食神麗宮

营业中

休息中

相信好多人都睇過周星馳嘅電影👨‍🍳👩‍🍳食神 ，今晚嚟到呢間餐廳，就係由當年呢套電影嘅飲食顧戴龍師傅主理😊餐廳有好多自家製懷舊菜式， 今晚同囡囡嚟到就點咗幾款。🥢鮑汁南非鮑魚伴鵝掌矜貴嘅菜式，鮑魚炆得軟滑，鵝掌入味。🥢山楂汁咕嚕肉山楂汁另上，可以根據口味自己加，咕嚕肉炸得鬆脆。🥢 金銀蛋浸時蔬 我哋揀咗白菜仔，鹹蛋同皮蛋好香口。食飽飯仲有糖水送，係椰汁西米露。📍 西環西營盤德輔道西308號華大盛品酒店地舖

食神麗宮由嚟自食神中嘅名廚載龍師傳所主理。載師傳崇尚原汁原味和不時不食的烹調理念，經已入廚58年譽滿天下，貴為香港四大名廚之一。餐廳不會用味精雞精調味，只採用純天然山珍野菌及生曬豉油作為調味，務求令食客食得放心。特醬燒乳鴿乳鴿用咗秘製醬汁醃製，入味非常，而秘製嘅醬汁主要係用咗腐乳，所以食落會有陣陣腐乳獨有嘅香味，而且上檯隻隻都熱辣辣，皮脆肉嫩，肉汁滿滿。食神皇帝炒飯 係餐廳嘅招牌炒飯，用料上乘之餘仲好豐富。入面有帶子、蝦等，而飯嘅表面灑滿蟹籽，增加飯嘅口感，而呢個飯仲用咗兩種唔同嘅米嚟炒，所以飯嘅口感更有層次，而飯身夠乾，火候十足。酸甜開胃山楂汁配脆蝦球呢款菜式除咗脆蝦球之外，仲可以選擇魚塊同埋咕嚕肉。蝦球雖然經過油炸，但肉質仍能保持彈牙爽口，份量都幾多，蝦嘅size都好大隻，而且山楂汁球甜恰到好處，可以突出蝦嘅鮮味之外，仲令人更加開胃醒神。魔幻汁生煎蓮藕肉餅蓮藕肉餅一碟有6塊，煎得外脆內軟，肉汁保持喺肉餅入面，食落仲有陣陣咸香味，魔幻汁同肉餅嘅味道好夾。

今晚到訪西環老區，順道到馳名的「食神麗宮」晚膳。餐廳地點方便，就在電車路旁，離西營盤站出口不過數分鐘步程。門前裝有大魚缸，生猛海鮮在游來游去。餐廳是中式酒樓布局，裝修都甚具氣派，天花懸垂著華麗的吊燈，閃閃生輝。地方寬敞開揚，枱與枱的距離遠，絕無厭迫感。餐牌上列出多款經典粵菜，都是我的至愛。餐廳總策劃人戴龍先生，祖籍潮州，崇尚原汁原味，不是不食的理念，專心製作精緻點心、巧手小炒、惹味燒味、養顏湯水，並堅持不採用味精雞精調味，務求入口舒暢，豐富口感，和味悠長。“燒乳鴿”，脆卜卜，肉質鮮嫩可口。“生曬吊片炒粉絲”，香噴噴的粉絲鍋，吊片惹味爽口，粉絲用蝦醬炒香，入口爽滑，味道鹹香。“15年陳皮話梅骨”，酸甜醒胃，排骨肥瘦適中，口感滑溜，話梅汁完全滲透肉內，特別美味。“大盤南乳齋”，材料豐富，有：豆腐卜、枝竹、冬菇、茄子、粉絲、雲耳、白菜等，炆得入味，南乳味濃。“煎牛柳”（食神推介秘製醬皇），大大塊牛柳，口感嫩滑，有菠蘿、西蘭花伴碟，混合秘製醬汁一起吃，一流！飯後還有是日糖水附送。我享用了一頓美食後，發覺「食神」果然名副其實，性價比還相當高。

嘢食唔差，老人家客比較多：不停潑扇，因為冷氣一啲都唔夠。一路食一路流汗。所以食得唔舒服，亦有D擔心空調不足會否加劇細菌傳播嘅機會。冬天去比較適合。可以試佢嘅山楂咕嚕肉同埋煎糯米雞，十分好味。煎腸粉都真係有煎。如果要食雞就要早啲預訂。佢話係全部新鮮雞喎，冇人叫定先就唔會有。

