飲茶 (朗豪坊) (已結業)

星期五下午想食好 D D, 於是到朗豪坊試試<飲茶>。店舖位置於朗豪坊Food Court 側, 由於到達時時間尚早, 因此也可以安排較入舒適位置。食物方面以賣相取勝, 特別是包包方面的做型, 當日点了流沙包 (睇住流奶), 果然一边食一边流, 十分好味其他点心亦很有水準, 只是價錢不便宜, 真的只可以間吾中得閒<飲茶>

今日中午想食南小館，點知轉咗呢間叫飲茶就試下，點知就中伏，叫咗個小食餐，三樣野，第一樣：木耳，食食下食到花生咁大粒石仔，同佢哋講立即比人拎走，話轉第二樣，第二樣：雞絲粉皮一般，正常！第三樣，沙薑雞，呢個超大伏，我未食過咁難食嘅雞，味道古怪，個心超凍，好似喺冰箱拎出嚟咁!之後木耳換咗個皮蛋豆腐，皮蛋細過豆豉，再叫咗個紅色包比bb食，點知辣嘅，但係餐牌中文無寫，問佢地，佢話英文纸咗spicy,係我唔好，我應該喺呢間中式茶樓睇英文餐牌的，之後再叫咗個麵同多一籠包，味道正常但偏細份！總結保正唔會再來!

又係每月一度同一班舊同事吃晚飯，我們沒有定位，所以早了一點點來，七點半等左一陣就有位。這裏的裝修很新潮，也很新穎，感覺良好。我們叫了一個口水雞。口水雞切成一件件無骨的，小小麻辣，很正。送飯一流。我們再叫了一個雞絲粉皮、涼拌茄子，燒賣。味道一般，不過不失。 我們再叫了一個黃金四季豆，他並不是非一般用鹹蛋炒，而是用鹹蛋炸在外面，味道不錯。另外叫了一個雞腿，味道有點像糖醋排骨，送飯很好。甜品我們叫了一個棉花糖配紅豆奶凍，甜甜的很不錯。

今次係第二次試Yum Cha。約7點到旺角朗豪坊，唔使等位。因人少少，所以order左一個小食拼盤（皮蛋豆腐、橙棍冬瓜、太子麻菜）、睇住流奶同炒蝦腸粉。上菜速度同幾快。5款菜式食食下都夠飽。豆腐同太子麻菜都用上我鍾意嘅日式麻醬，好開胃。冬瓜充滿香橙味，幾清新。頭盤黎講呢3款做得唔錯～～腸粉賣相好得！炒得好香口，但醬汁稍為偏鹹。配合熱茶應該可以稍稍消退油膩感。睇住流奶（流沙奶黃包）嘅賣點當然就係萌樣，熱辣辣、香噴噴，黃金嘅表面真係可以刺激食慾，但今次個餡就無流心😂😂整體嘅食物質素唔錯，價格稍高。餐廳服務周到，環境亦舒適自在^^

因朋友從台灣回港玩，所以諗住帶她去特別的地方食飯，我們想了很多地方，但台灣朋友想食特色中菜，最後就諗到這個“飲茶“的地方，初初同台灣朋友講去飲茶食飯，她第一句說原來夜晚都可以去飲茶，我便和她說其實這只是個名，去到試吓妳便知了。我們去到首先叫野飲，來了“飲茶“這地方，當然就要試吓“紅茶紅棗紅袍“，“綠茶玄米綠茶“，“花茶杭州白菊，三種茶本人都感覺淡了些， 稍為好些應是玄米綠茶，跟住我們點了雞雞春卷， 蟹籽燒賣， 皺皮雲吞，時令菜苗， 羽衣甘蘭， 椒鹽鬍鬚， 舉手雞花， 成砵辣魚，一搥定雞， 擔擔湯麵， 近墨者黑， 龍皇泡飯， 木糠綠茶加棉花雲， 陳皮燉梨。我們都一致認為椒鹽鬍鬚好好味，舉手雞花味道都不錯，而龍皇泡飯雖然幾好食，但湯入面的飯實在太小了，至於最特別嘅餸應該係一搥定雞，因為成隻雞用鹽包住，當上枱前是推出來，然後食客可以用搥打開，真的有得食有得玩了，最後到甜品味道可以，最緊要的是夠靚，相機都食唔小呢？春卷沒什麼特別舉手雞花味道不錯椒鹽鬍鬚非常好味略嫌飯太小一搥定雞有得食有得玩墨汁味濃甜品夠靚，千祈唔好漏咗影相

