香港永年車仔麵茶冰廳

营业中

休息中

仲記得細細個👧🏻係元朗舊舖食🍜既時候唔知死🙉話要加要辣汁🌶(*個時冇依家咁食得辣🙈)當時店員提醒我真係好辣㗎喎😏我仲話唔驚辣……最後……🥵🔥估唔到依家除左車仔麵🍜，有咁多野食😍~•~•~•~•~•~•~•~•~•~•~•~•~•~•~•~•~•~•~• 🔥 全新慢煮鐵板套餐 🔥包左沙律🥗 / 餐湯🥣 • 主菜🍽 • 野飲🥤.▪沙律 / 餐湯▫️餐湯 : 升級酥皮湯 (加+$15) 酥皮好香牛油味🧈，牛尾羅宋湯勁足料🐃▫️沙律 : 雞扒鹹魚凱撒沙律跟餐黎講真係好夠份量，雞扒咁多舊又厚身，啖啖肉🐓.▪主菜▪讚讚位💕 肉 / 薯菜係分開兩邊鐵板放🤗唔洗食汁浸蔬菜💕薯菜有粟米🌽 • 雜菇菇🍄 • 蕃茄🍅 • 西蘭花🥦 • 椰菜花🤍上枱時店員會幫忙淋上醬汁，滋滋聲𝐀𝐒𝐌𝐑🔊(不過太耐冇食鐵板，所以我話要自己淋😝) .▫️招牌鐵板佛跳牆車仔麵 ($198)先黎個全港首創🇭🇰豪華✨特式✨鐵板大大塊花膠 • 鮑魚 • 金蠔 • 虎蝦乾 • 花菇，真係勁足料🙆🏻‍♀️底配既麵，炸到脆卜卜💥，好滿足🤰🏻.▫️挪威三文魚扒 ($198)三文魚扒有𝟏𝟎𝐨𝐳，勁厚身🤌🏻魚扒🐟連埋魚皮，表面脆卜卜💫用左洋蔥墊起左🧅，唔怕影

今次去新城市睇戲🎬 順便去食下新開嘅永年車仔麵😇一入到去已經俾佢懷舊嘅裝修震撼左，冇諗到可以還原返細細個嘅場境😱太勁！美國極佳級封門柳+前菜+飲品 $237佢呢個係鐵板上嘅，分開左配菜同肉，咁d汁就唔會痴埋一齊！好貼心💓 不過啲肉就鞋咗少少🤏如果可以5成熟會更加好😎另外跟左個🥑🥔牛油果薯仔蝦沙律🥗 佢係用杯裝，可以影相打卡📸️ 而且牛油果好香，呢個熟度啱啱好！仲有個樽仔奶茶🧋甜左d，不過勝在茶味夠濃補返數！加配兩款小食 （跟餐加$68）🍝蒜蓉炒意粉，就咁食已經好好食👍🏻配埋個秘製瑞士雞翼，咁樣已經可以當一個晚餐🥣🍜永年車仔麵撈麵+小食+飲品 $120由於我咩都想食😗選擇困難嘅我就叫咗四款菜，包括牛筋、墨魚蝦卷、魚皮餃、枝竹球😛 配搭呢個永年嘅辣汁，煮得非常出色，啲餸都好新鮮彈牙🦷 呢個係永年必叫嘅車仔麵！另外，再加多三件蝦多士，蝦膠非常多，鋪滿晒成個多士，炸得鬆脆可口🤩加埋沙律醬即刻冇得彈🧡 仲叫咗個樽仔烏龍茶，平衡返啲油脂😆 食完啲嘢飲番杯茶都冇咁邪惡！🐥南乳雞翼（三隻）$28一上到枱就聞到重重嘅南乳味，好香🤗 雞翼炸得非常脆口，好耐都冇食過南乳雞翼，重拾返我嘅童年回憶👼🏻總括而言 (

