香江花月 (荃灣廣場)

营业中

休息中

荃灣又有新開嘅打邊爐店啦，今次食完真係好滿足，因為環境好舒適、食物質素高同埋有好多打卡位白湯人參鍋白湯好濃味，個人覺得唔需要任何調味都已經令到所有食材變得入味，個湯仲有索晒湯汁既鴨血同豆腐，高質之選香江併（全牛）真係靚到忍唔住影咗好多張！見到擺盤咁靚即刻心情靚晒，分量仲非常慷，兩個人食食到超級飽，呢個拼盤用上不同牛既部位：脂香感十足既牛肉片、牛柳粒、牛舌、牛心頂、牛柏葉、牛脂肪等，基本上每款都好新鮮同埋牛味好濃，整個拼盤係呢度既必點名物七色餃有七種唔同味道，每款配搭都好新鮮，入面嘅材料應有盡有，有蝦、木耳、白菜好似仲食到響鈴添，配搭特別❤️七款餃子皮有黑色紫色藍色睇落仲好賞心悅目，值得一提係餃子皮非常薄，但係又唔會爆餡，真係睇得出呢道菜有返咁上下功架飲品分別係桃花緣同香芳幻，前者非常之啱打卡，姚味汁加上啫喱，非常清新打邊爐飲啱晒！後者味道好特別，有椰子同埋其他水果加yogurt 炮製而成,兩杯都好飲呀呢度除咗食物質素高之外，服務同環境都好唔錯！枱同枱之間分隔得幾開，而且店員都有禮貌，整體用餐體驗不錯，係會再過嚟encore既餐廳

父親節同老豆食餐好，飲茶一定有排等位，知道荃灣新開左香江花月，應該暫時無咩人知到，即管去睇睇。好彩去到等幾張枱到就到啦～餐廳環境唔錯，靚裝座位闊落坐得幾舒服又無限時。睇睇點心紙價錢唔貴同平時小店飲茶價錢差唔多點心20-40左右，四人點左8款點心炸物，最後買單三百幾，都算抵食！點心款式同坊間有點唔同，例如椰皇灌湯餃鰻魚茄子，香菇牛肉酥...有驚喜！點心賣相打卡一流，有造型擺盤，味道ok! 老豆食得好開心一路食一路打卡，哈！服務都唔錯，唯一覺得茶可以改進下，鐵觀音帶點酸味，如果能夠用高一級的茶葉會顯得餐廳再高階點～

讚1 環境好搶眼 佈局舒服闊落 打卡位同埋部古董紡織機係好有趣既擺設 荃葵青一帶都應該無第二間同級既火鍋店2 嘢食幾好 豬牛海鮮都新鮮 餃子皮薄餡足 整體調味好啱胃口彈1 湯底係好淡呢

餐廳環境相當舒適寬敞， 佈置華麗有氣派， 仿似乘坐穿梭機， 帶你 穿越回到50年代的舊香港， 欣賞到昔日五光十色的華洋文化。餐廳主打配搭創新、 滋補養生美顏火鍋湯底， 選用新鮮時令食材， 用料認真， 用心做到色香味俱全。豚肉白菜鍋 $168豚肉白菜鍋湯底， 白菜造型賣相精緻， 入口清甜， 仲有肥瘦分明的豚肉，配上營養價值高的蕃茄湯底 ，酸甜清爽，不油膩 ，溫補開胃， 令火鍋料增添美味。華人塔 $688用上特色巴黎鐵塔，造型充滿心思 ，共有兩層， 放滿新鮮的海鮮和造型漂亮的肉類，富視覺效果， 忍不住相機食先， 配料相當豐富有：▪捲上花型的豬肉▪捲上花型的牛肉▪鮑魚▪帆立貝▪青口▪大蜆▪花蟹捲上玫瑰花型的牛肉及豬肉， 賣相令人心心眼， 牛肉色澤嫩紅，油脂比例均勻， 口感柔軟，入口溶化， 牛味香濃 。豬肉十分軟嫩， 充滿肉汁。連殼的鮑魚 、帆立貝、 青口，肥美飽滿， 鮑魚還用心地上花紋， 入口鮮味而充滿彈性 。 灼熟後的花蟹和大蝦， 變了漂亮的赤紅色， 蟹肉雪白晶瑩， 鮮甜軟滑， 蝦肉鮮味爽彈 ，真是鮮味的盛宴 ! 七彩餃子 $108色彩艷麗的的餃子， 叫人興奮， 餃子皮薄薄， 外型飽滿，

