風車

营业中

休息中

香港都好多特色餐廳，呢間風車喺大圍都好罕有，想食野加飲少少啤酒傾計，大大推薦呢間。如果黎呢頭踩單車，食埋再執踩，簡直一流。裏面以黑色作為主調，掛咗一個好大嘅水晶燈，坐得好舒服，因為都係沙發櫈。仲有個大電視，佢係播Now新聞㗎。以fusion或者西餐來講，佢嘅價錢都真係幾抵食。我哋叫咗炒蜆意大利粉同埋香煎美國岩魚配香檳汁，仲加咗個生啤，只係$28咋。其實佢嘅漢堡包餐都勁吸引，我諗我同朋友下次會再試下。午餐set lunch可以揀湯或者沙律，今日嘅湯係蘑菇湯，忌廉味比較少，但好重菇味，飲落都有細細碎碎嘅蘑菇。（1）炒蜆意大利粉睇落好似好普通，但係佢嘅白汁一啲都唔漏，食物嘅溫度相當重要，佢都係熱騰騰，有鑊氣。佢呢隻幼身意粉，我都好鍾意好有咬口，啲蜆同啲菇分量多，同啲意粉炒得好均勻，幾香口。（2）香煎美國岩魚配香檳汁有魚有翠玉瓜，佢可以配薯角意粉同飯，我食完之後覺得配意粉仲會更夾（薯條脆脆，但好熱氣）。佢嘅魚配左個較稀嘅香檳汁，鮮鮮甜甜，唔會搶走魚嘅味，最好食係煎皮果部分，啲香草調味同條魚嘅皮，果種肥美，正。（3）「友」生啤好大支，飲落屬於甜味，我覺得就唔澀嘅，但友人飲咗佢就覺得飲耐左，就覺得

約朋友食飯，朋友話想食西餐，但又唔想出旺角，所以就打算過嚟大圍呢邊睇吓有咩好食，啱啱同同事傾開計，介紹呢間餐廳，佢話都好多人嚟食，中午仲會有好多同學仔嚟食飯，所以今日晏晝過嚟試下。門面睇落都有好多選擇，兩點左右去到，仲見到有啲同學仔食緊飯，餐廳唔算好大間，好彩我哋食得比較晏，嚟到都有位坐。上咗分沙律同洋蔥湯，沙律菜好新鮮，配埋沙律醋好醒胃。叫咗個豬扒包配薯條，佢嘅豬扒包好厚，入邊有兩塊豬扒，加埋蕃茄同沙律菜，入口好Juice，豬扒好淋，薯條新鮮炸起，入口香脆。另外叫咗個千層麵配薯條，千層麵上面舖滿芝士，好香濃，千層麵中間夾住蔬菜，入口唔會太肥膩，其實一人一個lunch set都已經好飽，食物質素絕對對得住價錢。

平日放工唔想四圍去，2條友行下行下唔知食咩好，於是行到呢間近近地想幫襯好耐既西餐廳先，留意左佢一段時間，個名叫風車幾詩意，位置離大圍站有小小距離，約5至8分鐘步程。門面係典型西餐廳，暗暗地有d feel，因為早去到，好快入座。餐廳唔夠好大間，但都坐得幾舒服。2個人就簡簡單單食個2人餐啦。頭盤係沙律煙鴨胸，沙律菜又幾新鮮bo, 鴨胸唔會太肥同老。蕃茄湯有d似汁，另外加錢既龍蝦湯有小小龍蝦肉，幾驚喜。主菜係肉眼扒同龍蝦意粉，比想像中大份，個人仲意意粉，幾q, 同埋薯條同配菜都好好味。飲品正常，果茶唔會太甜同夠熱，凍檸茶都夠大杯。下次會想試下生啤，見到隔離好似飲得好爽。2個人埋單4百幾，以西餐廳黎講都算合理同平既。

