養心殿台式養生鍋 (已結業)

人少少想打邊爐，朋友帶住小朋友，大家想坐得舒適，空間多一點。睇過近期興起的養身鍋，似乎很合適，可以一試! 湯底點了美人鍋+寧神養心鍋，選美人鍋係因為有桃膠，從來只係食糖水先食桃膠，今次試下用來做湯底會如何。白色湯底係寧神養心鍋，有川芎，當歸，天麻等藥材，聽中醫講過，對頭痛有幫助，另有鮮魚，份量絕不欺場但個人比較喜歡美人鍋，有南棗，杞子，桃膠，烏雞，由於有南棗關係，湯底愈滾愈甜，與桃膠杞子等非常配合手打丸類新鮮，有幾款特別口味，如梅菜豬肉丸，黑松露蝦丸，鵝肝墨魚丸等，但並非特別突出，與其他火鍋店差不多。有人唔食牛肉，肉類點了豬和羊，豬比羊好，都ok，但這個價格，份量太少了。相對來說，餃類很出色水餃雲吞等都是水準之上!總體優勢在於環境，服務&湯底，由於地方比較大，枱與枱之間相隔距離很滿意，即使set埋BB椅，都一點不覺迫，亦由於距離遠，所以唔會太嘈雜!服務很好，set BB椅很專業，人手算充足，要幫忙唔洗等了又等。湯底主打，不負眾望，桃膠食到尾都仲有! 鮮魚&烏雞真係食唔晒，但飲完好似比較口渴。食物質素唔錯，但份量與價錢不符，個人認為有點貴，份量卻太少，4人埋單$1400，無叫牛肉。

整個星期也是寒流襲港，天氣陰陰沉沉。即使有陽光，溫度也是偏低，令人好不好受…正因如此，今天特意來到這台式餐廳，希望吃點暖東西補一補身體。這間餐廳位於佐敦，對面是九龍公園。於地鐵站步行大約五分鐘便到達，地理位置方便。這裏十分有中國特色，用木製的屏風把枱分開。食客私隱度挺高，能夠暢所欲談而不怕騷擾到他人！一坐下侍應便拿來餐牌和一壺熱茶。熱茶是不用收茶錢的，但是質素也挺高。有茶味，而且加了幾次水也不會變淡。侍應推介我們叫了兩個台式午市套餐，分別是鹽酥雞肉燥飯和藥膳排骨。1) 鹽酥雞肉燥飯(⭐⭐⭐⭐💢)：炸雞送上來是熱辣辣，而且外皮炸得脆口。有別於台灣夜市，它的調味不是很重，吃起來不會覺得十分口渴，十分適合香港人口味。肉燥飯是用珍珠米的，吃起來十分有咬口。配合肉燥，三兩下便吃完整碗飯。2) 藥膳排骨(⭐⭐⭐⭐💢)：排骨湯是這個套餐的精髓。它的用料十足，喝起來有濃烈的藥材味粉，例如枸杞和紅棗 。排骨也十分可口，吸收了藥湯的精華而且肉質嫩口，送飯一流！3)台式燉湯(⭐⭐⭐⭐💢)：雖然是隨餐附送，但是絕不馬虎。喝起來有濃烈的藥材和雞味，而且還有烏雞肉。雞肉吸收了湯的精華，味道十足 ！4) 杞子菊花蜜

冬天咁凍梗係要去打邊爐㗎啦 不過普通一人鍋或者雞煲又太悶啊 所以我哋成班人今次就去試養生鍋😍😍😍話到明係養生鍋 湯底就同出邊有啲唔同 我哋叫咗個美人鍋拼養生鍋 美人鍋其實就係紅棗烏雞為主 而養生鍋就係花椒八角魚湯😝😝 我都係鍾意美人鍋多啲 因為個養生鍋太濃味 蓋過晒食材嘅鮮味🤷‍♀️🤷‍♀️今晚四個人食 我哋叫左成三round 超多嘢食勁飽🙉個牛肉我哋試咗兩款 分別係霜降肥牛同極上雪花肥牛 差$10 但強烈建議大家食極上雪花肥牛！！好食同牛味重好多！！蟶子皇就做緊買三送一💁四個人食啱啱好☺️☺️ 碌一碌就食得 一啲都唔老！又大隻！而水餃拼盤我就覺得普普通通啦 試唔試都OK 不過個黑松露蝦丸同墨魚丸就好正！！黑松露味好出又彈牙！😋😋😋必食呀！啲響鈴雖然＄68有啲貴 不過佢比出邊嗰啲size大啲 都幾脆嘅 可以吸下養生鍋啲湯底😛睇下你中唔中意食啦 而個蔬菜拼盤又係樣樣有啲咁 最好係個鮮冬菇 碌兩邊湯底佢都仲keep到個鮮冬菇香味！😋😋怕唔夠飽/可以食多d既就試佢個寬粉啦🤓🤓🤓原來質地有dd似薯粉 但寬版 我就第一次食 就覺得好好食 不過真係太飽。。。食幾條就食唔落啦🙉🙉

