風車

营业中

休息中

今日嚟大圍覓食🤣見風車都幾多人食過話幾好，所以就黎試吓！！喺大圍站行過去大概5至10分鐘左右～餐廳燈光偏暗有格調～枱同枱之間有透明膠膜隔住，可以安心用餐～而且位置都唔迫，坐得幾舒服😌午餐好多嘢都好吸引！！🤣可惜我哋兩個女仔食唔到幾多，我哋叫咗兩份嘢食兩個人share，然後就啱啱好夠飽👍🏻今日嘅餐湯係蘑菇湯，蘑菇味真係超濃😂然後我哋叫咗兩杯熱嘅水果茶，味道都唔錯！叫咗個煙三文魚意大利蕃茄包🙈🙈覺得呢個最好食😋三文魚料好足，疊起好多層😂搭配蕃茄同生菜🥬，一啖咬落去超Fresh!然後佢嘅炸薯王都好好食！外面炸到酥脆，裏面滿滿嘅薯蓉，搭配蕃茄汁簡直係一流！👍🏻👍🏻然後另外叫咗一個黑椒牛肉炒意大利粉～佢用鍋形狀嘅碟裝住😂幾可愛意粉調味幾足，搭配黑椒牛肉同蘑菇一齊食，口感好豐富👍🏻呢間餐廳都唔錯，價錢唔貴但都可以食到好飽😂性價比真係高👍🏻

同朋友系大圍試新餐廳，中午去到冇咩人。西餐午餐都會上個salad，但它的醋汁太酸了，完全吃不下去🙈🙈以為會中伏，但佢嘎豬扒包又唔錯下好食。麪包幹身，但豬扒好juciy，食落唔會幹，入面配料豐富，有層次。好食。

今次同朋友去左大圍一間酒吧餐廳—風車 食lunch。餐廳都好易搵，好近港鐵站。餐廳都幾大，幾有氣氛，適合聚會。我同朋友就一人一個lunch set，一個叫左鐵板牛肉炒意粉，一個叫左豬鞍配薯菜。跟左一個羅宋湯，一個沙律，沙律菜新鮮，配沙律醋幾開胃。餐飲就叫左一杯latte同一杯凍檸茶。鐵板牛肉炒意粉用左比較幼身嘅意粉，炒起唔易碎,較為乾身，食落唔粉。牛肉粒大小均勻，肉質都算嫰滑，調味都做得不錯。豬鞍配薯菜份量都幾多， 豬鞍配左甜辣嘅醬汁，食落幾惹味。豬鞍肉質都幾嫰,而且餐廳提供嘅刀夠利，三兩下就切到! 薯菜就係薯角同翠肉瓜，洋蔥，菇粒. 。薯角新鮮炸起，食落仲熱辣辣。 翠肉瓜，洋蔥，菇粒味道正常。Latte味道唔，幾香濃，凍檸茶茶底都夠濃好飲。餐廳整體不錯!

近近地喺屋企附近，諗住食個便飯就去行山。今次揀咗呢一間風車（前幾年嚟過飲酒，覺得氣氛幾好），見到門口有個午市餐牌，覺得都正路就入去食飯。入到去仲欣賞緊佢餐廳嘅內在環境，點知，就係惡夢嘅開始。叫咗個紅酒檜牛肋條意粉。喂，嚟到都貨不對辦嘅，俾左牛腩意粉，仲要完全無紅酒味，意粉白垥無味，好伏。另外一個午餐叫左餐廳招牌菜，流心藍芝士漢堡。芝士味幾濃，隻藍芝士奶味都幾重，有點黏口同時做到拉絲效果。但薯條可能加咗鹽再去炸，所以都偏咸。好一般的質素，下次都係過嚟飲酒算啦～

