風雲丸 (已結業)

通常風雲丸夜晚都會排長龍，就算香港多左咁多間沾麵 風雲丸依然係我最中意食既沾麵之一 風雲丸大概可以容納三十幾個人左右 店內職員好helpful 而且出餐速度都好快 沾面有唔同味道揀 有辣亦都有咖哩味選擇 今次揀呢款係最普通款嘅沾面 通常揀冷面質地會比較彈牙 佢上菜時會用石鍋裝住個湯 咁個湯就會冇咁易凍 面既掛湯能力好強 而叉燒都燒得啱啱好肥瘦均一   舖頭入面有熱湯 俾人食完沾面加湯落去飲埋個湯底呢間沾面 cp值高啊 開店咁耐水準都冇跌 而近排仲開埋尖沙咀既分店添 

男朋友近排都成日要OT，等埋佢收工都唔知食咩好，佢話公司附近開左間新嘅沾麵店，由於佢真係好鍾意食拉麵/沾麵果啲，於是就俾佢的左去食啦~我叫左豚骨魚介味玉沾麵，我揀左溫麵，因為我鍾意d野熱辣辣咁。個沾麵湯黎到超熱，仲出哂煙咁！好最期待就係個味玉，每次去親食拉麵/沾麵時我都一家會加蛋！佢個蛋係流心嘅，蛋黃好香濃，而蛋白都好入味，又唔會太咸做得好好！麵嘅硬度剛剛好，湯汁掛喺上面個樣超吸引！不過食嘅時候記得小心啲，因為第一啖食果時個湯汁真係太熱唔小心辣親個口 XD

It is a new thing for us to try. It is difference than ramen on a different level. It served the broth in a hot stone pot.the curry soup that u chose was delicious. Very yummy with my warm noodles also ordered dumplings with Japanese bbq sauce. Crispy on the outside and tasty inside . Will come again for other kind of soup!

沾麵的風吹了不知多久，當中有幾間非常出名又個名響噹噹的，還是未吃過。 風雲丸係其中一間，首間店係灣仔開，嗰陣排隊排到七彩，阿媽姓乜都唔知。 幸好，香港是一個非常善忘的地方，椎名林檎過咗，人就唔多。 你估個個都咁鍾意食沾麵咩。 一路都想趁機會食，趁今日喺灣仔有展覽，啱啱想到來朝聖，飛雲就在旁，當然不放過機會。 地方不是太大，有大概廿幾個座位，下午兩點半鐘，完全不用排隊，直行直入。 最好係並盛大盛特盛價格都是免費，有200到400 Gram都是兔費加大。 我點了最經典的豚骨魚介沾麵，放係你面前個刻，熱到最高點，噴哂煙的沸點。 飲一口湯，味道都幾鹹，沾麵的濃烈，應當扣上如此的湯。那個湯加點檸檬汁，原來更誘人。 麵條有冷暖選擇，回頭多少個秋，看了選擇邊種，我覺得暖麵條配勁熱的湯才是王道。 那件燒得肥美的叉燒才是最令人流哂口水的。肥脂位置的油香，令人難以抗拒，肉汁豐富，叉燒肉厚，一絕。 可憐的肥仔如我，要忍痛割愛一部份肥膏。 女友叫的野菜豚角豚骨魚介沾麵，味道更濃。 野菜勁多，點上湯後，感覺更多姿多彩，豚肉以角狀形式上，每粒一口，更加惹火，令人心思思吃多一件半件，而且冇咁油冇

最近在灣仔經常看到一間日式麵店排長龍，今日剛好經過一於去試一試先.充滿日式風情.主打沾麵.提提大家並盛，大盛，特盛是一樣價錢，食得曬可叫特盛的.份量足夠一個成年的男人食，十分經濟.有一隻蛋同大大塊豚肉，麵就有少少爽囗的.加上石煱湯底十分夠熱，這一個沾麵十分有水準又好味道.在日式環境下，食野都十分享受.小食叫了一個餃子，十分香脆充滿肉汁.最後點了日本空運到港的米雪糕，充滿了米香，十分有趣.也有綠茶味道.

