駟馬拖車潮州飯店 (彩明商場) (已結業)

今晚又出去和朋友食潮州嘢，想起上次去牛頭角那間駟馬拖車總是令人回味，所以今日又在調景嶺，就不況一試！！味道，裝修，服務各有不同。有一樣的前菜。今次ordered了不少潮州菜式，大約十分鐘所叫的餸已上枱. 不知為何總是喜歡滷水鵝片。（不是鵝肉，因本人喜歡啖啖肉！）今次試了九菜豬紅。這個比較入味及濃味. 榄菜大蝦（榄菜好味！）這是真潮州菜（蘿蔔煲）.好夠熱~~鵝片仍然是我的最愛.不太salty.有豆腐放底,好滑。麻單只是大約$500

記得小時候，每週末必會跟著爸爸媽媽到屋企旁的潮州店，那滿滿的潮州蠔仔粥、大大塊的滷水鵝片，便是我兒時的回憶。是晚，我和爸爸來到了那間連鎖的的【駟馬拖車潮州飯店】。員工隨即帶我們帶枱開茶，入內環景寛趟， 比想像中大。店內用上新型自動加水煲水機， 不用員工加水，相對另食客感到省時， 十分有好感呢。餐牌如下：◾滷水鵝片滷水鵝是潮州很重要的飲食文化，製作和保存香醇滷水膽更是一門高深學問，呢度鵝片份量都幾足下，滷水鵝片肉質結實，肥瘦適中而且味道新鮮，雖然係厚切但係食落鮮甜唔嚡口，點埋白醋酸酸鹹鹹幾好味。底下都鋪咗層豆腐，品質唔錯，夾落唔會散，擺喺底嘅時候索哂鵝片肉汁同豉油鹹香，非常好吃呀。◾潮州蠔仔粥蠔仔粥係潮州美食之中的最傳統及最知名的菜餚之一，嚟到潮州舖梗係要食返碗潮州蠔仔肉碎粥啦！呢度一碗$42蚊，但係份量多到兩個人食都夠哂，非常抵。佢哋用嘅蠔仔都幾飽滿大粒，蠔仔能夠帶出粥豐富的海鮮味道和獨特的口感而且食落唔腥無異味，配搭胡椒粉食一兩碗好暖胃。相信你試完之後也一定會很喜歡的呢。◾蠔仔烙潮州蠔烙的材料包括蠔仔、潮州番薯粉、葱花，佢既調味以胡椒粉及魚露為主，以炸嘅形式出菜同台灣煎炒嘅蠔仔餅唔同

呢間潮式菜館有驚喜，非常多款式，有滷水、小食、小菜、炒粉麵及甜品，而且味道仲相當有質素。🍴海蜇手撕雞 hkd58海蜇爽口，而手撕雞新鮮嫩滑，底下仲有胡麻醬青瓜，作為前菜非常開胃。🍴滷水鵝片 hkd168份量多，除左鵝片底下仲有滷水豆腐，鵝片入味而肉質嫩唔韌，肥瘦又適中，但如果可以厚切少少就更好。另外還附上醋，一齊食更開胃。🍴腿茸津白 hkd88唔想全部叫肉就叫左個菜，津白清甜， 配以鮮奶為主所做嘅奶油汁，食落津白更滑更甜，而加上金華火腿碎更令整個菜帶點鹹香。🍴菠蘿炒咕嚕肉 hkd88咕嚕肉皮薄香脆，而醬汁酸甜度剛好，非常出色。🍴潮式反沙芋 hkd78香港十分少見既潮式甜品，非常考功夫，餐廳即叫即整，外層砂糖香脆，內層芋頭熱辣辣而乾身夠粉。

帶子唔新鮮椒鹽鮮魷唔好食蠔餅就不過不失豬紅就完全唔入味蠔仔粥可以鵝片可以呢間第一次去試，不過試完今次應該唔會再有下次，食材一唔新鮮，基本上已經完全失望和失信心。值得一讚既係職員既服務態度好好

