飲茶 (朗豪坊) (已結業)

今晚約左兩位朋友係旺角食飯🍽晚飯時段度度都多人 發現朗豪坊原來都開左間飲茶🍵係food court果度等左5分鐘就入得啦！一揀就揀左一籠八戒🐽當然係貪佢外形夠得意啦🐷叫果陣都唔知入面係咩餡🤣原來係叉燒包黎😶雖然無咩特別，但勝在夠創意！呃like之選另外仲點左燒賣、7彩茄子、沙薑蔥雞、近墨者黑、干媽蘿蔔、雞絲粉皮干媽蘿蔔似xo醬蘿蔔糕，但炒得有啲硬近墨者黑一黎到就係一碟外型唔太吸引既黑色飯 但又幾好食幾香wor其他幾味都不過不失但環境就一般，開放式餐廳,出面就係food court太嘈好難傾計

lunch成日食food court, 今日就試下food court 格離果間去飲茶！先叫左個必影既流沙奶黃包～個樣幾可愛，不過幾可愛都係要落肚，仲叫左皺皮雲吞（其實姐係炸雲吞，10蚊一粒，超貴），鳳梨星米（份量超少，我諗一個細碗size左右）。叫左上以三樣野，好似無食過野咁，所以再叫多個布拉蝦腸。埋單$341。其實除了奶黃包外，其他既味道都一般般，份量少而且貴，賣相特別，但唔會特別到想再食，太貴唔值。

見到係打卡首選，以為只係外表好靚，原來都有內涵。雖然價錢偏貴了少少，但係味道也好好。特別推介睇住流奶，外皮夠鬆軟，奶黃放左枱面一段時間仍然流心。椒鹽豆腐外脆內軟，一籠八戒餡料好味，可能配合健康口味冇肥肉。服務態度也相當好，紅棗茶都好好飲！

飲茶這地道文化，在香港基本上每個人都知曉，但如何將傳統的文化引至今日不斷進步的社會？力求創新就是最重要的一環，小弟今晚就在Yum Cha (飲茶)這店可以體會到。 位於旺角朗豪坊的這家<<飲茶>>，基本上你不能預計它是一般屋邨酒樓的價錢，所以你要求的一定不是價錢，而是風格及食物的質素。當你一坐低的同時，你就會率先感覺到這店的「形」，就是特別的形狀設計﹗你會否想像到食用的碗內會有立體鯉魚的花紋？配合藍色主調的碗，就像鯉魚在水中游走一樣，為你整頓的晚餐帶來生氣﹗同時，餐牌的封面已經不是傳統的菜單只有店鋪的名字及地點，而是利用"英文"去帶去飲茶的目標，就是見面﹑傾計﹑飲茶﹗對外國人看這菜牌來說絕對會吸引到他們。格，就是每位員工工作的風格。由引領入座﹑下單﹑加水﹑特別要求﹑結帳等，每位員工都有快速的應變及服務；最重要的，就是他們就算因為工作的緣故而談話，他們的目光仍然會在每枱的客人而及時提供適當的協助，這效率不是在每間的餐廳都可以遇到。式，就當然是製作食物上的特色吧﹗讓我簡單為大家介紹我今晚所點的點心吧：1) 小食拼盤 (皮蛋豆腐 + 雞絲拉皮 + 流口水雞)皮

之前已經去過中環同尖沙咀分店 有朋想試 就黎左旺角分店 其實飲茶黎講 呢種新潮既模式 適合2個人都可以叫到野食 我地由於太肚餓 叫左好多野食 係太多野食 去相 本人最愛都係個流沙包😋😋野食味道其實不錯 環境都舒服 略嫌價錢貴左d

之前都見朋友試過，一直都想試下，今次搵埋爸媽一齊食餐具好精緻，叫左菊花茶，淡淡地都幾好飲雀籠入面係鳳梨酥，味道唔錯仲試左蛋白海鮮墨汁飯，蜜糖雞槌，兩款包左下角係辣肉包，右下角係奶黃包店內裝修都幾有心思，星期日晚都唔full，坐得舒服

唔小心扭傷咗，無得運動，最好嘅活動就係食啦星期六晏晝最好係去飲茶！今次帶阿媽去試食，見隔離檯好多遊客慕名而來，都點可愛嘅卡通點心。「睇住流奶」尤其受歡迎，再次encore 今次放涼少少先食，更易入口，個奶黃餡依舊好好味！再來一份$109小食拼盤，橙棍冬瓜，皮蛋豆腐，沙薑蔥雞第二次食呢個冬瓜，今日天氣熱，消暑一流！媽媽都讚呢道皮蛋豆腐幾特別，廚師刀功熟練，嫩豆腐切成不碎薄片，皮蛋就切成茸，切碎嘅皮蛋就無咗原先嘅澀味，配上麻醬好似入口。沙薑蔥雞，無酒樓嘅沙薑雞嘅香，雞脾肉做成無骨雞卷，少油較健康花膠蒸飯$129，用荷葉包住蒸，裡面嘅炒飯有少少汁、花膠好稔，味道唔錯。（*朗豪坊club 用500積分可以換一張$50 coupon, 滿$250就可以用。）另外好想讚吓帶位嘅女生，因為媽媽行動不便，佢主動幫我地拉開張檯等佢坐得舒服D好細心呀！

