高興+ (已結業)

一向都有幫襯開觀塘嘅高興，知道佢喺北角開咗分店，當然要黎捧場！沿用觀塘總店的風格，高興＋的裝潢也是充滿了80年代香港的元素，仲係要用人手劃位同埋摵飛嘅戲院燈箱，也可以在高興＋內找到。當然少不了的是上海理髮店的吧位！香港的Signture霓虹燈招牌～！仲有手繪的北角邨，超有心思的！焦糖拿鐵 $34焦糖味不算重，跟咖啡味很平衡，最正係跟主食一齊嗌有半價，只需$17！熱情果白茶益力多 $28淡淡的茶味中夾雜著熱情果味和乳酸味，好特別，而且特飲只係廿八蚊，都幾抵飲！意式蕃茄醬肉丸 $38質地和味道有點像IKXA的肉丸，但醬汁的茄味酸酸甜甜的，非常開胃！柚子大蝦沙律 $76蝦肉結實甜美又大隻，醬汁內加入了蝦米碎，增添了口感和咸香味，更覺醒胃！墨西哥脆片配牛油果醬 $34香脆唔油，勁大兜，食極都有！卡邦尼煙肉意大利粉 $68落足料，勁多煙肉，份量亦頗多，好味又抵食！法式橙醬三文魚扒 $172橙醬唔酸帶甜，充滿了橙香，正好中和了煎香的油膩感！三文魚扒的火候控制出色，香口得黎唔會覺得乾身！配菜的豆角和薯仔也很美味，千萬不要錯過！

喜愛店鋪的名字，喜愛店鋪的風格，餐牌與環境用心設計，令人能高興地用餐，食物是其次，相伴才是主菜。點了一個海鮮飯，用料不錯，另加了兩份小吃（雞翼、魷魚），食物質素中上，價格平民化。

我們提早預約了，所以被貼心的安排坐角落，有小小自成一角。場內懷舊風格的設計好有 feel. 同朋友聚舊好啱主題。雖然呢度有酒賣，但場地光猛，感覺較乾淨及健康。傳統檸檬燒法國黃皮春雞出奇地又香又脆皮，雞肉又嫩。我同朋友每人半隻，扺吖。其實已經好有味，唔洗點汁添。蒜香車厘茄帶子寬條麵帶子夠大隻, 食落啖啖肉。正。意粉又有淡淡的蒜香及香草味。高興雞中翼配牛油果醬忌廉牛油果醬配燒雞翼，好有墨西哥風格，送酒真是一流吖。因為時間尚早, 我地仲可以叫 HAPPY HOUR DRINKS, 我就叫左 PROSECCO 有氣酒, 朋友就叫左白酒。唔係酒吧都有 HAPPY HOUR, 都算驚喜。要知道申請酒牌唔易呢，又增加成本，所以睇得出老闆係有心做的。

現在的北角已開始進化為豪宅區，相應的餐廳食肆亦變了不少，這間是比較上摩登的輕食西餐廳。餐牌上的選擇很多，今日我們三個人各點一個主菜+1個小食。先上小食燒魷魚，賣相一流，絕對不是一般平價餐廳的水平魷魚配上酸甜的醬是美好的開始。不得不提這裏的服務幫我們落單的那位侍應態度十分好，而且會幫忙介紹及解釋菜單。這個麻辣肉醬意粉就是她推介的這個意粉的口味是真的很獨特，將麻辣肉醬和西式意粉拼在一起，但不算很辣但麻的感覺比較重，最特別就是他的價錢，$68一大盤，感覺便宜的過份鴨肉漢堡和薯條亦是特別的嘗試，鴨肉不會老，和生菜等一齊吃也很滋味，不過如果麵包能夠在煙韌一點會比較好。檸檬烤雞就較為特別一點，因為雞的皮充滿着酸酸甜甜的檸檬清香和沙律菜一齊食是美妙和健康的配搭。整體上這裏的味道，價錢和食物賣相以致裝修都是十分值得過嚟一試的

