魚滑粥粉麵茶餐廳 (已結業)

見樓下為食家遇到粥品失準深表遺憾，我係魚滑幫襯左五六年，從未試過 ~ 比較我地影既相，已發現有好大分別。但我每次幫襯都係晚上七點後，所以唔知道朝早同晏晝既情況喇 ~ 係度我食過無數次粥，每次都有讚無彈，粥底棉滑、味道香甜，無試過會水汪汪，真材實料架喎 ~一個人食晚飯，求其食碗麵又去飲酒喇 ﹗淨牛腩伊麵走蔥，湯底加入超濃郁既柱侯牛腩汁，勁香勁甜，忍唔住成碗湯飲晒。牛腩跟伊麵真係絕配，伊麵好索味又勁索汁，正呀 ﹗麵質嚥靭彈牙有趙口 ﹗牛腩炆得入味，只略厭有點瘦，唔夠棉滑囉，味道就一流喇 ﹗