高興+ (已結業)

呢一間餐廳係小編同女朋友喺網上面見到有好多人推介，所以就嚟呢間餐廳試一試，小編order左三個主菜，包括有海鮮意大利飯、鹹蛋煙肉意粉，同埋日式咖喱漢堡扒飯，小食方面亦都order左高興雞翼即係水牛城雞翼，同埋黑松露薯條，我覺得三道主菜都幾好，不過小編較為鍾意海鮮意大利飯而小食方面，小編就覺得水牛城雞翼即係高興雞翼就推薦大家試吓，另外值得一提嘅呢間西餐廳入邊嘅設計非常之摩登，座位同埋枱亦都睇得出有精心嘅設計，係一個打卡嘅好位置。

呢間小店裝潢好有復古味道，連個招牌都用霓虹燈，好有香港特色。叫咗個麻辣肉醬意粉，好特別未食過有四川風味咁嘅意粉，原來意粉配中國風味都好夾㗎,勁開胃食完一啖又一啖。另外叫咗檸檬燒法國香烤雞，配鹽同埋乳酪，隻雞好juicy,個皮亦都好脆，好正！另外仲叫咗個煙肉留心蛋焗啡菇, 個菇唔會焗到好乾，好有水感。隻蛋亦都有流心既效果，一口咬落去爆哂汁，好滿足！另外叫左兩杯野飲，分別係士多啤梨同芒果奶蓋，飲落d味唔會好藥水，而係真係有士多啤梨味同芒果味。最後唔小得甜品啦！叫左個鮮果窩夫，好健康，食得出用左greek yoghurt同麥廬卡蜂蜜，食左都無甘大罪惡感食完成餐飯好高興！

呢間高興+，原身有一間係觀塘既一間cafe。而且係北角有另一間😄，環境幾大，食物平民化，而且仲唔貴添。.🍴高興得食北京烤鴨漢堡$109平時食漢堡食得多，裏面通常係牛肉生菜蕃茄。今次呢個特別啦，入面係烤 鴨加青瓜再配烤鴨醬🥰好似食緊片皮鴨既感覺。.🍴鹹蛋黃卡邦尼煙肉意大利粉 $ 96有個雪糕筒上面😆幾搞笑。雖然佢話係鹹蛋黃，但其實佢係咖哩味🤨，搞到冇鹹蛋黃味。可以的話冇左個咖哩會好D。.🍴蜜瓜風乾火腿串 $48蜜瓜幾甜，而個火腿就冇特別。卷得太厚。.🍴串燒香烤牛柳粒 $44有燒烤嘅味道，一齊燒既蔥頭帶香左個味，但係個牛肉有啲韌。

高興是和喜歡的人在舒適的空間享受美味及時刻早早就食過觀塘既主店，笑哈哈既圖案令我留下深刻既印像，當時仲有live band演出，所以一直都好喜歡哩間咖啡店直到知道係北角開左新既分店，叫高興plus，成日都話想黎食，今日終於揾到朋友黎同我食啦🤝🤝一入到店舖播住柔和既音樂，地方好大，好舒服，枱與枱相隔空間好大，同朋友傾計都特別舒服啲🤗🤗打開menu先知原來無加一，感覺好良好呀🤝哩度有唔少既小食，沙律，薄餅，主食同飲品最後我地嗌左「洋蔥煙肉流心蛋焗啡菇」「串燒香烤牛枊粒」「意式蕃茄醬肉丸」「法式橙醬三文魚扒」同埋「葉香烤焗比目魚」同朋有傾下傾下計啲小食就送到啦「串燒香烤牛枊粒」啲牛柳粒烤得岩岩好，唔會好似外面啲串燒店烤得過老，因為咬落係勁多肉汁咇出黎「意式蕃茄醬肉丸」份量好多，酸酸甜甜既蕃茄醬配上肉丸，好夾好開胃呀「洋蔥煙肉流心蛋焗啡菇」相當吸晴呀，流心蛋藏於大啡菇內，舖上一大片芝士，夾雜住洋蔥煙肉，一刀切落去嗰太啡菇度，蛋醬隨即流出，好喜歡哩嗰感覺主菜既「法式橙醬三文魚扒」，岩哂我地哩啲魚控呀，三文魚煎得岩岩好，魚皮香脆得黎，但keep到魚肉既細嫩🤩🤩🤩配上平時小有的橙醬，原來都可以好夾架

