鬼金棒

营业中

休息中

上次帶兩個女黎，見到佢地原來食拉麵係咁有胃口😍我就多咗帶佢哋去拉麵店。呢度嘅湯底有辣有唔辣，大人小朋友都好容易搵到自己喜愛嘅味道，而且配料仲可以任意增量或減少，對於我平時一帶二嘅媽媽，真係好方便！～叉燒係大大件嗰種，炆得夠淋又入味，唔會有酥味，豬骨湯底濃厚帶甘，飲幾啖已覺得個人好溫暖。✨叉燒飯都好唔錯，一粒粒日本珍珠米，米飯粒粒分明，醬汁甜甜地，甚具風味。妹妹揀咗肉碎呢一款，每啖飯都有肉碎拌勻，好適合下飯👍🏻

終於都試咗呢間喺東京開過嚟嘅過江龍麻辣拉麵！門口有一支狼牙棒，非常之搶眼，店入邊嘅擺設裝修同播住敲擊嘅聲，感覺真係喺地獄等緊受審一樣，非常之有feel 👺👹我哋今次係坐吧枱位，對住玻璃窗可以睇到煮麵嘅過程，落單方面係用QR code落單。另外想讚下餐廳嘅貼心😂我食嗰日係白色衫，佢竟然有提供即棄圍裙！細心！湯底有5種嘅麻嘅程度同埋5種辣度揀。我哋兩碗都係揀咗小麻同埋小辣，都係唔好對自己個胃太大刺激好啲。🍜味玉辣麻味噌拉麵佢哋嘅蛋係超流心，成隻放口一咬就feel到蛋液流出嚟👍🏻所以追加一隻係正確嘅！湯底香辣有味增同豬骨味，但唔會太過嗆喉或者過咸。粗身嘅麵條彈牙之餘又掛到湯，吸晒湯汁嘅麵條非常之惹味👍🏻🍜炒豆芽菜辣麻味噌拉麵望住佢哋炒芽菜，超惹🔥。係超級多芽菜，炒香左之後爽脆，沾少少辣湯就更加好食。佢哋嘅叉燒肥瘦適中，醃得香濃帶微微嘅甜，肉質鬆化，脂肪嘅位置唔算多但係入口即溶，絕對係值得追加嘅item！食緊嘅時候望到隔離枱有個外國人竟然食緊芫荽拉麵，等我下次都挑戰下呢個咁重口味嘅配搭

🍀之前食過鬼金棒嘅皇牌芫荽拉麵🍜，一直都想試下其他款，今日趁SOGO thanksful week，近近地過嚟充飢先💪🏻✨增量芽菜叉燒拉麵✨溏心蛋叉燒味噌拉麵每款拉麵，都可以因應個人口味，去增加唔同嘅配料，超濃郁嘅湯底，係呢度嘅王牌，五款辣度中，我最喜歡小麻小辣，會令成個湯底飲落更惹味。溏心蛋一咬即爆漿，麵條係粗條嘅傳統日式拉麵，口感彈牙。加上入口爽脆，炒過嘅芽菜，已經夠香噴噴。即時再level up❤️

今次已經唔係第一次嚟呢度食，好掛住佢嘅辣味增拉麵，所以就同朋友再嚟挑戰一下，八點幾嚟到呢度出邊都仲要排幾張枱，證明開咗咁耐都仲咁有人氣，質素keep到。入到去會比張QR code喺電話落單嘅，我就叫左個增量叉燒味增拉麵，要中麻同中辣朋友就叫咗個味玉味增拉麵等咗10分鐘左右就到，可以望到入邊廚房嘅師傅即刻整嘅，黎到第一件事梗係飲啖湯先啦，好香嘅味增再加埋啱啱好嘅麻辣味，係其他拉麵店會唔到嘅味道但又唔會好鹹，大大嚿嘅叉燒肥瘦均勻，而且好厚切再加埋大量嘅芽菜同埋玉米筍，淨係食啲配菜都已經好正朋友個碗都有叉燒同糖心蛋，個糖心蛋做得好好佢讚口不絕我哋食到咁上下覺得唔係好夠飽，就加咗個肉碎飯個感覺有啲似台式嘅滷肉飯，啖啖肉撈飯超好食仲可以加少少湯加落去，一人在share半碗飯就啱啱夠飽啦。嚟咗咁多次佢質素都冇變，真係好抵讚