唔好以為呢間餐廳只係飲酒，其實佢有午餐同晚餐供應，午餐主打食漢堡及三文治套餐，全部$76，有湯／沙律🥗及飲品。我點咗醬燒土耳其豬扒三文治+爆谷味咖啡（另加$12）+沙律沙律及三文治🥪份量都好足夠。沙律菜種類多，但唔算好新鮮。三文治夾有兩塊豬扒、肉質嫩滑軟熟，味道較淡，略嫌煎過嘅豬扒太油，以致土耳其包被浸腍。薯角唔係即叫即炸，所以較腍身。爆谷味咖啡有驚喜，出面未見過，聞到和飲到濃濃爆谷味，幾得意。

今日難得黎大圍呢邊行下，就發現左間幾好嘅bar restaurant 。由於聖誕節臨近，餐廳佈置得好有氣，同埋環境都好乾淨企理，係疫情嚴重下都食得安心啲👍🏻咁主菜前就有一個沙律同是日餐湯（磨菇湯）。沙律酸酸地食落好開胃，而且可以中和下黎緊嘅邪惡食物🤓 磨菇湯都幾濃味👍🏻我地就嗌左兩個主菜，分別係雞扒包同一口牛飯😙 一口牛食落出乎預期地淋，唔會好似香口膠咁咬緊都未吞得😂 同埋牛嘅份量其實都幾多，性價比好高🤩 雞扒包又係好足料，雞扒大大塊，個包咬落又脆口，整體配搭幾好😌 配埋啱啱炸出黎熱辣辣嘅薯角，正！🥸呢度跟set會送杯嘢飲。因為天氣都幾凍，咁就嗌左杯熱嘅水果茶暖下身。凍嘅水果茶就飲得多，熱嘅其實都唔錯！整體黎講覺得呢間餐廳幾抵食，人均七十幾大家都食到好飽，好滿足🥳

<<Thursday Couple為食記👣😋>> 最期待嘅星期四又到lu~因為又同男朋友仔去食好野喇！今日走到大圍，食肆真係好多，講真都眼花撩亂🤪唔知食咩好。但真係想兩個人靜靜地咁二人世界食餐飯，之後係角落頭位見到！有大大個招牌，幾有cafe feel ，我哋就入咗去喇🤩 入到去環境幾闊敞，樓底都幾高，感覺幾舒服，想要靜靜地兩個人食餐飯真係啱晒！🥳枱與枱之間都好多空間，唔會迫住迫住咁！仲有係木同dark mode 小小神秘感！仲有個鏢靶做裝飾，😂🥳🎯幾搶鏡！講真，食物種類都真係幾多，同好多岀面未必有嘅配撘， 好多都想試下， 但又想叫啲穩陣啲🤣🤣所以最後叫左個芝士大網菇黑松露意粉🤪，一個珍寶海鮮卷，同埋叫左個田園沙律配煙鴨胸，食番小小菜先得！開頭就黎左個田園沙律配煙鴨胸，見佢個樣，應該都正正常常，而食落去佢個醋嘅汁又唔會太搶喉，覺得做得幾好，連我男友平時抗拒食生菜佢都話啲菜幾新鮮，味道唔錯。而個鴨胸又唔會太咸，同個沙律好match，整體真係not bad ! 🤭之後就到芝士大蘑菇黑松露意粉，佢用個鐵兜仔裝住啲意粉，都幾有諗頭。一嚟就聞到好香嘅黑松露味。而估

琴日早左放工，咁岩之後又要去大圍食飯，就先早到去大圍搵野食，係距離大圍站7分鐘腳程，就搵番呢間之前食過又好食既大圍風車既西餐廳。門面企理，入面有bar 位置，可以叫酒飲，但我地今晚就唔飲喇，就叫左三樣野食。第一樣係「海鮮捧配薯條」，呢個應該係佢地自己諗既菜式黎，黎到一眼望落去，我仲以為係fish and chips,但佢入面除左魚，仲有菜包住成舊野，又有蝦同埋魷魚，食落去有多重口味，仲大大份，有4舊，舊舊都成隻手指咁長，薯條都炸得好食。第2樣係「parma Han pizza」，最重要既 Parma ham唔會太salty ，又唔會韌，芝士都夠溶，好食。最後係個「蘋果蓉+蒜蓉包+鵝肝」，鵝肝有成半隻手指咁長，大大份，三樣野撈埋一齊，食倒鵝肝既香又唔會太膩，好夾。總的來說，價錢唔係特別平，但佢食物質素都俾番夠貨，性價比都夠，可以再黎。

