駟馬拖車潮州飯店 (彩明商場) (已結業)

去將軍澳探朋友，順便食埋晚飯，佢話樓下商場開咗間冇耐嘅潮州菜唔錯，所以試吓。坐低睇吓個Menu，果然好新淨，裝修都光猛企理。諗咗一輪最後決定叫個滷水四拼盤，鹹肉炒麵線，春菜蘿蔔鹹肉煲，同埋芒果糯米卷做甜品。最先上嘅滷水拼盤有鵝肉，腎片，紅腸同五花腩。再有滷水豆腐墊底同滷水蛋。滷水味溫和醇香又唔會過鹹。鵝肉嫩滑唔鞋口。腎片同紅腸就正常。但最精彩嘅係個五花腩，除咗炆到入味之餘，肥瘦相間而咬落又唔會一口油，非常甘香，非常好味。春菜蘿蔔鹹肉煲嘅春菜其實即係芥菜，同蘿蔔鹹肉一齊炆，炆完放過夜，令到春菜更加入味。蘿蔔都係當造嘅時節，都好清甜。湯底稍微有啲鹹，但整體就係好傳統嘅潮州菜。鹹肉炒麵線其實係類似豉油王炒麵嘅質地，並唔係阿宗麵線咁幼嘅。但都炒得唔錯，一啲都唔油，有韭菜同芽菜，配埋切咗絲嘅鹹肉，炒得都有鑊氣。甜品叫咗芒果糯米卷，類似長洲出名嘅芒果糯米糍。但佢嘅餡係用咗芒果布甸再加芒果肉，所以甜味比較突出，但就少咗芒果本身小小嘅酸味。而外皮都做得好薄，雪凍食好好食。

平日同家人食飯，都會喜歡食中菜，見到有間潮州飯店，飲下茶，食下家常小菜，都覺得好滿足。冷菜海蜇手撕雞嘅雞肉唔肥，撈海蜇爽口彈牙，底層有青瓜墊住，醬汁滲落去，連青瓜絲都好好味。酸甜梅膏骨非常入味，絕對需要配碗白飯，汁燒脆薯牛仔粒嘅脆薯細細粒 易入口，又脆爽，牛仔粒啖啖肉沒有太多筋，食得好暢快。炸雙棗釀蝦和蟹肉感覺好特別，外脆內軟，見到一塊塊肉入面。最後都忍唔住要叫埋甜品，作為我地今晚晚餐的劃上句號。香芒凍布甸配上椰汁，中和食完熱菜的舌頭，感覺更醒神。

這間在彩明苑的潮州酒家中午以飲茶，點心為主。 因為在附近工作， 偶然都會和同事光顧。酒樓點心出品精美， 公司見客或者帶guest lunch 最啱不過。 員工都親切友善， 反應快服務唔错。今日點了幾款點心， 賣相和味道都比附近的酒樓出色。先來的前菜： 鹹酸菜好爽脆， 甜甜酸酸又唔會好鹹，好開胃， 炸花生都是夠香脆。 蜜汁叉燒腸～ 晶瑩通透腸粉好滑， 餡料滿滿的， 配上甜豉油很美味。大地魚燒賣～ 口味特別，冇一般嘅豬肉羶味或肥豬肉。 內有爽口彈牙嘅海蝦， 加入大地魚粉增添鮮味～爆口叉燒包～ 熱辣辣， 餡料好多真的差點爆。 不過朋友覺得這個叉燒餡料甜了一點， 但整體唔錯， 喜歡它不會太多肥肉！醬皇蒸鳳爪～ 醬汁偏鹹咗啲， 有點辣度， 非常惹味。杏片馬拉糕～ 非常鬆軟，表面撒上杏片， 增加口感， 味道不會太甜👍✨。 不過如果能推出那種懷舊製法的馬拉糕就更合心意。蒜蓉鮮蝦春卷～ 是最喜歡的中式炸物之一。 春卷皮即炸熱辣辣好脆口，唔硬。 春卷入面嘅餡料有蒜香和鮮蝦， 香口惹味， 可以吃不停口～