西環一帶極具文化藝術氣息，旺中帶靜，估唔到呢度附近都有間酒樓，而大廚原來來頭不小：周星馳的《食神》，相信大家都好熟悉，由當年為電影擔任飲食顧問並客串一角的戴龍師傅，就係主理的食神麗宫既師傅！係呢度可以搵到回憶既味道！一定要試下啦～🌸🌸🌸🌸🌸🌸🌸🌸🌸🌸🌸🍃戲棚龍蝦湯泡粥(位）68👍🏻同我哋平時食開綿滑既粥唔一樣，呢一款係潮州粥，似泡飯多啲！我們二人到訪，一人份量都估唔到幾大碗！好夠食！湯底的龍蝦湯很鮮甜，配上魚片同魷魚等，潮州風味十足，小編未食過呢一款嘅泡粥，感覺都幾新奇！🍃濃湯雞煲花膠(位）88特別一讚，餐廳熱辣辣奉上湯品，雖則說是濃湯，但味道飲落濃淡得宜，感覺上唔多味精，湯品內更有雞絲以及花膠，女士養顏必食🍃油鹽水胡椒浸鱔片168食一條新鮮既魚，最好食既方法並唔係清蒸，而係用油鹽水浸魚！因為火喉更易控制，連鱔片咁煮到肉質嫩滑，同埋帶到鱔片既鮮味！🍃金銀蛋浸時蔬(例）88最近有d 上火，呢道菜清淡得黎又好食 ！金銀蛋姐係咸蛋加皮蛋。白菜味道淡，加上濃味金銀蛋後，平凡的菜品的味道與賣相加了不少分數！🍃鮑汁海參鵝掌（位）88👍🏻一整頓飯下來，最美味的菜品！以鮑汁燜制鵝掌，鴨掌變得甘香軟滑，

朋友說起當年電影《食神》是以食神戴龍師傅為原型取材的。而戴龍師傅在西環開了一間名為「食神麗宮」的中菜館，正在想那日可去嚐嚐。既然想去，就不要再等，即拉着朋友去。裝潢以傳統中式酒樓格局。菜單上提供多款經典粤菜和懷舊菜式。著重烹調佳餚，不採用味精和雞粉。❣️ 特醬燒乳鴿 $38乳鴿以自家調製醬料醃製。乳鴿表面呈醬红色，燒得表皮帶脆，油光而不腻。內裡鴿肉入味，令人滿口鹹鮮，香酥入骨，鴿骨也帶甘香味鮮。❣️ 煎牛柳 $118厚切牛柳肉質軟腍，口感鬆軟。掌握火候得宜，鎖住肉汁，肉質不乾，伴以爆香帶甜的洋蔥，牛柳牛肉味濃，且帶鑊氣。❣️ 15年陳皮話梅骨 $118話梅骨肉質酥軟，味道鹹酸帶甜不膩口。加入果味清香的陳皮，話梅骨的肉香提升，味道層次更豐富，亦減低話梅骨的油膩感。酸酸甜甜的味道很特殊，越嚼越甘甜，是一道特別醒胃的下飯菜。❣️ 山渣汁脆蝦球 $128色澤偏紅的山渣汁脆蝦球，表面脆醬不厚還帶脆，蝦球體積大而爽口。山楂汁的酸甜味道有層次，帶有酸香氣息。喜歡重口味的，可再蘸汁，風味獨特的山渣汁濃郁滋味。❣️ 蒜香玉乳脆鱔球 $168鱔球肉質新鮮彈牙，厚肉已去骨。濃郁惹味的蒜香味道，令鹹香的脆鱔球非常香口。

👉🏻食神皇帝炒飯Fried Rice💲188👉🏻山楂汁咕嚕肉Sweet & Sour Pork with Haw Juice💲128👉🏻金銀蛋浸時蔬Braised Vegetable with Preserved Eggs & Salty Eggs💲88👉🏻15年陳皮話梅骨Braised Spare Ribs with 15-Year Tangerine Peels & Preserved Plumbs💲118-原來係酒店餐廳 酒樓侍應不嬲好串 但呢間都幾好服務同有禮貌 仲送糖水🤭食神炒飯整到成條錦鯉咁 入面有帶子粒 飛魚籽粒加咗之後成個炒飯好有口感 山楂汁嘅酸甜香過一般嘅咕嚕肉汁 金銀蛋白菜仔煮得比較爽口 話梅骨係真係一半肥一半瘦😹陳皮味唔算好濃〰️〰️〰️〰️〰️〰️〰️〰️〰️食神麗宮（西營盤）📍Best Western Plus, 308 Des Voeux Rd W, Sai Ying Pun🔗#7eating西營盤#7eating港式#7eating中式#7eatinghotel