北角可為香港傳統小社區，老一輩嘅人都會喺度定居， 比較多傳統特色老店小店-例如德興蛋捲王，也有好多雲吞麵、粥粉麵舖。 因中上環寫字樓不敷應用，政府有意打造港島東成為另外一個商業中心，所以近年有好多商務人士都搬咗去北角炮台山一帶，也吸引西餐業的垂注。 （高興happinesssss）位於前北角邨地皮嘅對面，鋪頭嘅賣點就係特色嘅香港風景，小店嘅牆壁有好多古舊北角碼頭嘅風景畫，使人惦記着老香港辛勞而繁盛嘅歷史。炸魚薯條$54，呢個價錢相當抵，出面食炸魚薯條起碼100蚊以上。呢度用咗大眾喜愛嘅龍脷柳，炸得夠淋夠香口。 卡邦尼煙肉意大利粉$68， 呢度嘅recipe比較重奶香味，所以相對會較creamy ，配料嘅份量都好多有大量煙肉片同埋蘑菇粒。 串燒香烤牛柳粒$44， 慢慢烤，啲牛味都出曬嚟，夠曬香濃。 法式橙醬三文魚扒$172， 三文魚個位超級靚， 橙白色嘅分佈就好似間條衫咁，工整有序，油脂位同埋肉位睇都夠哂sharp醒。加18蚊有健康果汁飲， 左邊嗰個係奇異果 椰青水，右邊嘅係五種蔬果汁，甜甜地幾開胃，排毒首選！

今日約左朋友去攀石，順便就去北角搵食搵食。點知見到呢一間好特別嘅cafe，門口嘅擺設已經好吸引，所以入咗去。一入門口，見到嘅係一排舊式戲院嘅擺設，上面仲佢放左好多電影海報，即刻忍唔住映幾張相打卡。除咗電影海報之外仲有懷舊理髮店嘅枱枱凳凳，仲有好多好多古董係個櫃，就係打卡都打左好耐👍🏻坐底左就叫嘢食啦，因為去過佢間分店，我地大概都知有咩好食，我個friend就叫左個燒春雞，我就見左個三文魚，然後我地都叫多個豆腐沙拉。除此以外，我地仲叫左個紅桑茶同益力多飲品。沙律份量都幾大，而且芝麻槳都好好味，豆腐都好滑，如果唔想食有肉既沙拉一定揀呢個。燒春雞來到既時候，我地都嘩左一聲！隻雞燒得好香同好靚。而且燒得好滑，唔會冇哂水份，重點係佢個汁真係好好味。同樣地，燒三文魚個柚子汁都係十分出色。甜甜酸酸咁，超級開胃。加上三文魚上面既一塊柚子乾，令到pla一ting同味道都擺滿分。我地食到最後覺得個汁真係太好味，仲放哂啲沙拉落去食，超級滋味。最後，我杯blueberry益力多，一開始驚會好甜，點知飲落都覺得咁道岩岩好，冇加到好多糖槳。而紅桑茶最正既地方就係店員會唔介意俾我地沖水，我地加左三次水都仲好有味，係

難得今日過黎呢邊 發現到間又平又好食gei cafe佢個裝修簡單 感覺好舒服 有一幅畫左以前gei北角野食方面 有好多唔同特色gei fusion  好似我叫咗呢一個鹹蛋黃卡邦尼煙肉意大利粉係平時嘅卡邦尼加入咗鹹蛋黃 食落鹹鹹香香而且個汁仲比平時更加濃郁 創意得來又好好味 仲出奇地夾添燒魷魚日式嘅燒魷魚表面灑上七味 再配上一個番茄沙沙醬濃郁得來帶點清新而且魷魚食落好再配上一個番茄沙沙醬濃郁得來帶點清新 而且魷魚食落好軟滑牛油果醬大蝦pizza個Pizza一上枱已經有清新嘅番茄醬味食個蝦肉非常彈牙 牛油果醬香濃幼滑而且個批本身整得好薄食落非常香脆飲品方面佢哋有好多嘅選擇 有花茶咖啡奶茶啤酒仲有啲公平交易汽水我就揀咗檸檬味嘅公平交易汽水音落清新而且可以去除食物油膩嘅感覺男朋友就揀咗佢最鍾意嘅啤酒呢度食嘢食物嘅水準非常之高但只係街坊嘅價錢坐低感覺都好舒適令我非常滿意

