魚一壽司 (教育路)

营业中

休息中

放假無事做帶埋媽媽入元朗行下，住元朗的朋友講過呢間，一於來試下。店舖有2層，我地一行5人被安排上2層, 地方不大, 不過都唔會太迫, 係樓底有少少低, 高佬要小心碰頭~好多款野食, 不過時令的食物就可以先係電話的訂坐時訂埋, 以免想食的賣晒~叫左半磅三文魚和帶子, 厚切肥美, 十分滿足~另加幾款壽司, 同樣非常新鮮推薦芝士蛋卷, 好好食, 愛芝士的人不能錯過~炸物: 明太子雞翼, 炸豪~ 野味叉燒拉面, 好足料!天夫羅都係熱騰騰, 好好食蟹子沙律, 足料!燒牛舌, 好大舊, 爽口店員好好禮貌, 又不停加水, 好細心~5人食到好滿足~ 開開心心又一日~ 下次再來過!

呢間魚一作為離我屋企最近既壽司店，外賣就食得多喇，堂食真係一次都未試過，今日是機會鳥。一入門口左手邊係一個凍櫃，平時我買外賣就係喺呢度揀野食，右手邊係一列為數四五張既bar枱，坐呢度可以望住靚仔師傅喺度整壽司，不過今日有班姊妹淘坐左，我地就上左閣樓坐。呢度既午市定食十分抵食，由42蚊起都經已有交易，每個定食仲送一個三文魚麵豉湯，一客前菜同埋甜品；嗌左個西京燒銀雪魚定食，一個丼飯，四件壽司同埋一客燒牛舌。首先嚟既係個丼飯，我揀左三文魚腩，三文魚籽，油甘魚腩，牡丹蝦，活赤貝，珍寶帶子同埋加拿大海膽，款款都新鮮味美，其中個厚切三文魚腩厚度有成3cm，我覺得呢條應該叫三文魚棒，仲要係好粗碌嗰隻；見到海膽表面起哂粒粒既texture就知道佢係幾咁新鮮啦。 另外三文魚籽夠曬大粒， 咬落卜卜聲， 用嚟撈埋壽司飯一齊食， 就夠曬鹹香。 牡丹蝦刺身味道夠曬鮮甜， 蝦頭部分仲有夠殺甘甜嘅蝦膏添~ 咁多樣餸加埋， 先至係百五蚊碗， 平時出面食要成二、三百蚊， 認真抵食。四件壽司入面有三件都揀左我至愛既火炙壽司，貪佢入口夠香，三文魚被火炙後既嗰份半生熟既感覺最得我歡心，而超月巴美既左口魚裙邊，經過火炙之後更加

教育路一帶，基本上係元朗餐廳最集中地之一，可以係度搵到唔同類型的餐廳。其中一間又可外賣刺身壽司，又可堂食丼飯定食的魚一，經常有好多年輕人或年青家庭幫襯。 長長的鋪位分開上下兩層，下層係買外賣壽司刺身同有幾個座位的壽司吧，而上層就有四五張4人枱同四張2人枱既堂食位置。 Lunch 除左有午市定食外，仲有自選刺身丼飯，同兩版紙的單點食品，選擇都非常豐富。午市定食有13款揀，有牛、豬、雞、魚，同拉麵選擇，價錢都係由$38起，到最貴都係$58。仲有8款刺身丼飯和4款壽司組合，價錢都不過百元。 揀左鹽燒鯖魚定食 $42 定食還有三文魚湯、前菜沙律同甜品送。 三文魚湯好足料，有好多三文魚肉，仲有豆腐同海帶，又唔腥又唔會好鹹，幾好飲！ 沙律都幾新鮮，有菜有車厘茄外，仲加有條蟹柳，淋埋日式芝麻醬，開胃又惹味。 燒鯖魚，到來時已聞到陣陣焦香味，前後都燒得金黃，魚皮燒得香脆可口，魚肉結實不散開，充滿魚油香，而且魚骨又唔多，唧埋檸檬汁，點埋蘿蔔蓉醋醬汁，酸酸地好開胃，送飯一流。甜品係凍冰冰雪米糍，建議最好攤一攤等雪米糍個皮回軟一點先食仲好味。自選丼飯 $85 配料差唔多有30款選擇，最少要揀3款，而每款可以

