首首.韓式小館 (已結業)

灣仔利東街又名「囍帖街」， 經過重建之後雖然冇左美滿甲天下，但引入咗唔少外國嘅餐廳， 成為近期興起嘅美食街，感覺有啲中西合璧、新舊交替。喺街道兩旁嘅餐廳各有特色，而我今次就選擇咗近期大熱嘅韓國菜。呢間名為《Bistro Seoul》嘅餐廳，以各款韓國米酒、小食、同甜品作招來。 餐廳佈置用上咗輕工業風，皮座嘅卡位坐得舒適，令人容易優閒地渡過一個下午。食韓國菜又點少得各款嘅醃菜，今次就有韓國辣泡菜、 醃八爪魚、同埋海帶沙律。 韓國泡菜夠爽脆，酸中帶辛， 非常開胃。【香煎韓式薯仔脆餅】$108， 呢個韓式薯仔脆餅感覺雖然唔係太有韓國菜感覺， 但卻非常可口。薯仔絲粗幼適中， 粉漿比例恰當，咬落香口， 但亦唔會太油膩 ，作為佐酒小吃非常合適。【辣炒八爪魚配素冷麵及水芹菜】$168， 呢個冷麵辣度有三個辣椒， 八爪魚用咗韓式辣醬快炒，口感煙靭，八爪魚鬚更是精髓， 吸盤佈滿韓式辣醬， 食落非常惹味。素冷麵爽口、夠凍，將冷麵同埋大蔥、八爪魚混合， 味道更上一層樓。【大邱香辣蒜粒炆牛肋骨】$208， 韓國其中一道名菜 就係炆牛肋骨，呢度嘅牛肋骨用咗秘製醬汁同埋大蒜去炆，令到肉質嫩滑，保存肉汁。秘製醬汁辣

餐廳隱身係囍匯入面，穿過囍匯地下嗰條街進入餐廳，淨係個過程經已贏哂。點菜後每人送嚟前菜三小碟，分別係八爪魚，中華沙律同埋泡菜，八爪魚比起坊間嘅入味，比起食開嘅更加腍身， 確實係有啲與別不同，中華沙律可以話係我食過嘅以嚟，色素落得最少嘅一次。香烤蒜粒醬油雞翼，醬油雞翼外皮被烤到好脆，喺脆卜卜嘅外皮之上仲食到點點蜜糖嘅甜味，間唔使啪粒旁邊同樣香烤過嘅蒜頭，滋味就係咁簡單。傳統碎牛腩蛋花粉絲辣湯配白飯，成個湯充滿香濃嘅牛味，裏面除咗牛腩之外，仲有蛋花，粉絲，娃娃菜同埋一啲菇菌類，喺香濃嘅牛味同埋韓式香辣湯嘅配搭之下，絕對可以餸多兩碗飯。辣炒八爪魚配素冷麵及水芹菜，個辣八爪魚好好味，個辣度直逼曾經流行一時嘅黑色包裝韓國辣麵，但係從中佢多咗一份甜味，令到個辣度更加和諧，水芹菜新鮮爽脆，瓊得極度乾身嘅冷麵值得一讚，食到底都唔會水廖廖。大邱香辣蒜粒炆牛肋骨，牛肋骨一上枱就香氣撲鼻，睇個樣就知道味道對辦，果然牛肋骨被炆得夠哂淋身，各式嘅香料調味都入哂落去啲牛肋骨入面，配角栗子同埋蒜粒都 同牛肋骨一樣咁入味，妹仔都成為搶手貨。自家製雲呢拿雪糕伴甜合桃配黑白芝麻脆，個芝麻脆芝麻味好香好香，一啖脆香再配以一

在灣仔利東街Bistro Seoul dinner 已經不止一兩次 有朋友從國內來香港 就請他們吃韓國餐 十人左右 幾乎把餐廳的美食都點了 銀鱈魚非常美味 朋友還再點兩份 特色的是辣牛肋骨/肉 炒粉絲 煎餅 殼飼雞 等等 只是所有食物粉量都比較少 二三人來還好 人多就不太划算 特色美味是值得試的

