店，而黃店日本菜的確絕無僅有，於是同朋友來試試。結論係：又係一間令人失望的黃店叫左個五貫壽司（三文魚、帶子、蟹棒、赤貝同蝦）加烏冬，跟餐現前菜辣味螺肉、沙律菜、麵豉湯、蒸蛋、同飲品。前菜係一碗仔好無誠意嘅螺肉，似係現成買回來嗰種。沙律菜&麵豉湯&蒸蛋=Standard個五件壽司我只係食左三件，三文魚有筋，帶子唔夠鮮，蟹棒就係元氣嗰種蟹柳，唔洗多講烏冬正正常常可能因為見OpenRice好多好評，對呢間餐廳太大期望，所以失望更大。擺脫唔到黃店多數都伏嘅厄運....侍應服務態度真係好一般.... 同佢講嘢 佢唔會行過來，只係用個背脊對住我淨係扭個頭望住我... 莫講過日本餐廳，基本禮貌都欠奉無下次

一開始日本蘋果沙律🥗切得好幼細 開胃菜花竹蝦新鮮好味 免費炸蝦頭 池魚原條刺身一流 同樣免費炸咗條魚骨 甲鑼燒 同 北海道蟹蟹膏 都好有心思 做得 好好！ Sashimi 種類繁多 下次再試 真係要早啲book位 好滿 環境唔錯 但有啲熱 Sake 太多啦 下次希望推介吓😁今次六個人飲咗1.8L 獺祭 🍻

同8個friend去食呢間餐廳，本身約咗八點，結果因為壞咗電梯，遲咗40分鐘，打咗電話俾餐廳，結果真係好好咁幫我哋留咗位。💛首先一定要提嘅係呢個特上十貫目壽司，師傅會隨機整10種唔同嘅壽司，每一款都好吸引、好新鮮，雖然價錢平，但絕對值得試一試。牛油果軟殼蟹反卷（$78）&鰻魚反卷（$75） 壽司飯同平日食嘅唔同，會混入一啲其他醬汁，全部食材都好新鮮，唔使點醬，更加食到本身既味道。南瓜拼番薯天婦羅 + 炸蝦天婦羅 天婦羅外面好脆，一啲都唔會淋，好香口，同時亦食到南瓜同番薯嘅香味，炸蝦嘅質感亦唔錯。清酒煮蜆 呢度菜有少少失望，啲蜆有啲太鹹，而且欠缺清酒嘅味道，淨係食到陣鹹味，試咗一啖湯亦好鹹，有啲失色。三文魚海膽炒飯嘅味道比較淡，唔係太食到三文魚或者海膽嘅味道，有少少似普通炒飯。鰻魚炒飯相對比較吸引，比較入味，如果想食炒飯，建議選擇呢個。

已經食過幾次，第一次寫番食評首先由前菜開始：鮨一沙律係其中一個必叫之選！入面混有好多魚生！特別一提入面既蕃茄仔好甜好新鮮！壽司就叫左上十貫目，壽司飯唔係一般既白色，好特別！魚既質素都好高！跟住叫係佢既清酒煮蜆，好少會見到咁大隻蜆😊而且份量唔少，入面既蘿蔔好入味！啲湯都好好飲！串燒就中規中矩，冬菇有少少過鹹，煙肉荔枝卷好清新！另外仲叫咗有冷烏冬同綠茶冷麵，食埋啱啱好！加上係少有嘅日式料理黃店👍🏻值得支持！唯一問題係疫情下佢哋無特別分開啲枱，我哋同隔離枱係無阻隔既，呢點可能要留意下

✏️ 𝚄𝚗𝚒 𝙸𝚔𝚞𝚛𝚊 𝙽𝚎𝚐𝚒𝚝𝚘𝚛𝚘 𝙳𝚘𝚗痛風丼 (三文魚籽、吞拿魚蓉、海膽)-😋: 8.5/10-💛💛💛我地去個陣呢個痛風丼做緊優惠見到佢個樣咁吸引🤤所以就叫左一個黎試吓🤩-🤎佢地係用有赤醋撈過嘅壽司飯個痛風丼上面d三文魚籽應該有成個丼嘅1/3咁多 上面仲有少少金箔✨好鮮甜 一啲都唔腥🙌🏻中間有一團吞拿魚蓉 上面有隻橙黃色嘅日本蛋🧡 旁邊仲有一碟仔海膽😋將所有食材撈埋一齊真係好正好滿足😭啖啖都有d三文魚籽係口入邊爆開💥一次滿足我三個願望🥳食材新鮮👏🏻-整體黎講：食材新鮮高質、性價比中上-💰: 優惠價$198 (個日原本個款海膽冇貨 之後轉左日本海膽 所以另外加咗少少錢）

尖沙咀食飯，周圍都好多人，又想食日本料理，上openrice搵下有咩好食，就搵到呢一間，上去之前打電話去問有無位，幸好有位。三文魚刺身，厚厚的，新鮮肥美。迷你千層海膽飯，海膽排山倒海，甜甜的海膽味，入口即溶，飯粒分明。茶漬飯，配襯一絲絲紙菜及白芝麻，清清地帶出明太子的鹹香。大蜆肉質彈牙，我地一隻一隻不停地食，清得好快。沙律份量足，有蟹籽，青瓜絲，牛油果粒，生菜，拌勻之後，口感十足。壽司都好足料，你看吞拿魚蓉滿滿的，就知道除了賣相誇啦啦之外，亦可以填飽口腹之慾。

