高興+ (已結業)

下晝要去北角做嘢就搵下果邊有咩正餐廳可以食個lunch啦，見到哩間響港濤軒樓下，大大間裝修又好有特色嘅餐廳，而價錢又好相宜就黎試下喇～午市價錢中規中矩啦，我覺得響哩個環境用餐，收哩個價錢係非常合理，仲要唔收加一，所以整體黎講係抵嘅。雖然話繁忙時間用餐60分鐘，作為一個打工仔，當lunch hour都係得60分鐘嘅時候其實係冇咩影響，同埋我都唔見佢地會趕人交檯嘅😛提神醒腦，大大杯泡沫咖啡😋😋同事叫左個韓式泡菜雞肉烏冬鍋，賣相相當吸引，又多配料（早知我自己都點哩個啦，但係當刻真係好熱唔想再食鍋物類嘅野😅）。好似唔係好辣架咋，所以應該幾易入口，又多菜，唔計沙律果啲，哩個係一個既經濟，又健康嘅選擇😃👍🏼我諗住食清清地同平平地，就叫左哩個欖油雞肉意粉。個名完全冇呃人，就係有橄欖油嘅意粉加好入味同香嘅雞肉😆 比起啲雞肉，啲意粉就唔係好夠味喇。意粉都算彈牙㗎，係欖油可以再多啲同香啲😛間餐廳環境好唔錯㗎，設計好有心思，有啲懷舊風，亦好有北角地道色彩。裡面有一幅牆係以前北角邨嘅光景，原址就係響餐廳對面嘅位置，雖然依家果度已經變左超級豪宅😅哩間又係可以再黎嘅餐廳～好彩我地早到咋，走嘅時候門口已經排長龍喇😵

之前試過觀塘個間餐廳 高興 經過見到呢間高興+ 我猜應該是分店吧 然後也沒多想就進去吃了先點了這個黑松露薯條 $47份量都幾多 粗薯條剛剛炸好 熱辣辣的 配上黑松露醬 再配個啤酒一流高興雞中翼配牛油果醬Cream $48/5pcs雞中翼又係啱啱炸好 要攤一攤先食到 牛油果醬普通 唔係太夾個雞中翼卡邦尼煙肉意大利粉 $68份量都幾大 卡邦尼汁可以多少少 好快就乾咗有啲難入口 但係整體味道👌🏻青醬雞肉pizza $86pizza皮烤得剛剛好 脆脆的 雞肉都幾大塊 上面舖咗芝士同香菜 好味熱情果白茶益力多 $28較甜同fresh 配搭👍🏻青檸益力多 $28酸酸甜甜 比較開胃 😌整體黎講 食物質素唔錯 價錢合理 上菜快 職員態度幾好

打完game路過北角，見到呢間餐廳個名咁搞笑happinesssssplus+ ，裝修又幾chill，咁高興當然要試下。因為太口渴嘅關係，一坐底先叫咗兩杯飲品先，之後再諗食乜。蘋果菠蘿石榴羽衣甘藍汁，最近好Hit嘅羽衣甘藍super food，我望下個食物標籤，無糖，非常好。太口渴，之後我仲叫咗柸柚子檸檬益力多沙冰，呢個益力多味重，我鍾意！！素菜健康沙律，初初好奇會包括d乜，之後見到非常喜歡，因為佢meet到我需要「健康飲食-五色蔬果」嘅要求，材料乜都有非常豐富，紅菜頭，南瓜，菜，蕃茄，堅果，紅莓乾等等，非常鍾意！！ 極力推介健康瘦身之選！！牛扒大塊，軟硬適中，有肉汁，正！！ 最後甜品叫咗窩夫，即叫即製，非常新鮮熱同脆口，因為唔食cream所以要求走cream，個窩夫就算就咁食無配料都足夠好味，因為夠脆，推介！！整體全部食物都有水準，而且價錢合理抵食，好滿意，會再encore～

North Point has changed a lot these few years.Old buildings knocked down and a whole new street has popped up where the pier used to be.There is now a stylish restaurant on the corner called happinesssssplus.I like the way the restaurant is split into two sides, a vintage hair salon and an old cinema.At first, I thought it was the usual menu with steak, chicken etc but the pastas were more exciting for me because they had some unsual items like Stir Fried Pasta with tinned Dace fish and black be

