鬼金棒

营业中

休息中

餐廳暗黑系裝修，令人一行入去就好似為將會食嘅辣麻地獄拉麵做好準備咁👹湯底可以按自己喜好，自選辣同麻嘅程度👍🏻餐廳好貼心有圍裙提供，唔怕食拉麵時會彈污糟啲衫🥢增量叉燒X2辣麻味增拉麵🍜 ($135)想試吓個湯底揀咗少辣少麻湯底濃厚唔會太辣👍🏻下次可以試吓中辣🌶增量叉燒好大塊，係普通嘅double呢碗X2仲要有兩塊都大大塊，燘到軟腍，肉質鬆化，食肉獸表示好滿足🙌🏻拉麵少少粗身，掛到湯又煙韌有咬口👍🏻🥢玉米荀辣麻味增拉麵🍜 ($100)呢碗揀咗少辣中麻🌶湯底其實一樣，中麻再香啲同刺激啲👍🏻雖然冇增量，叉燒都厚切玉米荀份量好多，有大概10條🌽幾爽甜兩碗都加$15要味玉🥚，呢度做到流心效果，滿足哂我地食拉麵要有糖心蛋嘅要求👍🏻

鬼金棒係成日行過好想試下，但見到好似好辣就卻步左無數次。今日朋友誓神劈願話唔會好辣，但好足量叫我要食就拉左我嚟。可樂zero ready！就算$15少少貴，都要ready，怕辣死me，哈哈！增量叉燒x2辣麻味噌拉麵視覺效果好震撼，勁大舊豬肉 x2！係兩舊！勁大，性價比勁高！一定返嚟再食！佢個叉燒係五花肉，好入味好軟身，少少鹵水味噌既香味，肥肉同瘦肉都一夾就分開，好易分開食。當然唔怕肥就一次過食啦！拉麵幾彈牙，湯底叫左小麻中辣，可以大辣爽啲！可能因為有味噌幫手中和辣，可以叫比平時辣一度既！辣麻味味噌沾麵加$35 增量叉燒，抵，一條五香肉，嘻嘻。真係無豬蘇味嫁喎。一路食一路聽日本打鼓聲同裝條係日本鬼神暗黑風，好有feel，神秘風格。沾麵係扁烏冬嘅形式，同拉麵少許唔同！依個我叫左小麻小辣，下次又可以叫高一度，麻應該多啲先過引啲！扁烏冬硬身返少少會好啲，佢有個大好處係上枱後都無結成一大舊，係散散地，掛湯添少許芽菜都爽口！

每次想食辣嘢嘅時候，就會諗起鬼金棒嘅芫茜 麻辣拉麵， 因為可以畀我揀辣度又可以揀麻度，真係冇乜餐廳係可以分開咁樣揀作為芫茜控的我啲定係會揀芫茜仲要係中麻小辣呢個拉麵真係唔係久唔久就會掛住，佢真正做到麻而不辣食落真係好過癮拉麵係粗麵所以食落煙煙靭靭，而且有咬口我自己另外加多一隻蛋，呢個蛋又係好正，係糖心，蛋香重朋友就唔食得辣，但係就非常鍾意食粟米仔，所以就加多一份粟米仔覺得店舖環境唔係好迫， 坐得都幾舒服，而且氣氛都幾有特色下次又會再嚟食番同一樣嘅嘢

純粹喺尖沙咀經過諗住去食返碗拉麵見咁耐冇食就去下啦雖然都知呢度只係~$100碗拉麵只係食完就走但係呢比起以前麵只係暖 非常失色問咗帶位幾次就算冇人佢都唔俾坐吧枱只係安排坐走廊隔離仲搞到成枱紙巾可能大家真係當疫情冇事啦拎住啲嘢都唔知擺邊好但係對我而言真係冇下次囉😓

出名既日本過江龍拉麵終於試到鬼金棒成間舖頭都好有feel好有氣氛入面暗暗地又紅紅地咁，啲background music 係以鼓聲為主。日本餐廳既細心就係有圍裙，真係唔係講笑食麵依樣野真係好緊要。特製麻辣味噌拉麵(中辣, 中麻)$120⭐️⭐️⭐️⭐️啲麵質真係好特別比較有咬口，同比較粗。我覺得最最最特別既係佢上面個啲唔係蔥黎嫁係韭菜黎嫁🥹增量叉燒辣麻味噌拉麵(中辣, 小麻)$115⭐️⭐️⭐️⭐️中辣其實唔太辣，不過小麻就真係好小麻小麻同中麻既分別就都幾大。肉碎飯$35.0⭐️⭐️⭐️⭐️食拉麵點可以無可樂就$15