大圍站都有好多好嘢食，但係西餐廳就唔係好多，通常都係去食小食，不過今日咁啱經過大圍，就嚟試吓呢間餐廳。佢哋食物嘅選擇都幾多，午餐見到佢哋嘅漢堡好似好好食，所以我哋就叫咗一個漢堡同埋一個千層麵試吓。一如以往，西式餐廳通常都會上個沙律菜同埋細湯，佢哋嘅細湯就係洋蔥湯，沙律菜淋上醋一齊食，酸酸地好開胃。先來個豬扒包，豬扒包都幾厚，兩塊豬扒夾中間，連埋蕃茄、菜、芝士一齊食，豬扒好Juicy，另外好欣賞就係佢個包，佢個包唔係普通嘅法包，個包皮好煙韌，整體好好食。另外個千層麵配上芝士一齊焗，好香濃，但係一啲都唔會覺得滯，入面配有翠玉瓜，俾人有種好Fresh既感覺。

在下出省了 座車車到了大圍來多麼懶的我可真神心😆跟親愛的拍拖去👫原本想吃的一家大排長龍所以我們稍移玉步去了這家吃扒（？）有選擇困難症的我看到「辣」字就選好了今天來叫雞吃吧風車辣醬燒春雞 $78跟是日餐湯 和熱水果茶麵身偏硬 不過在下喜歡硬麵帶有淡淡的蒜香🧄配菜伴碟是脆肉瓜（？）和幾粒雞髀菇這幾粒野大概是這碟裡在下最喜歡的😅春雞的肉質有點老 實 擺明老雞扮青春？在下又有少少乾哽的感覺了🤣我想要外脆內滑多汁的呢水果茶香濃而不太甜放久了還略微帶酸在下喜歡💕親愛的的跟餐沙律🥗

今日我地黎到大圍食好西啦今次呢間係叫做風車 離地鐵站行6 7分鐘店舖都幾大夜晚2030去到都唔使等位入面有部大電視 啱哂d人中意邊飲酒邊睇波啊我地由於當日太肚餓啦叫左3樣野食 d菜都上得幾快🔸大蝦薯仔🍤🥔第一樣前菜就驚喜左我最中意係個醬汁 好有蝦味 薯條都幾脆 都唔使點茄汁 點個醬汁勁fit 而蝦係唔使自己剝皮 真係啱晒我呢啲懶人 上面仲有少量菇同洋蔥🧅🔸肉眼扒配焦糖菠蘿🍍超鍾意食牛扒的我，見到個份量真係好開心 勁大塊牛扒 個扒就幾重黑椒牛味 而個焦糖菠蘿係亮點 一啲都唔酸 男朋友表示勁鍾意❤️ 好想encore個焦糖菠蘿🍍🔸龍蝦意粉🦞一直都知呢間係出名龍蝦意粉🍝坐低都聽到隔離枱話呢家一定要食龍蝦意粉 份量都唔細 幾重味Overall, 食物係偏貴，但都對得起個價，環境清靜，服務態度都唔錯，見到我哋食完就提供牙籤俾我哋

This is an exotic and pretty relaxing restaurant. Location was ok, spacious and hence good for friends gathering or dating, as the lighting and environment was actually quite romantic. Food quality is above average. The salad and soup were palatable. The beef is juicy, good control of raw level and the dessert is delicious. Lobster spaghetti is most recommended especially if you are a big fan of seafood!

終於放工開始放長假啦，難得就約朋友去食西餐享受下。於是去左呢間，餐廳環境寬敞，好有酒吧嘅風格特色，服務員嘅態度亦都好好，都好快幫我哋準備晒所有餐具。事不宜遲睇一睇餐牌先，餐牌嘅內容選擇都幾多下，有頭盤，有主菜有沙律有特色小食，有啤酒。服務員於是就為我哋推薦左以下嘅套餐：意大利田園沙律配煙燻鴨胸啲生菜非常之新鮮，加埋啲沙律醬咬落去非常之爽脆鮮甜，再配埋鴨胸肉咸香，將成個沙律配得非常之好！紐西蘭肉眼扒配焦糖菠蘿我哋叫服務員將肉眼扒煮到七成熟，個扒非常之啱啱好，出面煎得非常之香，裏面啲肉汁亦都鎖住咗，食落去非常之肉汁鮮嫩，已配菜亦整得非常之有水準，薯角亦都炸得非常之香脆可口，另一矚目嘅配菜當然就係焦糖菠蘿，將焦糖配係菠蘿上面，酸酸甜甜，非常之好食！波士頓龍蝦意粉龍蝦都好大份，焗得非常之好好，芝士拉絲再配上龍蝦肉，非常之搭配。龍蝦肉非常之爽口彈牙，意粉已經煮得非常之好好，非常之幼滑！仲有好多美食仲未食晒，可以推薦大家過嚟大圍試一試呢間餐廳！