終於星期五，雖然這星期假期頗多，但難免依然興奮。今晚與媽媽，弟弟去了元朗街坊所喜愛的魚一壽司，七點多已超多人等候。在等入座期間，看見門外的易拉架上的午市定食蠻便宜，42元已可吃到蔥三文魚碎丼，海膽丼也只是78元，怪不得弟弟與她女友偶爾來吃午餐。豐盛的芒果蟹籽沙律猶如一個小山丘般美麗，沙律偏佈蟹籽，加上甜美的芒果更加香甜誘人。爽脆的青瓜絲與卜卜作響的蟹籽，讓今晚揭開完美的序幕。弟弟乃是愛飯之人，他繼續熱捧他的自選刺身丼飯，他挑了三文魚腩，帶子及油甘魚腩作為丼飯配料。丼飯擺盤簡單，刺身看色澤就知道非常新鮮吧，而且弟弟覺得每一口咬下去都很有彈力。我和媽媽都是壽司派，感覺上吃壽司比吃丼飯少飯😂壽司完全沒修圖，呈現最真實的分享。火炙三文魚因為炙燒過所以把三文魚的香氣給逼出來，均勻分佈的油脂更滿足了味覺，再搭配粒粒分明的壽司飯，已口水直流。鰻魚無論是香氣跟口感都不在話下，它滑順可口，也是到了入口即化的程度。泰國生蝦相當肥美，很大的一隻，生蝦頗新鮮，柔嫩有彈力不黏口，沾點豉油吃很甘美。芒果三文魚海鮮卷那美麗的芒果外衣，多汁香甜的開胃滋味，與豐腴的三文魚和蟹柳融合，淋上沙律，蟹籽等，三文魚的彈牙，芒果

之前午市食過一次，已經有左個深刻印象。今次再黎試下個晚市，都無令人失望。個蟹子沙律勁多蟹子，撈完都唔會出曬水👍🏻好食火灸司壽好香，火候岩岩好😋平時好少食焗生蠔，個人好驚好干。不過試左幾樣野食都唔差就決定叫個芝士焗生蠔試下，果然完全唔會話干真幾新甜，值得再食。不過我最欣賞都係刺身，尤其係牡丹蝦👍🏻👍🏻新鮮鮮甜，肉質爽甜，十分推介可惜今次黎無海膽，負責人話未反到貨，有少少失望。畢竟都係想食海膽而黎。但唔緊要啦，都值得再黎，為有下次再食。兩個人食3百幾蚊價錢都算好合理😊

魚一，第一次食朋友推介的，確實無令人失望。刺身夠鮮（我食左牡丹蝦同埋八爪魚刺身）。火灸壽司好香，芝士生蠔燒得好適中唔會太干，好味。最緊要服務態度好好呀。一定會再黎😋

星期六同太太落元朗食妟 係教育路既魚一食野 舖地方唔大 但都乾淨企理 地下有幾個吧台位坐店員招呼我地上左樓上閣樓坐，一眼望去大概八張枱 一看餐牌 有午市套餐 自選刺身飯 價錢唔貴幾抵食我地㨂左燒銀雪魚定食， 自選刺身（有頭甘蝦 三文魚籽 中拖羅 劍魚腩 油甘魚腩）燒牛舌 芝士年榚）燒牛舌有六件 兩串$38 抵食 幾大塊 質地唔韌 入口味道不錯 唔太咸芝士年糕 兩件$22 份量適中 上碟時每件 已一分為二 芝士流心 好味道西京燒銀雪食定食 店員話銀雪魚已用醬汁輕醃過夜。銀雪魚表皮煎至焦焦地 很脆 魚肉調味適中 醃過夜但不會鹹 魚肉很滑而且幾juicy 不會太熟過火。$58一個set好抵食自選刺身飯 刺身新鮮好味 特別油甘魚腩肥美中拖羅無根又肥美，有頭甘蝦鮮甜。食左咁多埋單都系3百蚊多d，真系一個吾錯既選擇。

