高興+ (已結業)

我們提早預約了，所以被貼心的安排坐角落，有小小自成一角。場內懷舊風格的設計好有 feel. 同朋友聚舊好啱主題。雖然呢度有酒賣，但場地光猛，感覺較乾淨及健康。傳統檸檬燒法國黃皮春雞出奇地又香又脆皮，雞肉又嫩。我同朋友每人半隻，扺吖。其實已經好有味，唔洗點汁添。蒜香車厘茄帶子寬條麵帶子夠大隻, 食落啖啖肉。正。意粉又有淡淡的蒜香及香草味。高興雞中翼配牛油果醬忌廉牛油果醬配燒雞翼，好有墨西哥風格，送酒真是一流吖。因為時間尚早, 我地仲可以叫 HAPPY HOUR DRINKS, 我就叫左 PROSECCO 有氣酒, 朋友就叫左白酒。唔係酒吧都有 HAPPY HOUR, 都算驚喜。要知道申請酒牌唔易呢，又增加成本，所以睇得出老闆係有心做的。