風車

营业中

休息中

大圍條巷入去有好多幾有特色嘅餐廳，今次就比呢間“風車”嘅招牌吸引咗。個門面幾cool，望落似係西餐溝酒吧，就決定試吓呢間。入邊好明顯係歐陸式嘅裝修，其實都幾華麗下，坐得好舒服。餐牌款式係常見嘅西餐，有羊扒，牛扒，仲有啲有特色嘅西班牙小食同德國菜，選擇都幾多。嘢飲方面都有唔同嘅Cocktail同mocktail揀。因為比較鍾意食海鮮，所以第一時間就叫咗呢個白汁煮蜆配蒜蓉包（$99）。意外地都幾大碟，啲蜆大隻亦都冇沙，絕大部份都係有肉嘅。值得一提嘅係個汁煮得幾好食唔唔止係單純白酒，仲有少少creamy嘅感覺，配埋啲蜆肉幾惹味。另外個汁配埋蒜蓉包食更加一流，因為個蒜蓉包稍為入口硬咗啲，但配埋個汁食就幾好食。主食方面叫咗個素千層麵（$64）上碟好大份，而且仲有薯角伴碟，以我食量唔係好大黎講，呢個面夠兩個人食。個面裏面主要係夾左素肉醬，蕃茄粒同翠玉瓜，其實口感都夠晒豐富，健康得來又唔會唔飽肚。總括嚟講呢間環境同食物都唔錯，幾適合黎食個舒服嘅晚餐。

今日去左大圍chill，我地揀左去風車食lunch😀都幾抵食！每人$80倒，有沙律/湯、主菜同飲品。沙律都有幾多菜下，而餐湯都幾大碗，所以我地各樣都揀左一碗😀我地叫左日式燒汁一口牛同辣醬燒春雞配薯菜我幾鐘意日式燒汁一口牛個汁！幾好味，甜甜地，又有紅菜頭，幾特別，感覺幾健康！燒春雞估唔到有咁多肉！雞無雪藏味，肉質都ok, 個皮既調味都唔錯，一d都唔會肥膩！薯角都唔錯，份量都唔少，個炸衣夠薄，薯肉夠冧，味道幾好！男友叫左杯水果茶，甜甜地又有茶味，應該唔係就咁沖普通既茶包！我就叫左杯爆谷味咖啡！好有驚喜！雖然無拉花，但一拎到黎就聞到好香既爆谷味！d泡泡夾埋咖啡一齊飲真係好match！推薦！👍🏻

趁今日放假當然係要出去覓食啦今日下晏遊到去大圍 我又四圍睇吓有咩好嘢食先見到呢間午餐價位合理 門口有幾靚就入去試吓啦我同老公叫咗兩個午餐煙三文魚包同埋一個素菜千層麵頭盤有沙律同磨菇湯我就加十蚊轉左焦糖咖啡煙三文魚包好足料 有好多三文魚呀 性價比高👍🏼配合埋蕃茄同生菜中和返煙三文魚嘅鹹味 個包明顯都有用牛油烘過 所以好香👍🏼另外就係自家製千層麵都唔錯啊 上層係芝士中間夾住蕃茄醬同埋翠玉瓜 雖然係素食但係又唔會好寡另外一個小驚喜就係做配料嘅薯條雖然只係伴碟但係佢哋做得好出色 熱辣辣好脆仲係厚切 好食！焦糖咖啡就不過不失啦我鍾意佢唔係好甜唔會搶晒啲咖啡味😆食咗兩個午餐再配埋嘢飲都係百零蚊西餐來講都算係咁啦

好耐無去過大圍搵美食，聽朋友講大圍有間風車值得推介我地去試，於是一家三口去到大圍風車共進晚餐，入到去當然係睇睇餐牌有咩美食啦！打開個menu見到香煎鵝肝配焦糖蘋果做優惠半價，即刻叫個黎試吓先，鵝肝厚身，外脆內軟，配埋焦糖蘋果味道好夾，呢個價錢食到咁嘅水準真係超值👍👍食完鵝肝後，叫左個田園沙津配煙薰鴨胸清一清口腔先，加多個南瓜湯清甜美味😋😋沙津以黑醋配搭，味道適中。品嚐完沙津同湯後，當然要叫返個主打菜食吓啦！主菜14安士重量級肉眼扒及燒春雞，燒春雞皮脆肉嫩，配菜有露旬，香菇翠肉瓜及薯角，牛扒整個五成熟，肉汁豐富😋配上岩鹽帶出牛扒嘅鮮味，順帶一提嘅係，牛扒都做特價，$328！啤酒買一送一👍👍絕對抵食抵飲!

