魚一壽司 (教育路)

营业中

休息中

食完魚一之後再無食過元朗其他日本野簡單講係高質素性價比高日本餐廳 食得出用料好新鮮 賣既唔係大件夾抵食而係高質素嘅日本野壽司一口size啱啱好 以下係真係推介重要事情講三次鵝肝手卷 鵝肝手卷 鵝肝手卷👍🏻👍🏻👍🏻👍🏻👍🏻好食到一個點 本身唔係鵝肝愛好者 但係呢個手卷食咗一次之後就上咗癮一啲都唔漏 鵝肝入口即溶仲有少少甜味一次過食兩個都得火炙左口魚邊壽司👍🏻👍🏻👍🏻👍🏻👍🏻入口即溶牛油果軟殼蟹卷👍🏻👍🏻👍🏻👍🏻火炙帶子壽司今日仲食咗清酒煮蜆啲顯好大隻好新鮮不過清酒味 比較濃 唔飲得酒嘅人可能會覺得小小難入口重點係性 價 比 極高已經變成不停介紹俾朋友嘅餐廳！！！！ 唯一缺點係鋪面比較細食飯時間通常都要等位

經朋友介紹去左呢間壽司鋪度食野... 一入到去門口個接待話我地未人齊唔比我地入 如果唔係就照計時 限時一個鐘 我地無所謂啦照入座先 一坐低已經睇到"繁忙時間只限加單一次" 所以就諗住等齊人先落單 然後因為我朋友既媽咪唔識路過黎 我朋友就出左去接佢 留番我一個係度等 期間已經有侍應問落得單未 咁佢寫到明只准加單一次就梗係等埋一次過落啦 所以我就話未得住 等左一陣 我朋友帶埋佢媽咪上黎 再望一望餐牌 決定冇野加啦 就直接落單 隔左冇耐 企係我側邊未帶好耳機線既扎辮侍應 耳機傳黎好大聲既聲音"佢地3個落左93蚊野喳" 我朋友媽咪即刻同我打眼識 我再啤一啤果個扎辮侍應 佢若無其視咁眼尾都冇望我 轉過頭張單送左黎 果然就係我地張單~93蚊~ 當時我已經嬲嬲地 而家咩事呀 你又冇寫明每人最低消費 而家要管我地嗌左幾多錢野😡 有本事叫公司加價加到我張單930蚊 或者叫公司改政策寫明最低消費囉 之後野食到左食左幾件已經覺得淡茂茂 魚冇鮮味 軟殼蟹手卷林pan pan 咁(見圖) 而家係咪因為怪我地只叫左93蚊野咁少 所以食物質素咁差 定還是原本都係咁差 (唔怪得至元朗人話最好食係爭鮮😑) 食完一轉 朋

聽到用餐時間得一小時已經大打折扣，心諗唔會再有下次更好食都無用仲慘過放題服務一般般野食係OK 既但係用餐時間得一個鐘感覺似狗香港食野真係好慘！！之前食好真係好正又無限時（好似係）之後食物質素已經差左少少而家仲限時一個鐘，不了！！

今天跟朋友去完大澳，攀山涉水後帶著一身疲倦找男朋友拍拍拖去到元朗後男朋友神秘地帶我去食日本野好難得我男朋友會好主動帶我去食野，所以都有點好奇去那裡。最後他帶了我來了這裡當點完食物後老闆娘跟我們說加拿大海膽不夠新鮮，建議點馬糞海膽，真是很細心出奇地新鮮日本生蠔，本身我和男朋友在法國跟日本之間選擇，最後簡了日本生蠔海水味有點重，建議配合清酒一起品嚐。左口魚裙邊跟帆立貝壽司左口魚裙邊入口即溶，好有驚喜必試而帆立貝是熟的，比想像中有出入溏心蛋，溏心十足感覺味道不太足夠炸蝦天婦羅，皮脆蝦甜總結：一定會再來多次！