雖然冇潮州血統但都經常吃潮州菜·， 原因應該只有一個， 就是喜歡多款味濃的烹調菜式。 例如鹵水和沙茶醬等都是我喜歡的味道。 今次亦在調景嶺商場發現這間將提及的兩款味道發揮得非常出色的潮州食肆。鹵水鵝四拼盤拼盤包括了鹵水鵝肉，腎片，紅腸，五花腩， 鹵水蛋及墊底的滷水豆腐。 醇香的滷水汁將所有食材醃製得香氣撲鼻， 特別喜歡鹵水鵝肉和鹵水五花腩， 因為想試多幾款鹵水食物， 所以放棄冇骨的鵝片， 但這裏的鵝肉絕不失禮， 只有少量骨頭啖啖肉， 肉質鬆化， 不介意肥的話連皮吃， 更有一種濃烈的鴨油甘香， 非常上癮。 二鹵水五花腩已經醃至完全入味， 肉質軟淋， 配合肥瘦部分同樣散發著豬肉的甘香， 再加上煙韌的豬皮， 口感更多層次。沙茶牛肉炒河分量大， 鋪滿碟麵的沙茶醬汁已經令人垂涎， 沙茶醬味道香濃， 充滿花生香及沙茶的刺激， 配合粗身的河粉鎖上帶有花生粒的醬汁， 只吃河粉已經很美味， 當然不能忽視新鮮的牛肉片， 牛味濃而且鮮嫩， 沒太多醃製調味但配合沙茶醬已經非常出味， 很不錯。腿茸津白都要有一碟清淡的蔬菜調劑， 選上潮州菜餃獨特的 津白， 味道清爽得來， 隱約帶有火腿茸的輕微鹹香， 而且廚師非常

因為今日陪屋企人看醫生，完全無時間煮飯，最方便快捷的方法就是出街晚飯！因為方便，就選擇了在屋企附近搵食，看門面的招牌見是潮州菜，「自己人」上身，所以就入來試一試。先點了潮州人最愛的滷水拼盤，鵝片嫩滑可口入味，五花腩肥瘦適中，紅腸及豆腐份量也不少。這碟滷水拼盤，可以再來encore！另外點了潮州人最愛的胡椒豬肚湯，坦白講平日在外潮州菜酒家常常點這個湯，這裏的味道是飲過最出色！胡椒豬肚湯味濃，豬肚口感好咬口，我有點貪心，想要多一點豬肚呢！最後還點了家人最愛的咕嚕肉，所以即使在潮州酒家也試試點了這個菜，味道還不錯呢！肉排炸得香脆可口，家人十分滿意。整體而言，這是我目前為止試過最出色潮州酒家！

晚上在調景嶺附近放工後，就和同事到了商場內的一間潮州菜館吃晚飯。滷水拼盤，拼盤的食物種類繁多，有滷水鵝肉、鵝腎、紅腸、五花腩肉、滷水蛋、滷水豆腐，性價比高，相當抵食，而且滷水味道濃厚，滷得非常入味。椒鹽九肚魚，外面炸得金黃酥脆，配上椒鹽同炸得金香的蒜蓉，相當惹味，難怪是幾乎每台食客都必點的小菜。潮州蠔仔粥，用料豐富，粥裏面加了方魚碎，味道份外甘香，非常入味，另外也加入鮮冬菇片、香菜以及大量的蠔仔。值得一提的是蠔仔非常新鮮，肉質爽甜，非常不錯。反沙芋頭，潮州名菜，烹調的技巧要求非常高，芋頭質地乾身，內裡粉嫩，炒得非常香脆，外皮包裹著一層砂糖，香甜美味。

作為一個潮州人，見到返工附近有間潮州鋪，放lunch梗係要試一試啦。雖然店舖唔算好大，但都坐得舒服，而且佢食物嘅選擇比我想像中多，同一間普通茶樓差唔多。一坐低就已經有碟前菜，而呢碟前菜好需要提一提就係佢嘅酸菜真係好有家鄉味道！酸酸甜甜好開胃。為咗醫肚，點都要嗌返個炒粉麵，所以就叫咗個平時好少見嘅沙茶牛肉炒河試吓，個形式同我想像中有啲出入，最初以為係乾河，但原來似撈河多啲，幾特別。鳳爪都係正常發揮。腸粉都係叫咗啲特別啲嘅，芫荽帶子蒸腸粉，清清淡淡，腸粉皮好煙銀，不錯！最後甜品叫咗鴛鴦水晶包，白色嗰粒似係杏仁露，幾特別，我個人鍾意食佢多過奶黃嗰粒。