因為 c 約咗人，所以自己一條友喺灣仔食個沾面。之前有好幾次經過，但都無入度黎。今日終於可以試一試!既然第一次黎，就試下佢個招牌豚骨魚介味玉沾面。佢呢間鋪都幾特別，有得俾你揀面的份量。因為大食，我叫左400g。turn out 個份量對男士黎講係夠嘅。個面黎到係咁樣嘅 (開始食就唔得閒影相喇)佢用左個石鍋裝住啲湯。本來 idea 係好嘅，等個面無凍得咁快，但係可能面太多，食到最後都係凍左。個湯勝在夠濃，做到掛面的效果。個面我 order 左冷面，因為我鐘意食彈牙嗰種。佢係唔錯嘅，不過無上環某間沾面咁彈牙。粒蛋無乜特別。個肉係用慢煮方式做嘅(個牌係咁寫)，不過可惜係凍架！我會建議佢用火槍好似酒樓上燒豬前咁燒燒佢，會熱啲同香口啲。食到最後，個湯唔夠。下次問下佢可唔可以俾多少少湯先得。

其實一直都好想黎試的，但奈何永遠經過都見到好長龍就果斷放棄，難得今日無咩人排隊，終於可以試了。餐廳内部同其他日式餐廳差不多， 枱面有教授沾麵既食法，就算初次黎食都唔怕。枱既前方仲見到有不同份量既麵可以選擇，要去到800g先要收錢，大食既我當然係揀400g啦。麵條仲有得揀暖定凍，正宗食法係凍既，但個湯好快就會凍，所以今次就決定試下暖既。豚骨魚介沾麵，湯底都算濃稠，豚骨味道濃郁。麵條好彩揀左400g，個人覺得係無400g，因爲食完都只係剛剛好。麵條係暖既關係，所以係無咁彈牙，較軟身。不過好處係個湯食到差不多最後先凍，凍左既湯底真係差好遠。另外仲叫左一客辛口沙拉燒餃子，一擺落口辣味已經衝晒出黎，好彩有d沙律醬中和返個辣度，不過我覺得依然好辣。整體都好食既，但餃子略嫌多油。最近睇到個知名食評Youtuber評價呢間餐廳，先喚起我對呢間餐廳既記憶，但其實我食完又唔覺得係差到咁。

早前睇到openrice好多正評, 所以想離試一試。坐低之後叫左叉燒魚介拉麵、炸雞同餃子。D野食好快離到，但係唔夠熱。拉麵湯底唔算濃，同埋好小魚介味。拉麵份量偏小，而且咬落去唔太彈牙。整個拉麵只有半肥瘦的叉燒比較好吃。整體來說拉麵和五六十蚊的差不多，唔值得賣88蚊。而餃子亦不值35蚊。餃子味道一般，和即食餃子差唔多。另外，找數時先知道以15蚊買餃子的優惠要係叫餐嘅時候講明。炸雞係三樣野食裏面最好食麵粉同雞嘅比例恰好，亦唔算多油或太鹹。

同朋友去完書展之後，肚餓去銅鑼灣搵野食，我地兩個人都係沾麵愛好者，每次約出黎都係食沾麵咁濟。於是我地揀左間係銅鑼灣幾出名既「風雲丸」黎一試究竟。可能係因為書展既關係，去到門口排左差唔多半個幾鐘左右先入得去，天氣仲要好熱，不過食好野係要付出代價既。沾麵款式選擇唔算多，主要係有原味、辣同埋咖哩魚介沾麵。另外小食都都多款選擇，不過我地淨係試左呢度最出名既原味沾麵，豚骨魚介沾麵($88)＋豚骨魚介味玉沾麵($93)。一上沾麵個時，個湯滾到不斷起泡，以為會熱到好難入口，但配冷沾麵點落去其實岩岩好。沾麵份量都多，叉燒非常肥美，沾麵厚度偏粗，我自己黎講係鍾意食粗麵，所以呢個都幾岩我口味。沾麵有淡淡麥香味，好彈口，魚介湯底感覺味道有點太重。室內裝修都值得一讚，係滿滿既日本風風格，紅白色做主調，感覺好SHARP。如果嫌唔夠飽，其實可以再將食剩既湯加水配肉鬆飯做雜炊食，但係我地兩個都太飽啦，所以無咁做。