見到門面幾靚，吸引到我睇埋個menu, 價錢比我想像中合理，立刻決定入去光顧！餐牌圖文並茂，方便哂我呢啲唔鍾意睇字既人，用圖去感覺自己想唔想食係最直接嘅！香煎亞拉斯加蟹肉餅～將蟹肉搓成蛋形再煎至微溫並由蒜蓉包墊著，食既時候蟹既鮮味充滿口腔，加上蒜蓉包香脆既口感，雙重口感！正！波士頓龍蝦意粉（$179）～意粉既軟硬度適中，每條都均勻地沾上意粉汁，芝士焗既龍蝦新鮮彈牙！芝味香濃😋西班牙式燒春雞（$209）～雖然係春雞，但非常厚肉，而且已經去咗胸骨，品嘗時非常方便，可保持儀態，香料亦提升了雞肉既雞味。

由於工作關係，大家都未能在正常的食飯時間吃飯，所以這晚我們約了晚上八時半才吃。很久沒見，看到大家都帶着疲憊的身軀來應約，不過大家見面時仍孜孜不倦的說個不停，感覺就好像「叉飽電」似的。話說我們打算找一個「中間點」吃飯，於是就選了大圍，而這裏好像有很多美食～ 走着走着，我們發現了這間吃西餐的，看到裝潢和餐牌都好像不錯，就直接走進去打算試一試。率先來的是鴨胸沙律🥗，是一道有肉吃之餘，又不會太油膩的前菜，完全滿足到meat lover的需求～haha~~😂 接着就是天婦羅🍤與蟹肉餅，值得一讚的是天婦羅很乾身，吃起來沒有多餘的油份。同時蟹肉餅的蟹肉一點也不腥，很怕腥味的我也表示可以接受，而且配上香脆的法包，味道和口感亦很配合。吃過這麼多「乾」的食物後，終於有洋蔥湯可以濕濕喉嚨😜，內有一條條煲過的「真洋蔥」🧅，感覺很足料。最後就是看起來很像雞扒，但實際是外脆內軟的乳豬，而且亦都保留了豐富的肉汁，再配上合適的醬汁來吃，味道很好！！👍🏻其實中間還有一道龍蝦意粉🍝，但是因為龍蝦🦞太好吃的關係，我們吃到中途才記得要拍照～～😂😂😂 欣賞廚師很細心的將龍蝦開邊再起肉，讓我們一叉上來就吃到了！！重點是龍蝦肉質鮮

首先有件趣事分享，就係我朋友打電話去book位但係個邊話full曬，但係5分鐘後我用openrice book檯反而confirm左所以唔知係咪我朋友嘅問題，我地3個人食，唔算大食。入正題：1.黑松露意粉上面個菇菇係有芝士，真係好正，又juicy，意粉都唔會太軟太硬，黑松露味道都濃郁，唔會係hea煮個d2.一口牛個一口牛真係非常好味，無論係肉感，質感，味道都係非常出色！真係超級建議點！一定一定要點一口牛！3.雞翼雞翼都炸得幾好，唔會乾，唔會非常油膩，味道都好好，唔會出面有味，入面冇味道。4.白酒炒蜆呢個就真係唔建議點，因為冇白酒味之餘，又冇蜆味，整體黎講，真係唔好食