今日一家三口黎左沙田新城市廣場行街食飯，見到永年門口裝修都幾靚，又好耐無鋸扒，就入左去試😋餐牌有好多款鐵板套餐，有牛扒、豬扒、雞扒、三文魚扒、雜扒等等，仲包湯同飲品美國安格斯封門柳🇺🇸🐮 $228牛扒配上燒汁後有滋滋聲響同香氣四溢😚有洋蔥係底墊住牛扒，咁就岩岩好5成熟唔會過火。封門柳肉質鬆軟肉味濃厚，有入口即溶既感覺，加上配菜：蕃茄、粟米、西蘭花，一啲都唔覺得油膩😋美國頂級西冷扒🇺🇸🐮 $198鍾意食牛嘅我哋叫多咗個西冷扒，個扒好容易就切開到，食落唔韌仲好有牛味👍🏻愈食愈Juicy😋酥皮周打蜆湯🍲 +$15我哋叫左周打蜆湯，加咗錢升級做酥皮面，趁熱食落又脆又香，好夾個湯。湯內有好多蜆肉同海鮮，飲落好濃郁👍🏻藍柑菠蘿乳酸梳打🍹+$9個人好鍾意飲乳酸酸酸地嘅感覺加上菠蘿同柑兩種水果陪襯得極好🥰永年大碗面🍜$98碗麵份量勁大有好多配料包括有：豬腩、魚蛋、豬紅、蘿蔔、豬皮、雞翼、魷魚、紅腸，全部都係車仔麵必食嘅配料，加上湯底煮得十分入味，啖啖面啖啖餸好過癮🤭蝦多士🦐🥪多士非常出色、麵包夠脆、餡料好足😋洋蔥圈🧅炸到勁脆、有洋蔥味、食落卜卜聲😜

以往每次嚟永年都係食車仔麵，又會買永年嘅麻辣醬，嚟食早餐都係第一次。蛋撻好吸引，好想食，但早餐好豐富，下次下午茶先嚟食蛋撻。早餐價錢由$52 起，可加錢改食蛋撻、菠蘿包、菠蘿油、黑松露炒蛋等，真係好多選擇。 我叫左杯熱鴛鴦幾好飲 雞扒餐貴啲，但塊雞扒好大塊，朋友都食唔哂😅，多士烘得好脆，好味！ 食完份早餐真係好飽。餐廳係商場入面價錢一定唔會平，但食物份量夠，味道都ok，除咗車仔麵，有常餐又鐵板餐等可以揀，真係要諗定下次嚟食咩

Happy Friday 當然要同親愛嘅妹妹一齊去食好西啦😋！好耐無食港式鐵板燒啦，所以我要同細妹👯‍♀️一齊食港式嘅鐵板燒，為咗放便返屋企，所以我哋選擇餐廳嘅範圍係沙田😋喺沙田市中心就有一間可以食到鐵板燒嘅餐廳就係「永年車仔麵茶冰廳」☕️🫖，店外的風格係傳統冰室與現代風格設計，令人置身於潮流冰室之中😊最近，佢哋出咗個慢煮鐵板套餐系列，啱晒又想食車仔麵又想食鐵板燒嘅人，我哋每人各自叫咗一份套餐同小食，大家都食到飽飽❤️都幾高質㗎，味道唔差🤤每人買單都只係$300內👍🏻慢煮鐵板套餐🤗🤗⭐️周打蜆肉魚湯（酥皮湯）💰+$15濃稠的周打蜆肉魚湯充滿牛奶忌廉與蜆湯的香味，口感細膩得來帶有鮮味😌食落去仲有蜆、洋蔥及煙肉粒，再加上酥皮，係會食上癮🤪⭐️牛油果薯仔蝦沙律💰+$0有三隻大蝦再加上牛油果，再配上自家製嘅薯仔沙律同生菜，輕盈又健康😋而且賣相好高級🥗⭐️永年雜扒 💰$208佢哋嘅雜扒分別有美國頂級西冷，西班牙熟成有骨白毛豬扒及日本名古屋雞机😋再配上佢哋嘅蒜蓉汁，正🤪旁邊有炒雜菜同菇，而炒雜菜係有調味，增加左對鐵板燒上蔬菜嘅好感度😂⭐️美國安格斯封門柳 💰$228封門柳係牛橫隔膜肌肉🥩，最大特色係油花雖然較少

今日同男朋友一齊黎沙田食嘢，見到呢間裝修懷舊既新店，於是入黎試下，鋪頭既位置比較難搵，佢隱藏係另一間日本餐廳後面，平日路過唔多起眼。餐廳採取半開放式設計，整體色調係深綠色，座位寬闊，燈具全部係復古鎢絲燈，幾有feel，我地嗌左美國安格斯封門柳，係一個鐵板餐黎，有牛排一塊，配菜有洋蔥、粟米、西藍花，焗番茄，還原舊式扒餐既風格。醬汁我地揀既係秘製辣醬，澆在鐵板上，sa一聲冒出陣陣白煙，配上鬆軟既牛扒非常惹味。我地仲嗌左永年大碗麵，聽聞係佢間既招牌面！入面既送非常豐富，眼見就有咖喱魚蛋、豬紅、大腸、豬皮、雞翼尖、魷魚。都係舊式車仔麵既味道，幾濃郁有小小甜甜哋。總體來講，都係一次幾愉快用餐經歷，侍應禮貌，分量足。