風車三個女人一個墟！叫個二人餐再加個薯皮滿足晒。👏🏻👏🏻👏🏻深刻店員好細心見我哋share，將個龍蝦湯兩碗變三碗，我哋仲懷疑係咪叫多咗🤣🤣🤣環境坐低舒服，地鐵站行十分鐘左右就到。.二人套餐 $398 😋😋😋頭盤：意式田園沙律配煙燻鴨胸主菜：波士頓龍蝦意粉甜品：當晚是朱古力餅轉龍蝦湯加$30，抵轉，友人極推介，龍蝦味重，飲時有少少龍蝦肉。沙律新鮮，鴨胸都幾多，龍蝦意粉有點點失色，龍蝦過老，意粉無咩味！甜品好味，朱古力味濃！.肉醬薯皮 $89 😋😋😋有點乾，食完好飽。

今天兩公婆慶祝週年紀念，去到大圍尋找美食，行行吓無意中發現呢間風車，於是就入去試一試。首先我們叫個前菜意式田園沙津配煙薰鴨胸，沙津是以黑醋配搭，清新美味，接下來見到香煎鵝肝配焦糖蘋果，半價，係半價呀！必試精選，外脆內軟，好好味而且價錢抵食，食完前菜後當然是叫主菜啦！主菜叫左14安士重量級肉眼扒，牛扒五成熟煎得剛剛好，豐富嘅肉汁，配埋芥辣喜馬拉雅山岩鹽簡直係絕配😋 咁難得嘅梗係要 飲番兩杯啤酒啦 咁先至夠圓滿㗎嘛

星期六嘅下晝，陪屋企人去大圍睇牙醫，順便就喺附近睇吓有乜嘢好食，無意中就係距離大圍火車站大概三條街距離左右，見到呢一間西餐廳，見到餐牌都好似幾抵食， $60-$70就有一個lunch set，包晒前菜主菜同埋飲品，一於決定試吓啦！幾欣賞佢嘅就係，餐牌上邊有素食嘅選擇，可以切合唔同人嘅需要。我哋分別要咗一個卡邦尼意粉，同埋一個素菜千層麵，前菜就一個要沙律，一個要咗是日嘅餐湯，而今日就係南瓜湯。南瓜湯應該都落咗好多忌廉或者牛奶去煮，所以都幾香滑㗎，以呢個價錢來講，已經好OK。卡邦尼泊爾意粉就正常水準，份量都唔細，煙肉嘅份量都唔少。而素菜千層麵嘅份量就比較大，中間就冇平時食開嘅肉碎，主要由番茄醬同埋翠玉瓜做餡料，另外仲配有炸薯角個同埋蔬菜沙律，對素食者來講都係一個幾唔錯嘅選擇嚟㗎。飲品方便，就要左一杯熱嘅水果茶，另一杯就加錢要咗杯爆谷味咖啡，水果茶正正常常，咖啡就反而幾令人surprise，爆谷味同埋焦糖嘅甜味都幾重，冇諗過呢度都可以飲到呢一種味道嘅咖啡。餐廳細細地，座位唔算太多，但都算坐得闊落，如果去開大圍的話，都可以嚟呢度試吓嘅。