Weekend就最適合食返個悠閑lunch，住大圍嘅朋友向我推介風車呢間餐廳，話芝士Burger好好味。作爲芝士愛好者梗係要去試下啦！餐廳位置都既方便，大圍站出黎行幾分鐘就到。食lunch嘅人都唔少，餐廳差唔多坐滿曬，如果再遲少少到就要等位啦~Lunch set包埋沙律或湯同埋一杯野飲，價錢大約都係70-80蚊左右，仲唔洗收加一服務費，可以話係非常抵食。杯果茶有啲甜、南瓜湯太稀，比較一般。不過個沙律就好夠分量，沙律汁味道都唔錯。主菜我地揀咗流心藍芝士牛肉漢堡同埋BBQ芝士焗鷄扒，haha今日係cheese day~ Burger分量十足，仲配有薯條同少少沙律。麵包非常鬆軟，牛肉餅鮮嫩多汁，再加埋滿滿嘅芝士流心，一啖咬落去好正！芝士焗鷄扒味道都唔錯，鷄扒肉質好嫩，芝士好足料。伴碟仲配埋蘑菇同翠玉瓜，好豐富。下次會再黎試下其他菜式~

好耐冇出過去同幾個朋友一齊食飯今日終於出到去咗大圍嘅風車，佢嘅地點比較隱蔽唔喺大街鬧市當中但係環境係相當唔錯嘅。首先來個鴨胸沙律有幾塊鴨胸大大份，鴨胸加埋沙律有種清新唔會覺得你膩感覺。洋蔥湯，其實係我當天最愛。然後呢個蟹肉餅雖然我本身唔係好鍾意食蟹佢整得都幾好食唔會有太腥既感覺。跟住落嚟呢個天婦羅餅應該係有菜喺入面嘅。肉眼扒我哋叫咗五成熟 同埋菠蘿夾埋一齊個味道好新鮮，令人更有胃口想食佢。我地仲叫咗個龍蝦意粉，個味道係幾唔錯，龍蝦都好有肉，份量都唔少。所以食到呢個位我都開始覺得飽了。有d眼闊肚窄。食乳豬，雖然我唔係太鍾意食比較肥既野，但佢都幾有肉。依家先知乳豬係Bb豬，睇黎我d中文真係有d差。總結黎講，係西式既餐廳食到聽落似中式的食物都係一個幾有趣既體驗。

平時放工放得比較晏，難得聽日放假可以出街坐低食餐晚飯，疫情加大家忙碌的生活真係好難約到人食飯⋯咁當然唔可以求其食🙊今次食我鍾意的肉眼扒（50%熟👍🏻）& 波士頓龍蝦🦞意粉🍝😋We ordered a 2-people set dinner, just cost $398 in Louis g the below dishes, very worth to give it a try👍🏻👍🏻The starter comes with a 鴨胸 salad 🥗, healthy dish ~ very fresh A mushroom 🍄 soup followed by intense taste of mushroom Main course comes to a 50% raw steak 🥩 juicy with pepper sauce, the pineapple 🍍 very fresh, and the French fries 🍟 are crispy 👍🏻 my favorite2nd main course is the 波士頓龍蝦🦞spaghetti , ver

今次黎到大圍呢間叫風車既餐廳，雖然格局唔係話好華麗，但裝修睇得出老板都花左幾多心思係呢間舖身上，有唔少有關風車主題既相／擺設，幾有精品裝修，年青既感覺。抗疫環境下，餐廳都有出唔少外賣餐單，性價比都幾高，叫開外送既都可以留意下。主菜叫左佢個春雞，好多脾，唔似得出面果d餐廳將d雞頭雞尾都比你黎充場面，醃得都幾唔錯，味道好重黑淑味，色水都幾夠，食落都多少嫩口，又夠大件夾抵食。薯角夠曬香脆，調味充足，仲搭左2條大大條既露荀，成個餐咁就完美喇。另外，小食叫左個鵝肝面包，面包夠曬脆口，鵝肝都幾大件，而且唔會太熟，油脂感充足。味道唔錯。係度飲返杯咖啡，Chill下，再去大圍踩返個靚單車，就又一個悠閒假期，weekend唔錯既節目。