咁啱去開北角，經過一間裝修懷舊的餐廳就入左去試下, 鍾意Vintage 的朋友可以去打下卡。—🍓鮮雜果窩夫🥝食落去第一下覺得好酸,以為變壞左，原來係因為依度嘅窩夫唔係用cream ,反而係乳酪。見到個面有咁多水果,就覺得好吸睛，窩夫唔會太淋。—

近排無論生活上或工作上都不太稱心如意，有很大的無力感，很多事情都無法控制結果。心情越是不好，越更加想尋找開心，美食似乎是最容易尋找得到的慰藉。這間餐廳名為高興+，正中下懷。北角這間高興+，地方比觀塘店闊絡，裝修相似，處處流露昔日香港的情懷。餐廳不設加一，惠顧主菜更可享半價飲品，餐牌本來就已經不貴，加上優惠就更加抵食。橙香蟹肉沙律香橙蟹肉配沙律不太常見，感覺上很清新refreshing，如果加多一點沙律汁或油醋汁調味就更加可口。高興雞中翼配牛油果醬忌廉醬雞翼入口味道很像水牛雞翼，大大隻很有肉地，入口辣中帶酸，味道很有層次，不會只有辣味。雞翼旁有牛油果醬忌廉醬點食，不過個人覺得雞翼味道已經很濃烈，完全不用點醬食用。麻辣肉醬意大利粉中式麻辣肉醬crossover西式意大利粉，味道出奇地匹配，花椒的香麻味突出，辣度帶有後勁。傳統檸檬燒法國黃皮春雞法國黃皮春雞屬於嫩雞，體型細小皮下脂肪亦少。黃皮春雞皮脆肉滑，就算是胸位亦鮮嫩多汁，脾位肉質滑溜，加上檸檬皮的清香味就更加吸引。春雞伴有酸忌廉及粗鹽粒點食，不過就如雞中翼一樣，菜式本身味道就很濃烈，可以不用點醬。薄荷檸檬特飲 玫瑰荔枝特飲青檸薄荷與梳打

一排無係港島區食飯, 上星期便相約友人去了北角的高興+食晚飯.小食點了洋蔥煙肉流心蛋焗啡菇. 賣相精緻.一切開蛋黃流出. 啡菇夠多汁, 配上蛋等配料, 多重口感. 主萊點了蒜香車厘茄帶子寬條麵. 帶子夠大粒, 口感不錯.而寬條麵軟硬適中.自家牛扒漢堡溫泉蛋日式咖喱飯. 咖喱調教的口味不錯, 只係牛扒漢堡稍為乾身了一點. 葉香烤焗比目魚. 一口氣食了幾款較濃口味的菜式, 食番個魚中和一下. 魚肉夠嫩滑, 味道又夠清新. 甜品不少得. 高興鮮雜窩夫. 簡簡單單的窩夫面上放滿了各式鮮果.味道不錯, 而窩夫口感也適中.

約咗朋友嚟食飯，第一眼見到呢間餐廳就已經覺得裝修好搶眼~店內裝修以北角為主題，有不少燈牌，配合店名以開心為主，望落都幾治癒~前菜叫咗個洋蔥煙肉流心蛋焗啡菇，賣相好靚，芝士焗得啱啱好，一切落去連埋流心蛋有爆汁效果，睇落吸引~食落去味道都不錯，啡菇juicy，吸左洋蔥嘅味道，配合煙肉嘅鹹味味道剛剛好~葉香烤焗比目魚魚肉多汁，因為烤焗關係，魚肉吸收了荷葉嘅香氣，配合埋車厘茄薯仔等等嘅配菜味道清新，而且魚肉不連骨，啖啖魚肉食落非常滿足~比較欣賞佢嘅醬汁，酸酸甜甜可以更加帶出比目魚嘅鮮味，而且亦夠醒胃~另外仲叫咗鹹蛋黃卡邦尼煙肉意大利粉，意粉造型幾特別，有一個以鹹蛋黃醬為雪糕既雪糕筒，幾有趣~第一次食鹹蛋黃+carbonara 既組合，食落味道有幾夾，鹹蛋黃嘅鹹香加埋卡邦尼醬汁令到意大利粉食落味道更為豐富，煙肉份量亦夠多~蒜香車厘茄帶子意大利麵味道也不錯，帶子煎啱啱好，外面夠香脆，肉質亦夠鮮甜，配合蒜蓉調味令整體味道較為豐富，車厘茄則令整碟菜更為清新，意大利麵採用闊面，比普通意大利麵較有口感~飲品叫咗焦糖燕麥沙冰，焦糖沙冰嘅甜度啱啱好，配合忌廉奶味較重，加左不同燕麥可以一路食一路飲，燕麥都有口感