收工與朋友來到位於將軍澳彩明商場2樓的駟馬拖車潮州飯店，出咗將軍澳地鐵站A1出口，大概步行多5分鐘便到。第一次來到駟馬拖車，裝修格局與中式茶樓差不多，但卻少了一種守舊沉悶的感覺。講開潮式食物，又點少得滷水拼盤，故事幾點了一道滷水鵝四拼盤，除咗有主角鵝肉，還有紅腸，五花腩肉，鵝腎，滷水蛋和豆腐等等。拼盤的份量非常足，鵝肉亦早已去骨，食起來非常方便，腩肉鵝腎吸收足了滷水汁，吃起來是另一番感受。另外還點了一款充滿潮州特色的糖醋麵。顧名思義，打面炸至脆身的麵餅，切開六等份，食的時候在因個人喜好添加糖和黑醋，這樣便是一款充滿特色的潮州糖醋餅，在香港的其他潮州食店已經好少有得買。主食方面，還叫了一碗蠔仔粥，這碗蠔仔粥令人非常有驚喜，除咗蠔仔新鮮唔會腥，量多且非常飽滿，還同場加映了方魚肉碎，完全做到一碗粥兩款口味，令我和朋友都非常難忘。

餐廳位於將軍澳，近地鐵站，路程只需要五分鐘左右，這間餐廳主打的就是潮州菜，當然潮州菜我最喜愛的就是他的前菜，花生香脆可口，絕對是一絕，另外，他們自家製的酸菜，鹹鹹酸酸，味道一流，絕對是開胃的前菜，我也十分喜歡。這天我和朋友只挑選了一份基本的小菜，也就是九肚魚烙。這是我第一次挑選的，沒想到絕對是驚喜之作，吃起來還充滿九肚魚的獨特口感，但充滿蛋香和油香，但不油膩，看到碟底的一面，我便知道獲氣十足，絕對是拌飯之選。

駕車到調景嶺，與女朋友會合後一起散步和享用晚餐。酒家位於港鐵站附近的商場內，內部裝修新，環境寬濶，座位舒適，服務員有笑容。餐桌旁邉有一茶几，擺放了電磁爐和玻璃水壺，十分方便。花生咸酸菜12元，酸酸甜甜很開胃。半煎煮倉魚件148元，魚肉嫩滑，蘿蔔清甜，配料芹菜，冬菇絲和莞茜有助提升味道層次。沙茶炒芥蘭78元，沙茶醬汁多惹味，芥蘭新鮮爽口，顏色翠綠。潮洲蠔仔粥一窩98元。蠔仔漲卜卜，味道鮮甜。方魚惹味。，潮洲粥特色是見到飯粒，味道正常。茗茶每位10元。總結：座位舒適，食物美味。

今天跟女友在將軍澳潮洲茶樓吃晚餐。平日晚上茶樓不算太多人，侍應好充足，上菜速度也很快。每一枱都會收一茶位和一碟涼菜錢，涼菜是花生鹹菜，爽口開胃小菜。食物選擇有很多，但因為我們只得兩個人，所以不叫太多份量的小菜。手撕雞海蜇醬汁麻香濃稠，手撕雞滑嫩，海蜇爽口滋味，份量還挺多，非常開胃。潮州蠔仔粥一碗蠔仔挺多，一口一粒，粥不是很稠身那種，可以見到飯身一粒粒，比較似淋身的湯飯，想不到有一大碗，吃完都飽了。魚香茄子煲魚香茄子醬香味濃，一整煲熱辣辣，非常惹味。 滷水鵝四拼盤有紅腸，滷水鵝片，鴨腎，滷水豆腐，五花腩肉片，滷水蛋。滷物不算太鹹，但亦入味。滷水鵝片很軟嫩，肉質一絲絲，非常好吃。份量多到堆起一整碟，用來送着吃一碗飯實在不夠🤣