講起銅鑼灣嘅拉麵，朋友即刻介紹呢間餐廳比我，Lunch時段爆場，不過都好快有位。廚房玻璃牆身，透徹見到廚房乾淨衛生。掃QR code落單，即叫即製，店員好有效率。「增量叉燒辣麻味噌拉麵」有辣有唔辣，因為介口中，揀咗唔辣，湯底味道好濃郁，叉燒份量十足，麵質口感豐富芽菜晶瑩爽口好新鮮。加埋流心雞蛋，咬一啖，紅心蛋王湧出來。「味玉辣麻味噌拉麵」小辣辣度剛好，好惹味。粟米芯爽口，仲可以追加配料，下次會試下加芫茜，應該仲好味。忍唔住要再追加多件叉燒，又淋又入味，完全唔肥膩...必食加埋汽水Gur一Gur, 超滿足

拉麵以辣麻湯底作主打已經少見，鬼金棒更可以自選辣度及麻度，今次點選的玉米筍麻味噌拉麵加味玉 (即溏心蛋)，個人愛小辣配搭中麻，味噌湯底配上少許刺激的風味 (大約三哥10小辣程度)，疊得高高的玉米筍，與煙韌彈牙的麵條簡直是絕配。

今日又黎銅鑼灣的鬼金棒食lunch。 點解係又？ 因為好食返轉頭囉，價錢亦好合理。 是日午餐味玉辣麻味噌拉麵 (小辣)增量义燒辣麻味噌拉麵 (中辣)味玉辣麻味噌拉麵， 小辣度啱女仔食， 麵身硬度適中， 义燒又林又滑， 好似東坡肉咁， 好食。增量义燒辣麻味噌拉麵， 我就點左中辣， 配菜同味玉拉麵差不多， 但我就request 左麵要硬身d, 因為麵身較粗， 再加上硬身少少， 口感豐富好多， 加上湯底有香濃豬骨味， 飲多2啖都唔會好口乾。

之前吃過鬼金棒，已經令人一試難忘！今次決定帶朋友再吃，希望對方都有跟我一樣的感受。光是看門面，已經覺得符合店名，有鬼👹的形象提着魔鬼棒，而且店內更有敲鐘的聲響🔔，感覺很特別。我們坐在Bar檯上，可以自助斟水。而前方有個玻璃窗，可以看到廚師的下煮情況。之後，我們掃一掃QR Code就自助下單了，然後點了這些：🌶🍜芫荽辣麻味噌拉麵 $110拉麵一來的時候，已經極有視覺效果，因為芫荽鋪滿了整碗拉麵。湯底叫了少麻少辣，味道不會嗆喉，亦有蒜薑、味噌味，絕對是剛剛好，加上芫荽吊味，令食物層次加以昇華！另一方面，麵入面擺放了粟米荀和芽菜，以及半肥瘦的肉，而肉亦鎖住肉汁，亦可痴牙，相當美味！🌽🍜玉米筍辣麻味噌拉麵($100)＋芫荽（$20)另一碗是玉米筍辣麻味噌拉麵，味道與前者一樣，不過最驚喜是玉米筍，因為份量真的很多。而且它是栗米筍是有炒過，所以很爽口惹味！🥢增量豆芽菜 $30至於增量豆芽菜方面，沒想到份量會有如此多！廚師以熊熊烈火去炒它們，所以它極具鑊氣！伴着拉麵一齊吃，也是相當夾呢！總括而言，再訪鬼金棒👹也是一個很不錯的體驗呢！份量多之餘，又可以吃到麻辣滋味，希望下次也可以再吃🤪！