由細到大都是在港島居住的我，北角區是我生長的地方。特別有很多小店、茶餐廳、大排檔等，一直都比較平民美食在於此。行到海旁附近這幾年間多了不少酒店或是新樓宇的建成，連茶餐廳都愈走懷舊之風。今日途徑海旁附近有一所「高興」以70-80年代的風格，以紅綠兩色既霓紅燈鮮明又美觀。平日的下午茶時段，人流並不算多而且位置相當舒適又闊落。牆身更有從前北角村的模樣，並書在白色的牆身上極為文青之風格。下午茶的餐牌鍾類繁多，由輕食至到焗飯/麵應有盡有，特別一提下午茶會送指定的飲品一杯或以優惠價享用特飲。迷你芝士焗瑞典肉丸通心粉 $42滿滿的芝士佈滿在通心粉之上，芝味濃郁加上通心粉的份量何其多，肉丸的味道超級滋味。正體上$42相當抵食，仲會包一杯茶飲不錯。高興雞中翼配牛油果醬忌廉 $48對於我是一個雞翼控又點少得吃雞呢？散叫既關係，一客有五隻是我最喜歡的水牛城雞翼。雞翼的味道濃郁而且愈食愈滋味，另外旁邊更有牛油果或忌廉可解其雞翼的辣度。桂圓紅棗功夫紅茶 下午茶的關係會包一杯的茶飲，愈黎愈喜歡養生的我選擇「桂圓紅棗功夫紅茶 」，其茶香不算太多濃稍微失色並連同桂圓紅棗未見突出。

食過觀塘個間，呢間嘅裝飾同觀塘個間差唔多，嗌嘅食物都係第一次試。薯條唔差，正正常常，不過個大蒜帶子意粉先係重點呀😭超級好食，勁惹味！好入味，粒帶子又新鮮！仲有呢個荷葉包住嘅魚（唔記得個名）又係好好食，但一定要記得落醬汁，冇醬汁會淨係食到魚嘅淡淡嘅鮮味，但落左醬汁，酸酸地帶左成條魚嘅鮮味出黎，不過都好吃的🤤🤤

北角站A出口的食店很多，當中有一間大大間的，以懷舊電影院作裝修主題的特別有興趣。看了餐牌，餐飲款式很多。先點餐飲。巧克力薄荷（凍），$32薄荷味淡淡的，加上忌廉，整杯的口感很滑。巧克力Oreo 沙冰，$19以為會很冰凍的沙冰，來到充滿驚喜。除了旁邊的Oreo 餅乾，整杯沙冰還充滿粒粒的Oreo 碎。蜜瓜風乾火腿串，$46賣相漂亮的蜜瓜串，用小竹簽梅花間竹的穿上蜜瓜波和意大利火腿，食落清甜。高興雞中翼配牛油果醬忌廉，$48來到我期望的雞翼啦，雞翼飽滿比較鹹，配上牛油果醬忌廉則味道剛好。牛油果醬不滯膩，淡淡的牛油果香比任何的醬汁味道都要好。鹹蛋黃卡邦尼煙肉意大利粉，$96新式的卡邦尼加上蔥花和鹹蛋黃，加上鹹香的芝士和煙肉，很足料，食完已經夠哂飽。北京烤鴨漢堡，$102鴨肉用烤鴨醬塗滿，味道鹹鮮。用上北京烤鴨做漢堡，crossover 得幾好。

之前行過見到呢間新開～趁住假日就同朋友屋企人試下～ 價錢份量都足～ 但落單唔夠細心，3個餐只落左2杯飲品要去追回～叫左2份全日早餐～一個鍋烏冬味道也不錯～ 可以下次再來