「或者人人都係食神。老豆老母、阿哥細佬、條仔條女，只要用心，人人都可以係食神」見到相片，有沒有想起食神入面，龍師傅是煮什麼呢？（或是記得：初戀呀～我要初戀呀！）珍寶海鮮坊沉沒了，一代人的記憶卻不會被海水淹沒食神麗宮僅開業兩年，內裡裝潢卻十分懷舊，大概也是龍師傅刻意之舉。食物價錢相宜，鮑參翅肚有，平凡小炒也有！兩周年更有特別菜單，多人聚會也可一試！特醬燒乳鴿$38每枱必叫的乳鴿，原隻上桌，附交剪及手套，外皮香脆，內裏肉汁滿滿。叉燒拼腩仔 $168食神中最傳奇必然是黯然消魂飯就來客叉燒吧！脢頭肉質細嫩，肥瘦得宜，淡淡玫瑰露香，外皮焦香脆邊，果真不錯腩仔外皮脆如餅乾，一口一年，吃不停口！山楂汁脆蝦球 $128咕嚕肉吃得多，咕嚕蝦卻是第一次吃！山楂汁酸酸甜甜，外皮偏軟，蝦球很大隻，不過再來應該會點其他特色小菜。想起龍師傅在食神的名菜到底是什麼了嗎？就是沒有用隔夜飯的皇帝炒飯!哈哈!食神皇帝炒飯 $188現實的皇帝炒飯沒有「將米釀喺箕圍蝦裡便嚟蒸熟，再用原只吉品鮑魚搾汁，加上極品官燕嚟炒」沒有「金雕玉砌，高深莫測」，但仍然美味。炒飯成鯉魚形狀，飯粒乾爽，粒粒分明，簡單以鮮蝦、帶子、青豆、雞蛋炒成

今晚車車同屋企人去左酒樓食家庭小菜, 簡簡單單食個三餸一湯, 食神麗宮由戴龍師傅主理, 有多款自家製同懷舊菜式, 好多車車都未試過呢🌟雞茸燴雪燕雞茸同雪燕份量多, 食落啖啖肉, 雪燕都唔少, 口感十足 🌟生曬吊片炒粉絲🥘吊片咸香味濃夠惹味, 粉絲吸哂味，份量十足, 非常飽肚 🌟工夫小炒皇小炒皇有韮菜, 魷魚, 銀魚仔, 吊片等等材料, 非常香口, 鑊氣十足 🌟特醬燒乳鴿特色醬油塗上香脆乳鴿皮上，加上鮮嫩嘅肉質, 令人一試難忘

餐廳係由戴龍師傅主理 品質監控🤩環境闊落 燈光明亮 坐得好舒服🙉工夫小炒皇 $138韭菜花+蝦乾+炸白飯魚乾+魷魚🦑超有鑊氣！炒得好香好好味 賣相精美蒜香玉乳脆鱔球 $168白鱔肥美厚肉 炸得非常香脆！而且唔會油膩蒜香味濃 炸粉厚薄適中 不過略嫌炸粉調味鹹咗少少楂汁脆蝦球 $128呢個脆蝦球出色之作😍咕嚕肉嘅蝦版🙊炸得香脆不油膩 山楂汁分開上 令蝦球保持脆口 山楂醬汁超解膩 越食越好味🙈瑤柱金蒜蒸茄子$88蒸茄子已經去皮 雖然我係食皮😂茄子蒸得好軟！不過茄子唔算好入味 加上瑤柱同金蒜 夾埋一齊幾好食😋而且好清新健康 唔會好油🤓

這間位於西環的食神麗宮，晚市主打中式小菜，款式甚多，而且價錢相宜。另外還有養魚缸，提供新鮮海鮮。食神叉燒叉燒燒至表面焦香，而且用了半肥瘦的豬腩肉位，加上特製的叉燒汁，叉燒入口嫩腍又不會太肥膩。炸新鮮魚塊炸魚塊下面墊上炸多士，兩者都炸至金黃香脆，而且很乾爽，完全不油膩，魚塊啖啖肉，加了山渣汁酸甜開胃。椒鹽百花釀生曬吊片吊片釀入蝦膠再炸至金黃香脆，外層的粉漿很薄，吊片及蝦膠都很新鮮彈牙，而且鮮味十足。戲棚粥用了龍蝦湯底做成的潮州粥，加了花膠、方魚、魷魚乾等海味，整個粥都充滿海鮮鮮味，是必食之一。最後還送上芝麻糊及紫米露，兩者都不會過甜，芝麻味濃郁幼滑；紫米露比較有較口。

