食神麗宮

营业中

休息中

想說有食神招牌，帶朋友初四來聚餐。之前已經打電話預約了7位，準時到達後還要我們等位。落座後點餐，服務人員態度及其不耐煩。菜等了很久很久才上來，人多都可以理解，中間幾次要湯匙沒湯匙，明明套餐有兩隻乳鴿，只上來一隻，補上後又沒有剪刀。套餐明明寫明有黃金糕和甜品，服務人員話黃金糕就是甜品，只有一樣。總之服務完全不知所謂。所謂的食神，菜的味道也及其一般，點心還可以，龍蝦過老沒有入味，花膠湯有腥味，完全唔想再幫襯。

先旨聲明，雖然以下我只寫了想彈的問題，但並不是全部菜都唔掂，事實上依家冷靜咗後捻返，有一半嘅菜式係ok，但可能第一次幫襯就係食團年飯，期望食得開開心心，所以遇到幾樣唔好嘅地方感受特別深。很差的地方有：1) 白飯一送上來是硬和冷的，向呀姐反映後，諸多推搪，之後死死氣換過幾碗嚟之後，是正常的。2) 果皮蒸飽魚 - 上枱大概兩分鐘後我夾了第一隻，也是沒什麼溫度，嗱嗱聲叫屋企人襯住仲有微溫即刻掃晒佢，至於味度如何就冇乜印象，依稀記得無乜特別。3) 清蒸金花班 - 最差呢碟，未試過喺酒樓食蒸魚係咁渣嘅，條魚根本唔新鮮，唔知死咗幾耐，兩餸飯鋪頭啲蒸魚仲好過佢。4）杏汁豬肺湯，海鮮雜菜煲 - 呢兩樣份量足，味度也可以，但由落單開始計，足足等了一個鐘先上到菜。

網上見評語都好好 諗住一家人食餐好的團年飯 但點知失望而回 真的無下次。叉燒燒腩仔雙拼: 細碟 每樣六件 全家人都未見過叉燒可以肥到咁 ie. 95%肥膏+ 3%肉 + 2%焦。問侍應可以換過嗎？因為主要俾小朋友食…佢話佢哋啲叉燒係用五花腩做 全部都係咁肥的….可能我哋真係見識少。燒腩仔: 不過不失 無驚喜乳鴿: 我覺得味道係好的 但隻鴿就好瘦 無乜肉 長輩眼利見到熟客枱個啲鴿係大隻好多…明的 !人之常情白飯: 這個先令人咋舌 長輩一吃話啲飯硬到唔食得 好似煲咗好耐乾晒個隻 我初頭都以為誇大了 但一食 真係硬和暖又唔熱！又要揾侍應換過 佢初頭又話全部一樣話應該放少咗水 唔係隔夜飯。但佢應該都睇得出啲飯係令面真唔掂 結果話有另一煲飯 幫我哋換過。蒸魚: 魚肉啲色有少少同平時蒸魚唔同 我以為條魚品種係咁, 食了大半長輩先話條魚好唔新鮮! 蒸鮑魚: 正常味道 食到, 唔硬。但上菜時唔覺得係熱熱的 應該等了45分鐘以上 問了幾次先再上湯和雜菜煲…..豬肺湯: 侍應即時分了8碗 (但我哋6個人)再上埋湯渣便成煲攞走 即是有兩碗湯放咗係枱面在強勁風口下吹住冷氣地等我哋…….雜菜煲: 全晚最好食的一

新年前一家人食飯，諗住搵下有d特色既中餐，係OpenRice 搵到呢間，睇完食評就去試吓。點知！完全係中伏！誤信食評！都唔知點解呢間酒樓仲未執！先講服務。一般。唔夠樓面。幾次都搵唔到人，成個場都可以見唔到侍應。其中一個主力樓面既侍應：1. 唔識落單，要搵第二個幫手2. 無俾最大本個餐牌我地，得個幾張紙3. 叫啤酒要三隻杯，嚟到其中一隻玻璃杯口有3吋裂痕，佢都睇唔到。講食六個餸蒸海魚叉燒燒肉孖寶個招牌炸蝦陳皮話梅骨炸脆膳食神炒飯海味雜菜煲蒸海魚孖寶燒味燒味每樣6小舊都算（粒燒肉同叉燒應該得2cm3咁大粒）條魚上菜好靚仔（大家明我講咩啦）。開魚，入面仲係痴骨。同侍應講唔熟，佢話叫師父再讚熟油。。最後十五鐘之後翻蒸出黎，成條魚唔洗要。👎🏾🤬好有可能雪櫃拎條魚出嚟，太凍蒸唔熟啦招牌炸蝦球其實就普通囉，薄粉炸大蝦球，上面有啲疑似鹹蛋絲，食落真係冇乜特別。仲要見到好多蝦腸🤦🏽‍♂️陳皮話梅骨話梅嘅甜味，完全冚晒所有嘢。無陳皮都算，敗筆係根本半碟餸都係肥豬腩，我想搵舊骨都冇。炆唔夠淋，舊舊腩肉都硬過湯渣👎🏾炸脆鱔食咗一舊，都OK嘅，因為我本人唔係好食膳，所以唔講啦食神炒飯講到幾勁咁，其實都係勁普通。係