係尖沙咀行街晚上唔知食乜好，見呢間幾多客人，Walk in又唔洗排隊，於是試下。玉米筍辣麻味噌拉麵$100（少麻少辣）未食之前見到咁油係有少少卻步，當試完一啖湯之後，就會想追食😋湯底好香麻辣味，夠晒濃郁，同時食到味噌既咸味，加埋爽滑掛汁既拉麵一齊食，好夾👍🏻，玉米筍食得出係烤過，好香口鮮甜，清新既玉米配有油脂既湯底，原來味道相當唔錯。炒豆芽菜辣麻味噌拉麵$100（高麻高辣）湯底相同，最大分別係餸唔同， 多左炒豆芽菜。叉燒烤過，做得好香好入味😋肥瘦適中，食落非常邪惡。店內仲有提供圍裙，真係好細心☺️食完先發現原來係日本東京過江龍拉麵店，難怪有一定人氣。鍾意食辣既朋友仔誠意推薦👍🏻好味：4/5環境：3.5/5客服：3/5

朋友好鐘意食拉麵，所以同親佢食飯都會食拉麵😝 今次佢帶左我去呢間來自日本過江龍既拉麵🍜店星期日夜晚8點，3個人唔洗等位，因座無虛席，但咁岩冷氣壞左一部，食到出晒汗😅不過鐘意食辣既我，無阻我既興致，仲要叫左中辣中麻😂但真係好正本身我唔係好鐘意食肉，所以我叫左玉米荀麻辣味噌拉麵，再加左一隻味玉！叫左中辣中麻，玉米荀好入味，個芽菜用火炒左先放入湯，加強左芽菜既味，次隻蛋仲要糖心加少少流心，好味到想加多隻，但實在太飽了。而朋友1號就叫左特製麻辣味噌拉麵，小辣走麻，食唔到辣既佢，不停噴火，d汗不停滴😂😂但佢都繼續食，沒有放棄，因為個湯好吸引佢不停食，不過走晒d菜朋友2號就叫左芫荽麻辣味噌拉麵，不辣不麻，但佢係拉麵控同時係芫荽控，呢個簡直係佢嘅首選，都係佢既最愛，同埋呢個都係推介首選😍

尖沙咀區日本餐廳都好多呢間拉麵成日行過都覺得裝修好有風味點知見到原來佢有芫茜拉麵！芫茜控既我即刻要試下🎈增量叉燒x2辣麻味噌拉麵 - $135男友有啲餓 揀左增量版叉燒x2試下舊叉燒真係值得讚既 好大舊好厚 仲好入味 👍🏻👍🏻👍🏻👍🏻🎈芫荽辣麻味噌拉麵 - $110芫茜都夠多 好香芫茜味 （可以再另加芫茜）怕辣所以叫左小麻小辣 好香麻味 下次可以試埋中麻！芫茜拉麵入面麵好大舊叉燒 份量岩岩好👍🏻👍🏻👍🏻 佢仲有肉飯 下次再餓啲都試下先！

𝕋𝕊𝕋 • 𝕂𝕚𝕜𝕒𝕟𝕓𝕠 鬼金棒 🍜 📍尖沙咀金馬倫道𝟚𝟘號地舖🔍尖沙咀、銅鑼灣:::::::::::::::::::::::::::::: 再次回訪的鬼金棒！獨有的厚切叉燒，經慢火炆煮，軟腍有脂香。🍖建議下單時告知店員叉燒肥瘦的偏好～來自東京的過江龍辣麻拉麵店，裝修以日本鬼怪為主題，辣度及麻度分成5️⃣個級別，並可由碗的顏色識別 🤍白碗：不辣、小辣、中辣 ❤️紅碗：高級辣 🖤黑碗：鬼增辣 👻 ➰🌱莞荽辣麻味噌拉麵 $𝟷𝟷𝟶 🐖增量叉燒x2辣麻味噌拉麵 $𝟷𝟹𝟻🌽玉米筍辣麻味增拉麵 $𝟷𝟶𝟶🥚味玉 +$𝟷𝟻🍚大肉飯 $𝟻𝟻

今日跟同事出去食lunch 佢帶左我黎呢間係東京人氣麻辣拉麵🍜🌶️店名叫做鬼金棒 店面又真係掛咗一條巨型嘅棒 果然好有氣勢.🌟味王麻辣味噌拉麵 ($100)拉麵有齊溫泉蛋🥚、叉燒、玉米筍🌽、豆芽菜拉麵非常彈牙 味噌湯底濃郁加上蔥同韭菜更加提升湯底味道溫泉蛋一咬 蛋漿就即刻流晒出嚟🤤叉燒外形似東坡肉但係又唔會太肥 肉質腍之餘仲滷得入味.🌟增量叉燒辣麻味噌拉麵 ($115)呢個拉麵同味王麻辣味噌拉麵冇乜大分別只係少咗一隻溫泉蛋 但係叉燒就增大一半🤪而湯底就點左小辣中麻辣 加多左麻辣 湯底就完全唔同味道 😝個人覺得小辣都唔係太辣 下次可以點辣D.🌟大肉飯 ($55)大肉飯用左店舖出名嘅叉燒加上飯面🍚食埋就更加飽肚.舖頭燈光微暗 以黑紅色作為主調🔴⚫仲有鼓聲音樂播放 營造氣氛 非常配合日本鬼怪題材👹👺用QR code落單可以因應個人喜歡選擇辣/麻嘅程度同配菜唔辣、甚至激辣嘅"鬼增"都可以選擇另外提供圍裙給客人 咁就唔驚我地呢D湯汁彈上淺色衫🤓