仍然都係在教育路覓食，呢帶真係都幾多選擇，尤其係遠離千色廣場果邊，有好多日本野，成日夜晚經過都見到外面排晒長龍。今日食呢間魚一，都知道佢存在好耐，不過驟眼睇地鋪同一般靚少少既外賣壽司鋪無乜分別，即係只有少少單人位果隻，但原來佢樓上有雅座的，唔係有fd 帶都唔知～不過其實上到去，都唔係真係好大，就係一般食埋閣仔做生意果類鋪頭設計。唔好理喇，叫野食先。呢間d 麵豉湯有落三文魚去煲，感覺上魚味濃郁過出面飲果d。佢有得自選刺身丼，係好食的，不過佢表面上俾你可以自己組合豐儉由人，但最少要嗌六樣而且每樣份量都唔多，最後同樣價錢如果食定食會有埋沙律、湯同飲品，我覺得麻麻地抵。但壽司就幾ok，特別係牛油果軟殼蟹卷，仆仆脆既蟹本身少少鹹，加左沙律醬，而舊飯外面係黐紙菜碎，幾好味。一款叫牛肉他他既壽司，聽落個名怪怪地，但食落又幾唔錯。

🐹今次跟鼠友來到元朗，不食B仔食日式料理🍣星期日兩點來了，雖然不用排隊，但客人都算是源源不絕，走了一枱很快又進一枱，看來這家店在元朗區中也是略有小名食日本菜，基本上🐹一定會點燒魚，所以叫了個燒鯖魚定食跟壽司A。一上樓就奉上了一大瓶煎茶，我們這桌的杯子是最特別的，其他都是淨色沒有印字。我們來得太晚，套餐只送上沙律，三文魚湯跟甜品都沒有了。沙律沒什麼特別，就是生菜加麻醬開開胃。等了不消一會，壽司A上枱了。賣相還不錯，雖然談不上很鮮味，但食起來還不錯，沒有冷藏的或霉霉的味道，小店來說很不錯。壽司就是有種讓人不知飽肚的魅力，很快一舊接一舊就吃光了。食完這盤，鼠友意猶未盡又想加個壽司B。不過比🐹制止了，因為還有鯖魚沒來。因為即叫即燒的關係，燒鯖魚真是等了很久，食完壽司都要等好一會才到。不枉我們等了那麼久，這條鯖魚實在是沒有令🐹失望。把檸檬汁擠到魚上，再用筷子將脆脆的外皮扒開，一熡熡輕煙由內面熱呼呼的魚肉飄出來由筷子感受到外皮很脆的那刻，🐹就知道這魚是燒成功了最愛燒魚了完全沒有煎過火或外皮不夠脆。🐹：完全對得住價錢的一餐，平價但又有中上的水準。那條超脆皮的鯖魚更見用心，甚至把大型連鎖店的也比下去。

到左8點幾9點 就一家大細去元朗搵野食噤岩係OpenRice 搵到「魚一壽司」其實平時行過魚一門口都以為係做外賣，同只係得吧枱幾張櫈🤫🤫🤣🤣但係OpenRice睇相 原來仲有上層係有枱而且睇到價錢 都幾平 所以就決定試試佢一去已經有兩批人緊位 我地等第三台。等既期間，我地就先睇點菜紙 寫定食咩先🤤時間過得好快，寫寫下都已經叫到我地。店員很好，入去之前已經幫我地落定我地點既野食。我們坐在上層，雖然地方不大，但都乾淨 舒服。因為已先落單的原故，所以上菜也很快。叫了一支 和 ，不會太甜！分別大約$2x一支，好喝！另外，叫咗一支 好易入口。👍🏻👍🏻👍🏻前菜小食類，叫了 和 兩款也很好吃，略嫌 ，用筷子夾很麻煩🤣下次還是叫壽司款好了。 小孩們都很喜歡吃刺身類，叫了一磅三文魚$128,一板馬糞海膽$98,一份希靈魚刺身。三文魚太過厚切了 ，海膽鮮甜刺身都算新鮮。唯獨不滿意的是，刺身下的冰粒，上菜時已溶了一點，吃了一兩片刺身後，碟下全是水。蔥粒吞拿魚腩，要推介很好吃。龍蝦沙律壽司，一般般。個人不太喜歡。吞拿魚沙律壽司，點給小孩吃。焦糖鵝肝壽司，好吃，甜甜的外脆內軟帶子壽司，新鮮，吃起沒腥味，很鮮

