韓食家 (已結業)

本人一向都幾鍾意食韓國菜,尤其是韓燒,有次同男朋友在葵芳行街,當諗緊Lunch食咩時就發現了這間食店,在門口的餐牌望落去都幾吸引,於是就入去試下,我就要了一個泡菜豬肉石頭飯,而我男朋友就叫了雞肉石頭飯(套餐,多一柸飲品及湯),在等待的過程都要幾耐,要十幾分鍾。D前菜就麻麻地,冇其他韓國食店咁多款,只係一般，首先來的是雞肉石頭飯,上枱時個石頭煱仲好熱,個雞肉飯好好食,可能由於有很多配料(尤其是洋蔥)所以特別香,而個泡菜豬肉都OK,不過就辣左少少,唔食得辣就最好唔好試，不過美中不足是我們嫌它冇左隻生蛋,如果加多隻蛋應該會更好味,當食到最後,個煱底仲有飯焦,脆扑扑,正!最利害是我們埋單時,個石頭煱仲好熱,可以把水蒸發ar!!!

係朋友仔係葵芳返工, 佢話同同事食過lunch 覺得ok 所以黎食. 食完餐飯我就真係覺得麻麻地喇.首先我真係覺得佢地D服務態度真係好有問題, 我朋友訂左枱架喎, 去到門口問佢訂左枱講晒資料比佢聽佢竟然話我地冇訂枱喎, 我打比朋友佢地話已經係入面坐低左. 咁我梗係唔理佢就行左入去啦.落order 既時候同前幾位食評講既一樣, 叫個個waiter 就應你等一等, 唔通waiter 就真係要wait 架咩? 等一等唔使死, 最慘係等左好耐都冇人回頭理下我地. 把火咪個個行過都叫落order 囉! 我地四個人, 當日見到佢有個四人餐, 大家都懶得諗於是叫左個四人餐. 食品都真係好一般, 韓國餐廳我唔覺得佢做到韓國餐囉. 我唔會再去下次.

前幾日來貴公司食晚飯,發覺本公司石頭飯比之前我來的時候要小,之前來食都飽,還可以同我的女兒一人一半的,現在我自己一個人食都不夠飽,還要點多一個麵給我的女兒食,是不是貴公司想讚多點金錢呢?個飯有四分一,餸加了上去都只不過是石頭鍋的一半,為什麼呢?你們這樣做是不行的,這樣做人客是不會再來食,希望貴公司跟進!比多一些飯可以嗎?

果晚, 我地一班人興高采烈, 去到呢間餐廳, 坐低order野食. 當時已發覺人手唔多夠, 揮手好耐, 先至有人埋黎, 行到埋黎, 個waitress仲話"等陣啦" 就走開左, 當然一去無回頭. 我地再三揮手, 先至有另一個waitress過黎, 同我地落單.好啦, 係咁等係咁等, 成半個鐘有多, 一杯野都無黎過, 我地又揮手, 果個waitress先至走埋黎, 話死啦, 唔見左我地張單, 唔知去左邊, 話我地可唔可以重新講過我地order左d. 我地話, 做乜佢咁耐先走埋黎, 佢話因為佢忙, 所以而家先有時間行埋黎. 之後另一個高級d既waiter走埋黎, 嬉皮笑臉咁話因為佢地忙所以唔記得幫我地落單. 我地成張枱咁多人, 咁耐都無野食, 佢地無人留意得到, 仲要嬉皮笑臉, 咁忙又唔請多個人, 服務水平差到無人有.另外, 我地亦留意到, 隔離枱都有人又係走左單.我以後都唔會黎呢間餐廳. Black list!!!!!

話說前幾日我同朋友一行七人去到新都會,諗住呢間價錢都ok,咪入去試下囉,點知我地想落order叫野食,叫左十幾分鐘終於有一個係隔壁收銀枱既姐姐發現我地,落完order之後,我地係度傾計,差不多大半個鐘之後,我地先發覺點解咁耐仲未有野食,又舉手叫waiter,今次個收銀姐姐好快咁走過黎,原來係同我地講唔見左我地張單,要我地再落過order,我就問點解唔早d同我地講唔見單,我地唔出聲即係唔使食啦,佢答我好忙,好唔得閒,咁我就叫一位高級d既過黎,呢位高級人仕亦都係一d歉意都冇,笑笑口咁同我地講要我地再落過order,呢間野既服務態度咁鬼差,我地都冇重新落order,決定去第二間食好過!