This place is pretty good. My wife and I got the spicy tsukemen and shared it. I ordered extra green onions because I often find myself wishing for something crunchy in my ramen. It was a good call.The pork belly was excellent and was a rather large portion cut quite thick. This wasn't a problem at all though because it was so tender. The broth was pretty nice. It had a distinctive fishy flavor to complement the pork bone broth, which was something different. The noodles themselves were up to st

周末過海探望朋友的初生嬰孩，先去用膳。早前在Facebook見到>>>SOKO 和泉素行介紹食沾麵的四種方法<<<，於是到>>>灣仔風雲丸<<<一嚐當中滋味。色彩鮮豔的裝修，讓人食指大動。 餐牌中英兼備，選項非常豐富，不但可以自由選擇配料，麵底底份量也有4個選項，很配合不同食客的食量和口味。 點了侍應推介的石燒濃厚豚骨魚介味玉沾麵(HKD93)。之前一天在酒店飽餐一頓自助晚宴，所以當日下午其實不太肚餓，麵底選擇了並盛，只有200克，而且在自助餐吃得太多雪糕、甜點，這天只好自律一下，選擇溫面配熱湯。 沾麵湯底加入大量日本豬骨，淆製長達十個小時，豬骨精髓融入當中，最後添加瀨戶內海優質弱魚製成的魚介粉。湯底味道確實非同凡響，魚香非常濃厚，不帶腥，絲毫沒有油膩感，吃過麵後也不會口渴，非常上乘。 自家製沾麵選用日本小麥粉，每日新鮮製作；溫麵富有麥香，口感厚實，而且非常掛湯。 雞蛋100%流心。叉燒有夠大片，亦是厚切，肥瘦均勻。筍和蔥份量略少，意猶未盡。 另一侍應推介是沙拉唐揚炸雞(HKD38)。 一客

行完298，突然想食個拉面類的東西，又經過這間風雲丸。看來平平無奇，但都有少許驚喜。看完餐牌就照平時的習慣叫左個看似是本店例牌/推介的豚骨魚介味玉沾面。這店有個好處，就係佢會俾你揀份量。(有時食拉面會唔夠飽，這次就無呢個問題，我揀左特盛)個面到時候係咁樣的 (開始食我就唔會影相)特色在於個石頭鍋。食沾面常見問題係食到最後個湯凍左，佢用石頭鍋係可以令湯唔凍得咁快。(in theory)先試個湯。湯夠濃但唔會太咸，唔算好鮮味但都不錯。之後試面。我叫左冷的，因為我比較喜歡那種彈牙的口感。面是爽的，不過未算最好。值得讚的係個湯濃到可以"掛面"。佢有片檸檬俾你加落個湯度，不過個人唔太喜歡。試左粒蛋，正常。試埋舊肉。個牌話係什麼什麼慢煮的，所以有啲 expectation. 係凍嘅本來想放落個湯度，但因為食左一輪面，個湯都凍左 (無錯，個石鍋都係 solve 唔到個湯凍的問題)。 味係唔錯架舊肉，不過好似喺雪櫃攞出來咁囉。浪費左。。。。好失望呀! 其實佢攞支火槍燒燒佢先上咪得囉，又香口啲，又熱啲。而最後又有個失望位，就係個湯竟然唔夠!可能係我叫左特盛，所以用得太多湯。但最後一口面係無湯的真係唔係太