搬到將軍澳不久，和男朋友試一試家鄉潮州菜解解鄉愁，地方寬敞，有個恆溫的熱水壺，可以不停沸騰即泡茶。【川椒雞】與別不同的川椒雞，是用醬油，而且不是辣的，咸咸地，幾多肉汁。【椒鹽九肚魚】是很脆口那款，加上喼汁送飯食很開胃。【蟲草花鳳爪螺頭湯】非常足料入味的燉盅湯，特別喜歡蟲草花的香味，幾多螺肉，湯渣都很惹味。【潮州蠔仔粥】一隻隻蠔仔配粥水，飽肚得很，兩人分享一碗剛好。【方魚炒芥蘭】原來方魚是脆身，醃製過後有點像咸魚，和芥蘭味道幾夾，而芥蘭亦很爽口。

行經彩明商場，見到新開的駟馬拖車潮州飯店，好耐都冇食過餐正宗潮州菜，而本身我家鄉係潮州，一於進入嘗下家鄉菜先😊。 這店設有自動煲水機, 又幾方便啊，點了菊花普洱茶，可清熱消肥膩。潮州蠔仔粥，蠔仔份量多而且肥嘟嘟的，食落有鮮味鮮，配上冬菇跟芫茜令到個湯好香，份量都足以2人分享。潮式凍馬友魚，魚嘅肉質好嫩，用鹽醃過故充滿鹹香，仲有好香魚味。點埋附上的普寧豆醬更加提鮮。 咸骨春菜蘿蔔煲，春菜蘿蔔煲得很淋， 咸排骨不太鹹味道不錯。椒鹽九肚魚，炸得很乾身又脆口，一點也不油膩。 坐得很舒服，食物又有質素。店員服務到位，下次要再食下其他至得。

駟馬拖車，其實係咩嚟？原來駟馬拖車係廣東潮汕地區一種大宅院，院內有好多院落、好多天井，係富豪人家嘅屋企。以大富人家嘅宅院命名，位於將軍澳調景嶺嘅駟馬拖車潮州飯店，令呢一餐潮洲打冷一啲都唔麻甩，仲多咗份心思添。海蜇手撕雞海蜇同手撕雞預先撈勻，所以食嘅時候，同時食到爽脆嘅海蜇又食到嫩滑嘅雞絲，口感非常豐富！至於味道就以麻醬調味。令味道又滑又濃。韭菜豬紅每次食潮洲打冷都有兩樣嘢係我哋必叫，其中一樣一定係韭菜豬紅。呢碗韭菜豬紅份量夠晒多，豬紅唔會一咬就散，好有質感。味道方面，唔會太濃太鹹，帶有少少辣味，好有層次。滷水鵝四併盤每次食潮洲打冷都有兩樣嘢係我哋必叫，另一樣一定係滷水鵝。呢個拼盤除咗滷水鵝，仲有紅腸、腩肉、腎、滷水蛋同豆腐。每一樣嘅食物都入晒滷水味，又香又濃！滷水鵝嘅鵝肉好滑溜，鵝肉味好香；一層肥一層瘦嘅腩肉雖然邪惡，但就好滋味；最重點嘅仲有豆腐，好香滑又入味。整體嚟講，都算非常抵食。涼瓜排骨煲至於小菜方面，我哋就叫咗涼瓜排骨煲，份量確實太多！涼瓜帶有少少苦味，卻絕對係我哋嘅最愛；排骨入味，肉質嫩滑。