假日同媽媽去「飲茶」，佢話想食好耐，呢D潮流呃like野我唔係好去，成日覺得係d gimmick野應該得個樣好多個"流奶"fushion飲茶，呢度就唔係飲普洱香片既有3種茶揀：「紅棗紅袍」、「玄米綠茶」、「杭州白菊」裝飾同餐具都好有心思年輕一輩知唔知呢？menu上既菜色名都有啲心思食落又幾有驚喜，幾好味雞絲拉皮同其他地方做法有少少唔同，出面多數一塊過呢度捲狀，口感會厚實啲透明波波(含黑松露)其實係素粉果咁，有蔬菜、粟米、紅蘿蔔，煙煙韌韌加埋黑松露帶點香，幾特別好香黑松露味，但伊麵咸同油咗啲招牌特色包之一睇住流奶，呢個應該易估，就係流心奶黃包個流心唔夠流，但蛋黃味濃連加一$300左右，同媽咪黎打個卡都幾抵呀

今日帕卡襲港，中午時分好多食店無開，無得揀之下 嚟左呢度食野。原本都覺得價錢幾貴下，所以一路都無興趣試食。不過既然打風咩都貴就算啦。坐低睇左個餐牌一陣，諗緊食個擔擔麵好定泡飯好。最後都係揀左泡飯。再叫左一個椒鹽魷魚鬚。魷魚嚟先，好粗好大條，啲粉漿大約係條魷魚鬚嘅5倍，應該叫椒鹽粉漿，入口帶小小苦澀味，太多粉，加幾多檸檬汁都無用。 又一次見識到食神嘅金句。然後龍王泡飯，個湯底正正常常，啲飯炸左，我覺得應該係餐牌上標明，因為已經脫離左常識嘅層面。啲飯浸極都咁硬好似食緊未煮透嘅米粒咁。食左兩淡無食。太多錢無地方洗可以一試 兩樣埋單$233。同掉落咸水海無乜分別。

成間嘢都坐得好舒適，碗碗碟碟都好靚！見到咁靚，食嘢都食得開心啲然後叫左必食豬仔樣包同鳥籠豬仔樣係叉燒包嚟，整得好精緻！雀仔係三隻都唔同樣！好靚！食落都唔錯，係鳳梨酥嚟，唔會好酸！強烈推介櫻花蝦炒飯超好食又夠香

係附近上完堂之後肚餓，原本諗住食元氣壽司，但係等好鬼耐，就去左飲茶度飲下茶，原本係門口見到D點心好得意就衝左入去，但原本點心既款色都唔係特別多，不過勝在款款外型得意、名改得Funny，入去之後發現價錢都唔平，就咁三個奶黃包已經要$50，但係入到黎點都要試返其中一種啦咁就叫左「睇住流奶」，外型超得意，連對眼都係包黎，雖然奶黃唔算係爆漿出黎，但係都唔會太少另外我地仲叫左雞絲拉皮、川牆皮蛋、雲吞擔擔，食一碟都還好，但係因為每一碟都用左芝麻醬，真心食到好膩，另外仲叫埋舉手雞花、豬手，最後埋單每人$200幾蚊，認真覺得有Ｄ唔抵，雖然整體裝備係好靚，但好似隔離枱咁講，黎呢度食野都係為左影相架咋。

在飲茶只有中環店時已經想試, 而家在朗豪開左, 真是超方便啊。我們叫左冷盤3小碟SET + 點心+ 小炒XX粉皮: 主要是青瓜+粉皮, 無乜雞絲, 醬唔算多,一般LA茄子: 茄子切到好幼, 賣相幾靚, 整體味道較淡, 帶小辣, OK LA口水雞: 微辣, 甜甜地, 醒胃, 加埋D 芝麻在面, 香口, 雞都是用雞脾肉, 啖啖肉又滑, 好食!炒貴刁: 有幾隻大蝦+ 蛋 +蔥, 貴刁微辣, 濕濕地, 有D 似炒金邊粉, 幾好味睇住留奶: 造型幾得意, 我地攤凍左先食, 都仲係流心效果! 入面除左有奶黃, 仲食到香濃蛋黃味, 正呀! 果然係王牌! 其他點心都好得意, 好後悔無叫多D 點心, 下次要再試!BTW, 叫得「飲茶」, 茶都好重要呀, 我地叫左綠茶, 但無乜味LAW.... 呢個唔得....BTW, MK店比較迫, 第日都是想試中環店多D