近年，無乜新茶餐廳，無？唔喺啩，無錯，因為家下興用冰室，仲開到成行成市，其實都喺茶記一間，用得冰室做名嘅，都大玩懷舊。之但喺，玩懷舊又豈止冰室，最近機緣下過到嚟北角，偶遇呢家西餐廳「高興+」，裡面裝潢一樣玩懷舊，但就更具打卡性。由於餐廳採用落地大玻璃，晌鋪外，已見到內籠地方頗大，樓底特高，非常有空間感。而講到懷舊，佢哋真喺玩得好多元化，兼且有深度，唔喺擺一、兩舊嘢就當喺，甚有70、80年代嘅感覺。好似戲院燈箱、理髮店鏡位、花地階磚、舊式收音機、古老水晶吊燈……等等。另一邊用餐區，感覺就無咁多舊懷元素，裝修簡約，最觸目就肯定喺嗰幅手繪北角邨牆畫，以簡單線條勾畫出北角邨嘅情景。翻一轉主餐牌，原來選擇都非常之多，小食、沙律、薄餅、主食、意大利粉、意大利飯、日式咖喱、甜品……一應俱全，而飲品，有花茶、酒精類、咖啡、沙冰、梳打、益力多特飲，以及多款鮮果汁。紐西蘭羊架 $206一客有3支羊架，伴有沙律菜及炸薯條，賣相較美式，而沙律菜夠清爽，薯條脆而不膩；至於啲羊架，質素真喺唔差，燒得外層帶微焦，咬落甚具焦脆感，而肉質嘅生熟度燒得啱啱好，口感十分之嫩滑細緻，更喺羶味十足，啱晒我啦。焦糖拿鐵 $17（

裝修好特別好靚，牆上畫左北角邨既畫，好有香港特色🤩🇭🇰座位好闊好舒服，打卡一流📱話明fusion餐廳，食物都好特別好多選擇，難得既係價錢唔貴🥳麻辣肉醬義大利粉($68)呢個意粉係用左四川麻辣醬，雖然meun寫住3粒辣椒🌶，但其實唔係好辣，好重四川麻辣味，有少少花生醬味，🥜食到停唔到口！高興得食北京烤鴨漢堡($102)🍔🍟平時食burger唔係牛就雞，呢個burger用既係北京烤鴨，肉質好嫩滑而且冇骨，仲夾住d青瓜同京醬，食幾多都唔會濟，仲有大大份薯條做side dish，物超所值！高興雞中翼配牛油果🥑忌廉醬 ($48)本身係為左個醬叫呢個小食，因為好鐘意食牛油果🥑😍點知雞翼係水牛城雞翼味，好惹味，係香港好少餐廳會整水牛城雞翼架，所以好加分！飲品🥤OMG!選擇好多呀！有fresh juice,益力多特飲，梳打特飲，茶類，咖啡☕，smoothies,甚至酒精類既野都有🥃🍺🍹🍷🍸🍾我地分別叫左雜莓乳酪沙冰同玫瑰🌹荔枝沙冰，都係$38杯！大大杯好足料，雜莓沙冰酸酸甜甜咁，夏天飲就岩哂🤗

係北角碼頭附近 有一間落地玻璃 內裡裝修帶點懷舊的餐廳 離遠見到好sharp既霓虹燈寫住happinessss 入到去聽到播住音樂 店員笑容滿面 menu第一頁寫住高興點餐5部曲 不禁會心微笑了一下☺菜式不單調 帶點fusion感覺 我地叫左一份蜜瓜火腿做前菜 以呢個價錢黎講 份量唔算少 算抵食Main course就叫左份傳統既西冷扒 仲有比較特別既橙醬三文魚扒 前者可能用慢煮 所以肉質比較諗身 頗有牛味 但未有太大驚喜 後者醬汁甜甜酸酸 出奇地同三文魚好夾 三文魚皮夠香脆 加上伴碟有幾片煎香過既薯仔薄片 實屬用心之作👍🏻👍🏻我地各自再叫左飲品 芒果奶蓋上層係偏空氣感既奶泡 唔好甜既朋友可以放心叫 我就叫左健康之選既羽衣甘藍汁 稍為失望既係樽裝上 並唔係即榨既 但味道唔錯 即使初次嘗試既朋友都可接受最後想講黎呢度食飯真係好chill~~