風車

营业中

休息中

限眾令放寬，香港人終於可以食個好飯。成日都覺得大圍好多嘢食，今日終於去咗大圍覓食！//入到去覺得環境好cozy，本身係一間酒吧，有飛標玩，枱同枱之間有隔板(因為有人坐，所以冇影)。//Lunch set average $70幾，連salad同埋drinks都幾抵。//Salad（跟餐送）- 酸酸哋，幾開胃，份量足。//西巴牙式燒鷄配薄荷乳酪 $66 - 個雞燒得唔錯，唔會「乾真真」，sauce幾特別，薄荷味可以balance吓油膩感，配有青瓜及洋蔥等配菜。//鹽燒牛脷 $76 - 好多時食牛脷會硬身，呢度嘅牛脷整得好夠「淋」，個邊位輕微咁燒多小小，所以有個脆口嘅感覺，送飯一流。另外不得不提嘅係佢嘅saurce控制得啱啱好，唔會太多或太少，唔會令飯/意粉吸哂啲味而過鹹。//最後收費$142，2個人算抵食，加上座位之間唔會好窄或者過逼，喺疫情下可以放心咁友人吹水，坐得舒適亦無用餐時間

呢日午餐黎到風車, 一入餐廳俾人個感覺都好RELAX~ 佢餐牌都有幾多選擇, 又有漢堡, 又有意粉/飯等等~ 我地叫左一個雞扒意粉, 一個煙肉芝士漢堡配薯角~ 我地一個餐揀左湯, 一個餐揀左沙律~ 湯係洋蔥湯, 本身睇個樣以為好稀冇乜味, 點知飲落又有勁香洋蔥味~! 好快就飲哂成碗~ 沙律都係普通西餐質素, 唔錯~ 先講下個煙肉芝士漢堡配薯角, 薯角超脆, 勁香…. 食完一舊又想食第二蕭, 仲有炸到熱辣辣, 食個陣要小心辣親個咀! 煙肉芝士漢堡大大份, 勁多肉, 塊漢堡都好大塊, 又唔會乾爭爭, 食落去勁滿足, 仲要配埋煙肉食真係啖啖肉夠哂正! 雞扒意粉塊雞就別哂大大塊, 食落都係一D 都唔鞋同乾, 食完成塊雞扒真係超滿足! D 意粉撈少少跟餐既醬真係超正!!!! 呢餐lunch 都真係好滿意~ 加埋都140$ 左右, 都算抵食~

餐廳有哂隔板，環境都好衛生，仲有電視睇，燈光偏暗，令人放鬆心情，係食晚飯嘅好選擇～意式炒大蝦薯仔 - 個sauce 整得好好味，有蕃茄嘅酸味好開胃，啲蝦好大隻，肉質又彈牙，好新鮮，加左洋葱，露荀同菇片炒，仲有幾塊多士伴碟，個炒薯仔都好香口，整體唔錯～白酒煮蜆配蒜蓉包 - 呢個超好味！有啲白汁嘅cream, 炒蜆食好正！蒜蓉包仲可以點呢個汁食，好惹味～蜆肉都好肥美，每個殼入面都有肉，食到停唔到！西班牙式燒春雞 - 有雞胸同雞脾各2件，2個人食夠哂～雞胸唔會好鞋，雞脾都幾嫩滑，整體黎講都燒得幾好食，味道微辣但好香口。凍peach tea, 值得一讚真係有幫我少甜，好怕啲糖漿味，呢杯有純正嘅蜜桃茶香！凍朱，朱古力味濃，好味～～

同朋友在大圍閒逛，夠鐘食晏，就上open rice 睇下附近有無餐廳介紹，見到呢間餐廳有咁多好評，就去試試。嗯，老實講，只是屬一般，不過不失。餐廳環境一般，當日的侍應是叔叔，都幾有禮貌。不過，食物質素就麻麻。我地叫左一份豬扒包餐、一份雜扒餐。餐湯、沙律一般，豬扒包賣相、味道算不錯，保留到肉汁，口感都可以。不過份雜扒就真係麻麻地，有點似快餐廳的質素，肉質有點鞋鞋地。真係唔知點解會有咁多好評。總結就係：一般。