駟馬拖車潮州飯店 （將軍澳）#入到去店舖寬敞、光線充足、坐得舒服！酒家主打潮州食物,中午同早上有點心供應。#點菜前店員提供酸菜和炸花生作餐前小食,店員招呼周到,笑容可嘉。1）鹵水鵝片$148：廚師將鵝切成薄薄一片,非常考功夫,鵝片油脂分佈平均,啖啖肉,清香甘甜、肥美；墊底的豆腐也鹵得香濃滑流入味,簡直是人間美食！2）酸甜梅膏骨：大大塊、賣相非常美觀,醬汁做得非常出色,酸甜恰當,吃起來非常開胃,排骨夠新鮮,肉質够嫩滑。3）潮州蠔仔粥$42：我最鍾意蠔仔粥,既飽肚又惹味,蠔仔份量多,每一勺都有三四粒蠔仔,非常多再。除蠔仔外,還有方魚粒和芫茜,將粥的鮮味提升,每一粒蠔仔非常結實而且飽滿,粥吸收了湯汁的精華了,每一口都非常鮮美。4）xo醬海王炒粉絲$98：大大煲、非常抵食,粉絲煮得恰到好處剛熟,帶子粒的鮮味和粉絲配合起來,簡直天衣無縫,再加上鋪在外面的蟹籽,除了帶來視覺上的享受外,吃起來更有口感！

今日同朋友兩個人喺將軍澳區食飯，又唔想成日食日本嘢，所以揀咗食小菜，見呢間個名幾特別，就入咗去試吓。一入去環境幾舒服，我哋去嘅時候仲係好早，所以人流唔多。環境同裝修都好舒服，舒適度唔錯。👍🏻我哋得兩個人，一共叫咗三樣嘢食。而佢本身亦都有酸菜花生做前菜。好鍾意佢嘅酸菜，唔會好酸，帶有甜味。🦢滷水鵝四拼盤（鵝肉、紅腸、五花腩肉、鵝腎）（ $148 ）滷水鵝四拼盤分量多，鵝肉肉質鬆軟，五花腩肉肥瘦適中，滷水鵝同腩肉底下墊左滷水豆腐，豆腐滷得入味，值得一試！🤩🦪蠔仔烙（$92 ）打冷必叫一定係蠔餅，超大塊，最後兩個人都食唔晒。蠔仔足料，鹹度適中，外皮香脆，裏面煙韌😋🐄潮州沙茶牛肉炒河（ $82 ）同其他菜式一樣大大碟😯沙茶醬唔會太鹹，炒得比茶餐廳食嘢出色好多🤭而且用左鮮牛肉炒，肉質嫩滑鬆軟🥰將軍澳區飯店來講，整體體驗唔錯，亦都會推介俾朋友。

今晚放工後到調景嶺吃飯，因為有朋友住附近，並介紹這間潮州菜館。這裏的環境、服務以及小菜質素都不錯，坐得舒服，是一間適合家庭或朋友聚會的好地方。我跟朋友點了幾款小菜及炒麵：蠔仔烙 - 這碟蠔餅分量大，面積幾乎與一個大碟相若，蛋漿味道香，蠔仔每一粒都飽滿，不過頗為油膩，吃一片已經有飽肚感覺。沙茶醬炒牛肉 - 牛肉鬆軟，分量多，沙茶醬香而不太辣，味道剛剛好。下面的芥蘭煮得不會鞋口，口感爽口，與牛肉嫩滑質地幾配合。潮州鹹肉炒麵線 - 麵線煮得乾爽彈牙，整碟炒麵乾身不會油膩，調味偏淡，個人覺得味道剛剛好，自己很喜歡！唯一有少許美中不足的是鹹肉口感偏硬，若果用上豬頸肉口感可能更加好。不過整體口感不錯，肉絲和麵配上爽口的韭菜及芽菜非常不錯。椒鹽九肚魚 - 喜歡九肚魚外皮炸得香脆，上面的炸蒜分量多，非常香口，九肚魚以片狀切法再落油炸，略嫌炸得不夠嫩滑。海蜇手撕雞 - 很好吃的一款前菜，海蜇爽口彈牙，麻油味香，手撕雞嫩滑，雞絲分量亦多，作為前菜一流。跟一般潮州菜館一樣，點菜前已經提供酸菜及炸花生作為餐前小食。另外店員服務周到，面上保持笑容，加上地方乾淨坐得舒適，下次有機會會再光顧，試試其他菜式。