同朋友晏晝想食日本嘢，又唔想食爭鮮，想食好啲，就嚟咗呢間有外賣又有堂食嘅壽司店啦本身見舖頭好似好細，得個師傅係右邊，左邊就係外賣雪櫃同單人位，點知佢直行上樓梯有多層，樓上啲位都好闊落坐低檯面上已經有menu，侍應再拎壺茶上嚟定食都有好多款揀，後面個頁都有啲熟食，但係我同朋友都想食壽司刺身飯多啲，所以嗌咗一個8號餐同一個12號餐麵豉湯同前菜(中華沙律)一齊上同一般日式舖頭嘅唔一樣，麵豉湯材料並唔係用豆腐同海帶，反而用咗好多三文魚肉碎同蘿蔔，感覺更豐富而且因為魚湯，有少少油脂之餘又香甜除咗叫兩個set之外，因為好肚餓，所以另外叫咗份細嘅三文魚刺身(半磅)同中拖羅(4片)兩款刺身先上，望落都好肥美，份量都唔孤寒，每塊都好厚切，啖啖肉先講拖羅，入口即溶，一啲都唔腥，朋友本身唔特別鐘意食吞拿魚嘅都大讚而三文魚都如一般咁 好新鮮肥美，食落口好清新唔油膩值得一提嘅係佢嘅wasabi，係用咗新鮮山葵磨嘅，食落口會有一粒粒嘅口感，比起平時壽司舖用嘅現成包裝芥末，口感實在得多，配埋豉油又唔會太辣，夾得啱啱好朋友嘅火炙三文魚腩丼用料好足，每塊三文魚腩都好厚切，加上入口即溶望上去以為佢燒都熟哂，但原來望唔到嘅

朋友住在西北的天水圍今天就為他遠道而來到元朗就是為了一嚐人氣日本料理店先來煙三文魚沙律煙三文魚鹹香蔬菜新鮮店家用心的拼成一朵美艷的玫瑰鮮花旁配上翠綠的生菜作點綴三十八元實在超值得過份再來厚切三文魚腩壽司三文魚腩厚切配上柔軟的珍珠米一口一件大滿足身為芝士控的你不可不點芝士燒帶子厚厚的一層芝士淋在帶子上芝士份量十足帶子鮮味完全滿足了芝士控的味蕾特別注意的是要趁熱食用芝士涼了就會變硬令其風味大減不知何故牛油果和軟殻蟹喜歡走在一起原以為軟殻蟹經油炸後會變得油膩誰知配上牛油果後味道卻出奇地平衡吃日本料理不一定要一擲千金有時候簡簡單單也能吃得心滿意足

一直聽聞元朗有間高質壽司店，今次就特登入黎試一試~壽司拼盤C，性價比超高，只係賣$78就放滿曬成塊碟，有比較普遍既火灸三文魚壽司，炸蝦卷，吞拿魚軍艦等等，亦都有大大粒既帶子壽司同埋超新鮮既蝦壽司~首先想讚一讚既係穴子壽司，依度同坊間既日本餐廳唔同，用上整條既穴子，毫不吝嗇~味道都好鮮甜，扺食~另外比較印象深刻既係火灸左口魚 ，入口即溶，左口魚既味道同油脂充斥係我既口入面~不得不提既係佢既芥末，有別於出面現成貨， 食落都冇咁攻鼻~

本身想去食彩，但因為天氣太焗友人唔想排隊，所以就轉戰呢間魚一，估唔到有驚喜朋友嗌咗個灸燒三文魚腩丼飯而我就叫左一個壽司拼盤d。個壽司拼盤既水準真係超出我預期。咁大個壽司拼盤係午市個陣只係賣$88咋！！咁嘅價錢竟然有10件壽司同埋一份卷物真係超抵食呀入面除咗有三文魚壽司、吞拿魚壽司之外，仲有海膽軍艦同埋大大隻既海老。海老除咗外型肥美之外，食落去真係好鮮甜另外要讚一讚呢到既吞拿魚壽司，出面唔少餐廳既吞拿魚都有好多筋，但呢到既吞拿魚即使唔係拖羅部位，都唔會有好多筋，口感唔錯！整體黎講，魚一價廉物美，食物質素幾好，性價比好高，而環境坐落都ok，推薦

之前就已經聽過元朗朋友推薦過呢間魚一壽司店，但之前晚市經過都要排隊就一直懶得去試，不過今次落元朗都已經有點夜，過左晚市最多人既時間，咁就決定一試 食個宵夜一入到去，服務員就帶左我地去上層坐低，服務態度都十分好樓上更顯居酒屋風格 menu太多野食，好難簡呀由於係食宵夜 又唔想食到咁飽，就叫左個三文魚吞拿魚沙拉，配上酸醋醬汁，好開胃。同埋魚肉好新鮮，影出黎都好有色澤呀食哂成個沙拉其實都飽飽地，好有滿足感三文魚同帶子刺身，好肥美呢個清酒煮蜆，食得出加左好多清酒不過唔太鐘意酒味既朋友就可以未必鐘意了個人覺得都不錯，宵夜吃蜆最滋味下次去元朗食宵夜會再去