「鬼金棒」2️⃣間店舖都係旺區，分別係銅鑼灣同尖沙咀。我哋今次去銅鑼灣，叫左以下野食：🥚味玉辣麻辣味噌拉麵第一次食呢間，唔敢越級挑戰，隔離位叫左個小辣🌶睇落幾多油，但食落幾mild, 幾乎無咩辣味🤔連怕辣既我都覺得可以挑戰中辣。味玉即係雞蛋，咬落流心，正👍🍜炒豆芽辣麻辣味噌拉麵見到海量豆芽真心興奮😆 微微炒過既豆芽，無晒草腥味。叉燒同剛才一樣就唔啦，麵底係比較紮實既麵條，味道正路啦～佢既叉燒好似腩肉咁厚，🐽未試過食拉麵配咁大舊叉燒，仲整得幾淋。食肉獸既朋友仲可以選增肉叉燒 x2 我就夠皮啦👀🍚肉碎飯另外，隔離位叫左肉碎飯，肉碎竟然係一絲絲，同湯底的配料一樣，味道還好，有啲小失望。

「鬼金捧」是一家拉麵店，四周陰暗， 神秘感十足。， 牆邊及他的的開放式廚房頂頭放了赤鬼及青鬼擺設，值得有型又有格。而且這個開放式廚房可看到廚師在煮拉麵及炒食物， 間中還不時有熊熊烈火， 像在看 雜耍表演一樣，很吸晴。餐廳使用手機落單的， 只要素描職員提供給你的QR code，就可自選你心愛的拉麵款式，調出你想要的辣度及麻度，走配料及追加食物全由自己處理，超級方便。我是芫荽控又點可以不選擇「芫荽辣麻味噌拉麵」，揀了中度的辣和麻。成碗拉麵鋪滿滿的芫茜，單看已興奮。湯底味噌清香味濃，麻及辣程度對來我說是適中。拉麵彈牙， 厚切叉燒肉質嫩腍，入口即化開，非常入味。「特製麻辣味噌拉麵」有二件厚身的叉燒， 溫泉蛋及滿滿的配菜。這湯底因選了小辣小麻，入口後味噌湯更清香。吃麻辣的食物，又點少得飲汽水呢， 可口可樂是不錯的選擇，解辛辣也很不錯的。

肺炎肆虐快兩年了，係銅鑼灣黃金地段好多店都關門大吉，惟獨呢間拉麵店係川流不息, 美食做本地人生意都夠哂數！已知湯底濃而不肥，所以揀咩配菜都好有信心。第一碗：抄豆芽拉麵 無辣無麻第二碗：增量叉燒拉麵 小辣小麻再加肉碎飯$35，上面既係韮菜粒加蛋$15可惜忘記了自己係可以食到中辣中麻既！ 下次一定要記得。糖心蛋，粟米芯和芽菜靚料好食。好入味服務很快手周到，枱上有水自己倒食幾辣都唔怕。店外排滿長龍。早去有著數。

👹過江龍辣辣麻麻地獄時刻👹推介指數 ❤️❤️❤️❤️🤍東京超人氣辣麻拉麵，主打辣麻元素配味噌湯底，嗜辣或麻都可以慢慢自選級別。5款麻度、5款辣度，總共變化25款不同口味。早前新登場的沾麵一直好想食，和朋友閒談間原來對爆茜拉麵有興趣，有腳開餐啦🥳🌶辣麻味噌沾麵 HKD100 (小辣小麻)✨秘製湯汁由日本鬼金棒秘製後直送到香港，自家製麵條爽口彈牙，掛上濃湯汁，忍唔住一口接一口～麻辣度容易入口，下次試下升level 先🤤🌿芫茜辣麻味噌拉麵 HKD110 (走辣小麻)✨和沾麵一樣均附送炒過的豆芽菜、玉米筍及慢煮叉燒，不同的是面層的芫茜。走辣小麻大慨是原味中加一點麻。🥚味玉 HKD15✨玉子經醬油醃製後淺啡色外表，弄開後湧出鮮橙色既流心蛋黃。蛋味香濃滑溜，且味道剛好。💢增量叉燒 HKD35✨和沾麵拉麵一樣的厚切日式叉燒，豬腩肉質地軟腍且滑，豬肉味香濃帶甜，脂肪部份更入口即溶。 #必追加🧊可樂/雪碧 HKD15@總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍.··🔖鬼金棒 (銅鑼灣)🪑銅鑼灣謝斐道530號地舖