今日陪就泥結婚嘅表姐去有喜帖街之稱嘅利東街睇下婚禮用品。雖然，翻新咗嘅利東街已經冇咩喜帖鋪，不過都仲有唔少新式商店。由於，關於婚禮嘅鋪頭真係唔多，所以表姐同我好快就決定去揾食醫肚啦。今次去嘅韓國料理餐廳，牆壁用左韓式傳統嘅扁身匙羹作裝飾，提升韓味~前菜方面，每個客人會有3碟前菜，包括韓式辣白菜泡菜、芝麻八爪魚同中華海草。辣泡菜偏辣，帶點微酸；芝麻八爪魚同中華海草就比較似日式前菜，八爪魚嘅甜味同海草嘅清新感都可以中和返辣泡茶嘅辛辣，啱哂唔太食唔到辣嘅人。表姐點嘅傳統韓式辣炒豬肉，份量充足，驚唔夠飽仲可以另加白飯。雖然係辣炒豬肉，但豬肉嘅辛辣味唔高，反而帶點甜味。伴碟嘅酸泡菜可以連埋已經煮熟嘅蒜頭、洋蔥同芝麻葉，包住辣炒豬肉一齊食。蔬菜減低咗豬肉嘅肥膩味，蒜頭同洋蔥亦有調味嘅作用，味道唔錯！而我就點咗炒八爪魚配素冷麵。素冷麵卷成兩小團上碟，而深紅色嘅八爪魚配上翠綠色嘅水芹菜，紅紅綠綠，視覺效果一流。八爪魚因爲預時醃制而成，所以味道比較重，偏辛辣，食到中段，覺得太辣就可配埋淡味道嘅素冷麵，中和辣味；而水芹菜亦尚算鮮嫩，有淡淡嘅草青味，感覺清鮮。甜品方面，就叫咗石頭鍋年糕伴雪糕。由於石頭鍋仲係

拍拖經過利東街，立刻「嘩」左一聲！大街上掛滿了紅燈籠，勁有古典中國風，無論外國人抑或本地人都紛紛停下腳步，細心欣賞此處的美麗景況 不說不知，原來灣仔利東街已化身成一條美食街，薈聚中西各國特色餐館，登時成為新興的熱門景點 第一眼先被這家韓式料理店所吸引，這次決定以韓國fusion菜作晚餐吧 剛下班時間人流未算太多，把握機會拍下這裡的特色裝潢灰格牆身查齊排列著韓式長柄金匙羹，高挑的樓底配合柔和燈光，極具設計感 率先奉上每人三小碟，辣度較低更符合港人口味 香煎韓式薯仔脆餅 $108把薯仔切絲半煎炸成薯仔脆餅，口感淡然清新，愛好濃味的可自行點醬。外層酥脆可口，而內裡的薯絲又能保持濕潤，帶著薯仔的天然風味，值得一嚐 海鮮炒韓國粉絲 $98看似簡單的炒粉絲也煮得十分美味Q彈的韓國粉絲，與豐富的海鮮雜菜兩者皆相當入味，可謂愈食愈開胃 古法炸美國粟飼春雞配蜜糖芥末醬 $158雞肉外皮炸得酥脆而肉質滑嫩，配上特式韓風點醬，極具風味，雖是炸雞卻又顯得輕盈不油膩 落地玻璃外就是美麗的利東街，完全讓人置身非一般的香港，約定下回再來品嘗異國特式小菜

