韓食家 (已結業)

第一次食韓食家，第一次在新都會揀野食，初睇餐牌以為內容一般，不過見又有位便試試。坐下發覺人人都叫小火鍋，我也叫了一份: 有牛肉、菜、豆腐等，size不大，但夾下夾下都算多野食。另外又叫了冷麵拼盤，三款冷麵，可能辣辣地，我就覺得一般。侍應斟茶幾快手，抵讚。

三人找個地方醫肚，甲提議吃新蘇浙菜，說酸辣湯好味芸芸，反建議下來了吃韓國菜。今日先知原來晚市唔少客人的，亦要等一等先有位，侍應傻呼呼的，卻幾親切，見幾位忙著看餐牌，亦不忘提提大家可以入坐。經濟版韓國料理，配套都有銀筷子，也見用心，三人分別要了半隻人參雞、烤豬頸肉、韓式牛肉飯。先來些炮菜，很行貨一碟，但以數十元套餐計，也不期望會出現吃前菜吃飽的場面！見大白菜唔多新鮮，也沒興趣去試，而莧菜用麻油浸過，清爽開胃，大豆芽同樣以麻油浸過，將草青味輕輕蓋過，吃來亦爽口。甲的拷豬頸肉用gas陶板爐烤，好平民的DIY，平平地過下癮亦不錯的，豬頸肉滿滿一碟，用上濃醬油浸過，無化學過，此品得意在烤得過火亦不會乾巴巴，絕對適合要吃well well done的她，自己吃了件八成熟的，爽嫩亦夠味，唔錯的，當然吃此品亦預了有味精，情況可以接受。乙的韓式牛肉飯分量亦豐富，椰菜、洋蔥煮得夠味，牛肉無比化學，老老實實的醬汁炒，也很適合伴飯，也是價廉抵食之作。自己的人參雞湯，角度問題，看不出雞是釀了八寶糯米，對雞無興趣，喝了數碗甘涼的雞湯，那甘涼味大概來自參味（初嚐還以為是涼瓜），亦下了味精，八寶糯米已浸煮至霉腍，不懂

首先,d食物質素OK,我地嗌咗韓式炒粉絲,鐵板燒,石頭鍋飯,味道全部都唔錯,好有韓式風味,食厭咗一般韓國燒烤,可以試試呢一間.(個韓式炒粉絲好味到我地要re-order tim!!!)個石頭鍋飯亦有少許飯焦...umn...唔錯唔錯...其次,服務員的態度就認真不濟了!!!嗌佢地落單,佢地個樣好似好唔想做咁,叫佢地攞d餐具,好似好不情不願,好似好辛苦佢地咁!!!到last order嗰陣,佢地通知你既語氣,好似命令式咁...所以講到佢地既service,就真係不敢恭維喇!!!最後想講既係,佢地收舖既時間真係頗早,係10點(9點半last order),所以想去食就要早d喇.

俾呢間餐廳o既環境同香味吸引o左入去食! 最好味o既係石頭飯, 又夠熱, d烤雞肉又好味! 其他o個d o野食就麻麻la~ 最難食係橡實麵, 好似浸o左好耐咁! d o野食都o黎得ok快, 不過就漏單!侍應o既態度真係好麻麻, 問佢o野好似唔想答咁!同埋太早就收鋪la, 10點d侍應都差唔多走哂!!

這裡地方夠大、位夠多，等了10mins左右已經有位。2個人點了：傳統雜錦燒牛肉石頭飯餐 $48 -- 配1款前菜+飲品(熱柚子茶/薑茶/紅棗茶)Q版韓燒鐵板餐 (海鮮) $98 -- 配白飯+3款前菜+飲品(熱柚子茶/薑茶/紅棗茶)，海鮮有魷魚、4件魚、3粒帶子仔、3隻蝦、2片菇、幾片洋蔥食物方面係幾好，份量亦算多，石頭飯好夠熱，有飯焦，味就淡咗少少。海鮮料唔係差，魚同蝦仲好正下。不過餐飲轉凍飲要加$4，好貴!張2人枱真係好細，放滿晒成張枱，食嘅時候對手吊住吊住，唔可以放向枱上。另外，裡面幾油煙。

可能接近打烊, last order 2130, 人流不算太多, 有位有食物供應已滿足我的要求.沒翻開過菜單, 只是剛好座下眼睛45度角單單看見墊枱餐紙上, 吃韓式來說價錢算便宜, 樣樣都想放進口, 但眼闊肚窄, 便快速地選了三樣東西:1. 傳統三式健康面, 不跟餐HKD36 , (如跟餐HKD42 多杯飲品及KIMCHI); 2. 傳統韓式石頭飯, 跟餐有配菜小吃包杯飲品但凍飲加HKD4 + HKD46; 3. Q版韓燒鐵板, 選了豬頸肉, 另配有白飯及前菜小吃HKD5X再隨即叫了飲料, 凍柚子茶及熱薑茶.先送上爐及鐵板, 速度相當快, 心想可能趕收工....再嚟飲品及KIMCHI, 開胃醒神, 之後豬頸肉的出現, 份量不少, 再嚟白飯同前菜, 跟手嚟過三式健康面, 三座小山丘般的, 看到之後怎樣移平它? 還有那個石頭飯....OMG! 看過圖片我沒想像的那麼足料.....三式面是涼吃, 分別用3種味道所造, 有我喜愛KIMCHI味, 綠油油的紫菜味和白灑灑的原味, 似芋絲的口感和彈牙,其他 如豬頸肉較肥膩點, 之後已感到飽肚, 最後把暖暖的石頭飯內蛋吃掉, 剩下未曾碰過的飯和餸菜