之前在網上看到這間餐廳的食物圖片便已經暗暗約定自己要找機會試試看～ 那些包子實在太吸睛了!以卡通繪畫出各款點心的壁畫，一籠籠點心熱乎乎地於開放式廚房內蒸煮著，菜單設計成coffee book 一樣，甚至餐具富中國特色得來也不覺老土；整體感覺很摩登時尚。來到當然要嚐嚐點心吧！我們分別點了賣相可愛的睇住流奶及一籠八戒(即是流沙奶黃包及叉燒包)～味道一般，但賣相加了很多分蟹籽燒賣及布拉叉腸不過不失； 反而小菜的雞絲拉皮、辣蟻粉絲、雞扒湯麵及干煸四季(這道菜真的很讚！外表炸香酥脆的四季豆伴肉碎）是出乎意料之外的好吃！最後點了賣相(又)吸引的楊枝甘露作結； 大人小朋友也很快樂的一餐飲茶！

通常食點心既地方有樣都唔方好食, 呢間餐廳打破左我傳統唸法! 朋友介紹的, 一齊黎試下, 我好中意食奶皇包,俾佢個樣吸引左~兩個人叫左圖中五樣食物,剛剛好, 我最中意係紅油抄手同埋奶皇包, 一路拎住個奶皇包自拍左好耐. 入面好流, 又唔係勁甜. 讚呀!下次一定再黎環境有D嘈, 同埋服務員制服唔係一致, 有時想叫人,都唔知佢係唔係果度做....有點尷尬...態度屬於可以, 不是好熱情但都算有禮貌既。

終於有機會來這間店舖了，飲茶，不單止可以早來飲茶，晚飯都可來飲茶，來個反傳統。由於每枱只限食個半小時，而且餐廳內都有很多枱，所以輪候時間不會太長，但要人齊先入得。一坐低，就有一名侍應上前問飲什麼茶，這裡只得3款選擇，我們點了菊花茶。我們一行3人，點了皮蛋豆腐，雞絲粉皮，睇住流奶(即奶皇包)，鴿吞鳳梨，干媽蘿蔔，炒蝦腸粉，松露炆伊和近墨者黑。不要被我們3人食量嚇怕，其實每份的分量很少。先上的是雞絲粉皮，粉皮不會太厚，很爽口，如果麻醬可以多點，就perfect。再來皮蛋豆腐，豆腐切得很薄很軟身，食落去很幼滑。鵨吞鳳梨造型無得輸，但稍嫌太硬，且有少許甜。干媽蘿蔔最正就係上面幾塊炸蓮藕，好似食椒鹽薯片，可惜只有3塊。松露炆伊，我對伊麵本來都不感興趣，因為每次去飲宴，例牌有伊麵，且味道麻麻。但今次這道菜，真係有驚喜，好重的黑松露味，同雜菌加伊麵，又真係幾夾。反而近墨者黑就有點失望，墨魚肉很少，飯又好咸

之前唔係來到好多人，就係來到已經last order 左今次睇定戲來，7點鬆d,我地4個等左15分鐘左右就入得，幾好有d特別既點心要5點前先有，要下次先試lu食野有有趣/精緻既餐具總會更開心 so delightful ☺️杭菊 有淡香 飲到第三浸就開始香甜d不過茶壺永遠得4杯茶麻煩加水既人了紅酒燴牛尾酒香撲鼻，不過牛尾同經蘿蔔都唔夠淋...唔係一篤就鬆開醉雞腿夠香夠滑都夠甜皮蛋豆腐好滑 好刀功粉皮夠彈牙 不過雞絲唔夠滑龍皇泡飯 夠香口 有咬口 夠香濃 好味黃金四季豆 好香 唔會過油 炸得岩岩好 好好味一鎚定雞 香滑好重黑松露味(which I hate..)胭脂玫瑰 個包夠煙靭 玫瑰味香濃豬豬叉燒包超可愛！！不過唔夠juicy馳名既 睇住流奶 流沙蛋黃的確好香濃

朋友聚餐！無意中選中了這間，皆因看到其包點賣相吸引又想食中餐，故此一試！訂位時沒有說明入座限時，這對朋友聚餐來說是很重要的一環！結果我們由晚上7點坐至晚上10點半！哈，期間並沒有被催促離開的感覺！店員亦有一直幫忙添茶！感覺良好！ 食物方面，美中不足的是某幾款點心只限下午5點前供應，所以無法嘗試！但幸好其中三款造型包點全日供應，雖然我們並非包到即食，但包點並無因此變成石頭，包被涼了仍然屬易於入口！ 奶黃和豬肉內涵味道比一般酒家優勝，值得推薦！另，雞絲粉皮口感和味噌也是上佳之選！