靚仔嚟緊五月會超級忙，趁住喺4月尾仲可以喺平日見到佢嘅時候，搞返個加油大餐畀佢先！ 返工成日經過呢一間bistro souel餐廳, 裝修幾靚價錢又唔太貴, 就呢間啦!我哋兩個一齊ot完都已經差唔多九點， 好彩餐廳last order係十點半，仲有好多時間。韓國米酒蒸煮藍青口 - 肥美又新鮮， 我同靚仔都認同呢味餸係今晚最好味嘅一味菜。 估唔到用米酒蒸煮活藍青口會有咁獨特嘅清甜，見到佢個湯加咗啲洋蔥同少許辣椒煮，唔知仲落左咩呢？好想學點煮/.\韓國酒香醬汁炆煮豬腩肉 - 豬腩肉肥瘦均勻炆得入味，微微帶酒甜，配上以用醬汁煮過嘅紫蘇葉，成功去除左生既紫蘇葉果種搶喉味。 另外仲有用芝麻同韓國辣醬輕拌嘅洋蔥絲， 夾埋一齊食係幾好味嘅新配搭。 分量好大，有兩排豬腩肉 ，雖然已經去皮（其實我鍾意食塊皮lol），但對兩人份量有啲太多，三個人share會好啲。韓式牛肉炒粉絲 - 炒得粉絲texture唔錯， 彈牙有咬口，有麻油香但唔太油，但係牛肉有啲鞋， 整體上不過不失啦~值得一提， 我覺得佢哋服務幾細心。當我哋載青口嗰個碗就滿，店員就主動幫我哋更換，笑容可掬。又會咁啱嘅😍😍😍係靚仔嘅加油晚餐， 我哋

呢間係我食過嘅韓餐最唔知食乜嘅，佢menu啲嘢極少真係極度難揀再加上幾乎全部嘢都辣所以如果唔食辣嘅朋友呢間嘢就無咩可以揀. 我係呢間就幾咁辛苦揀咗兩樣唔辣嘅嘢，雜菜石頭窩飯同個腩肉. 個石頭鍋飯好健康如果前一餐食濟咗不妨試下呢個. 個腩肉一般啦無咩特別但好彩佢都唔算太油. 咁總括嚟講呢間如果唔係好餓真係不妨試下架

下午懶洋洋帶女友行行我的地頭灣仔我 本想看盆栽那知來了喜帖街她非常興奮我惟有奉陪到底是老灣仔我 好像看到一個下午雞尾酒45$ 的美麗地帶一個周6 下午這樣氛圍算很寧靜兩人心意相通走去下午茶起初想叫杯酒後來計算了⋯⋯45$加一50x2已經一百多索性率性而為想吃什麼叫什麼因為朋友是韓食大好友我們研究一番一人叫一個我醉心牛肋肉和辣這兒的蒜子燉牛肋肉208$食得過女友要了豆腐海鮮湯貪這不辣這湯湯水少少海鮮就多3 大紅蝦青口魷魚大量大蔥味濃爽脆非常韓風一小鍋肉兩粒栗子香香甜甜幾鬼骨子一個好優雅的氣質韓地方 環境我俾98分色香味加新鮮感90%

翻新過嘅囍帖街，已經煥然一新，仲多左好多食肆添！今日同男友黎到呢間餐廳食韓國菜。從門面同裝修睇到餐廳走較高檔路線，食既野亦經過改良過。點餐既時候會提供前菜。有泡菜，醃製過既青瓜同蓮藕，好醒胃呢！黎到呢度，點都要食返個韓式脆雞配甜辣汁。用個鍋仔上，熱辣辣好惹味，醬汁份量啱啱好。仲有粟飼春雞配蜜糖芥末醬。隻春雞唔會燒到好乾，size細左d，不過勝在味道搭夠，旁邊仲有d nachos咬下。黎多個自家製韓式煎蝦餅。有六塊兩個人share就perfect啦！唔會太油得黎又keep到juicy個質感，配料亦好足夠。