最近好似多咗好多食沾麵鋪頭，行過灣仔見到呢間裝修好有日本風嘅沾麵店，風雲丸個名好有趣，於是同朋友入去試試。先叫一碟煎餃子，餃子有三款可以選擇，有燒汁，辛辣，原味，我哋就揀咗原味，一上枱就好吸引，餃子邊煎得脆卜卜，金黃色嘅外皮，一口咬落肉汁豐富，皮身薄，再點上酸味味嘅豉油，更加開胃美味待應介紹兩個期間限定，鮮牛油忌廉魚介沾麵同特濃山椒魚干沾麵，待應話尼個麵唔辣但有麻味，既然係期間限定就叫黎試下侍應端上熱辣辣嘅湯同沾麵，將一撮沾麵浸落湯，入口好有麻香味，平時食麻辣嘢，入口麻同辣充滿口腔內，尼個就只有麻麻的，感覺很有趣，麵身煙un彈牙，有咬口，煮得恰到好處，唔太硬唔太淋，值得一讚朋友叫左碗石燒濃厚豚骨魚介味王沾麵，個湯真係好濃好厚，沾上沾麵，一入口一股小魚干香味，好特別，令人一試難忘，糖心蛋，一切開蛋黃徐徐流出，時間控制得好，蛋香濃滑，豚肉咬落有驚喜，雖然睇落好厚，但肥同瘦肉均勻，食落充滿豚肉香味，好淋好嫩滑

黎開灣仔見呢間沾麵好出名，平時好多人排隊就入去試下，因為個肚唔係好餓，本來諗住揀200g，但200-400g 都同價，又驚200g 太少，最後就揀左300g豚骨魚介沾麵$88喇魚介湯上枱既時間仲係熱辣辣滾住架賣相相當吸引，但個沾麵食落口感就一般，粗得黎唔夠煙un，冇乜彈性。豚骨雖然夠厚，但比較瘦，食落覺得有d硬，同埋會痴牙。而魚介湯就幾好味，覺得太咸既話之後可以加水當湯飲。值得一提，就係個師傅都幾靚仔，雖然食物一般，但有型仔師傅望下算係補返數

最近發現一間拉麵店係灣仔集成旁邊，叫「風雲丸」，係我之前響尖沙咀食過一間叫霸嗎拉麵既姊妹拉麵店，係一間來自日本廣島的過江龍連鎖拉麵店。目前海外分店僅香港一處。講到咁特別，當然要試食一下😋😋😋成日去拉麵店都怕份量唔夠食，今次麵量有不另收費既「並盛200g 」、「大盛300g 」和「特盛400g 」三款。另有額外加 $45 既「富士山盛800g 」可選，十分貼心。男士們絕對唔怕唔夠食😂最後本人點讚咗肉盛豚骨魚介沾麵 $128當第一次食過呢度既沾麵真係番唔到轉頭，平日食既拉麵都會飲埋啖湯，但沾麵就會 suppose 食晒之後再加水先飲埋啖湯。呢間野 for 沾麵既湯底味道雖然十分濃厚，但魚味特濃得黎好清🤤🤤 ，原因係呢到既湯底加左現場即磨嘅日本上乘魚介粉。雖則湯已掛麵，但已經令你想即刻飲咗啲湯。肉盛豚仲要名乎其實，啱哂食肉獸🤤🤤🤤一見到大大塊、日式燒炙過既既腩肉就已經好開胃👅👅👅💦💦石鍋裝著既湯亦十分熱燙，因為湯係預熱三百度先上枱，所以食到尾湯仲好夠熱，好好味😋另枱上貼著左做 VIP 既QR code, 一掃原來做新會員可以加 $15 有餃子送，餃子煎到一面既皮超脆口，但另一面就正常，2款口