以麻辣主題的日本過江龍拉麵店 之前食過一次 今次諗住再挑戰辣啲🤪以暗黑風的日本鬼怪為裝修👹 湯底大致上都一樣 只是配料不同( ¨̮ )︎︎ 還喜歡它們家的粟米筍 好爽口有8款拉麵可以選 辣度同麻度分別為無至高重口味人士可盡量勇敢揀辣d麻d喔.ᐟ‪‪.ᐟ.▫味玉辣麻味噌拉麵🍜 $100▫芫荽辣麻味噌拉麵🍜 $110▫增量叉燒 $35今次專登嗌左中辣中麻 再挑戰下自己味噌湯底由日本總店秘製再直送香港再烹熬8小時 辣度用多款辣椒及唐辛子調配味道濃郁 帶適量的辣麻香 重口味人士表示可以再辣一點(ᯅ̈ )不過fu到芽菜們麻香味是偏重的 好爽叉燒好厚身質地軟腍 有啲像半肥瘦的東坡肉香濃入味 唔夠喉仲可以增量 size大約是兩件麵質軟硬適中爽彈得黎都卦湯 份量都幾多的芫茜控可揀芫茜湯 給你滿滿的芫茜 啖啖芫茜香 味玉呈橙紅色 溏心度十足desu

日本拉麵耐唔耐就會想食一次，早二日喺尖沙咀收工就喺附近搵下，行過金馬侖道，見到「鬼金棒」我地都仲未食過，門口又好吸引就直闖探尋一下😂舖頭裝修真係幾似日本拉麵店，仲好貼心有紙圍裙提供，我嗰日著白色衫幸好有圍裙保護一下（我論盡一點😂）味玉辣麻味噌拉麵🍜好豐盛😲我仲追加左玉米荀，成碗好靚❤️叉燒好入味而且好軟軟，入口溶化🫠味玉係溏心的，治癒感十足🤗我喜歡佢地用既拉麵比較粗身又掛湯，整碗食哂勁飽！增量叉燒味噌辣麻拉麵🍜唔講得笑既增量叉燒😳係成件五花腩咁大，嚇親寶寶😂男士們應該特別喜歡，我見佢有增量叉燒x2既選擇😂男士可以挑戰一下，湯底可自行分別選擇麻度同辣度，我就小麻小辣已經足夠。

最近見鬼金棒好hit, 要黎試試！餐廳有一大張長吧枱，可以望入廚房望住師傅整拉麵，幾開心架😀餐廳採用QR code落單，上菜極快😲我地一人一款拉麵，分別係走辣嘅味玉味噌拉麵+增量叉燒&小辣走麻嘅炒豆芽菜味噌拉麵+味玉。辣同麻嘅程度都可以自由選擇，岩晒麻煩嘅我地🤣覺得佢隻辣味幾香幾過癮，真係幾值得一試！朋友果碗即使冇辣，但都係足料好濃郁嘅味噌湯味，啲配料又係非常入味👍特別要一提舊叉燒，勁厚切！以往啲拉麵店都係薄薄幾片架嘛，所以見到呢度嘅叉燒覺得好驚喜，加分呀！肉質好淋同入味，堅好食！另外忘記左影低粒流心蛋，日本蛋果然係大隻啲，蛋黃更加係比平時再橙黃色啲，蛋味再濃啲無論咩款拉麵，我覺得流心蛋同叉燒都係一定要試齊嘅～！

中午打算去食午餐個操鄉音嘅女職員有免jump紙有19出行話唔俾入話我未擺入去個app我話我可以俾實體jump紙你但女職員堅持叫我「你慢慢攪掂先入去啦吓」大熱天時又餓又熱我還是去別間店吃拉麵算了🙂你哋啲職員待客態度咁差第時唔駛jump紙食飯我都會記住叫朋友唔好去🙂

黎到尖沙咀，想食返啲日本嘢，梗係要來食拉麵啦！冇得去旅行都可以過吓癮，要揀間好食嘅拉麵，一啲都唔困難啦！今次就嚟呢度呢間叫鬼金棒，呢度外表裝修都幾搞笑，有個惡魔喺個門口度，我諗應該想表達佢間嘢啲拉麵可以揀好辣，辣到你哋塊面變紅！入邊裝修都比其他普通拉麵舖多座位，所以相對上都算闊落，唔會坐得好迫！呢度就係用QR code落單，都幾方便，自己想食乜，就可以揀！唔怕店員會落錯單！今日個星期就係增量叉燒拉麵，我揀咗小辣小麻，都驚會辣到流晒鼻水，試一試佢個辣到先！一嚟到，舊叉燒真係幾多，咬落去都算淋身！唔會好un好難食！味道都算唔錯！拉麵都幾掛湯！好食又夠味，唔會係死咸！唔錯唔錯！味道幾好！下次要再食其他！