大圍真係一個有好多隱世美食嘅地區。今日我試咗一間酒吧餐廳🍴- 風車。入邊嘅環境好有氣氛，樓頂有一盞好靚嘅水晶燈，同男朋友喺度食飯會好有feel❤️我哋兩個人分別叫咗香煎鵝肝、意式炒大蝦薯仔、西班牙式燒春雞。香煎鵝肝上菜已經聞到好香，煎到啱啱好，金黃色的✨廚師仲要喺隻碟上面畫咗個心心，好有feel ☺️口感係入口即溶🤤🤤醬汁同鵝肝配合得好好～下面塊麵包都好脆，麵包配埋鵝肝又係另一個口感嘅享受😎我地勁快就KO哂成碟😂因為好好味！意式炒大蝦薯仔醬汁非常多，視覺上已經覺得好好味！配合埋洋蔥同埋蘑菇類一齊去炒，成碟餸更加香！我本身都好鍾意食蝦，呢間餐廳嘅大蝦係非常新鮮，食落去爽口彈牙～～同埋因為有好多醬汁，所以更好味！配合埋旁邊嘅沙律菜同埋麵包咁食，令味道上有更多唔同嘅層次🤩西班牙式燒春雞我哋一見到碟燒春雞，即刻覺得物超所值🤩因爲好大份，我哋每人分左半隻去食。當然唔少得我最鍾意嘅雞髀部份，肉質好滑好入味。雞皮都燒得好脆，唔會好油膩。伴碟仲有一啲蔬菜🥬薯角等等，啲蔬菜吸收到雞汁嘅味道，食落去又係好惹味🤤🤤如果大家去開大圍，不妨嚟風車試吓。佢嘅營業時間都好長，情侶、朋友嚟食飯都好啱。夜晚如果想同朋友去酒

慶祝細佬生日一早0係網上訂左位諗住穩陣DD結果入座時唔算多人可能我地食七點幾星期日其他人未有咁早開飯呀點左~白酒蜆配蒜容包呢個幾惹味蜆份量正常無沙既唯獨個蒜容包淋淋地~西班牙風干黑毛豬火腿呢個黎到幾震撼都算大份可能主角唔食得兩個人食每人可以食好多件味道算唔錯我都幾鍾意個質感~西班牙乳豬配彩椒汁呢個口感幾好肥肉同瘦肉既比例配合得不錯食落少少肥但又唔算成口油有乳豬應該有既少少油利感間中一次半次OK啦~炒西班牙八爪魚黎到時其實賣相幾好八爪魚份量都唔小可惜我地覺得UN左少少唔知係本身問題定切得太大粒呢個就唔推介了~龍蝦湯雖然唔算超級濃但都可接受了有龍蝦湯既鮮味份量唔算大碗可能係加錢由餐湯轉龍蝦湯既關係