👉源於分別🈶️數位西🈺️盤街坊都說《食神麗宮》不錯，今天特意來晚飯小菜一下。。。📌萵筍豉椒爆蝦球 $168 ～ 大大隻新鮮蝦球肉質爽口，豉椒爆炒蓋不了蝦鮮味。加入大量配菜～萵筍、青紅椒🫑、紫洋蔥⋯色香味俱全。😁📌枝竹火腩生蠔㷛 $138 ～ 用料上乘，🈶️8⃣️大隻生蠔🦪，隻隻肥美飽🈵️，走油後能保持美態，入口蠔汁爆發。枝竹吸收了食材精華，吃不停⋯⋯😀📌15年陳皮話梅骨 $118 ～ 話梅骨酸酸甜甜好入味，少少肥肉不太乾，配上陳皮絲同吃，🈶️着另一番風味，下飯一流。☺️📌上湯海味雜菜㷛 $108 ～ 多款新鮮蔬菜🥬🥦放底，粉絲、大蝦乾、吊片鋪面，加入鮮菇、乾瑤柱絲、杞子⋯非常足料。。上湯清甜，健康之選‼️👍📌冰花馬蹄露 ～ 敬送是日糖水《冰花馬蹄露》，少少甜蛋花香，粒粒馬蹄爽，免費🆓都🈶️佳品。😆📌茶 ☕️ $12/人📌花生🥜小食 $12/枱📌💁🏻‍♀️加一服務費🏬 食神麗宮 (西營盤）🚦  德輔道西308號華大盛品酒店地舖

有份主演食神的戴龍師傅，在西營盤開了一家酒樓，還以食神的名字命名，令人很易記得裝潢就像一般酒樓一樣，不過門口有大大的戴龍師傅紙板， 令人不禁想跟他合照一張食物：生炒兩吋菜心$88名稱取自最佳的兩吋菜心，體積長至這個大小的菜心既甘甜又不會太細，入口比較爽脆，此外還加入適量腩片吊味，難怪是推介菜式醬黃脆蝦球例牌$128足足有六大塊蝦球，每隻都有半個手掌大小， 外皮炸得相當香脆而且非常薄，口感十分彈牙幼嫩，配以香甜多汁的水蜜桃進食，出色食神叉燒拼燒腩仔$168相當出色的燒味，不愧是鎮店之寶！叉燒最面層的外皮十分香脆，使用五層腩入口即化，肥瘦均勻，脂香四溢，出色！燒腩仔同樣是五層腩，外層芝麻皮10分爽脆，鬆化而不過韌，比外面的燒肉更好吃！名不虛傳！

♡ 中菜｜今晚有食神 ～ 食神麗宮♡-今日想同屋企人食返餐好嘅就嚟到戴龍師父主理嘅食神麗宮。戴龍師父係香港四大名廚之一，入到去餐廳已經見到好多獎項。當年周星馳拍電影都係搵佢做顧問😎媽媽向來都對中菜情有獨鍾 ，晚餐過後都讚不絕口。- ♡ 雲腿螺頭鮑魚燉雞 （位上）♡ $88同媽媽一人一碗～鮑魚好入味，雞湯完全冇味精，係新鮮熬製。-♡ 上湯波士頓龍蝦伊麵 ♡ $268真係勁足料。一上枱已經見到龍蝦好大隻馬上同媽媽一齊打卡。伊麵份量都幾多，好適合兩至三個人食。麵質方面，好軟綿綿，食到停唔到口🤤-♡ 上湯海味什菜煲 ♡ $108入面有蝦乾、魷魚乾等各款海味菜類方面都好多種類有生菜、白菜等等～仲有粉絲，清清淡淡，啱晒一家人食。-❥ 臨走前店舖仲好貼心咁送上糖水。每日嘅糖水都唔同，而今日係紫米露 😋真係食到捧腹而回。#⇢店鋪資料：食神麗宮 (西環)西環西營盤德輔道西308號華大盛品酒店地舖#-#西環美食 #食神麗宮 #hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港