5月19日今晚約左一對好耐無見既朋友, 成年無見喇, 見番好開心~大家都係附近做野, 於是就約係葵芳食個dinner, 大家不約而同揀"韓食家", 我地點左: 蔥薄餅 - 幾好味, 有蔥同紅椒, 餅唔會乾爭爭醬燒雞肉飯 - lunch食過都唔錯, 但今次唔夠熱, 飯焦少左...雞肉算嫩滑, 配菜較多Q版韓燒 : 豬頸肉 - 份量夠多, 但兼切得太細條, 大塊D會好D, 肉質算有咬口, 點埋醬汁會好味D豆腐湯牛肋骨套餐 - 湯有少少辣, 唔錯, 牛肋骨都OK, 唔會un餐飲 : 兩杯熱紅早茶, 一杯薑茶埋單好似二百三十幾, overall都ok既不過不失, 份量亦夠多

來吃個 early dinner，選外邊位是因為裡面油煙好厲害。棄石窩飯，選了「辣豆腐牛肉湯窩」餐（連加一 $62）。先來辣白菜泡菜，兩碟前菜（豆芽、菠菜），以及餐飲（柚子茶）。那些前菜和柚子茶味道都 OK。等候近十分鐘，那「辣豆腐牛肉湯窩」配雞蛋和白飯才上桌。白飯係正常的一碗。那豆腐窩亦然，然而味道卻挺糟。湯窩根本唔辣，牛肉好鞋好老，豆腐好碎質地好粗糙。個湯窩除了有金菇，居然還有數片翠玉瓜！個人不太欣賞翠玉瓜這東西，更何況它在韓式石窩出現，Oh No！下次還是吃回石窩飯比較穩陣！

有一日,我收咗工約9:45去到間餐廳,無人排隊,入到去又無人彩我哋,唔緊要,佢哋真係好忙,等咗幾分鍾,有個收緊錢嘅女仔同我哋講,佢哋今日D飯賣曬喎!所以唔接客啦!唔緊要,我仲問佢收幾點,佢話十點,咁唯有下次再食過啦!事後我都有同我朋友講,咁攪笑專賣飯嘅地方可以無飯賣嘅!第二次再去,提早少少9:30去到,又係無人等,一心以為咁好唔洗等,好快咪有得食,仲見個侍應立即走過來,點知佢同我哋講,已經過咗Last Order時間,叫我哋早D喎,我真係覺得佢哋有問題啦,上次就話無飯,今次又話過咗Last Order,我真係未見過有食市9:30就收工囉,究竟係咪做生意架!奉勸各位,如要去韓食家,務必要早!!!

在樓下已經聞到韓食家既燒肉味道，不得不上去一試.....自己燒下燒下，感覺都不錯...味道也很好!!!材料也很新解!!!但如果咁既價錢，咁少既份量，我又會考慮一下先....服務態度亦都不錯!!如果三五知己想吹水，呢到都係一個唔錯既選擇!!!

逛葵芳在新都會地下已聞到超香的燒肉味發現竟然是在頂樓傳來好像很吸引似的於是逛完後就上去試試坐下發現原來是梨花園的子店叫了個二人套餐燒雞肉很甜是好吃的粉絲湯卻是一般野至於那個石頭飯嘛本來可能不錯的不過開了爐之後桌子小得除了泡菜外就放不下其他一開波就想端來給我們卻真的放不下於是服務員就說等我們燒完才來可隔了不久另一位又把那石頭端回來到我們燒完了要催回那石頭飯就艱辛了來回四轉之下終於吃到了不過是冷的希望不是原來半小時的那個吧事實上不止一位十十下每次都要我們解釋了幾次才明白發生何事唉..早知食樓下的烏冬相片拍了記憶卡卻壞了下面幾餐的相都沒了不過這餐沒有了也不可惜的

尋日(21/02/2008)同男朋友收工後,諗住食石頭飯就去左新都會分店, 我地去到都係9:15pｍ姐，企門果個女侍應好無禮貌咁講左一句:, 就走左啦....好似有寶咁....完全一句對唔住都無...態度惡劣呀以後都唔會再去新都會韓食家！

今次試新都會店。曾經有人說，大部份連鎖餐飲店，在新都會開設的分店，都逃不過水準略差的宿命！如：嚐越、KFC、好好、Starbucks、A-1 Bakery、和民、Relaxing Tea House…，就是食物和服務都比別分店差！韓食家亦然。服務比奧海城差！食物質素和份量亦然。同樣係「傳統石鍋飯餐」（$46 + 10%），那傳統石鍋飯配料較少，泡菜亦只得白菜一款，那柚子茶亦慳料地淡戊戊！No next time at 新都會韓食家！

1)Q版韓燒BBQ牛肋骨$72 ~ 此價錢只是一人份量,一路燒一路食,大約有七片,味道都倘算可以.2)海鮮煎薄餅$38 ~ 材料份量較少,沒有味道,只食到粉漿.

我同阿欣都係第一黎食, 我地叫左兩個set. 一個石頭煱飯餐, 一個海鮮豆腐湯餐. 食物同價錢都ok, 不過坐得比較逼, 同埋抽風好差, 因好幾台都食燒烤, 食完呢餐飯成身油煙味.pics: http://hk.myblog.yahoo.com/iam-waiwai00/article?mid=434