雖然元朗好遠， 但出名多好嘢食， 上次黎完食一次魚一之後，今次又再黎食！魚一在這區算是小有名氣，平日都要等位， 好好彩我哋嗰日去唔洗幾耐就有枱。 一坐低，店員就送上茶水。普通的日式料理店大多都是味道極淡的綠茶， 但是這間卻用了玄米茶，飲落去令人好舒服和解膩。餐牌由於有四個人，仲要有個大食鬼，我哋點咗半磅三文魚魚腩刺身一齊食。 三文魚好新鮮，每一塊都好厚身和好大件，雖然厚，但食落都有入口即溶既感覺，而且都無冰鮮味道， 啖啖滿足。自選丼飯份量不算大，但勝在可以自由配搭上食材。 我哋叫咗一份大拖羅配搭三文魚子和有頭甘蝦，4個人分著吃剛剛好，還可以有胃口吃其他東西。三文魚子份量多而且每顆都很大，甘蝦清甜，拖羅油份重，這樣的配搭真不錯!最重要仲要係，食材每份都好新鮮，其實刺身／壽司最忌就係有冰鮮味，好欣賞呢間餐廳既所有食材都唔會帶有冰鮮味，食落無論口感、味道都好正。我哋點咗好多壽司， 但特別推薦火炙壽司，尤其是左口魚! 火燒過的左口魚，油份都跑出來，入口即溶，滿口都是魚油的甘香。 另外值得推薦的仲有池魚王! 可以吃到池魚本來的甜味，朋友見到都爭住話要食! 吞拿魚魚腩小卷都很不錯， 因為師傅加咗少

友人新居入伙, 由深水埗搬入元朗, 本打算上兩星期週末參觀一下她的新居, 但連續兩星期六日都打風下大雨, 根本不想出門.....終於等到一個算好天的週末, 一於今日出發。既然千里迢迢入到元朗, 參觀完新居, 一於周圍逛逛。電車就成日搭, 輕鐵就極少搭, 就搭程無目的地的輕鐵河。原來輕鐵比電車更龜速……龜速也有好處, 可讓我看清楚這區的環境。隨心下車, 就元朗廣場吧! 走了一會, 不太吸引, 不如進入街巷, 順便覓食。走下走下, 發現有間日本小店門口企了不少路人, 羊群心理, 也走埋去看看, 門口貼上餐單, 看來幾經濟吸引, 就入去吧!拉門而入, 地方小小, 第一眼只見一張約四至五個座位的壽司吧枱。幸好, 原來還有上層, 沿樓梯走到上層, 設有五六張四人枱和五張二人枱, 地方不多。每枱已放了兩份餐單, 一是自選刺身丼飯, 另一是單點食品。細閱單點食品餐單, 分別有精選壽司(1件)、壽司(2件)、卷物、軍艦、刺身、手卷、火炙、炸物、沙律、小食、和食、燒物、冷麵/拉麵和飲品, 還有黑板上寫了一些特選菜式, 別看店子小小, 選擇一點也不少, 厲害!***********************

又係元朗魚一，今次係第二次幫襯，之前亦都為呢間餐廳寫過食評。第一次試咗壽司,鰻魚飯,清酒煮蜆,廣島蠔及蒜片牛柳粒。至於今次叫咗葱吞拿魚蓉丼定食(配三文魚麵豉湯,沙律)再追加一個炸軟殼蟹,翡翠螺及磯煮鮑魚。蔥吞拿魚蓉丼係午市定食，配沙律及三文魚麵豉湯，麵豉湯出奇地好飲吞拿魚蓉份量唔算多，但醋飯底幾好食所以成碗食曬磯煮鮑魚及翡翠螺分別38$(鮑魚)及48$(翡翠螺)鮑魚雖然十分美味不過就貴咗啲又唔大隻天婦羅熱辣辣咁上枱，但如果有天婦羅汁會好啲(不太愛沙律醬)推介大家可以叫壽司或定食(會飽啲)之後點刺身三文魚,再加蒜片牛柳粒咁應該夠食評語:其實上一次食都覺得有水準，只係生蠔拉低分數，環境和服務僅僅合格，點講呢種小店人手不足不能要求太高，衛生方面最少兩次都冇肚痛至於抵唔抵食睇你點叫啫!