係鋪外，見到呢間鋪好有格調，仔細睇，個名仲好有大圍果種傳統村落文化嘅感覺，所以就俾佢吸引左入嚟。餐牌食物嘅選擇都有多國菜式，有土耳其、日本、美國菜同香港揀，真係好難落手!我同朋友試左「日式照燒雞翼脆脆 ($76)」同「焗豬扒飯 ($68)」。本身係自己認知入面，脆豬係未必夠飽，但覺得用脆豬做漢堡又好似幾得意。但一嚟到，就見到個脆豬好大隻! 一個人都好勉強先食得哂!襯熱食，個包都好夠脆，雞扒都Juice。而除左個包夠有誠意之外，個厚切薯角都好正! 每條薯角都好大條，食完之後好滿足!焗豬扒飯係雙種芝士蕃茄焗豬，用左2種芝士, 味道更加香濃同有層次。佢俾左2塊豬扒, 鋪滿飯嘅表面，啖啖都有肉有飯。可能係佢份扒薄嘅原故，塊扒好易咬，成個飯就可以快快手手食埋去~~最後飲杯茶就wonderful, 飲水果荼唔洗再額外加錢，開心~~

上星期六同朋友去大圍踩單車，踩之前去左－風車食野醫下肚先。餐廳客人好多，好彩岩岩有台客走就吾洗留位lu~是日餐湯－羅宋湯：份量吾多，味道有點過酸，而且沒有蔬菜在湯中；感覺不太討好。沙律：作為開胃菜也不錯。照燒雞肉脆豬：上枱既時候先發現到原來個包夠晒份量，同照燒雞肉扒既size差不多大；味道方面照燒雞肉好香口，而且雞肉夠晒嫩滑，咬開仲有吾少肉汁滲出。而包有微微烤過，食落帶少少脆口。另有，蕃茄生菜夾住一同食用。加上仲有薯角做伴菜，味道好夾！忌廉蜆肉炒意粉：意粉充滿左濃郁既忌廉，味道帶點咸；食落口感好creamy又滑口。意粉吾易斷開，份量可供１－２人食用。蜆肉沒有沙粒，味道甜甜地，與意粉好夾。水果茶：味道甜甜地，充滿水果香口味。荔枝梳打：解渴一流。

今天和朋友第一次到大圍食飯。第一次就選了風車這間餐廳。餐廳裏的燈光偏暗，但也營造了神秘和浪漫的氣氛。在眾多的菜色裏面，我們點了魚柳和雞扒，配菜則是薯角。先端上來的是洋蔥湯，洋蔥的軟硬程度剛剛好，湯亦充滿洋蔥的甜味，十分好飲。而主菜亦十分吸引。魚柳的肉質不會太過鬆散，夾起來不會太容易散開，而且調味亦剛剛好，不會太淡或太鹹。而雞扒是最出人意表的。雞扒上鋪滿了剛剛溶化的芝士，外表看上去十分吸引。雞扒切下去的時候，肉汁亦跟着湧出來。而在咬下去的瞬間，口裏充滿了濃濃的芝士味和雞肉的鮮甜味，口感實在是太滿足了！而配菜亦出人意料，每一塊薯角都經過足夠的調味，並且都是熱辣辣的，吃下去十分可口。下次到大圍也一定會再到這間餐廳吃飯！

同男友下午撐枱腳，原本想食某湯麵，但太多人棄糊，走過幾間店試這間。🐷醬燒豬排土以其三文治🥪連芝士烘的麪包邊脆口，中間鬆軟，芝士也牢牢地黏著包內。豬排是薄切，不過大大塊，每一口都啖啖肉。加上鮮甜蕃茄，好味喎~ 配菜的薯仔烤得剛剛好，也是不可小看的角色😁🐔寶雲酥雞扒🐓配飯原本不知寶雲酥點解，原來重點是芥末，味道頗出，卻不至於太辣太攻鼻，雞扒與芥末原來也是個不錯夥伴😎 不過飯就遜色了，太少水，比較硬，美中不足耶!飲品我們兩個也點了水果茶，茶包沖製，味道一般般吧！