調景嶺附近滿滿西餐廳，今日路過呢間食潮州打冷，裏邊裝修非常骨子，立即試一試。兩個人坐張枱都好大，周圍環境一啲都唔迫夾，傾偈食小菜一流，揭開餐牌就見到佢地啲招牌菜已經覺得好吸引。普寧炸豆腐 - 上碟時已經覺得佢好特別三角形一粒粒，皮脆不在話下，亦都可以保存豆腐嘅滑，送酒一流。潮式糖醋麵 - 一邊煎炸到脆口，另一邊保持麵質爽滑淋身，感覺好得意，配上喼汁砂糖一齊食感覺好新鮮，神還原一個好地道嘅家鄉菜。豆醬焗雞 - 雞肉本身已經滑嫩，調製嘅醬汁亦都好特別，放入砂鍋一齊上完全吸收哂落啲雞肉裏面，本身叫咗半隻好似有啲唔夠喉 。

近這幾年，領展的商場相繼地裝修改做，從此帶旺了人流之外也令其他有質素的食肆也往這裡開舖。正所謂，嫩竹出土都要春雨相助，今天裝修好了的領展商場，論格局已今非昔比，食肆中已不像以往的千篇一律，不是酒樓老麥，就是大x樂或是KFC了。新的食肆進駐了，這樣對在附近屋邨居住的平民百姓也有好處，無形中選擇也增多了起來。今天兩父女，來到屋企附近的彩明商場尋吃。我素來對潮州菜無大抗拒，尤其對潮州滷水特別喜歡，今天就來到商場裡的駟馬拖車潮州飯店，被這個店名吸引了入內。店裡裝修雖然普通了一點，但坐椅全是太師椅卻頗特別，雖則不是正宗的古董花梨太師椅，但坐在當中，品著潮州靚茶，也頓覺有點悠閒心境。先來一碟滷水鵝片，吃鵝片即是吃鵝胸肉，個人認為要切得薄片才不覺得韌，這店廚師一一做到，再加上皮上少少油脂伴以滷豆腐同吃，吃法像吃片皮鴨一樣伴以餅皮，為之人間美食。吃潮州野，怎能沒蠔仔烙呢，這店的蠔仔烙與煎蠔仔餅不同，有點像台湾的蚵仔煎，粉多個蛋，但又不是不好，起碼煙韌脆口非常，廚房煎得不錯。蔬菜點了啫啫炒芥蘭就感覺有點伏了，全碟用了芥蘭脛，一塊芥蘭葉都沒有，可能這就是潮州炒法我不懂了，幸好配以碎肉乾蔥炒來頗惹味，也有值

今朝同老公去調景嶺搵朋友之後，諗住返返自己屋企嗰邊食晚餐，經過呢間飯店，食店好光猛，應該係新開，我提議不如入去試吓環境自助加水機，有好大大隻潮州兩個字好多食品都想試，而且我本身係潮州人，見到好多潮州餸更加興奮每枱有一碟酸菜 ⋯⋯酸菜好好味，空口食都好味潮州蠔仔粥$42 蠔仔好鮮味配上冬菇絲、芫荽更香方魚肉碎粥$42我本人好鍾意食方魚，方魚脆卜卜好正，同樣加上肉碎、冬菇絲、冬菜⋯⋯芫茜更正而且我好鍾意食呢種粥底，正宗潮州粥我想背酸菜食，一流！滷水鵝四併盤$148鵝肉、紅腸、腩肉、腎，仲有滷水雞蛋同豆腐，侍應上枱已經聞到好香嘅滷水味，鵝肉、腩肉好入味但又唔咸另外腎好爽口⋯⋯呢個價錢絕對抵食出街食飯我好鍾意叫呢款，因為喺屋企唔會整到椒鹽九肚魚$72外脆內軟，簡直係我至愛韭菜豬紅$48豬紅好飽滿，唔會好似有啲食肆細細舊，有啲地方韭菜豬紅係辣辣地，但呢間唔會，仲帶有少少沙嗲香味⋯⋯好彩入嚟試，如果唔係都唔知道呢間飯店咁正，品嚐到潮州的味道另外順帶一提，呢度啲服務非常好，佢哋好多“多謝”的語句⋯⋯令客人食得開心滿意，下次一定會再幫襯