成日見人Post Yumcha 點心都覺得好靚好cute, 適逢六月朗豪坊新店開張，食滿$250減$50 ， 即刻同朋友試食～首先叫咗壺紅棗普洱，但紅棗味好淡，完全未出味而碗就好有特色，碗底係鯉魚先嚟一籠signature 流沙奶黃包，造型夠搞笑，忍唔住令佢嘔奶奶黃餡好好味，但真係唔好用手食，小心熱，好似溶岩咁好易辣手。芥末雲末，開胃之選醉雞，厚薄適中，稍嫌唔夠酒香最有驚喜嘅香橙冬瓜蜜方，估唔到冬瓜唔煲湯唔做冬瓜盅，咁食都好仲叫咗個飯，埋單$270，人多時可以再試更多點心

氣氛➖💋💋💋💋價錢➖💋💋💋💋美味➖💋💋💋趣味➖💋💋💋💋效率➖💋💋💋💋💋回頭➖💋💋💋💋如果想三五知己慢慢歎茶，可以話呢到系首選👍🏻唔想有被人趕住走既壓力，邊食邊笑，慢慢吹水，又可以影下啲可愛點心，真系唔錯！二人位雖然有啲迫，不過都算舒適小食點心唔只睇得仲食得！中意冷盤小食既話必點➖三杯醉雞😍今次得兩個人食，所以點得好小野，下次再去食埋其他小包包再分享啦🤗整體滿意度💗💗💗💗

星期日晚8點行過見唔使等位就簡左呢間入去醫肚啦！坦白講，普通點心小菜都唔平，sell得意點心為主，好彩味道都唔錯，係2丁友來拍下拖玩下㗎好選擇!睇住流沙建議影完相就即刻食，因為d奶黃真係會流曬出嚟。呢個推介大家叫佢試同影相，真心唔錯!干媽蘿蔔其實似係xo醬炒蘿蔔糕， 蘿蔔糕表面脆卜卜，味道有少少辣辣哋，都幾夾。鳳梨咕嚕肉燒過㗎新鮮嘅菠蘿，入口好甜好好味， 咕嚕肉不過不失，係份量少啲！成道菜，個菠蘿最得我心❤❤❤！雲吞麵就係普通嘅鮮蝦雲吞面囉!完~最後叫咗個:楊枝甘露-棉花雲其實就係藍色棉花糖下面有杯楊枝甘露布甸， 賣點應該係影相用! 純粹個人意見，哈哈😆 因為本人的確嗌黎影相呃like嘅

現在有可愛造型的點心，呃 Like 為主，味道已變為次；若然幸運地吃到有美味的內餡，這間食肆確實是值得光顧，因為她內外兼備。 而近幾年能有這樣才華的食肆，能把老土的上茶樓飲茶帶潮，⟪ 飲茶 Yum Cha ⟫ 的功勞立了不少。 座落旺角朗豪坊的 ⟪ 飲茶 Yum Cha ⟫ 是最新的分店，身為潮流之物，處於潮流之地，就算以往是沒有接觸過 ⟪ 飲茶 Yum Cha ⟫ 都很快會街知巷聞。 ⟪ 飲茶 Yum Cha ⟫ 的裝修是別出心裁，光猛的環境，中西合璧的擺設；鏡牆上的 ⟨ 壁畫 ⟩ 是可愛得來但不庸俗。開放式廚房裏的廚師完全是有活力的年輕人，他們摒棄中式廚房的因循守舊，沿用西式廚房的構思：食客會知道他們眼前將會吃的食物是怎樣煮來的，我相信這樣會令廚師有更謹慎的煮法。飲茶．飲茶 ... 應該那壺茶才是重點嘛 ... ! ? ⟪ 飲茶 Yum Cha ⟫ 的茶錢是每位 $ 12，提供的茶款並非一般的香片、普洱、鐵觀音等等，她只有三款茶供應，分別是稱為紅茶的「紅棗紅袍」、稱為綠茶的「玄米綠茶」、稱為花茶而且是不含咖啡因的「杭州白菊」。 那天我們點的是「紅棗紅袍」，茶味不苦，細嚐下能嚐出紅棗

