養心殿台式養生鍋 (已結業)

其實幾個月之前食完1次已經想食第2次 佐敦仲要開埋分店超方便 就係位於吳松街榮國中心無論柯士甸站定佐敦站都好近8點到 平日唔駛等位~一坐低 就睇野食 個人好鍾意呢隻擺設由其個茶壺~~~揀左個鴛鴦湯底 酸菜白肉 寧神養身鍋真係超多款 ~~好多都台灣新鮮空運~有醬料提供 不過個人認為 湯底已經夠味~到喇~個湯底成個魚頭仲有烏雞 真係超足料 呢個鴨肉 薄薄一片 好精美份量多 肉質唔錯~叫左個雜菌拼盤 3款菇都好新鮮 好大隻湯底配埋既酸菜同肉 仲有個彈牙爽口既新竹米粉 吸盡湯底精華~~~要食呀!!仲有個青江菜...1棵過 好似岩岩摘落黎咁~2個人埋單600蚊朋友話湯底真係好正有機會1班人黎試海鮮~~

又去養心殿啦，其實食黎食去都係個啲野食，去下唔同分店試啦🤡美人鍋一樣好味，烏雞又嫩又滑💕薑母鴨就好似冇旺角既咁多鴨同埋韌啲，但豆皮同筍仲係好味🤤響鈴保持到質素，油香又炸到酥脆，浸邊個湯都咁好食😗竹笙一樣咁正可以入哂味，放入美人鍋到清清地既感覺真係好正💕第一次食韭菜餃，皮小厚但係饀好香，一樣兩個鍋都好食💁🏻必食寬粉，放入薑母鴨湯真係好好食🤤今次兩個人食，發現其實食完個鍋底已經好飽，下次都係叫多個人食先🤔🤔

姐妹們揀左呢一間台式養生火鍋打邊爐，養生火鍋係第一次，來到嘅時候門口都有唔少人，好彩有訂位，好快入到去.有6種養生鍋底，可以同一時間叫兩種，只收貴的一款價錢，姐妹們當然揀左美人鍋，另一款揀左 秘制薑母鴨鍋. 首先美人鍋材料包括有：桃膠、原隻烏雞、杞子、南棗、金華火腿等等，藥材味濃，湯味入口清甜（必試). 湯底送到後,我地第一時間每人飲左一碗湯進補, 好正呀!秘制薑母鴨鍋：老薑、馬蹄、冬荀、當歸、紅面番鴨，同樣有著藥材味，令人覺得精神.食品方面，一定唔少得 手切牛肉 同 厚脂黑毛豬梅花肉；另外仲點咗 雜錦蔬菜籃、鮮蝦滑、半份水餃、鹽 酥雞、酒香白肉同埋 水蓮手切牛肉肉質軟滑，牛味濃，好食到停唔到口厚脂黑毛豬梅花肉，回一片都晶瑩剔透，充滿着豬嘅甜味！鹽 酥雞不錯 酒香白肉 好特別, 煮後仍帶酒味, 而且好嫩滑!有一款唔常見既蔬菜叫 "水蓮" 幼幼長長長, 職員說煮10秒就ok!口感特別味道亦不錯!!吃完這個火鍋, 身體的確很溫暖.餐廳食物水準不錯，選擇又多！我下次會再為呢個湯而來！

見天氣凍凍地，甘岩我同同事都準時收工，就決定去公司附近既養心殿食養生鍋，拾下拾下！可能因為今日係平日，walkin 等都唔算等得太耐。唔洗半粒鐘就入得去。等位既時候，緊係睇下個menu諗定食咩鍋先啦！本身我想試下麻辣鍋，但同事唔食得辣，最後我地決定左揀美人鍋同養生鍋！打邊爐最重要個湯底，兩個湯底都材料十足同新鮮。美人鍋有我鐘意既烏雞同桃膠，而養生鍋有超足料既人參，人參味道相當強烈，重要愈滾愈濃味！我同同事不停飲湯底，每人至少飲左三、四碗先開始落材料打邊爐。先黎有半份水餃、半份雲吞，唔係講笑，皮薄餡靚仲有街外餐廳好少有既黑柏葉。當然唔少得響鈴啦。大大份好抵食！我地仲叫左雜錦蔬菜盤同出面好少有既寛粉條。我同我同事都超鐘意食呢個寛粉條，佢覺得又滑又爽，d粉索晒湯底既精華，好正！整體上都算唔錯，價錢接受。最欣賞係個湯底，飲左好多碗。下次會再黎試其他湯底。