天寒地凍最有feel就係打邊爐架喇今日就同屋企人黎打個邊爐啦環境好有中國風既STYLE, 仲幾有私隱,一個個位隔住美人同麻辣鍋叫完湯底, 食物就去攞醬料喇鍋入面都有豆腐 , 麻辣鍋仲有鴨血tim鴨血唔夠食先再叫!杞子菊花圓肉露夠冰凍, 夠滋潤唔會好甜呢個水蓮菜唔係到到有得食係台灣空運過黎架!!羊肉一d都唔蘇, 麻辣一定要叫羊肉呀黑松露蝦丸, 鵝肝墨丸梅菜豬肉丸夠曬特別, 手工丸值得一試自家製水餃同雲吞好足料我爸爸再ENCORE叫多一碟TIM呀麻辣襯薯粉, 冇得輸啦牛肉份量夠多, 4個人食每人2-3件岩岩好

我地一行9人7大2小Book左晚上8點，7點35分去到，櫃枱服務話未入得,吾緊要，我地系樓下等，我地等到8點再問，佢話執緊枱，到8點15分再問，佢仍然話執緊枱，如果吾怕整到我地可以入去，服務員態度非常差，由頭到尾望都無望過我地一眼，未食已經令人吾想食😡

養心殿台有多款養生火鍋湯底可選、麻辣、養生、鴨湯等。我們選了女士最愛的美人鍋及養心鍋。寧神養心鍋＄160 以川芎、天麻、當歸、鮮魚、豬肉、鮮雞熬成、藥材味濃但味道甘甜。等火鍋配料送來時我們都搶著喝湯😅裡面還有鴨血和豆腐、滑嘟嘟好味、令我想起台北火鍋店那些美味的鴨血都是無限量供應。美人鍋$180湯底以原隻烏雞、杞子、南棗、金華火腿等煲成、滋陰補虛、桃膠更有豐富的膠原蛋白、女孩要多吃進補一下。Like facebook還可送一款非酒精飲品。這個烏梅汁配火鍋一流。醬料有莞茜、香䓤、辣椒、蒜泥等，不過其實湯底已經很夠味、不用多蘸醬汁。蔬菜藍有齊生菜、粟米、菇類、幾多種類。黑松露蝦丸$92/1份彈牙又香松露味👍🏻極品水餃$80也很足料美味。手切牛肉$238 油脂較少、但肉味重、稍微涮幾下又香又嫩。嘉美農場雞肉$108 相對沒那麼肥膩、而且肉質幾嫩滑。甜品還有乒乓球還大的雪糕波波、竟然有我喜愛的榴槤口味..大滿足！

尋日係聖誕假期既開始，中同話想食打邊爐，我就提議養心殿啦睇openrice知佐敦分店新開左，我地就試下啦！叫左養身鍋+美人鍋$188，入面好多料呀，有鴨血，烏雞，紅棗，桃膠...好足料，湯底亦好甜另外叫左牛，手打丸拼盤，蔬菜拼盤，鴨血，響聆～3個人已經夠哂啦！咁岩匯豐卡有9折，每人$240，價錢差唔多啦，下次會再食！

又打邊爐嚕! 打邊爐是我的至愛, 一有朋友約打邊爐, 我必到. 今天去打的邊爐卻是有些特別, 超好味! 湯底與眾不同的來仲非常滋補, 啱晒這秋冬進補時節。 這間位於佐敦的”養生殿”, 應該是新開的, 入到去見到卻幾乎滿座, 好彩我們之前訂了枱, 若不然, 可能要等位. 我暗自思量著, 這間人氣咁旺, 自然有他過人之處, 吸引咁多人來食, 一定唔會差! 仲未座低, 已聞到香濃的藥膳味道, 吸引我即刻拿起餐牌看看有咩湯底咁香, 原來這間是標榜食台灣式的養生火鍋, 湯底有六款, 有麻辣鍋, 有酸菜白肉鍋, 有寧神養心鍋, 有秘制薑母鴨鍋, 有美人鍋及養生鍋, 麻辣比較普通, 我們都是不點這款, 寧神養心鍋有滋補藥材在裡面, 包括有川芎, 天麻, 當歸, 白芷等等, 仲有用鷄及魚肴的湯, 好吸引, 於是我們叫了一個寧神養心鍋。仲有美人鍋, 睇下個湯底的材料, 它有桃膠, 有烏雞, 杞子, 南棗等材料, 好啱女士, 滋補養顏, 一班女士嘈住要試下這個湯底, 於是我們叫了個鴛鴦鍋, 一邊是寧郎養心鍋, 另一邊是美人鍋. 好快, 圓型的鴛鴦火鍋來到我們面前, 一打開個煲蓋, 侍應向我們介紹白色

