食神麗宮

营业中

休息中

$4000五餸一湯嘅十二人套餐，點知得八大一小嘅份量，五餸係叉燒燒肉、龍蝦伊面、蒸班、清湯菜心、鮑魚鵝掌，同花膠湯。D鮑魚真係同素鮑魚冇分別，只可以講又貴又難食，千祈千祈千祈唔好去，重要嘅事要講三次，去咗你一定後悔嘅！

西營盤的一家中菜館，名為「食神麗宮」。這家餐廳以其獨特的菜式和地道的中菜香味而聞名。牆上掛滿廚師獎狀，一睇就知出色的廚神/食神Menu 十分多選擇我要推薦他們的招牌菜式之一，紅燒乳鴿，皮脆肉滑，入口鮮嫩多汁。我哋食完已急不及待再order 多次另外，我也品嚐了他們的涼瓜炆班頭腩。這道菜的特色在於使用了涼瓜和班頭腩，班頭腩炆得剛剛好，肉質鮮嫩，入口即化。涼瓜的清爽口感與班頭腩的香味相互襯托除此之外，他們的扣花膠海參北菇也是一道不容錯過的菜式。這道菜選用了新鮮的花膠、海參和北菇，配以獨特的烹調技巧，花膠的韌性、海參的滑嫩和北菇的香味完美地融合在一起，給人一種豐富的口感。戲棚粥。這道粥的質地綿密，口感滑順，米粒鬆軟，配料多樣。每一口都有著獨特的風味。總括而言，「食神麗宮」以其出色的菜品和獨特的中菜香味成為我在西營盤的首選餐廳之一。他們的紅燒乳鴿、涼瓜炆班頭腩、扣花膠海參北菇和戲棚粥都是值得品嚐的菜式。如果你是喜愛中菜，我強烈推薦你來一探究竟。

朋友介紹西環有間中菜廳，由名廚主理，菜式巧手，味道很好。所以昨天同朋友一齊去食飯，餐廳裝潢簡單而有氣派，坐位舒適，晚上7点，餐廳已經很多客人。戲棚粥，湯底非常濃郁，有方魚及蔥菜的香味，另外有很多魚肉，味道很好。金絲脆蝦球，蝦球用南乳味的粉醬，外皮鬆脆，不油膩，蝦肉保持鮮嫩，上面洒上蛋絲，味道非常冶味。蒜香玉乳脆鱔球，鱔球非常新鮮爽口，外面蒜香味，非常香脆可口。生曬吊片炒粉絲，粉絲炒得很好，每條粉絲都沾滿醬汁，很乾爽，不油膩，味道很好，吊片鮮味，好好味。

今日嚟到嘅西營盤試呢間粵菜餐廳，試咗幾款菜式，整體上感覺都相當不錯，有自己獨特嘅風味。我哋首先叫咗濃湯雞煲花膠。每碗都有好大塊花膠，而且味道濃郁，加埋啲雞肉，非常滋味。然後試咗生炒2吋菜心。菜心夠翠綠，仲用咗燒肉炒，入味得恰到好處。我哋仲試咗15年陳皮話梅骨。呢味菜好特別，佢嘅豬骨連埋膠質豐富嘅皮，食落好好口感。整道菜酸酸地，幾開胃。我最後叫咗鑊氣十足嘅炒豬面肉。咁啱餐廳冇曬茶樹菇，改用咗雜菇代替。豬面肉嘅油脂感充足，再加上黑椒嘅香辣味道，真係好好食好惹味。