今日同朋友嚟到食晚飯，餐牌選擇都多以西餐為主，呢到雖然係酒吧，但都有晚餐選擇，而且座位格得比較闊落坐得都舒服。首先幾推介嘅係佢嘅白酒煮蜆，忌廉汁比較重，好濃郁，跟咗幾塊蒜蓉多士，脆口嘅蒜蓉多士同個醬汁好夾，蜆肉唔會有沙☺️ 主食有龍蝦意粉，有半隻燒芝士龍蝦，都幾大隻，意粉有雞髀菇同埋蘆筍炒，而且意粉唔會太乾又唔會太濕啱啱好。叫埋肉眼扒，我地咗五成熟都比較熟，佢有跟薯角，同埋焦糖燒菠蘿。佢比較抵嘅係而家Happy Hour啤酒有得買一送一，所以一大杯計返都係$50，酒吧來講呢個價算係抵飲。

今日同朋友食lunch就在沙田附近亂行去找新餐飯。行到看見這一間類似酒吧的餐廳便試試。餐廳裝修都是酒巴格局， 中間有一盞水晶大吊燈, 是日餐湯為南瓜湯。南瓜湯甜甜的,很有口感, 讓我很有食慾, 是一個很好的sharter蘑菇汁煎雞扒 $66煎雞扒很香而且煎得香脆雞肉仍然香嫩。皮脆肉滑洋蔥汁豬扒豬扒$66洋蔥豬扒也煎得非常香脆， 豬肉香軟， 切開覺得很香。配菜的薯角也炸風非常香口， 而翠玉瓜也非常爽口荔枝梳打 凍寧水荔枝梳打少少甜，有氣非常解渴

風車位於大圍 大埔公路附近，旁邊的餐廳都屬於有些年月的小店，風車這間西餐廳便顯得格外醒神。餐廳的環境有幾分似老式的西式扒房，友人特別喜歡它的水晶燈，令餐廳增添了幾分風味。前菜點了意式大蝦薯仔，意式醬汁伴以沙津菜十分好吃，大蝦亦爽口彈牙，蝦味十足。本身我不太喜歡薯仔，但伴著意式醬汁一起吃也挺滋味。波士頓龍蝦意粉：上碟時有半隻龍蝦，還有一大隻已剝殼的龍蝦鉗，非常貼心。意粉的醬汁有幾分似上一前菜；龍蝦煮得恰到好處，肉質不會太結實或太鬆散，味道亦非常不錯，推薦。紐西蘭肉眼扒配焦糖菠蘿：第一次嘗試伴以水果的牛扒，兩者卻出奇地相襯。牛扒肉質鮮嫩，表面煎香後略帶鹽香，而且牛味十足。焦糖菠蘿的甜味滲到牛扒上亦多了一層風味，意外地好吃！休閒的星期日，兩人埋單$250左右，甚是寫意。

幾經辛苦，終於算係捱過o左疫情o既寒冬期，講緊唔只係限客令正逐步放寬，係之前o個排我直情完全約唔到人出o黎食飯咁滯……今次約朋友開餐，都盡量想揀番d 疫情之中比較受影響o既一群，最後幫襯呢間restaurant bar。因為我地日o抖o黎，間bar 多玻璃窗，內裡又多鏡，而家呢個moment 感覺都幾光猛闊落。不過長長o既bar 檯、酒櫃、巨型水晶燈之下，亦唔難想像夜裡閃閃生光，大家入o黎飲番兩杯o既情調。午餐搭配田園沙律or 是日餐湯，greenies 自然係我朋友o既favourite，餐湯係磨菇湯，氣味清新。醬燒牛柳粒($74，午餐無加一) 係menu 上無o既菜式，因為原本o既鹽燒牛脷暫時缺貨。佢o既洋蔥醬汁調製得好惹味，係略嫌肉質比較實o左少少。套餐跟o左意粉，d 意粉幼身爽口，最適合蘸埋d 洋蔥醬一齊食！除o左飯/意粉/steak，仲有burger 類可以選擇。醬燒豬扒土耳其三文治($76) 賣相唔錯，同埋感覺上好大份，值得一叫！隻包係潛艇型算巨型，好重蒜蓉香，舊豬扒更加係充滿炭燒o既氣息，令人聯想起土耳其烤肉，長長垂直圓錐體燒下燒下，到食o既時候一塊塊片落o黎o個個景像…