新一年特別同屋企人黎左食小菜，以前都睇過食神，見到d菜式都超吸引，所以特登黎e間食神麗宮試下❤️餐廳食物由戴龍師傅主理，坐位都坐得幾寬敞😍餐牌入面有勁多特色嘅傳統中菜☺️🌸特醬燒乳鴿乳鴿大少岩岩好，食落外皮香脆，肉嫩帶肉汁，又唔肥🌺濃湯雞煲花膠雞湯好香濃唔會有味道，花膠筒吸哂湯汁，好入味😆🌺工夫小炒皇小炒皇入面有蝦亁，魷魚絲，同小魚乾，用油炸炒香加入韮菜一齊炒，味道更野味😋🌺豉味涼瓜牛仔肉涼瓜味道唔算太苦，牛肉鮮嫩，口感岩岩好❤️🌺魚香茄子煲茄子🍆煮得唔會太腍，入味，食到魚香同肉碎都好多，夠足料，上枱仲熱辣辣😝

一家人同媽咪慶祝生日 上網見到食評 好似唔差咁 講到又食神 以為差極都有個譜 燒乳鴿真係水準一般 炸生蠔正常 燒味雙拼一般 雜菜煲冇可能難食 西芹炒球好油好重粉 仲有個15年果皮骨 真係完全唔知食緊咩 😔最差真係個龍蝦好似食漿糊咁 完全冇味🥲🥲😵‍💫， 諗住特登上網搵吓希望可以一家人食得開心 媽咪又食得清清地唔好咁熱氣 點知😅😅😅同埋間嘢真係啲食物要保持一下熱度 拎出嚟啲嘢凍冰冰 不過樓面啲姐姐服務幾好 好勤力換碟 又有糖水送 五個人叫咗八樣嘢埋單1318 真係冇下次拜拜

今日約個零針舊同學食飯，祝賀他捱過艱苦歲月，可以堂食了！地點選在我們一同成長，一同讀書的西營盤。食神麗宮在水街某酒店地下，餐廳由戴龍師傅主理，戴師傅曾為周星馳電影《食神》做顧問，是名副其實的「食神」。師傅崇尚原汁原味，所有小菜均絕無味精雞精等食品添加劑，啱曬我這個有味精敏感的同學。今晚菜單如下：🔶醬燒乳鴿（$48）乳鴿真是bb鴿，嫩滑多汁，同時有香濃的鹵水味。乳鴿原隻上，店舖會提供剪刀和膠手套。🔶印度皇室咖哩牛腩跟香脆長城饅頭（$168）咖哩牛腩真材實料，整煲都是牛腩和煮溶了的洋蔥，牛腩質素超好，軟滑無渣。咖哩醬汁層次豐富，與港式、印式、日式、馬來式等都不同，它顏色較深，只是微辣，卻又非常香濃。跟餐的饅頭也非常好食，真正做到外酥內軟，單獨吃或蘸咖哩醬都好食。🔶蒜香玉乳脆鱔球（$168）脆鱔球有很香的蒜蓉和南乳味，鱔肉爽滑無骨。🔶瑤柱金蒜蒸茄子（$88）蒸茄子無泡油，健康美味。🔶戲棚粥（$68）全晚我最欣賞這碗粥，它是潮洲泡飯的一種，從前戲棚粥的湯多用豬骨煲成，今晚我吃到的是富貴戲棚粥，湯底是龍蝦湯，材料中有門鱔球、魷魚和冬菜等，鮮味又鮮甜。芝麻糊（$0）飯後每人送贈一碗芝麻糊，不過質素

乳鴿，肉係腥嘅，同埋好差嘅表皮處理，食材來料不良。炒蠔，肉係韌嘅，同埋好差好差嘅調味，浪費食材。連個茶具食具都充滿漂白水味，應該係無過清水就算。最後送兩碗唔同款嘅糖水，見到有碗勾咗另一碗嘅色，因為距用同一隻湯羹去裝，求其到笑死人。但最慘兩款都係完全完全食唔落嘅味道，係食過最差最差最差沒有之一嘅調味。真係唔知點解仲敢叫食神，就算老細係廚神，一間酒樓煮出咁樣嘅味道，連普通都不如有多，都唔好意思自稱神吧？

