響日本燒肉 (已結業)

2人同行第2位半價 一位平均300幾肉類質素ok選擇又多,個爐夠火力燒肉唔錯第一盤就會先上精選,食完自己再追加和牛西冷,三元豚,牛肋骨,肉眼,雞翼,肉腸西冷味濃鮮嫩 三元豚肉肥美甘香 ,牛肋位味濃肉軟淋 ,和牛肉眼鮮嫩多肉雞翼大隻肉厚,和牛胸肉嫩香重油花 每個部位味道口感不一樣,按個人需要口味第2輪追加牛肋同和牛胸都係高水準個人心水另外會上多碟刺身盛,有甜蝦,蠔,帶子,海膽,鯛魚,三文魚等等 都係厚厚厚切~最特別要偉係生蠔,好勁加埋海膽同三文魚籽一齊食咸香鮮味濃厚刺身色澤夠新鮮,唔錯有水準第2回追加肉,厚切牛舌都係非常好食,又脆口又爽口,加鹽燒已經好正響HIBIKI 銅鑼灣渣甸街66號亨環2樓消費$400

😆飽到暈之夜～之前食過響嘅佐敦分店，嗰陣喺繁忙時段已經一位難求，最近知道喺銅鑼灣開咗新店，而且已經夜晚9點鐘，我呢個港島人就去碰下運氣walk in。黎到餐廳，咁岩有人賣緊單，等咗10分鐘就有位了😍一坐低先，店員先送上刺身頭盤和燒肉頭盤～刺身盤裏面，除咗包含晒所有刺身款式之外，仲有兩隻手掌咁大嘅日本生蠔🦪，配上大大粒魚子同埋日本海膽，呢種食法，我都係第一次見😍so surprise，同珍寶size嘅生蠔夾埋食，非常Juicy，可惜一個人淨係送一隻，唔係好夠喉添😄其他刺身送上嚟都凍冰冰，好新鮮。仲有一款係日本每天空運魚生，時令嘅確係特別新鮮，每塊魚肉晶瑩剔透，爽滑又有鮮味，好特別！燒肉頭盤中，特別一數澳洲和牛西冷，係咁多款牛肉裏面最肥美嘅，雪花均勻有肉味，入口咇油汁😍其他食物，如天婦羅、壽司、鍋物、炸物、串燒都有，特別愛好泡菜石狩鍋，用大大塊泡菜去煮嘅湯汁，口味香辣，有少少偏酸，越飲越開胃，泡菜迷不可放過❤️出面自助區，驟眼睇都有三四十款飲品，連清酒和啤酒都可以任飲，最尾仲可以任食Movenpick雪糕添。

朋友要走 佢愛燒肉 食過尚鮮合格有餘 見佢新開啲相又影得咁靚就一於試下 朋友早到已有魚生和燒肉放在枱上見佢哋密密食 以為ok la點知…….……魚生 機本上係一隻味 冇其他味可形容到肉類小之又小收得咁貴點都有啲和牛食下點知係來佬嘢薄切燒完變咗牛肉乾其他都係差一啲唔成正比朋友話牛舌就係最好味但我唔試各位 如果比咁嘅價錢食咁嘅質素我會座車去旺角食德家

💥由佐敦搬左去銅鑼灣既日本燒肉📍響｜銅鑼灣📍埋單 $ 3 X X｜人均消費 $ 1 X X⚪️⚪️⚪️⚪️⚪️⚪️⚪️⚪️⚪️⚪️今次跟朋友搵食，帶左👧🏻黎呢間響日式燒肉，平時夜晚主打放題，晏就就可以選擇定食或者放題都可以，我地時間唔多所以就簡左定食🤟🏻💟 和牛燒肉套餐 $ 1 2 8大家都簡左呢個餐😹一開始會有兩件厚切既三文魚（或者餃子）沙律🥗（或者湯）燒菠蘿🍍可以轉做金菇，非常貼心😻開頭望落去每樣得兩件，覺得好少但配飯食落去又okay飽喎🤣至於味道，即使話係和牛都唔係好香，其他都不過不失，同平時燒肉差唔多～🙉🤟🏻不負責任點評✌🏻好味道🌕🌕🌕🌑🌑性價比🌕🌕🌕🌑🌑回頭率🌕🌕🌑🌑🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