今天被安排到小包間，位置比較寧靜。寧神養心拼秘制薑母鴨鍋HKD168佐敦分店湯底濃而不咸，上鍋煮到沸騰時，必盛上幾碗湯來喝。店家連再添的湯也是用相同鍋底鮮製而成。手切牛肉(小) HKD238顏色鮮艷，白紅雙色均衡相間，肉味濃郁，肉質嫩滑，油潤感豐富。涮鍋小羔羊肉片HKD108羊肉味濃帶點微微膻味、肉質爽口彈牙較細嫩，脂肪含量相對較少。自家制韮菜餃(半份) HKD42韮菜餃皮薄餡鮮，餃內肉汁鮮甜，不過半份只有四隻，價錢不便宜。鮮蝦滑HKD88蝦滑爽口彈牙，蝦滑夾有粒粒分明的蝦仁，倍感美味。寬粉條 HKD38晶瑩剔透的寬粉條，一下湯已馬上吸附湯底，鴨湯鴨油滲透於粉中，粉質彈牙Q軟。雜錦蔬菜盤 HKD68生菜、娃娃菜、玉米、冬菇、秋葵，新鮮鮮甜蔬菜、爽口清脆。最後還有甜品，冰凍而香滑，入口清甜。

朋友系一位養心之人 我提議打邊爐 佢就介紹去呢間養心殿六點上到嚟唔算多人有幾台客掛住紅色燈籠 設計好台灣風味座位好闊 每張枱都好大即刻揀湯底 勁好呀 mix湯底唔使另外加錢計貴嘅價錢就OK我哋揀咗寧晨養心鍋同埋養生鍋好快就黎到好多藥材啊 睇嚟真材實料湯底好濃嘅藥膳味 冬天食好暖身打邊爐最緊要有醬料 呢度有醬料自助區 自己配搭自己口味由於兩個人驚食唔晒叫咗呢個餃子拼盤六款唔同口味 可以樣樣都試吓 yummy!台灣直送嘅A菜 好新鮮 恰10幾秒就熟 叫左黑栢葉 味道一般 唔知係咪錄得太耐 有啲un....臨走仲有雪糕送 朋友選既榴槤味超重口味我係隔離都聞到值得一題係喺Facebook like 個page就會有一jar野飲送 好抵

之前看過這間火鍋的介紹，覺得湯底很補身，適逢這幾天天氣很冷，最適宜補一補，於是約友人飯聚，順道補身 ^_^幸好，一早預約，否則要等位了。一入內，感覺這裡很古色古香，地方很大，用木屏風分隔，感覺有D私隱。而且還很貼心地每枱都有個架，盛載食物！但我們坐得較入，很難叫到店員來的。如果桌上有按鈕叫店員來就好了，不用我們每次走出外才找到店員幫忙！餐牌只有兩頁......首先選湯底，湯底有六款：有麻辣鍋、酸菜白肉鍋、寧神養心鍋、秘制薑母鴨鍋、美人鍋及養生鍋。如太難選擇一款湯底，可以選擇鴛鴦鍋的 但友人亳不猶豫地選了「寧神養心鍋」，佢話睇下這個鍋是否可以去頭風，就知是否真材實料喇！寧神養心鍋，湯料有川芎、白芷、天麻、當歸、鮮雞、豬肉、鮮魚，材料很豐富，很重藥材味。未開始打邊爐，我們先飲湯。友人飲了兩碗湯立即吐氣，佢話這代表可去頭風 最初驚飲很多湯，冇得加湯，就難打邊爐喇！意想不到會加番同一款湯的，湯底都值回票價啦！更沒想到湯內的材料很多很多，食湯內的雞和魚都飽了，所以我們點的食物不多。我們再點了「招牌鹵味拼盤」、「細手切牛肉」、「蟹籽墨魚滑」及「野生竹笙」。招牌鹵味拼盤，值得推介！每款肉都很軟淋，很

朋友生日想打邊爐，見到呢間好似幾多好評就諗住試下！🤔聽見個名就知道呢度以養生湯底為主。我地叫左個美人鍋併寧神養生鍋。湯底黎到已經急不及待想試下係咪真係咁正。侍應話佢地個爐唔同港式火鍋爐，太大火會黐底。😩我地唯有耐心等待。😴終於水滾.....唔飲由自何，一飲就知龍與鳳。湯底味精重，唔夠藥材味。我地一餐飯飲左三大壺茶！😣除此之外，食物價錢貴但份量少。唯一之處裝修一流，好靚。但係以呢個價錢，食呢d野黎講。唔洗encore.