同朋友食飯好多時都係相機食先，今次呢間飲茶更加係影相呃like之選。點心主打賣相有趣精緻，而且味道仲唔錯，既可以影相share同時仲可以食到好野。一籠八戒做型十分趣緻，一睇個名已經估到係豬頭做形，實質係平時食開既差燒包，不過外皮有別於平常食開既質感，係用上奶黃包皮來做外形，而內料十分惹味，食得出差燒質素唔錯，脂肪比例小，唔錯。睇住流奶同樣都係特色做型包，睇個名都估到係流心奶黃包。入面真係有堅多流沙奶黃餡，要小心d食，如果唔係真係會睇住佢流奶。d奶黃餡味道都唔錯，蛋黃味香濃，唔會好甜太膩，食多個都冇問題。籠中鳥賣相相當精緻，將小鳥外型點心放響鳥籠入面，絕對係呃like首選。呢款點心其實係鳳梨酥，外皮入口鬆化，入面餡甜味適中，鳳梨味香，又幾好食。干媽蘿蔔用左老干媽醬來炒，味道有d似XO醬炒蘿蔔糕，帶小小辣，整體好惹味香口，真係幾好食。蘿蔔糕質感亦口足料，啖啖都好白蘿蔔味，加上香辣干媽醬更加正。成砵辣牛成砵辣牛即係水煮牛是也，唔好比佢個名嚇到以為會勁辣，其實辣味唔會過火，味道香之餘帶小小麻，只係食到小辣既人應該都可以接受到，而且牛肉味唔錯，肉質亦都腍滑，令人會不自覺想繼續食落去。

跟一眾親友到朗豪坊晚飯，本屬意吃上海菜南小館，到埗後卻發現已換成了YUM CHA的旺角新店。這也不壞，新店正進行消費滿$250減$100的優惠，而且一直喜歡YUM CHA的新派風格。跟中環店、尖沙咀店相比，旺角店走的是迥然不同的路線，感覺年輕、親民得多。不走高雅格調，牆上繪上逗趣的卡通人物，用作拍照背景確是一絕。半開放式的用餐環境不免嘈吵，若然特別要求坐在內部的沙發卡座，這邊會寧靜一點，也更舒適一點。一般酒樓以點餐紙自助剔選食物，而飲茶則另附一本圖文並茂的餐牌，始終來此的食客不少是「視覺先行」的吧！對外國遊客來說點餐也更方便了，也難怪場內有不少手執旅遊書的外國遊客。卡通點心，確是擔當了中式點心推廣大使了吧！這天的親友眾多，因只有兩個小時的用餐時間，一行八人「狂風掃落葉」式的點了不少點心、小菜，幸而這家的上桌速度十分勤快，稍稍過時也沒有被催迫結帳。．睇住流奶($49)．睇住流奶，是YUM CHA的點題之作。每次戳穿包身後，奶皇便從「嘴巴」流出。這包包已把玩過一次，這次何不好好欣賞它的味道？包包薄身鬆軟，奶皇十分澎湃，香甜而不膩，依然是這家的皇牌之作。．紅都面埋($49)．以造型優勝的，咸

飲啖茶食個飽，相信這經典對白無人不曉吧。而用食字的方式把飲茶變成店名，主打新舊共融粵菜、新潮卡通造型點心的'飲茶'，拓展到第三間分店，落戶於旺角的朗豪坊。 旺角店開設於朗豪坊food court隔離，沒有加上屏風或間隔作區分之用，只是一繩之隔，十分開揚，幾乎與food court融合，感覺上變成快餐的速食般，令飲茶氣氛變得親民，變得更年輕化，橫觀席上顧客亦多以年輕人為主呢。 有別於中環和尖沙咀分店的華麗裝潢和氛圍，這間牆上畫上了玩味十足的點心繪畫，到處都有可愛的卡通點心擺設，走非常年青化的作風。 除了鬼馬的點心和菜式外，新店還加入了獨家限定店的項目。當然不少得點上卡通造型的包點，這系列的可愛卡通點心造型雖然推出了一段時間，不過風潮仍未有減退跡象，每檯食客都幾乎均會點上。 睇住流奶 $49 這款招牌創意版奶黃包，漲卜卜的黃色包包，加上一對我見猶憐的眼睛，也忍不住要給它一張嘴吧，讓內裡的流心奶黃餡湧出來、擠出來才夠滿足，看似殘忍的動作，但大家都玩得很雀躍呢。嬉戲拍照過後，一嚐那流心餡，奶黃味香濃，甜而不膩，而且長擠長有，果然名符其實'睇住流奶' 一籠八戒 $49 另一造型的卡