養心殿台式養生鍋 (已結業)

冬天最愛就是打邊爐.吃過養生湯底就念念不忘,早前去過旺角分店, 發現佐敦都新開了一間.一於今次試下養生鍋!這裡的裝修不同旺角分店, 但很有古宮的感覺, 環境都很寬落其實這裡有6款湯底選擇, 款款都很出色最愛就是美人鍋及養生鍋今次這個養生鍋有一大枝人參, 好重人參藥材味.還有老雞, 火腿及豬肉, 豬紅, 豆卜每人都是飲了很多碗湯蟶子及活九孔, 很新鮮肥美黑松露蝦丸, 每次來都必定吃的!芋絲唐生菜寬粉條, 好特別的口感, 湯底都滲入了粉條杞子菊花圓肉露, 很清甜又清熱吃了數次質素仍然很高! 當然會再來啊!

今日同男朋友打邊爐，首選我地至愛既養心殿。佐敦原來有分店，今晚就去試試啦。美人鍋拼寧神養心鍋。湯底名好霸氣。飲完會唔會健康左湯底好足料，唔會油膩反而清甜。男朋友最愛既午餐肉。佢次次打邊爐都會叫，因為煎香左夠惹味。蟹籽墨魚滑。我好鐘意食墨魚滑，因為好中間有墨魚好有咬口，加上蟹籽夠哂有口感。手打丸夠彈牙。我最鐘意都係墨魚丸和蝦丸，入口鮮味。雲吞水餃魚皮餃。餃類打邊爐吸哂湯汁我最岩！肉餡多水餃皮薄肥牛必點！油脂香入口好嫩滑，牛味濃郁突出。准山麵好特別竟然吸哂湯汁非常滋味。最後有甜品Gelato呀

吃過位於旺角的養心殿，大家十分喜愛，但略嫌旺角店人氣太強，人太多。知道佐敦店開慕後，便立即相約朋友前來。的確沒有旺角店的墟憾情景，但亦差不多坐無虛席。麻辣拼美人鍋 $188美人鍋是必選的湯底，雙拼鍋都有半隻烏雞，還有桃膠，龍眼，杞子等湯料，十分滋補。點這湯底主要是要喝的，建議先喝碗潤甜的湯，吃過入味肉嫩的烏雞肉，才開始打邊爐。另一邊的麻辣湯底，滾起來已散發出陣陣麻辣香，可先吃湯底中的鴨血及豆腐，鴨血軟彈嫩滑，而且還另外加送一份！櫻桃鮮滑鴨片長$88鴨肉一般比較少用來做火鍋配料，是朋友第一道要點的，他說一定要吃！果然，這份鴨片跟麻辣簡直是絕配，麻辣帶出鴨肉香，肉味更香更濃郁。黑松露蝦丸 $48 半份芝士牛肉丸 $48 半份養心殿的手打丸是必吃的，粒粒都軟實彈牙。黑松露醬溝入蝦滑，濃郁的黑松露味沒有蓋住蝦的鮮甜，而是互相帶起味道，令味道提升。而牛肉配芝士，芝味之餘不失肉味，增加味道層次感。翠絲水蓮 $88這種水蓮是台灣運過來的，外觀有點像圓條形的韮菜，不過沒有韮菜濃烈的味道。可將水蓮剪短方便進食，夾起幾條來吃，口感幾爽嫩。酒香白肉 $58上枱時已聞到酒香，肉質爽滑軟彈，酒香把肉香也散發出來

冬天黎到即係代表又係打邊爐既季節去到佐敦既打邊爐食街吳松街, 火鍋選擇十分之多！朋友就揀左最近好HIT既台式養生鍋原來岩岩先新開 但差唔多坐滿咁濟喎！入面裝飾完全符合佢既名稱好有古典既感覺未食已經覺得自己好似變左古人門口就有自助既調味吧選擇有基本既豉油同蒜辣椒等自己想點溝就點溝 想香D加芫茜亦得朋友同我各自都想試養生鍋同美人鍋如果食得辣有更平既選擇麻辣鍋或者酸菜鍋揀雙拼就可以試唒2隻想食既個爐都幾快滾 食物好多都好快熟個鍋無論邊隻味都係充滿食材我最欣賞佢個養生鍋一飲盡是人蔘同其他藥材既味道!而個美人鍋又有大大隻烏雞百幾蚊好抵食 淨係食湯渣同飲湯都回到本餃子入面揀左自家製鮮蝦雲吞鮮蝦雲吞係最能夠睇到有無用真材實料既餃子餃子皮煙韌又夠柔軟蝦近乎原隻係入面配左少少豬肉夠哂爽口同鮮甜呢到D份量都好Flexible因為丸類同餃子果D都可以叫半份或者一份想試多D口味又可以揀拼盤同埋餃同丸都係自家製同手打個丸拼盤我試左鵝肝墨魚丸呢個配搭幾有趣 本身佢D丸全部都好爽對得住自家手打呢個名鵝肝內饀唔會太少份量 有微微流心效果而且款丸都有各自既肉味 唔似出面果D丸全部千遍一律右仲有蟹籽墨魚滑 睇落一個波咁份