這次試的餐廳是位於北角的高興+。出外用餐除了果腹外，無不希望透過食物的味道獲得快樂 。餐廳名字正正提醒我們。餐廳由北角地鐵站步行數分鐘，無需查看手基機地圖，亦會被餐廳啲門外裝潢吸引，與鄰近店舖的佈置有所不同，整塊落地玻璃，清晰地呈現出餐廳內七彩繽紛的佈置。 使餐廳店份外突出。餐廳樓底甚高，沒有壓迫感，空間感十足。餐桌並不擁擠，適合三五成群嘅朋友來小聚一番。菜譜選擇很多，涵蓋小食，沙律，主食，意粉，pizza，甜品。我和友人點了沙拉日式芝麻汁豆腐素菜沙律，主菜慢煮豬肋骨，蒜香車厘茄帶子闊條麵 ，甜品高興鮮果窩夫，及飲品抹茶拿鐵，桂圓紅棗功夫紅茶。日式沙律的份量十足，香滑嘅豆腐磚配上芝麻醬和新鮮既沙律菜，令人倍感開胃。慢煮豬肋骨配有新鮮薯條，配上燒烤汁和茄汁。薯條非常香脆，由新鮮薯仔制作，豬肋骨肉質鬆軟，醃製入味，配上燒烤汁份外惹味蒜香車厘茄帶子闊條麵，在闊條麵當中配有蒜香，帶子很大顆，非常新鮮，闊條麵亦非常煙韌，口感像是手拉意大利粉雖然胃已經有九分飽，但見到個窩夫咁吸引仍然忍唔住嗌。窩夫係即叫即整的，需時15分鐘，有很重嘅蛋香味，同其他窩夫不同既係佢係配上乳酪，而唔係忌廉，一酸一甜，味道

今晚同媽媽去左一間名字特別的餐廳🍴叫高興🥳餐廳樓底好高，空間感大，而且有免費wifi😆葉香烤焗比目魚 $148呢個係用荷葉包住比目魚塊去焗，魚肉無骨去皮，啖啖都係嫩滑嘅肉🤤唔會重口味，我覺得好好食！但配料唔算多，呢個價錢有啲貴。法式橙醬三文魚扒 $172三文魚上面嘅醬甜甜地好好食！魚皮香口，魚肉就外脆內嫩😳好正！高興得食北京烤鴨漢堡 $102呢款完全係中西合璧嘅fusion菜~~有齊北京烤鴨嘅京蔥醬汁，配鴨腿肉，啖啖肉好滿足！加上漢堡包烘得好鬆軟香脆，入面搽咗牛油超香口💕不過就略嫌醬汁過多，有點兒過咸同令到麵包淋晒><!!但整體味道都唔錯，埋單嘅時候發現原來唔洗加一，感覺抵食😳下次會再嚟👍🏻

間鋪頭個名好得意，叫做高興，係一間有啲似Cafe嘅餐廳，裏面食嗰啲嘢好平民化，簡簡單單享受慢活。串燒香烤牛柳粒$44只家庭式嘅煎牛柳，外面煎得唔算話好趣，但係就有一種住家嘅味道，另外夾埋大蒜食，減低牛柳粒嘅肥膩感，牛柳粒粒好多汁，食落肉質鬆軟。橙香蟹肉沙律$76呢個沙律非常推介，因為真係有好多蟹肉，而且蟹肉食落都幾新鮮，肉質仲係仔細一絲絲嘅，而且仲有海鮮味，配埋橙汁酸酸地好易入口，比起用沙律醬更加清新，而且份量夠多，兩個人share一盤都足夠。葉香烤焗比目魚$146呢一個睇相就已經好期待，因為用咗荷葉，感覺健康好多，但係上碟嘅時候發現份量有啲小，個魚好好食，變相就覺得唔係好夠，雖然話烤焗，但係個感覺似係蒸多啲，魚油嘅香味絆住葉香散發出嚟，成個餸特別得來有好清新，又係有一種好住家小菜嘅感覺。蒜香車厘茄帶子寬條麵$88個闊條麵嘅質地好似義式嘅雲吞咁，有少少厚，咬口十足，而且我鍾意佢特別闊，平時比較難食到呢一款pasta，用咗車厘茄去煮，茄汁都唔使落，就可以帶出自然嘅酸甜味，非常之健康。兩個人食咗$400左右，係一餐清新又寫意嘅晚餐。