放工男朋友話想食中菜，所以帶我返去佢以前做嘢嘅西環，揾食神咁話。然而真係估唔到呢間餐廳叫食神麗宮。佢話係由食神名廚戴龍師傅開嘅餐廳。雖然我不清楚戴龍師傅是誰，但係餐牌上嘅菜式都好吸引。特醬燒乳鴿大大隻，應該有六兩重，新鮮熱辣上枱，皮薄脆肉又嫩。靚湯海味雜菜煲清清地，單純用魷魚乾蝦乾瑤柱調味，鹹香味帶出了蔬菜的鮮甜。加入了粉絲的清湯，簡單的鮮味，飲完暖笠笠。15年陳皮話梅骨估唔到份量咁多，雖然話係骨，但係有8大件肥瘦適中的排骨，話梅醬酸酸甜甜，完全滲入骨入面，入口唔覺肥膩！印度皇室咖喱牛腩配長城饅頭是這裏的另一招牌菜，餐牌寫住這個咖喱配方俾人用天價買走，所以對佢好有期望！結果當然都無令人失望，咖喱很濃稠，應該用上了幾十種配料黎煮，入口微微辛辣帶香氣，牛腩煮得嫩腍，入口肥美。用香脆的饅頭蘸黎食，簡直一絕！二個人食了四個菜已經飽到上心口，最後食埋贈送嘅芝麻糊，這餐無味精雞精添加的小菜，絕對令人滿足而歸。

今次去呢間餐廳大有來頭， 由《電影》食神的原型食神名廚戴龍師傅主理🧑‍🍳，而我哋又係食神嘅粉絲，當然要去朝聖下啦😇🦐🦑椒鹽百花釀生曬吊片＄168非常特別嘅配搭，吊片厚身，有口感得嚟又唔硬，蝦膠爽彈，濃香惹味，送酒一流🍻👍🧄🦈蒜香玉乳脆鱔球＄168炸得熱辣辣，有八大件脆鱔球而且非常厚身，肉質香脆爽彈，帶有淡淡嘅南乳味，香口惹味，仲要炸得清爽唔油膩🦐脆蝦球配山楂汁＄128蝦球大隻爽彈，並且用上新鮮菠蘿，再加埋青椒及洋蔥，醬汁本身已經酸甜適中，另外，非常有heart咁再配多個山楂汁，勁濃山渣香味，酸甜平衡道剛好，開胃解膩，食多啲煎炸嘢都冇問題😝🥢特醬燒乳鴿＄48自家調配醬汁香濃，乳鴿肉質嫩滑，香脆味美，仲提供手套，貼心方便衛生🍰免費飯後糖水喳咋非常足料，煲得非常綿淋，甜度剛好餐廳不採用🚫味精雞精，而且仲有好多特別自家製同埋懷舊嘅菜式，下次約多啲朋友再encore😃魚堅總評性價比 4👍(以5👍為滿分)

西環出名食神中菜！My families and I went to a restaurant called "Chinese Banquet" (食神麗宮) located in G/F, Best Western Plus Hotel, 308 Des Voeux Road West, Sai Ying Pun, Western District西環西營盤德輔道西308號華大盛品酒店地舖The owner of this restaurant is the well known chef “DAI LONG” .One of the big 4 chefs of Hong Kong(九七回歸香港四大名廚之一).Chef Dai is the Archetype of famous movie "God of Cookery" of Stephen Chow！戴師父是周星馳電影《食神》中的原型！Stir fried Grouper fillet with veg翡翠炒鮮斑球HKD$188.The Grouper filliet is flaky,moist,tender and d

西環位於華大盛品酒店的食神麗宮，原來是由戴龍師傅主理，餐廳還有頗多自家製和懷舊菜式，所以今日來到附近，就選擇了食神麗宮。餐廳是地鋪，裝修雅致舒適。印度皇室咖哩牛腩$168，配香脆長城饅頭印度皇室咖哩牛腩配爐上，廚師將牛腩炆得非常的夠火候，牛腩經已完全看不到，全部變成一小絲的，與當中的濃湯融為一體，味道微辣。香脆長城饅頭沾上咖哩牛腩汁，外脆內軟，特色的異國風味。鮑參肚燴生翅$298餐廳的燉湯及翅也是餐廳的賣點之一，鮑參肚燴生翅，內裡足料，鮑參肚軟腍，翅帶爽，湯底清甜及多重口感。煎牛柳$118牛柳厚薄適中，口感鬆軟，富有肉汁。配菜有西蘭花，配料以洋蔥及菠蘿煮成芡汁，甜中帶酸，酸甜惹味。最後餐廳送上一個馬蹄露甜品作結，清甜滋潤。