又鍾意食刺身又鍾意食燒肉嘅我～就同朋友仔一齊去左銅鑼灣嘅響Hibiki食日本放題🍣🍱🥢✨ 食物種類同款式都算多～啱晒選擇困難症嘅我哋，可以試晒唔同嘅菜式😋一坐低冇幾耐就會有刺身拼盤奉上🤩每人一隻生蠔配海膽加蟹子✨✨✨多層次嘅味蕾享受😋 帶子、三文魚、甜蝦、劍魚腩都好新鮮～之後就到燒肉拼盤啦✨燒肉亦有多款選擇～澳洲和牛肉眼、美國牛肋骨、米澤三元豚腩片都肉質有咬口，燒完仲更加多一份芳香嘅脂油味～除此之外仲有唔同嘅炸物、熱食等等，最重要嘅就係平時嘅放題都缺少嘅酒類，呢度都有！🥂紅酒白酒梅酒all you can drink🥳 仲有埋movenpick雪糕🍨tim～真係大滿足啊🥰

呢間餐廳由開業到依家都有留意，亦都食過好幾次，今次係自搬鋪後第一次黎食，個剌身頭盤認真唔錯👍🏻尤其係個海膽，好香甜，生蠔🦪嘅海水味比較重，其他刺生都好新鮮特別係帶子，劍魚腩➕日本每天空運魚生，味道鮮甜，必定會encore燒肉頭盤有和牛之外，仲有豚肉，雞翼，三者嘅肉質都唔會韌，尤其係澳洲和牛肉眼同埋澳洲和牛西冷，肉味重得黎又香滑一囗牛粒都值得一試，雞腎串冇雪味，海蝦好大條，燒完好香好惹味😋鍾意食榴槤嘅朋友可以試吓榴槤炸彈同埋雪糕，我就鍾意食Movenpick 楓糖合桃雪同埋Dreyers抹茶脆筒飲品同埋前菜都係自助出去拎，呢到嘅飲品都算多選擇，除左有各式日本汽水，仲有紅白酒，清酒🍶梅酒同埋啤酒🍻

第二次來食都覺得好正😍今次送海膽生蠔🦪上次送龍蝦🦞兩樣都好味😋今晚主攻食牛肉😂其他野都少食！係咁燒係咁食！好飽 好滿足😌一入座職員已經送上一盤生蠔🦪+魚生我自己麻麻地食生蠔🦪但我都試食左兩只，味道OK wo 起碼唔腥先😂而且有我中意嘅海膽同三文魚籽再送上兩盤肉我地主攻澳洲牛肉眼、西冷同牛胸腹😂每次每款叫10塊，叫左3-4次😂我哋淨係叫左一次醬汁牛肉，口感似韓式燒牛肉，肉就似肥牛，多汁又多脂肪，所以好搶火😂味道好咸，唔岩我同行朋友叫左雞軟骨、雞皮，雞腎。佢以為係熟食🤣點知原來要自己燒😝天婦羅、炸芝士年糕、炸紫芋球同炸榴連球都係熱辣辣食，好味😋甜品有雪糕同甜筒，勁正🤣朋友燒雞翼燒得好靚最後燒埋菠蘿🍍畫上完美句號

小妹好耐都無食日式燒肉啦, 於是就book左今晚食“響”! 一入到去就見到多款清酒, 梅酒, 紅白酒任飲, 旁邊仲有個雪櫃擺有大量汽水啤酒同包裝飲品! 餐廳環境幾大, 每個卡位都幾寛闊, 坐得都幾舒服! 餐廳除左提供燒肉之外仲有串燒, 炸物, 鍋物, 壽司刺身, 甜品等等, 而前菜同沙律都係自助的!店員一開始會送上一盤刺身同燒肉, 刺身有好幾款, 有北寄貝, 三文魚, 甜蝦, 八爪魚同生蠔, 刺身溶好哂雪, 味道不錯, 生蠔上面放有海膽同三文魚籽, 食落味道更鮮! 燒肉有好多款, 小妹就比較中意澳洲和牛肉眼, 食落口感軟腍, 肉味濃! 除左肉類仲有好多蔬菜串燒可以燒嚟食, 例如菇類, 瓜類, 甜薯, 菠蘿, 雞皮, 雞肉串等等…唔夠飽仲有炸物, 飯同烏冬, 份量亦幾多!甜品方面有多款雪糕選擇, 黑芝麻雪糕好重黑芝麻味, 食落仲有芝麻微粒幾有口感!