今日同朋友黎食午餐，由於好多人所以坐面壁位，反而覺得唔錯，因為唔駛俾隔離檯嘅人聲嘈到…我叫左個「忌廉汁海鮮意大利粉」，好多餐廳整呢款意粉都會煮得好差，例如意粉煮到爛、忌廉汁稀而無味。今次係我第一次讚餐廳做得好好食，意粉爽口彈牙、忌廉汁有味而不濃稠、蜆肉真係有海鮮嘅味道而唔係齋一舊肉。價格合理，呢個意粉好高質素都只係$58, CP 值高添呀。另外餐飲可以點枝裝細汽水，呢個我好buy唯一扣分係唔夠冷氣，亦係呢個場嘅問題，因為樓底高而陽光曬入餐廳嘅覆蓋位好高，老闆要諗下點樣解決呢。

聽朋友講先知原來高興有間分店係北角 星期二既晚上我地就約左係度食晚飯去過觀塘店既朋友都會發現2間既擺設有唔少都係一模一樣既 都係行懷舊風 不過2店最大既分別就一定係個對落地大玻璃度 北角店感覺開揚好多 好有空間感 感覺更舒服蒜香車厘茄帶子寬條麵 ($88)個3大隻煎到焦香既帶子好吸睛 食落好鮮嫩 質感爽軟 寬條麵煮到入晒味 不過如果有多少少汁 食落就無咁乾慢煮美國頂級肉眼扒 ($218)塊肉眼扒都幾大塊 對得住價錢 揀左七成熟同黑椒汁 食落都有少少乾 不過不失 薯條用上粗薯條 食落好香脆菠蘿香蕉牛奶沙冰 ($38) 跟餐半價我都幾鍾情佢呢間鋪嘅沙冰 之前已經試過三款唔同既口味 今次試埋個菠蘿香蕉牛奶沙冰 香蕉牛奶味好重 飲唔岀有菠蘿味 味道都係偏甜 沙冰口感細膩 感覺似奶昔多d 不過我都覺得好好飲士多啤梨益力多奶昔($28)呢杯係朋友叫既 奶昔既顏色賣相都好和諧 好有少女既味道 奶味同甜度岩岩好 質感相當幼滑 唔會太杰 而且解渴心太軟 ($62)本身係想叫高興鮮雜果窩夫 但係個日咁岩無 最後唯有叫個心太軟試下 心太軟用個雪糕杯載住 個外觀同預期之中有少少落差 不過好彩食落都唔錯 熱辣辣

在北角馬寶道買完布料後，係附近搵間餐廳醫肚仔，在隔離的琴行街見到一間Happinesssssplus 高興+，餐廳名比平常多少3個s，一定好想食客食得高興、傾得盡興，店內裝修都有不少懷舊的情懷味道。香橙蟹肉沙津（$76），好大碟的沙津菜，好新鮮，加了車厘茄、新鮮香橙粒，味道清甜美味，蟹肉拆哂d肉，很鮮甜，沙津加了少少橄欖油，不用落醋或沙律汁，味道又唔會覺得寡，是一款食得健康的前菜。洋蔥煙肉流心蛋焗啡菇（$42），啡菇上加入流心蛋都是一個新穎的煮法，當切開時滿滿的蛋汁流哂出黎，好正，啡菇同時連同了煙肉和洋蔥，使口感更豐富，本身啡菇的菇汁豐富，食落去份外juicy。鹹蛋黃卡邦尼煙肉意大利粉（$96），前一排興鹹蛋黃食品，睇到鹹蛋黃卡邦尼就想叫黎食下，份量都大大碟，雪糕筒下是粒粒的鹹蛋黃粹，咸香味濃郁，撈勻哂整個意粉卡邦尼汁好creamy 、好滑。葉香烤烔比目魚（$146），有少少喜出望外，比目魚以蒸籠來蒸，以檸檬去走了魚的腥味，平時蒸比目魚都會覺得好油，但這店廚師處理得很好，比目魚好滑、好鬆軟，加配埋醬油和莞茜，更加美味。朱古力Oreo沙冰（$19），跟主食一齊叫半價就可飲到，朱古力好濃味