由名廚「戴龍師傅」開設，即係周星馳電影《食神》中出過鏡嘅中菜顧問同《喜劇之王》入面要初戀感覺嗰個客🤭戲棚粥 $68 據聞以前一邊看神功戲，一邊品嚐嘅潮州粥，所以叫戲棚粥，湯底通常以豬骨或鱔魚淆成；而呢個係高級版嘅戲棚粥，用鱔魚同龍蝦熬製，再加上鱔魚球、魷魚片、冬菜、香芹等，加埋油炸鬼脆粒，超好味，必食💯山楂汁咕嚕肉 $128呢個好特色，係用山楂汁，酸甜好醒胃，仲有大大嚿新鮮菠蘿，必食💯蒜香玉乳脆鱔球 $168鱔球新鮮又彈牙，炸粉唔厚，好惹味😋特醬燒乳鴿 $48原隻上，以特製醬料醃製的燒乳鴿，好入味，皮脆肉嫩😋食神皇帝炒飯 $188錦鯉魚造型夠精緻，仲有超多蟹籽、帶子、蝦、雞蛋同青豆，用精選靚米同糙米，再加埋天然生曬嘅盆抽，啖啖都勁多配料，米飯粒粒分明👍五豆粥飯後仲奉送是日糖水，健康又好味呢間食物有質素，價錢親民，座位寬敞，推薦💯

無啦啦好想食冬瓜盅，嗰日行過見呢度有，所以走嚟食晚飯。見好多客人都似乎係熟客蝦子生根燴翅裙 ($138)送飯一流，仲有埋燒腩仔，翅裙完整而且份量多，生根夠腍又入味古法冬瓜盅 ($168)$168有差不多10幾碗，好似食極都仲有咁，配料又夠多。湯底鮮甜，冬瓜肉好厚又夠腍，$168抵食翡翠炒鮮斑球 ($188)勁香蒜味，斑球厚肉鮮甜又大塊又多，大概有8塊，啖啖肉好有鑊氣食完仲送喳喳糖水，又唔係幾甜，仲好足料添

經過西環，諗住食晚餐嘅時候見到食神呢個招牌，就俾佢吸引住，一於就同朋友試吓佢來餐廳師傅係香港四大名廚之一，菜式選擇嘅種類亦都好多濃湯雞煲花膠雞湯好足料，黃金色嘅雞湯就知雞味香濃，仲有一大塊花膠，濃濃既骨膠原古法原味蠔油牛仔牛肉配上萵筍，牛肉煮得啱啱熟，肉質嫩滑，萵筍口感爽脆鮮甜，配上蠔油，份外惹味上湯波士頓龍蝦伊麵伊麵有一整隻龍蝦，啖啖肉，而伊麵亦都吸收晒龍蝦嘅精華，真係一啖接一啖上湯海味雜菜煲雜菜煲加上魷魚乾、蝦乾等海味，令雜菜煲增加鹹香味，粉絲亦吸收晒湯汁，正！食完飯之後仲有糖水送，今日係食花生糊，係一個完美嘅句號

這間海鮮酒家位於西環華大盛品酒店內，鄰近西營盤及香港大學站，主打傳統粵菜，除了鑊氣小炒，亦有燒味及點心。每道菜堅持不添加任何味精，於味道與健康間取得平衡。由名廚戴龍師傅開設，是著名電影《食神》的原型食神，環境寬敞舒適，收銀處亦掛上多幅合照。上湯波士頓龍蝦伊麵 - $268一件件鮮活的波士頓龍蝦，飽滿的龍蝦肉緊實有彈性，鮮活的肉汁特別香甜無雜味，柔韌的伊麵充滿彈性，吸飽龍蝦汁及鮮味的上湯，鮮而不膩。雜菇炒豬面肉 - $118一片片豬面肉肉味濃郁且油份重，口感爽脆有彈性，伴以四季豆、紅蘿蔔、金菇及香菇，清爽而不膩。煎牛柳 - $118牛柳是牛隻最軟嫩和最瘦的部分，油花雖少，但勝在肉質軟腍及肉汁豐富，塗滿香甜的沙拉醬，更有香甜的蜜桃及洋蔥。