入大圍拜完車公，順便係大圍附近搵下d 西式餐廳。係呢段午餐時間，想搵下d 寬躺舒適既坐位，食個豐富既午餐，休息下⋯⋯傾下計！😚入左間風車餐廳，每個位都好寛躺，坐係到感覺好relax, 鐘意飲酒既話，仲可以叫返杯1664 添⋯⋯*午餐*分別叫佢一份*醬燒豬扒土耳其三文治*及一份*雞扒配薯菜*~埋單到係$140, 每人約$70 蚊，抵食喎～不得了，雞扒大大件，仲要係有兩大塊，雞肉好嫰滑，食落好有口感，個人又很愛食薯角的，外脆內軟，不太油膩！正得一讚😋豬扒同樣係大大件的，有兩塊，豬扒軟熟.....最估唔到既係，三文治包上半part 既麵包係加左蒜蓉及加熱，十分鬆脆。而底部既麵包加上芝士及加熱，十分芝味！大大啖食落口，好味到冇得頂......仲配有磨菇餐湯可以飲下酒，放鬆下....

要拎野比朋友，難得去到大圍，一定好搵一間小店食下補番數，朋友帶左我去一間平時成日去嘅西餐廳食野。黎到西餐廳當然要食扒啦~ 滿足一下自己食肉獸嘅心態，無肉不歡~意式田園沙律配煙燻鴨胸我地叫左碟沙律食，食沙律最驚就係又霉又唔新鮮，而呢到啲沙律菜好爽口又新鮮，咬落去”索索聲”，加埋煙燻鴨胸作點綴，煙燻鴨胸口感鮮嫰，鹹香味好足，有好香嘅煙燻味，味道好香濃，同清新嘅沙律做配搭，味道岩岩好。紐西蘭肉眼扒我好鍾情肉眼扒，因為質地會比教軟腍易咬，而呢到嘅紐西蘭肉眼扒口感都一樣好軟腍之餘食落又無咩根，牛味仲濃郁，幾好味，點埋個醬汁，更加惹味。薯角炸得好香脆，入面仲有好多薯肉，薯味幾香，朋友都忍唔住係咁食。雜菜微微焗過，無咩特別調味，有份焦香味，點個醬汁食就VERY GOOD喇~

其實無論發生咩事食飯總係重要嘅，幾時心情唔好嘅時候更加需要去一個食得舒適 嘅地方。兩公婆冇嘢做最適合就係周圍搵好嘢食😉其實好耐之前都去過一次，但係一路都冇時間再去適逢而家呢啲時勢可以稍為忙裏偷閒就決定再去多次大圍風車。估唔到隔咗咁耐水準唔單止冇退步而且仲好似好食咗特別係佢炸薯角同埋啲雞髀， 香得嚟又唔會過份油膩👍以前食嗰啲薯角食完之後成口都係油，同埋粉都唔知自己食緊乜但係呢一度就細緻好多，係有心去整嘅， 因為佢哋連啲沙律菜都好好食 值得一讚。👍最重要嘅係店內整齊，環境衛生都ok，所以係一間可以放心去食嘅餐廳。

同朋友踩完單車嚟到大圍 又唔想頹食 想搵個有feel嘅地方坐低慢慢傾計enjoy下 見到呢間嘅review好似唔錯 所以決定試吓佢呢間嘅小店比較隱蔽 所以比較靜入到去覺得啲裝修有種好溫馨嘅感覺 再加上少少昏暗既燈光 好岩同朋友/情侶坐低傾計食飯研究左餐牌一輪 最後決定叫白酒煮蜆 西班牙黑毛豬肋眼同阿拉斯加蟹肉餅阿拉斯加蟹肉餅底係烘左嘅蒜蓉包 上面鋪滿蟹肉啲蟹肉好鮮甜 調味岩岩好白酒煮蜆配蒜蓉包不得不說真係好鍾意佢個汁 因為平時好怕會食啲好重酒味嘅嘢 覺得好似會蓋過哂原本食物既味道但係佢呢個酒味啱啱好 唔會太濃 而白酒既香更突顯左蜆既鮮甜🤤可以試吓將蒜蓉包沾少少醬去食 更加有風味黑毛豬肋眼（推薦7成熟！）呢個係今晚最有驚喜嘅菜式 千祈唔好俾佢嘅外表呃到 以為佢係一塊豬扒佢嘅肉質好嫩 一啲都唔乾身 好有肉汁 而且唔會有豬腥味 就咁唔沾任何醬都已經覺得好好味中意重口啲既都可以沾佢配既sauce 味道都好特別 有少少似Pizza上面嘅sauce 同個黑毛豬都夾得黎之餘唔會蓋過佢既肉香今餐好滿意！會推薦比其他朋友