話說呢排天氣急降，體感溫度跌至幾度，真係好掛住上年係台灣食既藥膳火鍋。點知朋友知道後就帶左我黎佐敦食台式火鍋。裝修走中國古代風。呢到座位比較空曠，坐得舒服，最怕果啲迫到聽到隔離位講野既餐廳，好難放鬆傾計。醬料區除左常見既蔥、辣椒同香茜外，仲有蒜泥同白醋。辣椒配豉油係火鍋最佳拍檔。養生+麻辣 鴛鴦鍋我地叫左個鴛鴦鍋，白湯 係養生藥膳鍋，個湯超濃，濃到見唔到鍋底。入面有原條人蔘，仲有啲紅棗、杞子同好多我唔識既藥材，十分足料，好滋補，味道好濃厚既人蔘味。而麻辣湯底同四川麻辣好唔同，呢到既麻辣係好惹味但唔嗆喉，湯底有啲紅棗、香茅、八角、杞子，仲有唔同品種既辣椒，難怪果種辣甘有層次。麻辣鴨血 (可免費追加一次）鴨血係隨湯附送既，食佢既時候完全令我想起台灣既味道！鴨血質地超軟嫩，好Q，唔易散。配麻辣湯底一流。店家仲可以免費追加一之，好推介。圖中手上夾住既千層豆腐，亦係湯底本身強送既，口感綿密細緻，咬落去湯汁不斷滲出，索汁程度達200%！(左下）極上雪花肥牛 $188(右下）炸午餐肉 $58(左上）雜錦蔬菜盤 $78肥牛無筋，烚過後好軟熟，尾調有牛香係口腔。炸午餐肉用既係火腿午餐肉，有絲絲肉塊，更有

一個朋友話要打邊爐一個話唔食熱氣野所以最後就黎左呢間非常健康既火鍋店我一睇就睇中呢個集美人鍋湯底!($188)第一次見咁足料既湯底~成半隻雞係到最重要係~我第一次打邊爐個湯底係真係會當湯飲!好濃郁好好味!同屋企煲勁湯底完全有得揮!未開始落料已經左好多xd放心~佢加湯底係加番湯唔係滾水的!小羔羊肉片 ($108)一D都唔’酥’每塊都幾大~~好新鮮配埋個湯底感覺好補~完全唔洗點醬料!唔知下次可唔可以慳番$20位既醬料費呢xd即炸脆響鈴($68)送上黎既時候仲熱嫁~即炸既係唔同D~真係3秒已經夠哂~索哂個湯底之餘仲會有微脆既感覺~!我地連飲品都要健康到底自家製杞子菊花圓肉露 ($68)非常清甜~好足料~一D都唔酸~好天然~好解渴!其他地方比較少見~大家可一試!

呢排天氣甘凍，當然要約埋班fd一齊滾兩滾la。養心殿一早已經聽過大名，身邊嘅朋友都讚呢間台式火鍋店，終於有機會品嘗品嘗。餐廳有好幾間分店，真係總有一間喺左近。餐廳裝修幾有古式古香，好似去咗客棧。原來like facebook同打卡有嘢飲送，當然唔介意甘做喇!!4個人揀咗一jar菊花杞子飲，清熱補眼，唔太甜，都唔錯呀!叫咗鴛鴦鍋，麻辣鍋係膽，另一個fd話試下養生美人鍋。麻辣鍋仲可以免費追加鴨血，好抵食!! 麻辣鍋叫左小辣，麻辣味唔會太勁，之後越滾越辣。美人鍋用烏雞同唔少藥材架，夠哂滋陰，湯底都幾清甜。而且仲有桃膠，飲多兩啖變靚啲!!厚切黑毛豬片油脂分佈均勻，食落口一啲都唔韌，而且唔油膩，好味! 仲有雪花牛肉都唔錯，牛肉味夠，唔會韌!!餃子拼盤有12隻，粒粒餃子都幾大粒，份量十足。試左麻辣牛肉餃，麻辣味唔會太勁，好味道，又有新鮮感!鮮蝦滑真材實料，爽口彈牙，加埋蟹子卜卜聲。食咗咁多肉，當然要食下蔬菜，鮮甜三蔬有粟米，山藥同秋葵。粟米鮮甜，山藥爽脆，唔錯唔錯。寬粉條我鍾意，索哂啲麻辣湯， 煙煙韌韌，越辣越想食!!餐廳仲提供咗蒜水同油醋，同港式火鍋唔同，好有台灣風味!!!食完好溫暖，落街都冇覺

身邊有好多朋友同同事都同我講養心殿既火鍋好得，湯底好好味，終於忍唔住要搵日放工去試試！放工時間7點半，去到餐廳已經差不多坐無虛席，相信口碑真係唔錯，好多人walkin都失敗，所以有興趣既朋友一定要訂位！《養生鍋+美人鍋》第一次黎當然係想試多啲野啦，所以揀左鴛鴦鍋～最驚喜嘅係鴛鴦鍋都唔需要額外收費，非常抵讚！美人鍋有半隻烏雞，湯中仲有好似啫喱既桃膠！桃膠有豐富膠原蛋白，養顏一流！另外養生鍋比較重藥材味，仲有好多人參，豆腐同鴨血，真係食湯底都飽左一半，飲湯已經好滿足！《手工丸類拼盤 $108》拼盤有六款唔同嘅丸，粒粒都幾彈牙爽口。《酒香白肉 $58》雖然個樣唔係太討好，但呢一客白肉好抵食，份量唔少而且價錢好平。《羊肉片 $108》每片羊肉都變成捲捲，賣相精美。羊肉唔太有膻味，好啱怕膻味既朋友仔。《即炸響鈴 $68》打邊爐點可以無響鈴！見到餐牌寫即炸，當然非常心動！響鈴同預期一樣香脆，浸一浸湯底更好味。好欣賞！雖然只係點左一支啤酒， 但都會用酒桶放着，令啤酒保持冰冷嘅溫度！