知名打卡邊爐店 未食都知間店賣精緻一行5人黎打邊邊 花膠雞湯 算足料 但無想像中綢身 另叫左牛7小福 份量夠多 牛脊位嫩 另外都叫左7彩丸 好大粒 抵食之選 鵝腸肥味 必叫之選 仲有個紫薯麵 都係自己嘟 好食之選 總結 價錢中上 料係普通 但食個賣相 最後有杯甜水完尾 成件事岩岩好

新店開張，中午12點開始有午茶飲。11:45入到，11:55落單，職員表示12點才會入電腦。金絲海皇脆網腸好多酒樓都會有呢啲類似嘅腸粉，基本上都係用腸粉包着油炸鬼，入面有唔同嘅海鮮。但係呢個係值得推介嘅，因為腸粉頂部放滿木魚碎，令到整體味道改變，有新鮮感。金絲黑松露炸鮮奶炸鮮奶喺酒樓上已經少見，今次變咗創作料理點心，黑松露味都唔重，並沒有蓋過鮮奶味道，但係有點膩。椰皇花膠灌湯餃灌湯餃就食得多，竟然用個椰皇放入灌湯餃，第一次見。個湯充滿淡淡椰皇味，但係入面嘅餃皮略嫌厚重一點，但係份量都比較大。可能因為係新開張嘅關係，人手未夠充足，大約等咗25分鐘才有第一個點心到，三樣點心，大約45分鐘才到齊。咁其實因為飲茶，可以慢慢嘆茶，所以都可以接受嘅。

荃灣廣場6樓新開左2間餐廳！今次去試香江花月先🥳一入門口有個細房俾人打卡❤️不過個店員都話佐敦果間靚啲 呢個就係霓虹燈 都幾特別😇聽講佢哋用左成百萬裝修~每個角落都係打卡位✌🏻而且一啲都唔迫 坐得好舒服🥰我哋order左個海鮮鍋，服務員係我哋面前煎香啲海鮮，之後再加湯食😋海鮮有鮑魚、蝦、扇貝、蟹，份量都夠3-4人食。之後就上火鍋料😋我哋叫左豬、雞、丸、菜等等，因為屋企人唔食牛，所以無叫牛食🥲啲餸全部都好新鮮！有啲店員仲會解釋+介紹點食☺️ 如果要慶祝生日都可以！唔收切餅費，個好nice咁幫我哋影相😆

先說裝修，環境一流，全新木系設計，時尚溫暖的感覺，假如坐在窗邊枱，微光照射，好高級格調，打咭一流。食物當然係重點，我們一家三口，試了煎蛋牛肉飯，煎蛋燶邊脆口，蛋黃流心香口，牛肉有咬口，米飯軟硬適中，香氣四溢。五柳雲吞，一囗爆脆，加上兒時傳統5樓汁，有橋頭酸瓜青條，美味可口。皮蛋瘦肉粥和叉燒包，熱騰騰放上枱已經暖入心。最有驚喜哦是香煎馬蹄綠豆糕和芫荽叉燒腸，馬蹄綠豆糕，香口美味，味道不甜，有馬蹄的爽脆，亦有綠豆糕的香氣，意料之外的完美配搭。芫荽叉燒腸，外觀及晴，食落有芫荽徵香，同叉燒配合起來，味道亦不錯，如果皮可以煙靭車一些，那就更加完美。