見到新開張一定去試吓😂上到去環境唔錯冇好大油煙，員工非常積極👍飲品選擇雖然唔多，但如果喜歡飲酒就一流，紅酒白酒都好飲👍日本酒上次就未試啦😂一坐低就有一盤魚生仲有生蠔都非常新鮮，和牛一到立即燒來食，已任食放題來講已經唔錯🤣其他肉食都好食😋仲有啲炸物正正常常✨最正係靚雪糕任食😙下次會再去食👍

d座位迫到不得了，一張長枱中間隔塊板坐8個人，全部膊頭撞膊頭，最側邊果4個人直頭得半個人坐喺枱前面。抽氣極差，煙霧離漫，隔離枱條抽氣燒燒下跌左落嚟，嚇死人。做埋折都5百幾蚊，咁嘅環境真係好差。食物OK，d肉每次嘅質素有啲參差，刺身幾好，份量都足，特別係送每人兩隻嘅海膽生蠔，好大隻好鮮甜。炸物正常，飲品款式都多，包埋多種酒類飲品。哩個價錢可以有更好選擇，茶餐廳般的環境，即使食物再好都冇下次！性價比非常低。

話說，今個8月，有2位同事生日，而fb成日彈出佢依間嘅廣告，咁叫同事幫手訂位~我哋一共8人，原來當月生日就4送1，咁我哋8個就2個生日免費啦，當然去到要出示一吓張I.D，比人知道您生日啦~同事打電話訂位，要比$500按金，咁我哋真係預咗去嘅，比就緊係無問題啦~首先上枱係剌身拼盤，我係唔食生食物嘅我，但對於佢哋帶子剌身同甜蝦，我竟然唔會放過佢，唔醒，好鮮甜~然後就上一盆有名牌嘅肉類拼盤，每款細細舊上，多款式，又好新鮮~基本上佢嘅食物一流，上菜快，出面仲有飲品任食，另外個有紅白酒，柚子酒，梅酒，清酒，無得頂呀~雪糕有榴槤雪糕，但班榴槤友話無咩味，仲有我至愛嘅movenpick~限時2.5小時，咁嘅價錢咁嘅質素，超值喔…不過小心謹慎點，如果超時，佢唔會提您，會另收附加費喔~

響Hibiki本身位於佐敦時已曾與朋友到訪享用晚市燒肉放題，但早前曾因疫情而停業一段時間，重開後不久又再次因租約問題而結業。最近終於在銅鑼灣重新開張，特意再次前來支持。晚市放題分為17:00-19:30或19:30-22:00兩個時段，最近由於有七七折優惠，每位折後連原價加一只需四百多元起。食物以QR code下單，除了肉類之外更有刺身、壽司、天婦羅等。除此之外，前菜、飲品及甜品均可以到自助區自取，更有清酒、柚子酒及梅酒等。入座後不久便首先送上一份燒肉拼盤及刺身拼盤，燒肉拼盤包括澳洲和牛西冷、澳洲和牛肉眼、澳洲和牛胸腹、美國牛肋條、米澤三元豚腩片、米澤三元豚西冷、手羽（雞翼）及骨付雞肉腸。澳洲和牛有西冷、肉眼及胸腹三個部位，脂肪分布平均，油香四溢，以任食質素而言游刃有餘。每位客人均會附送一隻海膽三文魚子生蠔，可惜生蠔肉身較瘦。刺身除了有三文魚、油甘魚、甜蝦等常見款式外，更有每日由日本空運到港的時令鮮魚。燒肉方面更有醬汁燒肉如生薑汁澳洲肥牛薄燒、醬汁羊卷肉薄燒及生薑豚肉薄燒等，而一系列椒鹽燒當中個人最推薦雞皮串，燒過後變得微微焦脆，逼出油脂香而不膩。其他天婦羅及炸物都即叫即炸，榴槤炸彈外