個肉餅嘅size比起隻煎蛋還要大，而且目測至少有1cm厚🤔 肉餅中有部分肥豬肉，所以咬落並唔會太乾🐽 成碗飯蔥油香味極重，懷疑除咗煎蛋嗰陣，連啲白飯都加咗蔥油 & 甜豉油😆 雖然肥就肥啲…但惹味喎🙈呢間嘅「喵奶茶」飲唔晒可連罇帶走，仲要係超厚實嘅玻璃罇，好有質感😛 形式上有啲似冰鎮奶茶，即使係凍奶茶，但唔怕會有被融化嘅冰水沖淡甜味或茶香味嘅情況出現😉 而呢間奶味比茶味突出，勝在夠香滑🍼

聽說永年最近推出八款慢煮鐵板套餐$198至$228, 包括沙律或餐湯、主菜及飲品, 而且份量好大, 所以約朋友去食餐勁既!四人行, 點了兩個套餐再追加小食及甜品, 超瘋狂! 我選了牛油果薯仔蝦沙律, 賣相靚之餘也很美味~ 牛油果不會過熟, 而之下的薯蓉夠香滑, 又有適量蔬菜, 整體不會膩.朋友則選招牌港式牛尾羅宋湯, 吃得招積些,+15升級至酥皮湯, 真是吸引. 即使放涼了少許, 酥皮也不會太塌. 當然也是建議趁熱吃, 才對得住美食本身的存在價值.先來美國安格斯封門柳 $228, 隨著洋葱汁倒入鐵板滋滋聲響及香味四溢, 附近食客的目光都會投向我們這枱~ 的確, 很難抵抗!以大洋葱圈阻隔鐵板與牛, 要5成熟, 果然是5成熟!好過好多餐廳, 往往都烹調過火. 封門柳肉質鬆軟而且肉味濃,配菜有扒蕃茄、粟米、西蘭花、椰菜花及菇菇, 好豐富!朋友那份西班牙熟成有骨白毛豬扒 $188, 同樣是兩大件, 外層微焦香脆, 也夠juicy~我覺得追加才是一件瘋狂的事!!! +$68就可追加兩款指定食物, 一於要秘製瑞士雞翼及砵酒燴牛尾. 雞翼肉質嫩滑, 但好入味; 由於已戒牛好長時間,對牛尾都有點陌生了

很久之前食過一間大家都認識嘅車仔麵，我覺得唔錯，成日都想再食，有朋友話再去食，我就當然贊成，點知竟然佢話唔係食車仔麵，反而係鋸扒。去永年鋸扒實在係一個想像唔到嘅情況，雖然我知道呢間永年之前都有試過有小菜，但係鋸扒？唔係呀，我再追問多次佢有冇講錯，然後佢俾咗個post我睇，就係香港牛扒關注組出咗個關於永年嘅post。好彩我冇同佢賭，如果唔係實輸咗個扒餐。星期日晚，成班唔煮飯就一齊去食。完全估唔到餐廳連裝飾都唔同咗，鋪咗塊綠白色嘅野餐枱布，好鬼似飛鷹餐廳又或者金鳳大餐廳嗰啲豉油扒餐嘅感覺。睇吓餐牌，有好多唔同嘅扒餐都有推出，最正嘅當然係封門柳同西冷扒，我見雜扒都非常吸引，於是就叫哂呢三個。先上封門柳，呢個真係好靚，切出嚟之後見到入面呈粉紅色，加上最傳統嘅黑椒汁，好不錯，最重要嘅係佢會有一碟菜俾你，非常健康。最好嘅佢仲會有唔同嘅湯或者沙律你可以加，我飲羅宋湯朋友飲咗周打魚蜆湯，真係超有誠意好好飲，特別係周打魚蜆湯，夠濃又足料。由於我哋多人，可以加其他小食，分別加咗蝦多士，蝦多士有六件，多到不得之了，然之後又有雞翼，仲有薯條，仲有牛尾，老公好鍾意食嘅蒜蓉意粉，叫一個餐，真係飽到傻。另外朋友點嘅