呢度環境一流，之前夜晚嚟飲番杯吹吹水，見嘢食價錢合理，今日路經食番個午餐先主打西餐，burger同粗薯條好似好正，但見到有「韓式醬燒豬鞍」又想食，哈哈～～午餐無加一，配沙律或餐湯，跟飯/意粉/薯菜，再加$10升級cappuccino😋😋今日係我至愛之一南瓜湯🎃南瓜湯🎃。煮過就知，又要蒸、又要blender、又要隔渣先整到碗又滑又香甜嘅南瓜湯。呢碗湯做足，煮得好好味，濃濃甜甜，而且好fresh嘅味道，可以飲多碗就好😛主菜豬鞍到～哇～使唔使咁大份量🤣燒豬鞍好大件，用甜甜酸酸嘅韓式醬煮，呢個部位帶點脂肪肉質嫩滑，淋淋啖啖肉；骨位微微焦香，加上隻似茄汁微甜帶酸嘅韓式醬，惹味呀。配薯菜d蔬菜都一流，有脆肉瓜粒、紅蘿蔔粒同菇粒，全部都已煮好，簡單鹹鹹哋同黑胡椒味，正😋炸薯仔好靚，用原隻薯仔整，見到連皮，仲要厚切，勁有質感又好食！話哂呢度都係bar，嚟飲嘢吹水最正就係有呢啲粗薯條小食😬發覺呢度酒之外，cappuccino 都好得，比連鎖店好飲得多，d咖啡香濃，泡沫幼滑，推介大家試吓😙

【裝飾雅致坐得舒服🕯️大圍積存街中高價酒吧餐廳🍻】—《 #白酒煮蜆配蒜蓉包》$99清酒煮蜆係去日式餐廳經常點既一道菜，而白酒煮蜆就比較少食😆用白酒同忌廉煮既味道無咁重酒味，啱哂啲中意食蜆又唔太鍾意酒味既朋友😚而依度既白酒煮蜆配埋好香脆既蒜蓉包，可以食完啲蜆再點埋啲汁食，唔會浪費☺️—《 #西班牙式燒原隻春雞》$209 春雞係唔想食紅肉既時候最常點既菜😎廚師特登燒過啲雞皮令佢變脆，底下仲有一啲茄茸雜菜，令到依道菜無咁單調😸仲有即炸既薯角，份量夠哂飽阿🤩

It was such a lucky day as this day I entered this restaurant during a promotion~!Seared goose liver with caramelized appleAnyone who loves goose liver, or Foie gras must come and try it with its special offer which cost only $69 for set dinner. The goose liver is quite big, which fits perfectly as it was put on the top of the toast, it smells so tempting and allure you to give a one-bit trial, unfortunately I can’t, hahaha. It goes very well with the baked toast and caramelized apple slices whi

揸車黎到大圍附近，入完油見有點肚餓，響油站附近見到依間風車餐廳！有玻璃啲設計，方便我邊食邊睇住架車，一於拉拉手掣，剎剎車，入去食過。餐廳啲防疫措施做得很足，人客雖多但每枱都設有透明隔板，真系食得安心又放心午餐時段有豐富啲burger同埋可以加杯香港友（生啤）啤一啤佢，不過我揸左車，今次唯有忍一忍口。叫左雞扒意粉套餐，熱辣辣啲雞髀伴隨住意粉，師傅刻意調到味道燒得甘香近入口，意粉也不會太淡；整個配搭就有如秋風有涼意去左露天茶座食西餐一樣。前菜就是冰涼新鮮的沙律菜加蕃茄，因為主菜太好味啲關系，前菜我反而留左響正餐後食，再點埋杯凍檸茶少杯少甜，正！見到隔離枱飲緊杯水果茶 set drink，都好似好好飲咁，下次會再黎食同埋試埋果個野飲！環境美食滿分！

今次真係中大伏。明明見咁多好評先黎，其實想食餐好。一黎就黎左個湯，淡味d 但ok 既。再黎個海鮮卷，但唔太搵到海鮮，同埋唔知點解成條菜包住係入面，一切就散。大磨菇黑松露意粉：朋友食完都唔知有黑松露。嘩，個大磨菇極品，咸到生腎石。佢究竟浸左幾多鹽水先可以做到呢個效果？crab cake：罐頭牛扒：冇味。成餐最好味係個罐頭菠蘿。已經冇野可以再發表，可以詳睇其他劣評。求大家唔好好似我地咁中伏，唔係你一定後悔。