今次慕名嚟 #食神麗宮 ，係想一嘗星爺《食神》中出過鏡嘅中菜顧問 - 戴龍師傅煮嘅味道 👨🏻‍🍳唔好以為有電影光環，餐廰就會markup到勁貴，其實價錢非常親民👍🏻 基本上亂嗌都無問題，全部都幾好食呀～► 特醬燒乳鴿必試！浸乳鴿嘅鹵水配料加入貴價嘅春砂仁，呢款既可入藥又可食用嘅香料令乳鴿有種特別嘅香氣🐦師傅係飯市期間分段鮮浸鮮炸，確保乳鴿由浸熟開始起45分鐘內，新鮮熱辣上枱🔥咬落juicy，口感鮮嫩，勁抵食！一人一隻唔好爭～► 食神皇帝炒飯嘩錦鯉魚造型精緻，炒飯採用精選靚米及野生糙米🍚 又選用天然生曬生抽中的極品「盆抽」，好惹味！啖啖蟹籽、帶子、蝦，足料～ 呢個炒飯雖然粒粒分明，但係口感同平時唔同，飯粒比較軟糯，幾特別😯► 魔汁生煎蓮藕肉餅迷仔肉餅方便分享，雖然細細塊，但口感好彈牙，時間控制得好好👏🏻如果可以多啲蓮藕加啲口感更正！► 金絲脆蝦球好脆，嗰種炸漿係細個成日食到，炸出嚟酥脆，係童年回憶 🍤 蝦大大隻又爽口，幾彈牙，但一人食四隻有啲飽，加啲醬點吓就好喇。下次嚟我要食「黯然消魂飯」同燒腩仔😋🍴

食神麗宮 西環今日同老公去海味街購物， 夜晚入咗去一間食新麗宮吃晚飯。店舖裝修企理新淨，吊滿富麗堂皇的燈飾，座位闊落， 另一種高貴的感覺。食神戴龍師傳，祖籍潮州，崇尚原汁原味和不時不食的烹調理念， 一拳五十年嚟香港四大名廚之一， 食材絕不採用味精雞精調味， 令人食得更健康。1 濃湯雞煲花膠$98位湯底熬到出晒味，飲落雞味非常濃郁，感覺好滋潤。裏面有一大塊花膠，有滿滿嘅骨膠原。另外仲有唔少雞肉，雞肉嫩滑，非常足料！2 鮑汁海參鵝掌$88位鵝掌煮到入晒味，食落好淋，好香。另外，海參都好入味，食落質感好好，伴碟仲有西蘭花。3 戲棚龍蝦湯泡粥$68位泡粥非常特別，我好少食。我覺得依道菜口感好豐富，原來湯底用咗門鱔骨同龍蝦熬，所以飲落特別鮮甜。另外配料有魷魚片、門鱔打成的魚球、潮州冬菜、香芹等等，食落口感豐富，非常鮮甜。4 上湯海味雜菜煲$108雜菜煲好大碗，裏面有炸魷魚絲，蝦乾，冬菇絲，粉絲，瑤柱絲和雜菜。今日提供嘅雜菜有生菜、白菜、菜心、菠菜、西蘭花，非常多菜。蔬菜類綠油油，好新鮮。我特別鍾意食白菜，好爽口。蔬菜煲嘅湯味道濃郁，香噴噴，配埋粉絲食，簡直一流。5 特醬燒乳鴿$48隻乳鴿即叫即

作為星爺粉應該都實有睇過《食神》！是晚就去會一會當年電影嘅飲食顧問 戴龍師傅 坐陣嘅呢間餐館🥢位置喺西營盤站附近行幾分鐘就到非常方便！嚟到環境幾好！裝有華麗吊燈🎇. ✨特醬燒乳鴿 $48@色澤亮麗吸引🔥外皮燒得香脆！肉質醃製得非常入味且嫩滑！用店員提供嘅膠手套拎住食！啖啖肉見朋友食得好過癮！.✨皇室咖喱牛腩 $168係名廚戴龍師傅嘅秘方👨🏻‍🍳味道微辣🌶️辛香味鮮！口味層次分明😉配以伴隨嘅香脆長城饅頭同食！係幾滋味👏🏻👏🏻.✨15年陳皮話梅骨 $118帶有甜甜哋嘅話梅香甜味道😜將豬排骨煮得極軟腍入味！一咬即化！！好好送飯🍚呢！.✨蒜香玉乳脆鱔球 $168以雀巢造型上枱好有懷舊酒樓風格😁炸粉唔會過厚！內裏嘅鱔球十分彈牙又冇泥腥味！趁熱食可享最佳風味👏🏻👏🏻.✨絲苗白飯 $13@✨花生 $12✨晚市茶芥 $12@