天氣開始轉冷，最好就係去食火鍋，今日就去左依間新開張佐敦分店而家仲做緊優惠，20:30前或21:30後入座就有七折優惠室內環境所有裝修間隔都係用木器為主，古典裝修，有如入了四合院的感覺，雖然雕花屏是通隆，但都感覺好似私人空間有6種養生鍋底，可以同一時間叫兩種，只收貴的一款價錢，我地就簡左美人鍋/寧神養生鍋，首先美人鍋材料包括有：桃膠、原隻烏雞、杞子、南棗、金華火腿等等，藥材味濃，湯味入口清甜（必試），寧神養生鍋：川芎、白芷、天麻、當歸、鮮雞、豬肉、鮮魚湯底，同樣有著重重的藥材味，真係聞起都覺得精神白玉蘿蔔，爽口清甜另外點了 鵝肝墨魚丸（半份）芝士牛肉丸（半份）墨魚丸爽口彈牙，咬開中間有細細粒鵝肝自家製韮菜餃，個皮厚左少少，韮菜新鮮鮮炸響鈴，都是新鮮的，外軟內脆清湯牛腩件，半肥半瘦，有咬口霜降肉眼肥牛，入口夠（淋）最後有甜品：Gelato雪糕

近期涼風陣陣，又到咗打邊爐嘅季節，但係每次食完麻辣火鍋都成身臭味，所以今晚就決定去試吓精品養身火鍋。呢間喺吳松街嘅養心殿坐位同通道都夠闊，坐得好舒適，裝修都有特式，感覺唔錯坐低第一時間梗係叫湯底啦，每個湯底都好特別，我哋就選擇咗寧神養心鍋1食品方面，一定唔少得 手切牛肉 同 小羔羊肉片；另外仲點咗 鵝肝墨魚丸、麻辣牛肉餃、野生竹笙、滑豆腐 同埋 新竹米粉。雖然仲有好多野想試，但係得兩個人，試唔到太多野。萬眾期待嘅湯鍋出現啦！一開蓋…嘩！好足料呀！入面有半隻竹絲雞、大魚頭一個、仲有好多藥材、桂圓肉等等嘅配料。既然佢主打養身湯底，當然要飲碗湯先淥野食啦；湯頭好甜，有藥材嘅甘味但係又唔會太重，最終我飲咗兩碗先開始食野。可能因為太肚餓，我第一樣食嘅就係竹絲雞同埋大魚頭，雞肉好嫩滑，魚頭有好大舊魚雲，食落好滑，點少少豉油已經好好食；而且佢個火鍋豉油俾坊間嘅香濃，提鮮一流。手切牛肉肉質軟滑，牛味濃，好食到停唔到口。小羔羊肉片帶少少羊肉獨特嘅羶香，肉質鮮嫩鵝肝墨魚丸雖然鵝肝味道唔太出，但係都幾彈牙麻辣牛肉餃好特別，餃子皮唔會過厚，餡料彈牙，有花椒嘅麻香味，但係唔辣，唔會影響湯底嘅味道竹笙同滑豆腐都好

古色古香養心鍋朋友介紹下一直想試試台式養心殿。主打養生美顏的湯底火鍋，最近得知佐敦新開了分店，一於去試試，去養心養生補一番。美人鍋一如其名美顏之選，原隻烏雞燉既湯底，滋陰養顏，湯底非常清甜，當中還有桃膠，聽說桃膠含有豐富的膠原蛋白，在落配料前先飲了兩碗湯補補哈哈。養生鍋養生自然聯想起人參，湯底中人參的數量毫不吝嗇，並加入了很多藥用的材料，還有龍眼肉，喝下湯底後非常暖胃暖身。霜降肉眼肥牛脂肪比例非常平均的肉眼肥牛，大大片的，厚度不會過薄像一般肥牛，也不會過厚令肉變得韌，肉味非常夠，不用醬料下，清甜的藥膳湯底令肉味更出更濃，很有衝動想試試另一款手切肥牛呢。鮮炸響鈴即叫即炸的響鈴，上菜時還冒起煙的，不會太厚身，薄薄的，脆身但不會一夾就散，吸收了美人鍋、養生鍋湯底的精華，正！梅菜豬肉丸第一次聽到這樣的配搭，很新奇很特別，想不到吃下去時帶來驚喜，因為梅菜的味道很出，肉丸非常彈牙，感覺像吃梅菜肉餅呢，但是以火鍋的形式。自家製極品水餃四個字皮薄餡靚，鮮蝦新鮮爽口彈牙，豬肉札實，當中混合了木耳增加口感。特色雪糕波最後送上須在-18度雪藏的甜品，非常特別，感覺在將雪糕、雪葩和糯米糍的混合品，味道有益力多