好開心老公專登過來接我收工，所以我同佢去咗利東街食好嘢，順便之後去睇零食。在職員的親切招待之下，我們選擇了韓食，並選了一個近窗的位置坐下，隔離枱仲有隻 BB 响度引我同佢玩。餐牌內的選擇唔算太多，所以較容易選擇要食什麼。先來一式三碟的前菜醒吓胃口，有辣辣泡菜、中華沙律 和 辣味八爪魚仔。韓國山野菜拌飯上枱時有一碟多款的菜和醬汁、一碗白飯和一碗蛋花湯。職員替我們把菜和醬汁倒在飯中，然後慢慢拌勻。每食一口都夾雜不同組合的菜，有多種口感層次，配埋清清地的蛋花湯，很容易入口。長泡菜燉穀飼豬肋骨呢鍋 穀飼豬肋骨 真係煲得超腍，加上索晒個湯的辣味，真係辣得好爽，用來送飯真係無得輸，嗜辣的人真係要點這味。香煎韓式薯仔脆餅鋪面的薯片超級脆口，口感相比街外的薯片厚。最特別的係薯片下的薯餅，因為將薯仔先製成絲，然後將那些絲變成一餅來煎，不但格外香脆，而且食的時候 D 絲跌入口中，好似小朋友食零食咁得意~

韓式餐廳開到滿街都是，但不是每一間都適合三五知己坐下來，慢慢享受美食和小酌一杯。一直都有聽朋友提過利東街有一家裝潢別緻的韓式餐館，裡面能找到靚酒，重點是有BAR AREA。不過這天我們時間有限，只能來試試美食，沒時間坐著享受美酒。餐廳的側門採用落地玻璃，從側門出來是露天的座位，當晚有不少外國客人在這裡喝酒。進到餐廳坐下，看看餐牌，想要的韓國菜，這裡幾乎都有還有一些FUSION菜式，比一般韓食特別我們三人叫了一個牛肉拌飯、牛肉粉絲、牛肉餅配年糕、烤豬頸肉、炸雞還有兩份甜品牛肉拌飯會另外送上辣醬，朋友不太能吃辣，但我們把辣醬全部放進去，朋友都接受到辣度，所以其實不算很辣的牛肉粉絲香味十足，但略嫌太油膩牛肉餅跟我在韓國吃到的差不多味道，略帶一點甜味，適合配上旁邊煙韌的年糕一起吃^^烤豬頸肉是薄薄的肉片，最讓人驚喜是醃蘿蔔，十分清新用肉片包著醃蘿蔔，可以中和肉片的油膩感，這樣的配搭真是絕配炸雞份量較少，甜甜辣辣的，適合當下酒菜雲呢拿雪糕伴黑白芝麻脆片，真是沒有想像過的配搭，意外地夾，個人十分喜歡另一款甜品是韓式米糕配雲呢拿雪糕，我以為這個米糕會是很煙韌的，誰知道十分鬆化，不是我的口味哈哈哈離開

今日朋友約咗我去灣仔食飯原本話想食韓國嘢本來以為都係食嗰啲部隊鍋同埋韓式年糕但係入到黎睇到呢間餐廳覺得完全唔同平時嘅韓國餐廳呢到嘅裝修好靚因為我同朋友嘅食量都唔係好大所以主菜叫咗香蒜炆牛肋骨起初店員話呢個餸菜會比較偏辣但發覺食落口係超級惹味而且牛肉超級林又非常之入味平時牛肋骨會係比較硬身而且根位由會比較多 所以一定要用時間炊得入味發覺呢間餐廳完全做到以上要求另外仲有超級入味嘅栗子我哋再叫多個五色石頭鍋飯雖然呢個鍋飯係齋菜但係唔配合埋牛肋骨一齊食咁就更加提升咗成個飯嘅味道而且呢個五色石頭鍋飯唔單止熱個底部仲有最鍾意食嘅飯焦配合埋脆卜卜嘅飯焦一齊食好快三扒兩撥咁就K.O.左一碗飯自家製雲呢拿雪糕配石頭鍋米糕自家製雪糕真的很重奶味而且有淡淡雲呢拿籽香味 配上熱辣辣焦糖米糕蛋糕口感有點煙靭冷熱交融十分好味

