風雲丸 (已結業)

因為 c 約咗人，所以自己一條友喺灣仔食個沾面。之前有好幾次經過，但都無入度黎。今日終於可以試一試!既然第一次黎，就試下佢個招牌豚骨魚介味玉沾面。佢呢間鋪都幾特別，有得俾你揀面的份量。因為大食，我叫左400g。turn out 個份量對男士黎講係夠嘅。個面黎到係咁樣嘅 (開始食就唔得閒影相喇)佢用左個石鍋裝住啲湯。本來 idea 係好嘅，等個面無凍得咁快，但係可能面太多，食到最後都係凍左。個湯勝在夠濃，做到掛面的效果。個面我 order 左冷面，因為我鐘意食彈牙嗰種。佢係唔錯嘅，不過無上環某間沾面咁彈牙。粒蛋無乜特別。個肉係用慢煮方式做嘅(個牌係咁寫)，不過可惜係凍架！我會建議佢用火槍好似酒樓上燒豬前咁燒燒佢，會熱啲同香口啲。食到最後，個湯唔夠。下次問下佢可唔可以俾多少少湯先得。