影片
更多
2020-03-19
38 浏览
坐咗好耐＂防疫監＂，兩位主子要求假釋出外晚膳，於是近近地揀咗如心廣場，貪佢新開多選擇，而兩位就揀咗呢間＂饞＂，為食鬼揀為食的地方。呢度主打台式料理，煎炒煮炸燉同藥膳都有，幾多元化。店員比餐紙我地揀好嘢食就自行到前枱落order，其後送餐到桌。我地揀咗兩個套餐，再另點小食飲品，先嚟嘢飲，仙草奶綠同埋爆米花仙草奶茶，兩杯都有爽口的仙草，奶綠係我至愛，奶味和茶味好均勻，甜度適中，而爆米花仙草奶茶是甜度較高的茶飲，好啱無甜不歡之仕，將爆米花的香甜融入奶茶中，正好仙草可以中和一下。主食叫咗一飯一粉，鹽酥雞同埋紅燒燉牛腩，鹽酥雞炸得好酥脆，香氣迫人，滿滿一大碟，咸度同辣度剛好，香酥脆口，跟貢丸米粉，貢丸爽實，香菇味十足，不是粉溝丸，米粉係新竹米粉，又爽又滑，而湯頭亦好飲，有芹菜香和木魚甜，飲完都唔覺口渴。紅燒燉牛腩都好大一盤，牛腩又多又大嚿，燉得夠軟腍又入味，不痴牙，入口即化，仲有紅丶白蘿蔔做配菜，不但軟腍，仲索晒D精華添～滷肉飯也是不錯的選擇，滷肉肥瘦均勻，滷得夠腍又入味，不用佐餸菜也能征服一大碗小食也不能錯過，香口之選：炸花枝丸同炸魷魚圈，花枝丸炸到金黃色脹卜卜，爽口好味。而炸魷魚圈選用咗番薯
我地揀咗兩個套餐，再另點小食飲品，先嚟嘢飲，仙草奶綠同埋爆米花仙草奶茶，兩杯都有爽口的仙草，奶綠係我至愛，奶味和茶味好均勻，甜度適中，而爆米花仙草奶茶是甜度較高的茶飲，好啱無甜不歡之仕，將爆米花的香甜融入奶茶中，正好仙草可以中和一下。
主食叫咗一飯一粉，鹽酥雞同埋紅燒燉牛腩，鹽酥雞炸得好酥脆，香氣迫人，滿滿一大碟，咸度同辣度剛好，香酥脆口，跟貢丸米粉，貢丸爽實，香菇味十足，不是粉溝丸，米粉係新竹米粉，又爽又滑，而湯頭亦好飲，有芹菜香和木魚甜，飲完都唔覺口渴。
紅燒燉牛腩都好大一盤，牛腩又多又大嚿，燉得夠軟腍又入味，不痴牙，入口即化，仲有紅丶白蘿蔔做配菜，不但軟腍，仲索晒D精華添～
滷肉飯也是不錯的選擇，滷肉肥瘦均勻，滷得夠腍又入味，不用佐餸菜也能征服一大碗小食也不能錯過，香口之選：炸花枝丸同炸魷魚圈，花枝丸炸到金黃色脹卜卜，爽口好味。而炸魷魚圈選用咗番薯粉嚟炸，口感Q軟，魷魚圈都冇炸到乾爭爭，食落又脆又軟糯。
呢間餐廳以半自助式運作，免收加一，價錢合理，老少咸宜，兩位主子話要Encore~
张贴