兩個人食，一個叫左set dinner食豬肋眼，算正常但偏貴。我就另外單點一個肉眼扒，呢個先精彩...我叫三成熟，個侍應叔叔答我：「要好生架係咪？」我話：「三成呀，medium rare！」佢再講：「好生嘅係咪？」我咪有話：「係呀。」....然後出到黎，塊扒一睇就知熟到五成都唔止...一切落去，根本就超過七成熟.....成件事好伏，個侍應好似茶餐廳侍應咁，唉，無第二次！

1430左右入到去食lunch，叫左兩個lunch，鹽燒牛脷飯，啲牛脷咸到生到腎石，另外+$15叫多個龍蝦湯，錢多可以試下，唔係就唔建議喇，另外叫左個燒雞豬仔包，塊雞扒又係咸到乜咁，仲要有陣雪藏味...叫左杯生果茶，支飲管仲要有積...，啲味同開支維他生果茶無分別，咁嘅價錢不如去茶記都無咁嬲....真心，啲like係咪買返黎就唔知，但係就一定唔值...伏到中晒槍...PS 食食下又要拖地，啲水彈到我女朋友一腳都係.....

朋友喺大圍附近收工，接完佢放工之後就喺附近覓食。喺附近兜左幾個圈同睇咗唔同食評之後，終於決定試吓呢間西餐廳，個名幾特別叫做風車😆 我地兩個人就叫左佢哋嘅二人套餐，見到包括嘅兩款主菜都幾吸引～-意式田園沙律配煙燻鴨胸🥗首先嚟嘅係沙律前菜 份量比想像中大幾多 裏面嘅沙律菜都幾新鮮 醬汁係黑醋 酸酸地食起嚟好開胃 鴨胸片都有幾多塊 唔錯👍🏻-紐西蘭肉眼扒配焦糖菠蘿🥩肉眼扒可以揀熟度 我哋就揀咗七成熟 對我哋來講剛剛好 肉眼扒都幾大塊 菠蘿亦都好鮮甜 同肉眼扒一齊食都幾夾-波士頓龍蝦意大利粉🍝呢個意粉味道完全超出我哋嘅預期！醬汁好鮮甜好啱我哋胃口😋 意粉配有半隻龍蝦🦞 上半部分原來仲擺左龍蝦鉗嘅肉係入面添 幾貼心 意粉嘅份量同樣係大大份 兩個人食一定夠晒啦～

同朋友約食晚飯，搵到呢間係大圍積存街既餐廳去食西餐正！店內氣氛幾好，幾有feel一坐低，叫完野食，就上左蒜蓉包，蒜蓉包幾好食，有蒜蓉味，熱辣辣、脆卜卜咁 我地叫左個火腿卷，應該係用Parma ham包住蘆筍，其他餐廳平時會包哈密瓜食既，但咁樣食落去都唔錯，幾夾我哋叫仲咗白酒煮蜆 啲蜆都好入味，鮮甜、新鮮，鍾意食蜆嘅人可以試一試仲食左黑毛豬扒，類似泰式既煮法，個醬汁幾正，將豬扒點嚟食，幾好食，豬扒整得幾鬆軟，唔錯既小食我哋都叫咗好多嘢食，仲有個韓式雞球，係用甜辣醬整既炸雞球，新鮮熱辣最後，仲有個肉眼牛扒我最中意食牛肉架啦，牛扒煮得岩岩好，合我心意side dish薯角又脆卜卜，好食！最特別係佢嘅燒菠蘿，連我唔食菠蘿都會想食野飲方面，我地分別叫左三杯：Apple mojito, blue lady 同 strawberry colade味道都ok,不過酒味多啲，中意飲酒可以試下啦