今日lunch拉麵癮起🍜，經過鬼金棒咁岩唔洗排隊，即刻入去食😋呢到嘅拉麵可以自己揀辣度同麻度，岩哂唔同口味嘅人👍🏻我地嗌左1碗味玉辣麻味噌拉麵，1碗玉米筍辣麻味噌拉麵。味玉辣麻味噌拉麵有最愛嘅流心蛋，好正😍呢碗叫左無辣同小麻，岩哂唔食得辣嘅人！隻蛋真係流心㗎😍😍😍另外一碗玉米筍辣麻味噌拉麵，有海量嘅粟米🌽好夠份量哈哈～呢碗揀左小辣同中麻，朋友表示好香，麻度亦夠麻嘴唇☺️仲叫左增量叉燒，超大舊😝個叉燒煮得好腍好嫩，一啲都唔”鞋”，如果鍾意食叉燒絕對可以叫增量食飽佢😎水吧枱前就有水機禁水出黎，有紙巾仔俾怕辣嘅人抹汗🤣仲有樣好貼心嘅地方，就係有提供圍裙，著白色衫都唔驚彈到周圍都係！

每次行街經過都好想入去試下，今日終於來做試啦，呢度係用 QR CODE 手機落單，十分衞生方便，我點了增量叉燒辣麻味噌麵($115)，辣度同麻度都可以自己選擇，如果怕辣既朋友可以選唔辣，我呢就揀咗中麻同中辣，因為我生酮既關係，唔可以食麵，呢間舖頭好好，可以張麵換成芽菜，我超級開心。叉燒大大件非常厚身，而且好入味，肥瘦位置分佈得好靚，叉燒好淋，我非常鍾意，我會為咗佢再來，配合埋中麻中辣嘅味噌湯黎食好惹味呢到免加一

專注做好一件事！去日本最鍾意捐窿捐罅搵拉麵，唔同嘅拉麵都會各有不同，豬骨湯底、魚介湯底、雞湯湯底；粗麵、幼麵；拉麵、沾麵；叉燒、豚角，每一家店都會有驚喜。是日約咗拉麵控，揀咗來自日本、以辣麻味噌拉麵作招徠嘅 #鬼金棒 ，湯底分五種辣度和麻度，可以按自己嘅「抗辣力」而選擇，唔辣人士都可以揀走辣留麻，同樣試到佢哋嘅特色！◽️ 芫荽辣麻味噌拉麵 $110本人唔荽但朋友荽，一見到這款拉麵就立即叫。滿滿的芫荽鋪面，一到上檯就聞到個荽味， #芫荽控 值得一試！拉麵同樣爽彈，湯頭濃稠，嘗到豬骨味，同時混和芫荽香味，味道豐富。◽️辣麻味噌沾麵 追加味玉 $115喜愛吃沾麵嘅本人當然揀沾麵，湯式好濃郁，粗麵口感彈牙，沾麵一放一夾好掛湯，食到陣陣嘅辣味、麻味，嗜辣人士可以揀中辣再挑戰！叉燒大大嚿但煮至軟腍，好有肉香；追加嘅味玉有滿滿蛋香，加埋流心效果，好滿足！現場掛有和風佈置，加上帶節日氣氛的背景聲，有暫時飛到日本的感覺！