下午三點左右，想食日本壽司，在open rice找了一會，發現有一間評分不錯，而且價錢便宜的日本餐廳，所以決定一試。到了店，不用排隊，直接上二樓，點了一份壽司套餐B，一份牛柳飯定食，一份小食芝麻八爪魚。定食及套餐有包了一份小型沙律、甜品和湯，可惜服務員說湯已沒了，不能一試，而甜品是一粒普通的綠茶味雪糕糯米糍。另外，壽司上的刺身感覺不是十分新鮮，入口的口感有點粘，但總括來說是可以接受的。感到意外的是牛柳飯，香味十足，牛肉熟度剛剛好，入口嫩而不膩，與燒汁配合得剛剛好。而小食八爪魚味道不錯，如果呎寸能再小一點會更好，因為偏大隻。

💁🏼‍♀️平、靚、正除左係多人等之外，我下次黎元朗都會再食🤤特別要推介既係火焰右口魚裙邊壽司🍣真係大愛！！！其他都好好味仲見到好多人叫外賣🥡我地兩個人食左200蚊咋，元氣都唔只啦

今日外賣番屋企食，包裝精美。價錢公道，水準好平均，選擇夠多，刺身/壽司/手卷/串燒/ 小食主食樣樣都有。壽司最出色，三文魚腩抵食，吞拿魚拖羅反而有點腥。南瓜天婦羅有驚喜，南瓜好鮮甜，隔左成個鐘都仲脆。

之前其實都食過幾次之前一個人食定食，生蠔所以都係安排坐樓下今次終於同朋友食係樓上坐舒服好多本來想叫日本生蠔可惜冇晒作為一個生蠔控，法國既都照殺正呀真係夠肥美法國吉拉多不過壽司🍣就中中平平啦

自己本身好鍾意食日本野，所以見到日本餐廳都會周圍嘗試。今日嚟到元朗見到有間魚一嘅日本餐廳，門口大排長龍，我諗一定有佢過人之處。店舖入面有兩層，下面係廚房， 2樓先係食堂。全店大約有唔夠10張枱，但勝在工作人員算多，所以上菜都好快。但係上樓嘅樓梯都幾危險，因為侍應傳菜都係靠呢條樓梯，但係佢竟然連扶手都冇，上落都咪話唔危險。前菜我哋叫咗個芒果蟹子沙律，分量唔算多但勝在芒果夠甜而且蟹子都幾多，而且沙律醬恰到好處。壽司嘅大小適中，魚身偏簿，但勝在價錢夠平，所以尚可接受，壽司嘅品種都有好多選擇，有唔同嘅食材，壽司，同埋燒物。我食咗一件赤背同北極貝係有沙嘅，而且甜蝦唔夠新鮮。而其他嘅壽司都不過不失，而飯方面都係用日式珍珠米，所以入口都香濃軟熟。始終佢唔係收得貴。

It was a Sunday night around 19:30 and I had to wait an hour to be seated. Once I was seated I was given a menu that had no English on it. The server was very friendly and asked me if I needed any help. Feeling adventurous I gave him my price range and asked him to fix me what he would recommend. I also ordered the grilled eel rice box.Sashimi: The salmon was extremely fresh, it was tender and had a great fatty texture that made the salmon just dissolve in your mouth. Still had a good amount of

七八點食飯要等位我明白，但既然餐廳可以外賣還是選擇外賣。八點等真係等到九點都未必入到坐。所以我次次都係外賣，堂食就未試過。熟手的進店拎丼飯紙，選擇的都是腩腩腩還有必選拖羅。 本人多都選中拖羅，再多就真的好油感覺太肥了。等了十多分鐘就有外賣返屋企食。返到屋企大概二十分鐘的路程。 可能因為天氣轉熱，到家再食，魚生唔算凍。 又可能因為人太多，飯都比之前食的硬同乾了點。 明白星期日食飯很多店都會做得比平時差點點。 但一個這樣的魚生飯只係$100左右， 魚生係好食的，性價比高，都會繼續來的。😊

元朗真係好多日本野食，上網見到呢間評價好高，小店行過都未必會留意到，但一到夜晚門口就會好多人等位，多人食的話建議訂位先，唔係有排等，以為佢只做外賣，原來有堂食，喺上一層好似閣樓咁嘅，但座位較少，比較擠逼，服務普通，但勝在性價比真係高，刺身新鮮，壽司飯唔會太大舊，熟食都有水準，帶一大班朋友壽去食，個個都食到捧住個肚走好滿足！！