今日黎到大圍諗住搵下有咩食，平時食雞粥都食到悶，咁岩見到雞粥店隔望零零舍舍有間西餐廳，望下個menu都幾吸引，就決定試下，果然無令我地失望😇凱撒沙律沙律菜好新鮮，完全幫我地打開左胃口！入面有芥末調味料、培根碎片、大蒜，面包粒等等！沙律醬吾會過咸或過淡，配埋d菜食岩岩好，開胃爽口！食沙律最重要就係d菜要爽甜，哩碟沙律令我對之後既菜更加期待！法式春雞因為我地兩個慣左夜晚盡量吾食澱粉，叫左兩個主菜都係肉，春雞有小小微辣，但係肉質好嫩滑香口，表皮脆脆地好香口！佢用左椰菜墊底，側邊仲有d番茄仔同沙律！平時去超市法國黄油春雞賣60幾至70蚊一隻，手掌咁上下大，但厚肉骨細，煮上黎鎖住肉汁，真係👍👍乳豬哩個係3樣菜中最出色既一碟，乳豬皮好脆肉好滑，仲有薯條🍟伴碟！一上碟果種好味已經好濃烈🙈一切開d肉汁出哂黎，熱辣辣，火侯控制得岩岩好，比起平時去飲食既乳豬仔真係吾同架🙈🙆🏻‍♀️薯仔濕濕地，相對無咁熱集🔥兩個人埋單差吾多$550，食到好飽🤭地方都坐得好舒服！推介同情侶朋友/一家人黎食都好😇👍

餐廳以「風車」命名，除咗代表歐陸風情外，仲係附近車公廟嘅象徵🙏🏻店嘅正中央掛咗巨型水晶燈，以全黑設計配以數幅超大鏡子，簡單有型😎💗是日餐湯椰菜花忌廉湯質地稀到好似水咁🥦味道完全冇蔬菜嘅清甜同忌廉嘅奶香，而且一d配料都冇。最大問題係鹹到痴咗線，似鹽味嘅奶水多過湯🤮💗醬燒豬扒土耳其三文治($76)土耳其包烤至外層香脆，入面鬆軟有彈性，包面有黑白芝麻作點綴。內𥚃有兩大塊厚身豬扒，肉質較結實但絕對唔係韌，證明冇落鬆肉粉。食落肉味濃郁，富炭燒香🐷配上被熱力迫到半溶嘅芝士同燒烤醬，特別香口惹味🧀再加上清新嘅生菜🥬同蕃茄🍅 中和油膩感粗薯皇炸到外面金黃焦脆，裡內係綿密飽滿嘅薯蓉，好有薯仔味，點埋茄汁仲夠味🥔💗日式照燒雞肉脆豬($76)脆豬包烤至外層卜卜脆，入面軟熟，不過涷咗比較硬🍔雞扒大件厚身，皮下脂肪少，食落唔油膩🥩煎香後肉質都算嫩滑，只係某d位有少少乾🐥最重要係雞扒冇雪味，濃稠嘅照燒汁添加甜味。同樣夾咗車打芝士、生菜同蕃茄，非常豐富💗跟餐飲品即使涷飲都唔需要加錢，分別揀咗奶茶同水果茶🍹

大圍區排首名嘅餐廳🍴，點都要去打探下情況，好評如潮嘅午餐🥣幾十蚊有交易，算是經濟。店員告知多款午餐已經售罄🤷🏿‍♂️，難道真的是人氣旺盛🔥？———————————————————————————🍽醬燒豬排土耳其🇹🇷三文治🥪💬三文治好厚身，勁多料，豬排🥩、青瓜🥒、蕃茄🍅、洋蔥，都樂豐富，配埋沙律🥗同薯角，不錯🤓.🍽香煎龍脷魚柳🐟💬魚柳味道啱啱好，配上牛油椰菜🥬同薯角，已經很飽肚🤓.🗣餐具同水杯比較油，洗得唔太乾淨，清潔衛生要注意⚠️———————————————————————————