通常食開潮州菜都係路邊鋪頭小店！早前見將軍澳這個屋村商場新開了這間潮州酒樓～今特登來試試潮州酒樓當然要試試潮州粥、滷水食物啦唔中意食潮州菜的話，家常小菜都有很多！前菜費正常每枱必收$12，同侍應講不需要就豁免了滷水鵝片$168價錢看來都不便宜，本來與滷水拼盤2選1！雖拼盤有4款種類但都係想食正D又是廚師推介❤️❤️的～必試！結果都不負所望份量都不少！肉質柔軟又唔鞋口、墊在底上的豆腐都很滑(正面)(背面)潮州蠔仔粥(碗) $423人分享因為想試下其他唔同食物，每人都share到大約2小碗，蠔仔多、莞茜味不會太重亦不會有腥味，不仿試試蠔仔烙$92蠔餅餅底很黏黏漿漿的，口感非一般，外皮都很酥脆！椒鹽九肚魚$72剛炸好，炸漿不會太厚，啖啖肉，好味服務幾好屋村酒樓侍應都可以很高質路邊鋪頭小店食既係風味，但這裡舒舒服服又食到有質素的都幾好呀絕不比小店差恰好這店的前身同一鋪位都試過，同是酒樓！但同一位置現在比以前多人！的確潮州菜比普通的小菜較吸引，亦唔排除質素好都有關係吧。

Mcdull媽媽係正宗潮州人，喺屋企間唔中都會煮兩味潮州菜：凍烏頭、煎蠔餅、蠔仔粥、炸虾棗 ……仲有諗極都唔明唔知點解Mcdull會鍾意食嘅薄殼🤷‍♂️潮州人嘅野，我真係識條鐵咩。今日食依間駟馬拖車潮州飯店係調景嶺分店。我同Mcdull睇個餐牌都睇咗好耐，好多嘢揀。我地兩隻🐽叫下叫下就叫左好多碟：炸雙棗(虾棗 蟹棗) $96 🙂跟據Mcdull細個幫媽媽手煮餸嘅回憶，呢樣餸係一種工序繁複嘅菜，用細細隻嘅紅蝦，剝蝦殼挑下腸，加配料同粉漿凝固，整到一粒一粒落油炸，喺屋企整都要幾個鐘。當然我就冇經歷過，唔講都唔知，我只係覺得呢幾粒棗整得好食，但蝦棗同蟹棗個味道分別唔係好大，但係食依粒棗一定要配合個金橘醬，點左好食好多，同時清一清油膩感，好吃！滷水鵝片 $168 賣相好靚，我食之前都幾期待，但食落個味道偏淡同瘦，我真係覺得唔夠肥，反而舊豆腐就幾好食。酸甜梅膏骨 $92 賣相都係好靚，個醬汁做得幾好，唔太酸唔太甜，排骨個味都唔錯，不過不失。青芥欖豬展螺頭湯 $68 🙂Mcdull說「青欖，令我諗起新年全盒上面潮州人會擺幾粒青欖，好似當生果咁食，細細個我就覺得好匪夷所思，因為嗰粒青BB嘅欖真係好難食

駟馬拖車，又稱「三落四從厝」，是廣東潮汕地區一種多院落、多天井，規模宏大的大宅院，多為富豪人家所擁有。蠔仔烙同廣東式的蠔仔餅唔同，唔係加鴨蛋，呢度好似加咗木薯粉咁，好厚實，食落煙韌可口，香味撲鼻，而且蠔仔份量都好多，係好邪惡的一味菜。鹵水鵝片鹵水鵝是潮洲菜的代表，點可以唔叫？之前同朋友傾開，鵝片定鵝肉較好。原來鵝片係起哂肉，容易食。底下仲有滷水豆腐，值得一試。啫啫芥蘭啫啫芥蘭講惹味一定係一百分，不過呢個有點少失望。芥蘭以莖為主，葉的部分欠奉，略花牙力的一道菜。家鄉咸肉炒麵線麵線炒得條條分明，一點也不油膩，比較乾身。咸肉比較乾瘦身，加入銀芽韭菜增加口感！聽店員講，遲啲九龍灣都會開新分店！嗰頭番工的朋友不要錯過。