湯底呢間台式火鍋同其他火鍋店冇得比較，因為養生電最大特色係佢嘅湯底。相平喎不用加錢，來個寧神養心鍋併薑母鴨鍋。寧神養心鍋$168個煲一黎到就香味撲鼻，係藥材既味道，感覺好滋補。湯底濃郁，入面有半隻烏雞，一大個魚頭，大量藥材。尢其原粒桂圓甜美，加上胡椒辛辣。我地飲左好耐湯先開始打邊爐。薑母鴨$168個湯底一飲落去好清甜，加入大量馬蹄黎煲，食落好似馬蹄露咁甜。冇乜藥材甘苦，薑味比較淡。有幾件鴨件，瘦肉部份有點硬。呢度有一樣好處就係添加湯底時，店員會用不同嘅湯底直接添加宜唔係加水。越煲味越濃。打邊爐指定動作必然係點肉。梅花豬$108豬肉剛剛熟入口最好。肉質嫩滑，食唔到肉味，但湯底夠濃，幾對味。呢度嘅手工丸類幾特別，我選擇了梅菜豬肉丸，有豬油香。鵝肝墨魚丸，鵝肝包係墨魚滑入面，幾有趣。最正係凍豆腐。加入湯入面，吸滿湯汁，一流！蟶子$48/隻一隻估唔到咁巨型，啖啖肉，非常之新鮮，一啲腥味都冇。好正！灼10秒夠熟就可以了。

曾經係台中食過一次好好食嘅麻辣火鍋，一直念念不忘，今次終於係香港搵到一間水準唔錯嘅麻辣火鍋，值得推一下!坐位闊落，桌面夠大可以放滿碟都唔覺逼。雙拼鍋底計較高價錢個價，今次叫嘅係美人鍋拼小辣麻辣鍋。鴨血可免費追加一份，麻辣鍋惹味，小辣較為溫和，但保持香料香味，非常啱口味。美人鍋有一整隻烏雞煲桃膠，杞子，南棗，老火湯味道，好補!麻辣湯入面個鴨血非常好食! 好嫩滑爽口，無渣唔腥，追加多份都無問題! 貧血人士佳品! 霜降肉眼肥牛，嫩滑有牛味。黑毛豬梅花肉就相當有驚喜，肉質柔軟鬆化，油脂味香，正!丸拼盤，最正係蝦丸，鮮味彈牙，黑松露墨魚丸都唔錯，喜愛黑松露香味!炸芋頭，冬天必食! 合時芋頭好粉! 炸到金黃熱辣辣，吸滿湯汁，想保持香脆就唔好淥咁耐，想入味d 軟身d 就淥耐d ! 可以自己控制口味，夠哂隨和~即炸響鈴好鬆脆，好大舊! 四五個人分都夠!like fb page 送每人一杯飲品，我地四個，店員就比左一渣我地，呢個杞子菊花桂圓露夠哂香甜滋潤。計埋醬油費每位廿蚊，價錢每人約三百蚊，值得一再幫襯。

剛從廈門回港，老婆就對廈門既「薑母鴨」一試難忘，話好想再食上網搜尋，真係只係搵到全香港唯一上網搵到既「薑母鴨」煲，二說不說就訂座聽聞佐敦分店新開張，緊係去新店試下，好在訂左位，一去到門口長龍不過訂左位唔洗排雖則煮法同廈門食既有所不同，但老婆仍然豎起拇指，仲有個美人鍋………真係男人都話佢好飲癈話少講，去相1. $188薑母鴨拼美人鍋2. $238細手切肥牛，師傅刀工一般，有啲正常厚度但有啲又好薄3. $68即炸響鈴，水準！4. $68蔬菜拼盤，非常新鮮九點半後入座仲有七折，抵！！！仲有其中一樣特別抵讚既係，有個好短頭髮既眼鏡叔叔服務員，態度好好非常親切，好既食店配好既員工，印象特別深刻男廁希望可以修整下，廁格根本行入左去就關唔到門美中不足既最後係，比500埋單482，找12蚊返來，我相信係找錯錢，所以無影響心情