有冇嚟過利東街行吓? 即係以前嘅囍帖街而家已經俾打造到成條外國小街咁, 夜晚唔多人, 幾舒服幾靚嘅平日晚巿時間唔算多人睇門面好西式, 估唔到原來係食韓國嘢餐廳環境好舒服, 好好坐, 咁就可以chill 一晚前菜有泡菜、八爪魚仔同中華沙律我哋叫咗個韓國牛肉伴菇菌一上菜已經好香, 鐵版上可以KEEP住熱辣辣牛肉唔韌,洋蔥同菇菌都炒得好香口另外叫咗個銀鱈魚佢用咗一啲甜辣醬烹調，味道有啲啲辣, 但係好香口，肉質亦都滑最後，叫咗個韓國人參梨茶，覺得自己好滋補，HAHAHA   XD

韓風襲港，近年無論劇集，綜藝節目，歌曲，韓星都無處不在，韓式料理更是大行其道，由早數年前的部隊鍋熱潮，炸醬麵以至近年各式各樣的炸雞店，可謂香港飲食文化被韓風影響極深。但可惜各餐廳忙於追逐潮流，卻忘記了要擁有自己的特色，變得粗製濫造。今天來到的首首・韓式小館為韓式料理給了新的定位，餐廳除了擁有自己的特色風格以及創新獨特的韓式味道。GEEGEEGEEGEE～GEEGEEGEEGEE這就是我對韓式料理的第一感。但這裡沒有瘋狂的背景音樂，也沒有性感少女勁歌熱舞的MV，更沒有心心手指的韓國男星代言。換來的是寧靜舒適的環境，佈局上更像西餐廳。寬敞的座位，精緻的裝飾，優雅的餐具，再加上舒適的暗黃燈光，很適合聚餐談天以及情侶間二人世界。餐牌上都是一般韓式料理的食物。點餐後，侍應生很快就送上開胃前菜，是每人三小碟。有爽口的醃蘿蔔，辛辣的泡菜以及芝麻香的中華沙律韓式脆雞塊配自家製甜辣汁接著就來脆雞小食，自家製的甜辣汁只帶很微的辛辣度，外層有薄薄的一層炸粉，外層很脆，肉的比例很高吃起來口感很好，最重要是醬汁不會過濃，吃起來可細細品嘗幼嫩的雞肉的味道。經典的韓色燒牛肉拌飯經典的拌飯，不是用石頭鍋上，但感覺更佳

行完利東街，欣賞咁靚嘅景色之後，影完相人都肚餓，唔同餐廳各有特色，最後選擇了跟隨韓風，食韓國餐廳！ ！原來韓國餐廳都唔係完全韓，裏面有酒吧位置，樓上仲有開放空間可以食煙。我哋都係食肉獸，叫一啲肉類嘅食品就最啱心水。燒烤美國自然豬豬頸肉配自家製醃蘿蔔＄158好可愛，豬頸肉原來可以一片片，同平時食嘅豬肉睇落分別不大，只係食落去質感比較肥美。但係又唔油膩，有少少似具有鹹香的臘腸味豬頸肉，如果想更美味，配上酸美味的醃製酸蘿蔔就更加開胃。烤手工制牛肉餅伴年糕配蜜糖醬油汁＄168牛肉餅好有特色，唔好睇佢個樣有啲似西式快餐漢堡扒，味道截然不同，銜尾冇乜，反而係甜甜地，香味十足，加埋隔離嘅年糕都好有咬口，而且又係有焦糖甜甜地，性價比不算高但是特色取勝。韓式蒸年糕半酸忌廉芝士醬、新鮮士多啤梨及果醬＄62年糕都幾得意，好有彈性，有少少似糯米嗰種感覺，但係又冇咁黏，加上有酸忌廉芝士醬，酸酸鹹鹹，又有士多啤梨果醬，味道比較豐富。環境唔錯，食品質素亦高，難怪價位不低但亦能有如此多客人。