關門前一小時去到，入座五分鐘內不同職員多次來催促點菜，開始吃時幾位職員將清潔劑潑落地清潔，結果我們是聞住清潔劑來吃飯，所以完全不記得食物味道如何。關門前十分鐘，又開始輪流來催促，第二天致電反映，職員說一般茶餐廳都會關門前開始清潔，我心想可惜你們不是收茶餐廳的價錢。之前本店因未在openrice，所以一直未寫食評，現在隔了半年終於有了，我還記記寫回食評，可想而知印象幾差。

作為北角街坊，見到呢間舖轉左手之後比之前更旺！ 裝潢好有心思，以八九十年代既北角做主題，當時北角村，皇都戲院都還在。食物方面，雖然我地只係叫左幾個頭盤，但絕對有驚喜。墨西哥脆片配牛油果醬($34) 聽落係好簡單既配搭，而detail位係廚房有焗番熱啲chips ，烘過既原味nachos chips 配Guacamole & cream cheese，一流。燒魷魚 ($40) 雖然食材簡單，但調味得宜，用少少七味粉調味，再配佢地自家製番茄汁味道恰到好處。 高興雞中翼 ($48) 實在令我有說不出既驚喜，或者可以稱為秘製。真係要試過先明！ 男友又黎表演雞翼拆骨左邊係未拆，右邊係拆左haha最後飲品啦~ 我叫左士多啤梨乳酪沙冰($38)，飲到有啲感觸 因為細細個我媽帶我買阿波羅士多啤梨乳酪甜筒，係飲到童年回憶既味道啊！價錢親民，期待下次試埋主菜！

今晚嚟高興高高興興食晚餐～蜜瓜風乾火腿$48蜜瓜清甜，火腿咸香味剛好美國厚切有骨豬扒$174蒜茸汁豬扒肉質軟腍，外皮脆，一切開仲有肉汁流出～配上熱辣辣即炸薯條同沙律，超級正！傳統檸檬燒法國黃皮春雞$176加入檸檬做法會令雞皮更香脆，而雞肉經檸檬汁醃製可令更嫩滑，完全無多餘油份肥脂，入口清爽。可以蘸乳酪醬或海鹽同吃綠茶益力多加$14綠茶濃郁，加埋益力多好開胃朱古力咖啡加$17朱古力同咖啡平衡得好好

朋友在北角HKU SPACE返學，無意中發現「新大陸」，嚷著要跟我去食。看似是一間港式情懷的食店，但食物屬高水準！問了店員，知道每份主食的扒類都包了沙律和薯條，所以我們二人都只單點了主食各一。先來的是朋友的紐西蘭羊架：三件厚身的羊架份量屬於大，沙律已撈了醬，而且薯條極好味，朋友點了五成熟，切開是恰當的粉紅色，十分欣賞（因為有時在中環的西餐廳點五成熟也會過熟！）再來的是我點的有骨厚切豬扒，賣相也是不俗，豬扒雖然厚身，表面微燶，但絕無「乾柴」的感覺，很好！兩個扒的汁都是on the side，有大路的蒜蓉汁和黑椒汁供選擇。另，餐牌有多種鮮果汁供選擇，初時預了要原價$18，但原來點了晚餐的主菜都可以半價$9加點。講環境，這裡的樓底高，感覺開揚，枱與枱之間的空間也大，店員服務好（由不停幫我們添水可見），難怪朋友讚口不絕。

高興 我之前在觀塘食過，今次在北角有 高興+ ，我同朋友又去試下先。高興+ 都幾大幾寬敞，裝潢主要是香港懷舊風格。熱情果白茶益力多 $28好耐無飲益力多，熱情果帶酸，白茶夠清，不太甜，不錯。柚子檸檬益力多沙冰 $28柚子+檸檬好fresh~~~益力多有乳酸味，相當消暑。蜜瓜風乾火腿串 $48哈蜜瓜甜美，火腿有微微鹹香，以$48美味又抵食。冬蔭功大蝦扁意粉 $83端上檯已聞到誘人的冬蔭功香味，有3隻大蝦、菇、蕃茄等。扁意粉好惹味及微辣，不會太油，大蝦新鮮爽口，好好味。柚子大蝦沙律 $83夏天悶熱，最好食沙律夠開胃，柚子甜美醒神，當中有蝦、花生、蝦米帶出鮮味，味道一點都不單調。整體這裡的飲品、菜式的價錢經濟實惠，而且味道也是不錯，CP值很高，值得再來！