位於西營盤，有間抵食嘅中菜廳。酒樓係傳統嘅港式裝修，有大大的水晶燈，有壁畫，懐又有特色!我地係網上見到有必食快推介：⭐食神皇帝炒飯 $188- 炒飯用料十足，有蝦仁，帶子，雞蛋，蟹子，用3色米炒，味道好又夠份量，仲整到成條鯉魚咁樣，食相吸引，又夠得意👍⭐特醬燒乳鴿(隻) $48(1隻)- 乳鴿炸得皮脆肉嫩，上枱時仲係熱辣辣，好夠味⭐原隻龍蝦炒乳酪 $268- 全隻澳洲大龍蝦，起左D龍蝦肉加蛋白一齊去炒，勁滑又吾滯！👍⭐生炒2吋菜芯(例) $88- 連燒肉一齊去炒，夠曬味最後酒樓仲送埋是日糖水-芝麻糊比我地食，今餐真係食到好滿足！😋

今晚去左西環搵食神，其實係一間有位有名的主廚坐鎮🤭店內裝修跟舊式茶樓差不多，算乾淨。先來個特醬燒乳鴿，乳鴿皮脆卜卜，同埋幾多肉汁，味濃厚👍🏻。再來有吊片炒粉絲，上枱時炸炸聲，好夠獲氣，而且賣相都幾靚，粉絲又吸收成個煲的味道精華，正👍🏻。山楂汁咕嚕肉駕到，個汁炒到一絲絲，好夠黐🤣，而且菠蘿都好大舊，不過個賣相有點失色，但味道一流👏🏻。再來今晚主角到-星海斑（兩食），先來翡翠炒班球，嘩！啖啖肉，炒得香，睇見魚肉切紋就知新鮮😉，另一種是清蒸頭腩，雖然魚骨比較多，但骨與骨之間好多膠質，幾正。整體都不錯🙂。

今日有點想吃中菜，有空就要發掘下少去地區的餐廳試試。遷就朋友下班，選了西環的食神麗宮。只有兩人食，唯有精挑細選菜式，點了濃湯雞煲花膠，一打開燉盅蓋，超香湯味，花膠大大片，非常足料，湯底煲得十分濃郁鮮甜。生炒馬來怡保芽菜：炒得十分有獲氣，馬拉盞味香口，配合苦瓜絲和韮菜很爽脆口感。上湯波斯頓龍蝦伊麵：一上菜，份量十分驚人，啖啖肉，食極都有，肉質爽甜，搭配上湯，更顯鮮甜，伊麵底份量多得吃的過癮，麵質彈牙吸收上湯精華，十分好食。魔幻汁生煎蓮藕肉餅肉餅煎得十分香口，絕對不會過於油膩，中間混合了蓮藕碎粒，十分有咬口。最後再送上紫米露，為這餐豐富的晚餐劃上完美句號。

每次觀看「食神」都被影片中的食物所吸引，特意到訪當年為電影擔任飲食顧問戴龍師傅所主理的粵菜館一試餐廳光猛清潔，掛著傳統酒樓的大水晶吊燈收銀處掛滿香港食神教父龍師傅的照片，主打多款自家創製菜式強調食得健康，所有小菜均無味精雞精等食品添加劑戲棚粥以門鱔骨及龍蝦熬湯，再將湯撞上煲至起花的泡飯上，鮮味富層次鮑參肚燴生翅夠派頭，山珍海味匯聚一鍋，湯色濃稠膠質重黑松露醬瑤柱炒滑蛋香氣逼人，聞著聞著都開胃了生曬吊片蒸肉餅肥肉不多但有肉香，肉質軟滑有咬口飯後有免費甜品紫米露，⾹甜軟糯⼜有紫⽶粗纖維⼝感