上一次黎仲係食小菜，印象好好，今次決定再encore，竟然餐牌轉咗做主打懷舊鐵板餐。但都一樣冇令我失望，唔錯唔錯👍今次試咗肉眼同埋牛柳鐵板餐，都係五成熟，如果成枱都係食鐵板餐可以任食薯條🍟，好抵丫！我問我驚喜嘅話即係仗義蔬菜都有鐵板上，而且份量好多，健康又有營養👍👍牛肉質地都好唔錯，肉質嫩滑得黎燒得焦香，回憶返晒嚟💕另外有驚喜嘅係前菜牛油果🥑薯仔蝦沙律好重本，🦐蝦肉質彈牙，牛油果好新鮮，好味😋最後嚟到必食推介增磅之選--黑芝麻西多士伴雲呢拿雪糕，超好味😋唔食走寶啦！西多士炸得好脆，加埋雪糕真係好邪惡！但係又真係好好味，食到停唔到😋

講到香港的經典食物，一定食茶餐廳!🤩不過人大了多了選擇都少左機會去!😆今日剛好經過沙田，見到有好大間的香港永年車仔麵茶冰廳📍決定去食晚餐試下先!😉-原來這家香港永年車仔麵茶冰廳主打鐵板餐🍴真係好耐無食過!所以決定一試! 老公點了美國安格斯封門柳鐵板燒🥩選了黑椒汁，搭配薯菜，好豐富呀!😉熱辣裃的上桌，牛扒肉汁滿滿好JUICY😋選了5成熟，所以剛剛好! 而且肉身好厚，啖啖肉!😎跟餐仲會有招牌港式牛尾羅宋湯,真係好經典🤩羅宋湯好足料，同埋唔會好咸，順口! 都係驚喜之作呢!🧡-而我則點了好耐無食過既永年車仔麵🍜車仔麵好耐無食呢! 麵身我點了米粉，食物方面點了豬紅，牛柏葉，紫菜，芝士丸🥬及清湯麻辣汁要中辣🌶中辣好過癮，又麻又辣，食得辣既朋友可以挑戰一下!🌶🌶而食材份量都好足夠! 真係好耐無食過!💚豬紅同牛柏葉真係最好有港式經典😆-而小食方面則點了腐乳通菜~ 份量都好足夠!🥬我自己又真係好鍾意食通菜呢!飲品方面，都有幾多唔同選擇!🧃我們分別點了檸檬香桃烏龍茶同樽仔烏龍茶🥃檸檬香桃烏龍茶好消暑，好岩夏天飲!☀️而樽仔烏龍茶則小清新同無負擔之選呢!💦-晚餐來說都幾多選擇!✨價錢屬中價!不過要留意這家的門

今日肥雞去咗永年餐廳度食晚餐，好多人都知永年出名嘅係佢嘅車仔麵，但原來永年都有提供鐵板餐！所以肥雞就同朋友今晚就一於試吓佢嘅鐵板餐。肥雞嘅朋友叫咗個雜扒餐，雜扒餐包咗雞扒，豬扒同牛扒，款式非常之多，貪心嘅朋友一定要試！雞扒同豬扒味道唔錯，但係肥雞覺得有驚喜嘅係佢嘅牛扒，一啲都唔失禮！另外佢嘅伴碟都有好多，有菜，粟米，菇等等，營養都幾均衡。見到呢度仲有酥皮周打魚湯，梗係要試埋啦！酥皮焗得非常香脆，個湯入邊有三文魚，蜆肉等等，海鮮白汁濃湯浸住酥皮非常好食。肥雞就叫咗一個美國極佳等級封門柳，五成熟。呢塊封門柳真係非常出色，一啲都唔柴，上枱嘅時候仲肉呈粉紅色，入口非常之嫩滑，超正！身為大胃王嘅我哋梗係再叫多一碗永年車仔麵食啦！肥雞同朋友唔想諗，所以揀咗永年大碗麵，入邊有紅腸，豬大腸，魚蛋等等，全部都係好傳統嘅車仔麵小食！但係除咗佢嘅配料做得好之外，肥雞真係不得不讚佢嘅湯底，係非常清甜！肥雞係每一次嚟都係為佢嘅湯底而瘋狂！食完冇甜品又點算Perfect ending呢？呢度有黑芝麻西多士配雪糕食。唔好講笑，呢一個黑芝麻西多士一啲都唔會比甜品舖差！黑芝麻味好香，多士炸到非常香脆，配埋雲呢拿雪糕，人