👍🏻由當年為電影擔任飲食顧問既戴龍師傅主理既「食神麗宮」，主打傳統經典粵菜，價格親民，食得健康，每一道菜都唔會加任何味精！👻店內走舊式酒樓的傳統格局，面積寬敞，加上樓底夠高，座位之間留有空間感，坐得舒服食得滿足！🏆食神皇帝炒飯（$188）鯉魚嘅造型顯盡心思，特別霸氣吸睛，炒飯真材實料，鑊氣十足。每啖都食到海鮮同蛋絲，加埋蟹籽口感更豐富好味呀！🍑香桃蜜豆牛柳（$138）牛柳軟腍唔會靭，蜜桃清甜多汁，整體惹味香濃。🍓山楂汁咕嚕肉（$128）特製嘅山楂汁特別酸甜醒胃，炸粉稍為腍左少少，但配上新鮮菠蘿，依然好滋味！🎉醬燒乳鴿（$38）即叫即炸嘅乳鴿，皮脆肉嫩之餘仲好入味，大件揀抵食呀！💌食到最尾餐廳仲好貼心，每人都送上糖水芝麻糊，香甜濃稠，感覺溫暖窩心！

把古法菜重新展示, 食得出廚師功力. 賣相需然一般, 食物內容才是功夫. 每樣菜式都看得出廚師心思和功力. 香港已小有這些功夫菜館了. 希望能一直堅持, 長做長有. 

食神出動……..😂😂😂😂😂睇睇餐牌有乜嘢食，原來呢間餐廳係由戴龍師傅主理，仲有好多自家製同埋懷舊嘅菜式😋———————————醬燒乳鴿：燒得夠香，香脆又嫩滑的肉質，好….好味呀😂😂——————————🦞戲棚龍蝦湯泡粥：戲棚粥真係未食過，第一次食，唔睇餐牌都唔知原來有啲咁得意嘅歷史，入面仲有柴魚，怪不知個粥咁甜，好得意有特別又懷舊的一個龜泡粥😊—————————-🐮皇室咖喱牛腩：秘方再現，原來呢個印度皇室咖喱1992年北京雕爺在京已有10間分店，而且仲係以天價向食神戴龍師傅買下呢個印度皇室咖喱牛腩秘方，唔怪得知個味道咁特別🤔————————🐷15年陳皮話梅骨：味道層次分明，好香陳皮味、亦都食到好香好特別嘅話梅味道，炆得好夠腍好入味。—————————🥒🌶鳯巢伴絮蓮香：炒得好香好爽脆，又夠足料，雲耳，蓮耦、菇、馬蹄、甜豆、西芹，紅甜椒、百合…………等等。吃得好清爽，鳯巢又炸得脆卜卜⋯⋯😋————————🍮甜品：芝麻糊、綠豆沙：飯後仲有甜品送👏————————-食神出動…食神現身…去到邊就食到邊嘅我都係一個食神😂😂其實開心🥳簡…單就在你身邊..食….拍…寫.. 已經成為我生活中的一部份鍾意食

早排同媽媽傾偈，她說她公司附近有家中菜廳不錯，她跟同事試過午餐，想跟我去食，於是這晚下班我就去找媽媽吃！見到有我最愛的燒乳鴿，點了兩隻特醬燒乳鴿，上枱熱辣辣，特別之處是在於乳鴿的調味，平時通常都會附帶淮鹽或者豉油，但這個燒乳鴿已經醃得好入味，好香，好惹味，皮脆肉汁多，強烈推薦！炸新鮮魚塊大大塊炸魚塊，配上甜酸汁，真的要一大讚，用了新鮮的山渣來整的甜酸汁，令人胃口大增，再加了青紅椒和菠蘿等，這個醬汁不得了！另外魚塊是用了石斑魚，啖啖肉又鮮味，外脆內嫩！再配上炸到脆卜卜的厚多士，惹味！靚湯海味雜菜煲媽媽喜歡清淡一點，點了個雜菜煲！不知道是否餐廳在海味街附近，雜菜煲內的蝦乾、魷魚和瑤柱都特別優質！湯底有鹹鮮味，再加上不同的新鮮蔬菜，有西蘭花、白菜仔、小棠菜等，還有粉絲，不錯！食神炒飯這個是招牌菜，身為星爺粉絲的我，想起了電影食神中的食神炒飯，想不到現實生活都遇到，真的好夠鑊氣，有好多蝦仁，飯粒粒分明，還有蟹籽，食落口「卜卜」聲，好美味！最後還有糖水，不會好甜，芝麻糊幼滑！