午餐時間, 想吃日式燒肉 在網上搜尋了一下 知道 “響” 在銅鑼灣新開了分店, 而且有好多好評, 當然要去朝聖一下。看見其他枱好多人都在吃放題，除了放題也有多款午市套餐可供選擇，我選擇了128元的和牛燒肉海鮮午市套餐 ，有不同部位的和牛、海蝦、鯖魚、雞翼、菠蘿，食材頗為新鮮，隨餐附送 前菜 小食 白飯， 相當豐富。由於新張期內有八八折128元， 埋單連加一只125元 非常抵食。而且員工服務態度良好 招呼周到， 進食期間，看見有食客埋單離開後 員工馬上清潔枱面(包括煙通)。臺底下還有暗格擺放 鹽 胡椒粉 醬油 七味 牙籤 紙巾 供食客使用，  因而可以騰出跟多空間擺放食物。

之前係佐敦食過響日本燒肉已經覺得佢啲肉好高質🤩見佢搬左cwb店梗係又去食下啦😍首先餐廳會上份刺身拼盤👻有三文魚，甜蝦，八爪魚，帶子等等係冰面上面保持冷凍同新鮮仲有乾冰喺後面冒煙勁有睇頭😂特別欣賞佢既帶子，好鮮甜！餐廳仲會每人送一隻海膽魚子生蠔🦪生蠔好新鮮唔會有腥味海膽同埋魚子亦唔會太重口🥳然後就係燒肉拼盤！🥩特別鍾意澳洲和牛西冷同埋骨付雞肉腸澳洲和牛西冷牛味重！肉汁豐富肉質又嫩🤤唔使調味都好正！而骨付雞肉腸就係小童餐🤭小妹鍾意佢可以拎住嗰舊骨食雖然佢係腸，但係亦都非常juicy直頭係有種爆汁嘅感覺！😂然後雞肉調得好惹味小妹翻兜左2條😂😂小妹仲叫咗啲炸物同埋壽司🍣加州卷炸蝦卷同埋玉子壽司每件都好的骰！唔會一舊飯食飽你🤙🏻味道都相當唔錯！仲嗌左芝士年糕，榴槤炸彈！呢兩樣係每次去到必點🤣芝士年糕非常煙韌加埋流心芝士真係人間美味🤤而榴槤炸彈亦都非常足料又係爆晒餡雖然食完之後成個口都係榴槤味戴住口罩更加係揮之不去但係真係唔食唔得😭不得不提小妹每次去都食兩碗嘅清湯烏冬佢個湯底好似係昆布鏗魚湯？甜甜地好好味😋烏冬亦都係非常彈牙仲幾掛湯。加埋呢個甜甜嘅湯底真係好正啊！👻餐廳飲品方面係自助形式酒類有梅酒

同朋友經過銅鑼灣突然好想食燒肉放題之前聽人講呢一間日本燒肉店 響食物質素好高 於是我哋就去咗試吓上到去個環境都好優雅自助區飲品 沙律任拎 有好多日式燒酒都係任飲首先上咗個刺身拼盤三文魚 吞拿魚 甜蝦味道好鮮仲有兩隻大大生蠔 好肥美配上檸檬汁令蠔嘅鮮味提升主打必點嘅燒肉有澳洲和牛油脂分布均勻 薄薄片少一陣就食得 牛肉味夠晒香濃除咗和牛之外仲有牛肩肉 牛仔骨 牛小排 都選用至高級牛嘅食材可以任點任叫 試晒唔同嘅牛除咗和牛之外 燒物類炸物類泡菜鍋 味增湯 烏冬 應有盡有甜品唔少得movenpick雪糕都係任叫㗎 簡直係性價比高！