黎過幾次北角做野已經發現呢度可算係美食沙漠，地鐵站附近行一圈難得發現新開左間型格玻璃屋餐廳，正正就係我曾經係觀塘工廈留下不俗印象既"高興"分店，二話不說就同朋友入左去happy friday。蕃茄菠菜芝士雲吞 ($72)意大利雲吞好多時都係醬汁比餡料更令人難忘，今次亦唔例外。 蕃茄醬汁飽含蕃茄蓉，味道天然鮮甜又有蔬菜口感，重點係面頭灑上晶瑩剔透既分子料理，咬開就發現係黑醋粒粒。 肉餡有輕微奶香味，雲吞皮亦夠煙韌，本來平平無奇，但黑醋粒粒同時係口中破開，就拼發出奇妙既化學作用，好清新開胃。蒜香車厘茄帶子寬條麵 ($88)色彩繽紛又足料，寬條麵明顯係自家製，煙韌彈牙又有蛋香。 雖然鋪滿左車厘茄同蒜粒，食落其實蒜香味唔濃，反而係麵條本身既原味為主。 要讚下車厘茄同帶子都好新鮮，帶子幼嫩鮮甜，不知不覺連邊位都食埋，有三大粒好滿足呀。高興雞中翼配牛油果醬忌廉醬 ($48)雞翼超級嫩滑多汁又入味，典型水牛城tabasco調味，唔洗再點醬已經好惹味。 牛油果醬幼滑香濃，點少少又令味道昇華，反而忌廉醬就失色左少少冇咩存在感，但整體性價比好高。洋蔥煙肉流心蛋焗啡菇 ($42)雖然每次見到大啡菇都會有心癮

真的不來這裏也不知道。。。北角的海皮已經大變天了！多了一棟又一棟的全新 的海景豪宅， 而馬寶道的街市和舊唐樓已經逐步、逐步的在大家的視線中消失得無影無蹤了！今天，我們吃晚餐的這家餐廳，正正是位於 一幢全新的豪宅基座地下1及2號鋪， 餐廳的裝修是以「港式懷舊亅加「港式情懷亅為主軸， 驟眼看雖然有點雜亂無章的感覺， 但是再仔細地每樣東西看一看， 你便會發現到店家的心思， 從而會心微笑！餐廳是供應有香港特色的fusion美食 ，以下是我們今晚點的食物：柚子大蝦沙律 （$76）👍👍👍這個不是泰式的柚子沙律，而是一碟 fusion 沙律！它集合 了caesar salad 、 柚子、大蝦、再配上中式蝦米和花生，從而拼湊成這碟「異人館風味」的港式沙律。它最特別的地方其實就在醬汁。。。 這個醬汁 ，有點像煮溶了的甄沾記椰子糖， 甜甜的、帶有椰香，但卻出奇地和這碟港式沙律十分搭配， 一點違和感也沒有 ，不錯的嘗試！蜜瓜風乾火腿串（$48）👍👍👍👍它的賣相很精緻， 像和式串物， 紅紅橙橙對對配，很能挑起大家的食慾！ 雖然食材不是什麼貴價火腿， 但是作為一個 只賣街坊價48元的 頭盤 前菜， 這個菜是合

昨天經過想入去食嘢見有幾家人係前面等緊嗰個知客喺度派waiting number見到佢好似好晦氣咁將啲飛好晦氣咁比客排到我嘅時候佢直情將啲飛拋嚟我呢邊我接唔切 張飛跌咗係地下然後佢調轉頭行左去要個客喺地下度執返上嚟見到咁樣我哋費事有垃圾喺地下執起左張飛然後走咗唔知佢係咪比客鬧完發洩喺另一個客度無端端俾人激一激激到我一肚氣其實食物就算幾好食都要叫啲員工有禮貌可能飲食業難請人最起碼待人接物唔可以咁樣 從來都未試過俾知客咁無禮對待去到門口已經唔想入去食嘢

今曰到北角探朋友，發現附近有一間幾潮又幾Pop的西餐廳。餐廳牆身有北角的插畫，空間懸著商標字樣的霓虹燈和各式各樣的吊燈，感覺跳脱又時尚。加上空間節拍音樂，整個人幾輕鬆下來。這兒的餐點幾相宜，小食$42-$54，pizza$88-$96, 主食$102-$218，意粉/飯$68-$82，選擇唔少。高興得食北京烤鴨漢堡$102平日吃漢堡以漢堡牛肉居多，而這北京烤鴨味道幾特別。漢堡麵包十分鬆軟，夾著酥軟多汁的無骨北京烤鴨，口感嫩滑，不帶半點羶味，夾埋京醬和青瓜，十分滋味。薯條炸得香脆，薯味十足。法式橙醬三文魚扒$172這三文魚扒表皮煎得金黄焦脆，即使煎到差不多全熟，但魚肉依然滑溜juicy. 再沾上酸酸甜甜的橙醬，十分醒胃味美。意式番茄帶子燴意大利粉$88嘩啦！帶子意粉份量十足！仲有三粒大大粒的帶子，口感軟嫩可口。意粉用了幼身意粉，煮得Q彈有嚼感。雖然目測醬汁唔多，但每條意粉不多也不少的都掛上醬汁，蕃茄味超濃，仲帶一點蒜和香草的香，不錯。玫瑰荔枝特飲+$16這荔枝特飲真美味！有著荔枝的香甜，又有玫瑰的幽幽花香，口感冰涼，正！柚子檸檬特飲+$16這特飲檸味超強，味道輕甜，酸爽淸新，又有陣陣柑子