好耐冇行過彩明商場，今日行過發覺新開左呢間駟馬拖車潮州飯店，咁啱午飯時間就入咗去啦🤣😋大地魚燒賣～配料豐富，用上蝦隻、大地魚、蟹子、冬菇制成，鮮味十足👍👍蜜汁叉燒腸～皮薄餡靚😋白裏透紅，叉燒都非常新鮮蒜蓉鮮蝦春卷～夠熱👍炸皮又脆蠔仔肉碎粥～本人覺得來潮州店就要食蠔仔粥😄蠔仔份量十足，大隻又鮮甜飽滿，加上有大地魚乾、香菇、香蔥和肉碎炮製，鮮甜美味👍👍韭菜滑豬紅～抵食之選✌️勁大碗，豬紅外滑內軟😋😋

今日去彩明商場購物, 見到個廣告好吸引, 潮州食品, 駟馬拖車, 個名又特別, 於是我們想去這餐廳食晚飯.餐廳門面闊, 侍應招呼有禮, 裝修大方雅緻,  座位闊落, 燈光充足,我們坐下, 點了鐵觀音茶,  每檯設自動煲水機, 方便又乾淨, 水滾茶靚, 每人提供有公筷, 好衛生.酸菜小食,  大家先開胃.看餐牌有多頁, 食物選擇多, 價錢適中.  有散叫菜式.我們點了三個潮州菜,必食潮式滷水鵝肉, 鵝肉厚薄度適中, 油脂甘香.鵝肉夠嫩, 啖啖肉, 已去骨, 肉質美味, 口感不錯.豆腐好入味, 調味正.特別最鍾意  潮式蠔仔烙,  熱辣辣的送上,  色香味俱全,  配上魚露.傳統做法用了鴨蛋,  加了番薯粉, 煎得不油膩, 脆中帶點煙韌,  上菜時已配備刀叉. 蠔仔飽滿, 鮮甜多汁, 味道鮮美.  配以魚露,  真滋味. 口感豐富, 非常滿意.接着是 潮州沙茶炒牛肉, 選用芥蘭做配菜, 正合我們心意.牛肉稔, 份量多, 有牛味.   沙茶醬汁, 帶點辛辣甘香, 稠濃鮮美. 芥蘭嫩綠, 炒得時間剛好.潮州粥,  煲得軟綿綿, 好滑.食物用料已揀選, 好食好味,  廚師廚藝有水準, 地方好坐又

今日去試食左一間以滷味出名的餐館。要試一間滷味，第一點就是一定要試他們的豬紅。這間的豬紅，在調味上不會太死咸，份量好多用左沙嗲醬煮所以好香口。口味上不算重，豬紅本身不會煮到太爛，吃起來的時候還有口感，一口咬下去的時候還可以感受到彈牙。小菜上我們點左麻海蜇手撕雞絲。麻醬雞絲吃起來的時候好嫩，用上麻醬調味。一定要拌好先吃，確保全部都粘上麻醬吃起來先會開胃。海蜇好爽口夾脆。花枝是加點的，因為店員介紹是招牌之一，吃起好就知係即叫即做味。食落彈牙好香口。糖醋麵麵本身是有麵條下去煎過，吃起來的口感是屬於脆的，調味上應該只是用左少少的鹽。所以吃起來是偏淡，上菜的時候會附上糖同醋，自己加上糖同黑醋調味。食落香口又甜又酸。