作為一個為食嘅港女👩🏻‍🦳都會受唔住魚🐟生嘅誘惑，而今日就想講下呢間日本料理🇯🇵餐廳👉🏼鮨一，一共有3️⃣層，個日平日夜晚去到就有一層冇開到。因為武肺關係，一入去呢間餐廳嘅時候，店員就會為客人探熱同噴酒精，算係一間幾注重防疫嘅餐廳🍴。千層海膽飯（$298）值得一提嘅係，呢間日本料理店嘅壽司飯都係赤色嘅❗️佢地個menu有介紹過呢啲壽司飯係以酒粕發酵而成嘅赤醋飯，有獨特嘅酒香味，不過🐷就唔係幾食得出啲赤醋飯有咩咁特別。呢個海膽飯嘅海膽勁多，上面介仲放咗少少金箔，食落啲海膽有啲海水鹹味🌊，但就略嫌有啲苦味🤨，不太鮮甜。海膽底下嘅吞拿魚蓉味道算係普通，不過不失。鮨一沙律（$128）呢個沙律係佢地嘅招牌菜，嗰日叫嘅野食入面，🐷認為呢個係最好食嘅。個沙津入面有一個番茄🍅、沙津菜同埋有唔同款嘅厚切刺身，其中食落最驚喜嘅竟然係個番茄，十·分·之·甜‼️而沙律入面啲魚生都幾新鮮✔️ 。壽司🍣叫咗3款壽司，最好食係三文魚腩壽司（$20），三文魚腩幾新鮮，食落三文魚嘅油脂味十分之香，另外叫咗個油甘魚壽司（$26）同香蔥吞拿魚腩壽司（$32），個味道就普普通通啦。

This Japanese restaurant located in Tsim Sha Tsui is so underrated, I should have discovered this restro so much sooner!!!🤗-Japan Akkeshi Oyster ($88 each)I would name this a must order dish!!👍🏻 This palm sized oyster (I had two🤪) is so water mouthing, especially with some vinegar jelly. It’s super huge which I can barely fill the whole oyster in my mouth😆 The oyster has a full creamy flavour and got me hitched so hooked to.-Salmon roe rice $298See that cute transparent orange pearls?!!🥰 Enjoyi

7:00去到，比左張中間嘅枱我地，同左右邊相差只有唔夠15cm，亦冇板隔開，疫情下咁嘅安排好似唔太妥當，其實成間餐廳都感覺好迫夾。因為當時仲有好多枱，所以問左個女店員可唔可以換枱，個女店員木口目面咁答話啲枱book曬，再問多個男店員就換左枱比我地，男店員服務ok嘅，但另外2個女店員都唔多掂食物係ok，所以我比中評冇比劣評，清酒煮蜆啲蜆好新鮮同大隻，抵食嘅。另外軟殼蟹手卷同天婦羅都ok。但真心唔會再黎。環境同服務都不敢恭維。

見食評好評如潮，同朋友一齊去試吓！首先講吓環境 - 可能我對煙味特別敏感，所以坐低之後久唔久就嗅到有好勁既煙味搞到我頭都暈。依家疫情期間，大家都好注重衞生，由於同隔離枱好近，侍應拖抹枱時用消毒液噴枱，但係噴時沒有注意隔離枱放咗好多食物，啲消毒液飛晒過嚟我哋嗰邊，好離譜食物質素-壽司唔係用白飯，但食落根本無日本米既飯香，本人寧願佢用返白飯。質素唔統一，第一次叫蟹棒壽司上面無沙律醬，再加單就加左沙律醬。清酒煮蜆啲蜆肉唔新鮮整體覺得佢唔值呢個價服務態度-侍應永遠要叫先識加水，說話態度寸寸

見甘多朋友去食而且評價都唔錯，於是去試下。門面招牌唔明顯，喺藍馬大廈裡面，夜晚八點去到都仲要等一陣。環境比較普通，淺色木板間開嘅墻，入到去見到木板仲以為裝修緊..😅😅😅 叫左吞拿魚、劍魚腩壽司、帶子壽司、牡丹蝦壽司、鵝肝壽司、新鮮海膽各兩件，另外叫左個燒豬腩肉、燒三文魚腩同一碟炒椰菜，呢兩樣都偏鹹，燒魚腩鹽粉落太多。新鮮海膽最好味，好飽滿而且鮮甜，帶子壽司同外面嘅壽司店比有點兒遜色，帶子比較薄，但都夠鮮甜。牡丹蝦同鵝肝都好味。 埋單$1000.感覺有D貴，食物質素尚算可以，但性價比就唔高，多人去唔知係咪因為黃店的原因，服務態度都一般般，一共叫九樣都可以漏單三樣。😅😅同係甘送錯檯，唔知係忙得制定新黎嘅呢...