為迎合友人們的口味，我們點了鴛鴦鍋-女孩子們最愛的美人鍋和男女皆宜的寧神養心鍋。未放火鍋料前，我們先飲喝火鍋湯底。湯底真材實料，烏雞、桃膠、杞子、豬肉的份量多得如兩三碟火鍋料般。個人比較喜歡養心鍋，菜單上顯示養心鍋是以二十斤鮮魚餚製4小時，味較濃郁鮮甜。在facebook讚好餐廳專頁，可獲贈非酒精飲品。圖為四人份的沖繩黑糖烏梅汁。霜降肉眼肥牛不算太肥，因此較有肉味，燙過後的牛肉又嫩又香。丸類半份有四粒，一份八粒。黑松露蝦丸帶有淡淡黑松露幽香，蝦丸新鮮。自家製極品水餃以薄薄的水餃皮包著大大隻的蝦肉雲耳絲，爽口彈牙，屬必點之選。新竹米粉纖細幼滑，配上美人鍋或養心鍋湯底同吃，味道非常配合。結帳時，侍應還送上獨立包裝的雪糕球，我選的是藍莓曲奇味。雪糕體積比坊間雪糕店賣的更大，味道也不錯。

天氣開始愈黎愈凍啦，又到打邊爐的好季節，同朋友食晚飯就諗起佐敦新開咗一間養心殿台式養心鍋，湯底好好飲，就打電話訂位試下。今晚黎到見到唔係太多人，坐得幾舒服。湯底有好多款揀，多數都係有中藥藥材，好補身，揀鴛鴦鍋湯底都係唔使加錢的秘制薑母鴨鍋，湯底比較濃味，有鴨肉的香味，但唔騷，藥材味唔重，有枝竹，蔥，薑等，鴨肉好淋身，煮得好入味，寧神養心鍋，有川芎，白芷等藥材，半隻嫩烏雞，嫩滑一個大隻的鯇魚頭，湯好重藥材味，呈白色，好好飲海鮮拼盤，有兩隻海蝦，新鮮，咬落爽口，兩粒大帶子，鮮甜，一隻新鮮鮑魚，肉質好滑蟶子皇，有成五寸長，肉厚，無沙，咬落爽脆，仲有海水味手打蝦滑，份量多，仲有蟹籽，非常彈牙自家制韭菜餃，餃子皮好滑，餡多，菜同肉都多汁新鮮3雜錦蔬菜拼盤，有冬菇，金針菇，小粟米，娃娃菜,小棠菜，都係經過精心挑選的新鮮菜QQ 寬粉條，晶瑩通透，好彈牙，滑溜溜的，吸晒湯汁的味最後仲有兩粒曲奇雪糕球做甜品，好滑好香，食不停口。

姐妹聚會講起近期大熱的養生鍋，錦岩天氣又轉冷，搞到心郁郁都想試下，但聽講旺角好爆場，所以見到佐敦開分店一於走黎試試中國風的裝潢甚有氣派，古色古香，而我同條佬剛好坐在有木製的屏風相隔的座位，有自己的私人空間加上座位寬敞坐得特別舒適！旁邊的自助醬料區～ 呢度總共有六款湯底，但我今晚係為左美人鍋而黎，當然擇美人鍋啦～一打開銅蓋果然非常足料！首先試試湯底，入口清甜，不稠又不膩，帶點微微的紅棗味，好好飲啊！烏雞肉質鮮嫰！重有超多桃膠，食極都有口感煙煙韌韌，含有豐富的骨膠原蛋白，愛美的女士必食！食物方面叫左極上雪花肥牛，雪花分佈平均，牛味濃郁之餘，塊塊肥牛都有點厚度，呢個厚度咬落特別有嚼口！由於我地得兩個人，鵝肝墨魚丸 & 自家製極品水餃只好叫半份。鵝肝墨魚丸軟滑彈牙，包住細細粒的鵝肝，呢個配搭好特別，好滿足啊！而水餃內餡有木耳，豬肉，鮮蝦，滿口鮮味，口感豐富～鵝肝啊！一開始不知道台灣A菜係咩，只係見到個名好特別，所以好奇之下叫黎試試⋯⋯原來係油麥菜，不需要涮太耐，吸收完湯底精華後質感依然爽脆鮮嫰