今日本身打算去永年整碗車仔麵，點知見到佢地原來出左佛跳牆🥢🍲試食價都係$138🤩咁就一人整碗試下先！😋入面啲料勁多，有八頭飽，又有金蠔，又有好大舊飽汁炆花膠，仲有蝦乾同蠔皇大花菇等，好足料👍🏻 麵底更加可以自選，食一碗已經好飽🤣🤣貪心嘅我地仲叫左個淨餸車仔麵🍜叫左豆卜，蘿蔔，冬菇同魚腐，啲蘿蔔好甜，冬菇又好爽口，食到捧住個肚😋車仔麵嚟講佢真係好高質👍🏻👍🏻👍🏻沙田呢間鋪環境好正又好坐，望住沙田中央廣場食車仔麵真係好享受😂，仲有得叫蛋撻同菠蘿包，真係chill 得嚟又有懷舊local feel 😆

小時候每次去吃豉油西餐，總是要點鐵板餐，就是想聽侍應把醬汁倒落鐵板時發出的「滋滋聲」，跟著大家便驚得將餐巾擋在面前，以防醬汁彈到身上，畫面充滿香味和歡樂；這便是我對鐵板餐情意結的由來。沙田友告知，永年正推出這個「慢煮鐵板套餐」，童年回憶即刻返晒嚟。人末齊，先要點小食及飲品，叫了煎釀三寶(青椒、豆卜、苦瓜)、懷舊蝦多士、凍熱奶茶各一。煎釀三寶～做得香口酥脆，一口一件剛剛好。懷舊蝦多士～無人不愛的小吃，爽彈的蝦膠與金黃香脆的多士又是絕配。凍奶茶～熱辣辣，來支口感香滑、甜度適中的冰凍奶茶就至啱不過。熱奶茶～老婆始終都愛熱奶茶，覺得茶味更香更濃。鐵板套餐有8款不同口味，包括三款牛、雞扒、豬扒、三文魚、佛跳牆及什扒。套餐包沙律或餐湯，沙律可選擇牛油果薯仔蝦沙律或雞扒鹹魚凱撒沙律，餐湯則可選招牌港式牛尾羅宋湯或周打蜆肉魚湯，如另加 $18可配招牌香脆蒜蓉包。我和老婆揀了「西班牙熟成有骨白毛豬扒」及「日本名古屋雞扒」，友人們則選了最有特色的「招牌鐵板佛跳牆車仔麵」及「美國安格斯封門柳」。先上沙律，兩款都試勻，牛油果配大蝦的組合永無失手，另一個雞扒鹹魚凱撒沙律有創意，用中式鹹魚代替鬼佬鹹魚，味道一點也

小弟童年家境清貧(而家都係!)想食個鐵板餐真係好難，所以大個仔搵到個錢都會去食個鐵板大餐，記得同老婆大人第一日拍拖就係去食喱樣嘢。上星期難得收早即刻約老婆大人去撑枱腳，佢係沙田Shopping緊而家東鐵綫香港去沙田好快就到一於我入去搵佢啦！佢一早就話要去香港永年車仔麵茶冰廳食我當然冇問題架。原來佢想食永年新出嘅港式慢煮鐵板套餐，都好一於回味吓熱戀時候嘅味道，望望餐牌都有唔少鐵板餐揀有多款牛扒、白毛豬扒、雞扒、雜扒仲有三文魚扒，不過最特别嘅係嗰個招牌鐵板佛跳牆車仔麵，每份扒餐都有沙律或者餐湯是但一樣仲有主菜同埋飲品，我梗係要喱道出名嘅樽仔奶茶啦！飲落夠茶味口感又順滑唔會死甜正呀。為食嘅我哋仲叫咗加配優惠嘅瑞士雞翼，單點＄38但係＄68就可以嘆足兩款所以就整多份甜品最後先嘆，秘製瑞士雞翼色水對版整得入味食得過喎！我哋決定要一份沙律一份餐湯，揀咗勁抵死嘅雞扒鹹魚凱撒沙律，凱撒沙律入面加咗鹹魚食落又冇乜違和感喎！餐湯揀咗牛尾羅宋湯加15蚊升級做酥皮牛尾羅宋湯，酥皮焗得好酥香浸落湯道一齊食勁正斗。牛尾羅宋湯牛氣冲天羅宋湯底有菜嘅香甜飲落一啲都唔漏。見到有美國安格斯封門柳唔係唔食吓嘛！我揀咗洋蔥汁