好開心一直大力支持下既養心鍋開多左分店，同朋友打邊邊係其他區都可以去食喇😍茶芥20x2養生鍋188湯底主材料有豬肉老雞火腿加人參紅棗杞子淆成，感覺相當滋補，而且仲係如濃郁清香，缺乏湯水既我，呢個完全加曬分，香噴噴既人參香，飄岀鍋呼喚我。另外入面有凍豆腐同桂圓跟鴨血tim農場野菌58呢個係有小驚喜，擺盤靚，種類多，賣相食味都新鮮。鮮豆皮38正常口味，量不少，且挺嫩呢！麻辣牛肉餃42辣味普通，肉味幾濃，有少少新意啦，入面似牛丸質地！鵝肝墨魚丸48一口一粒手打墨丸，混入少少鵝肝好香🤪還蠻彈牙!鹵水鴨 例68有d驚喜wo😋他點的，他說鹵汁香，而且幾入味，我認為好大碟既熱薰，相當抵食，啖啖肉，唔會好多骨，帶有蔥拌𦍑絲麻油香。沖繩黑糖烏梅汁68上次黎已經好想試下，打邊爐叫凍飲令成件事爽曬呀，開胃既酸，冰凍又解渴，大推介，未開始打邊爐已淨飲兩杯啦。食後感：新開業不久，由於地方佔地好大，所以真係好開心呀，無預約walk in唔洗等😍P.S.小貼士：餐廳冷氣比較大，請務必帶多件被肩去食啦！

養生呢個term真係好吸引, 台式邊爐係大家去台灣旅行既熱點, 最近呢間台式火鍋好受歡迎, 令唔打邊爐既我都竟然心動了!!! 上次想BOOK旺角既可惜已經full左, 今次見佐敦岩岩新開左, 我就即刻要去試咯!!!!入去真係好似宮殿咁@@ 以黑漆木材作餐桌佈置, 古色古香, 充滿風味, 燈光較暗幾有氣氛, 有點似去左古裝劇場地XD火鍋湯底選擇好多, 而我就梗係揀最吸引既美人鍋同埋養生鍋, 最開心係只要一個價錢就可以試哂兩種鍋, 價錢就收取相對貴果個。美人鍋乳白色既湯底, 湯材料全部都係我既最愛, 桃膠、烏雞、南棗等等熬製而成, 桃膠係近年養顏食材既大熱, 我自己都有買黎煲, 價錢真係幾貴, 估唔到入面有好多桃膠呢, 仲有龍眼乾等, 滋潤度十足, 烏雞原隻實在令人好興奮!!!! 成隻比我一個人清哂!!!!至於養生鍋亦係足料之選, 有當歸 人蔘 金華金腿等食材, 每一啖都飲到濃郁藥膳既味道, 超滋補的說!!我一個人都飲左近6碗, 真心覺得個湯底已經足以令我回頭了!!!!!叫左唔少食材, 無論肉類定丸定餃等都係幾有特式, 肉類我就揀左雞, 佢寫嘉美雞但價錢唔貴喎, 都有成十幾件, 見隔離枱啲

近來天氣開始轉涼，又是時候打邊爐啦。其他朋友唔得閒，得返我地兩個女仔，唔緊要，照食！XD  由於想順便行下廟街，最後揀左呢間台式養生鍋。7點黎到已經有客食緊，我地一坐底已經忍唔住揀野食，因為隔離枱個鍋實在太香～爭辯一輪後最後揀左個酸菜白肉鍋。個鍋好多料，豬肉片食極都有，QQ粉條好彈牙，湯底酸酸地極之開胃。店家仲免費追加左碟豬肉片＋酸菜。有六款手工丸，岩哂貪心ge我地。最中意墨魚丸同蝦丸，夠哂新鮮彈牙。呢個都好抵食，有五種餃，最愛水餃，有大大隻蝦係裹面。一碟有十幾片，肥肉均勻，入口爽脆juicy。有秋葵，粟米同山藥。第一次打邊爐食山藥，幾得意。店家送ge雪糕，飯後甜品。成餐飯service好好，店員有禮貌，主動加茶，又講解邊隻餃係邊隻味，值得一讚。