同事叫放工陪佢去行寶靈街, 然後一齊食晚飯 , 天氣今天開始轉涼，好想去食火鍋， 有人叫到當然 yes 啦 !行了幾間都是食港式, 見到這一間是標榜台式火鍋, 想轉下口味。招牌設計精簡， 只是用綠色托底，見到店鋪名字而已。內部設計完全以紅木色為主，枱櫈、屏風好古典， 每一檯用木雕屏風做間隔， 好似一個開放式包廂， 通風之餘又有私人空間，有心思！火鍋有6個選擇，名字吸引， 有酸辣鍋、寧神養生鍋等， 最後叫了美人+ 秘製薑母鴨 鴛鴦鍋， 兩個價錢以最高那個作為結算。火鍋好大， 烏雞都有半隻，多幾個人都夠食 美人鍋 - 有烏雞， 杞子、南棗 、桃膠 、金華 火腿。秘製薑母鴨- 有老薑、馬蹄、 冬筍、 當歸、 紅面番鴨。兩個鍋都材料豐富料足， 美人鍋味較清，桃膠軟綿。 薑母鴨味濃， 冬筍馬蹄大件爽脆， 非常有口感可以隨意加調味料， 牆上列明各種味料名字，細心呀！但我沒有用到， 因為味道夠鮮，用不著。只得兩個人， 叫得太少唔好意思， 加了個細手切牛肉圓盤子填滿了牛肉片， 擺設整齊， 中心加上一朵蘭花作點綴， 服務員態度殷勤，教我們牛肉不要灼太久，更作示範。牛肉薄嫩，除了本身鮮味再加上濃烈藥材湯

邊爐成日打，但上星期吃的給我印象很深刻。裝修古色古香， 十分有氣氛。個湯底真係好正，有養顏嘅桃膠、烏雞及各種珍貴藥材，十分適合秋天進補。響鈴係必叫的。呢個質地好好、浸一浸湯仍保持住脆口。豬牛各叫一碟，兩種肉都吾硬，肥瘦均勻。物以罕為貴，極速清碟。叫了少量蔬菜，但全部優質。其中炸豆腐非常特別，吸晒湯底的精華。個面好煙韌，入口味道幾特別，值得一試。墨魚滑用料上乘，爽口彈牙。食榴槤嘅必試呢款雪糕糯米糍，香濃嘅榴槤味簡直一試難忘。

這次來養心殿不是打邊爐，而是吃豐富台式午餐，水準令人非常驚喜呢😍😋環境優雅，富中式情調，靜靜地聊天的好地方。👉🏿鹽酥蚵仔肉燥飯 $78午餐附送是日原盅台式燉湯、配菜及冷/熱飲料一杯沒想到份量那麼多，男生也肯定會吃得飽，而且蚵仔散發着鹽酥香，外脆內軟，伴飯吃非常滋味的！👉🏿 九層塔三杯雞 $78午餐附送是日原盅台式燉湯、配菜及冷/熱飲料一杯三杯雞也弄得十分惹味和入味，表皮煎得金黃酥脆，隱約也能嗅到薑和蒜的香味，早已垂涎三尺！湯是人參烏雞湯，非常好喝又滋補，感覺太划算了！飲品挑了杞子菊花露，甜蜜潤喉，不錯！

入冬後突然冷風殺到，氣溫急降至十多度，心思思又到食火鍋時候。之前朋友食過，話可以選鴛鴦鍋底，價錢會以二個鍋底中較高的一個作計算，一個價錢可以試盡兩種味道，即點兩個最貴的鍋底：美人鍋及養生鍋。美人鍋有烏雞桃膠紅姐圓肉等配制。桃膠自年來成為美容界大熱食品，豐富的膠質可補充皮膚所失去的骨膠原。圓肉清甜，紅棗特別中間切開去核，去核的紅棗是真正的補而不燥。養生鍋湯底呈白色，內有不少人蔘，鍋底味道亦有濃烈的人蔘的甘味。我自己兩款湯底都喜歡，但應該美人鍋的味道較大眾化，此終養生鍋的味道會比較藥材味濃。點了一碟手切肥牛及一碟黑毛豬梅花肉，肥牛色澤紅潤、雪花分明，輕輕焯一下，嫩滑得入口即溶。黑毛豬梅花肉是卷住的上碟，肉質較挺身，肥瘦適中，脂肪呈大理石紋，入口嫩滑。蟹籽墨魚滑，爽口彈牙，因為逐小遂小的放入鍋底再慢慢烚，墨魚滑也吸收了不少湯底的味道。為了不浪費湯底，特別點了響鈴及台灣炸豆廚，響鈴只需烚一秒、台灣炸豆廚則需烚數分鐘的時間，兩樣食物都是吸湯的能手。食完火鍋仲有送甜品，經理推介榴槤味雪糕，原來是一個個獨立包裝的雪糕球，雪糕球有網球般大小，一打開已傳出濃郁榴槤味，入口後更覺濃烈。