So happy!!!係官塘食過高興，見到北角都開左！一於帶朋友一齊去試下！但環境幾有特色！打卡位都好多。晚餐冇set，但亦都冇加一，想客人食得哂心。黑松露醬粗薯條 $47勁大盤，黑松露醬勁多，薯條新鮮炸！雞中翼 $48係少少香辣幾入味。仲有5隻都幾抵食。慢煮美國頂級西冷扒 $196冇想過甘厚份量！仲有成世都食唔哂既薯條。西冷5成熟，都熟左小少。但勁有牛味又唔un，加埋黑椒汁幾好。蒜香車厘茄帶子寛意大粉 $88有3隻煎好既帶子，寬條麵好爽口，唔會好油好粉，成碟幾清新，唔會覺得好飽。榛子咖啡$ 17熱牛奶 Overall 成晚勁多人食，坐沙發勁舒服好坐。

男朋友平時返工係土瓜灣，今日心血來潮去接佢放工，跟住當然要去拍拖仔啦，最浪漫既就係趕尾班船，土瓜灣碼頭既船係去北角，行出碼好近既地方見到一間餐廳，好大間，同男朋友決定入去食左野先。離到勁遠都見到呢間餐廳，比起隔離間惠康仲要大，入面都一樣好大，好多好多位，最勁既係坐滿人，咁多人食，一定冇衰啦。坐位環境各樣裝飾都比較似普通茶餐廳，好得意既係飲水，調味料等等都係出面自助吧，非常方便。睇一睇個餐牌先知，原來西餐廳黎，好多野食多數都係牛扒，羊架，沙津，意粉，Pizza等等，我最愛食牛，男朋友見我接佢放工咁開心，二話不說叫個最貴既牛俾我＂慢煮美國頂級肉眼扒＂我仲好傻仔咁問店員有冇得叫幾成熟？男朋友即刻笑我，佢話慢煮邊有幾多成熟嫁？估唔到店員答我有，哈哈！！最後我叫左三成熟，煮得岩岩好，入面係我最愛既紅色，薯條又粗又大條，仲要小小辣粉係上面，更加＂野＂味，隔離仲有小小既沙津，令到個感覺冇咁油膩，唔知係唔係慢煮唔同Ｄ，呢個牛連肥膏位都係好淋，可以直接食左佢，正到爆。男朋友係咁多西餐野食入面選擇左呢個日式既＂自家牛扒漢堡溫泉蛋日式咖哩飯＂因為男朋友目標想食漢堡，唔好睇佢成間西餐咁，估唔到呢個日式咖哩好好

人人都想開心d，見到呢間野個名就緊係會仲開心，開心都唔夠，仲要Plus加倍開心！ 以前都食過海鮮沙律，但今次係第一次食炸魚沙律。沙律本身非常高質，新鮮得黎醬汁亦調得好好，味道濃郁但又帶到沙律同炸魚既鮮味。而炸魚炸得好香脆，配埋沙律一熱一凍，好味又唔驚太熱氣。 而呢杯藍莓乳酸梳打睇顏色已經知好濃，杯底仲有一粒粒既藍莓籽，睇落又健康又吸引。而飲落亦非常好，藍莓既清香加上乳酸微微既酸性，好好飲。 紐西蘭羊架好鮮嫰，應該係用左BB羊，肉質好細膩。而薯條亦幾有驚喜，係好粗既薯條，而且口感好結實，每一啖都食到薯仔既味道同口感，配埋調味粉好正。

第一次見到有餐廳叫「高興」，可能老闆想客人可以食完開開心心咁走(?)哈哈。雖然餐廳屬於Cafe類型，但係睇得出裝潢一啲都唔馬虎，店內以不同懷舊店舖為主題 (髮廊,戲院)，裝潢細緻有趣。雞中翼配牛油果醬忌廉醬雞翼辣辣地好惹味，覺得味道太濃的人可以點牛油果醬同忌廉醬一齊食，令到食落清新少少。慢煮美國肉眼排五成熟啱啱好，好大塊牛排呀價錢又唔貴，牛魔王應該好開心。北京烤鴨漢堡最鍾意試創意漢堡，呢個係北京填鴨漢堡感覺好新鮮，中間夾著超級厚的烤鴨，配埋烤鴨醬味道好濃郁，每一啖都食到好多烤鴨幾過癮。