服務態度超差，落左單半個鐘頭後竟然先話因為忙所以無落到單態度輕浮，完全唔覺漏單係有問題咁

清明節假期工業區人影都無多個,午餐唯有去新都會廣場解決,出發前已決定去呢間未試過既韓食家,估唔到連二老闆都有興趣,出發!我地被編排至室內梳化位,坐係比較舒服,但未夠外面開揚光猛,而且檯椅間空間較少,對我呢d月巴人黎講有點難度。環境尚算雅緻,牆上掛住好多韓國式掛畫,都有點點點點韓國食肆氣氛。先上餐湯、泡菜同飲品;餐湯係大豆芽清湯,湯盅內只有一堆大豆芽連湯,油都無一滴,減肥女仕佳品!!味道竟然幾甜,大家都估唔到除左豆芽之外,用什麼材料會煮到有另一種味道,叫做有啖湯濕下口,不過不失。泡菜六碟共三款,除左韓菜必備大白菜款式之外,仲有芝麻葉(?!)同大豆芽;大白菜夠辣,但個人較喜歡city super個種又辣又酸味道;芝麻葉(?!)淡淡麻油味,大豆芽都係,比湯裡面既惹味少少,ok啦。以前食評話飲品勁細杯,但今次已經改良左,我地三杯飲品都用一般餐廳有耳杯盛載,份量已經足夠,只不過水吧沖製飲品好烏where,柚子蜜整到成個杯口都係,有點肉酸!柚子茶沖得還好,甜度適中,收貨啦。估唔到我個醬汁雞肉石頭飯比佢地既鐵板餐更快上檯,真係估佢唔到。外觀ok,石頭鍋夠熱,一上檯已經聽到"滋滋"聲,有聽覺效果!快速

食左幾次,當快餐咁食,叫左1.泡菜豚肉石頭鍋飯--好夠熱,熱到整親手,好食,不過唔夠汁,太乾,juicy 0的會更好味2.燒汁雞肉石頭鍋飯--比較甜,都好味3.牛肉粉絲什菜鍋套--自己煮熟的,好新鮮,個湯夠哂味,加埋韓式辣醬就更加好味lar~~~4.凍柚子茶就加$8一杯,都ok garService 一般,可能0的位比較唔集中,令到服務員好難睇到要refill tea;最差的係帶位,次次來到都帶我坐埋0的c 角,今次又帶我坐到去全餐廳的c c 角,無燈,黑麻麻,我已經唔係好肥,個位又窄到坐唔到,次次都係要轉過其他台,我知你生意好,不過帶位的人可唔可以帶得好0的呢??唔想你次次都帶我坐c 角位~~~

講真,我對食店真係冇乜要求,但求有個位坐好,上菜時間合理,d野食我覺得食得落口既我都肯食,但呢間野竟然連呢d野都做唔到,o個次去呢間野食飯既經歷真係令我好不快,令我不得不o係呢度打下我第一個食評呀!!!o個日我同男朋友9點度去食呢間野,諗住新開幾靚價錢合理咪試下.入到去d侍應好似當我地透明甘,連menu都叫左N次先攞黎, 仲要攞錯,我同男朋友兩個人,佢攞個family dinner set既menu俾我做乜?之後再叫都係唔理我地,我男朋友索性自己走去攞,但係要記住喎,有個唔係著住侍應衫既黑面女子其實係o係我前面唔夠3步既位置落緊單,佢甘都唔幫我地攞一攞囉,佢係聾既定係認為攞menu呢d野係個客要做既野?好啦,終於落好單啦,我地要左一個2人dinner set,我地揀左人參茶同柚子茶,嘩,甜到呀,又勁細杯,好,都算,之後等左勁耐都冇野黎,我地心諗,我地都甘晏先黎啦,唔係都要甘耐掛,而且泡菜呀,粉絲呀呢d前菜唔係一早就預備好,夾佢上碟就得架咩,點解都要甘耐?之後仲型,等左成半個鍾,終於有我地既第一樣野上啦,點知竟然係我地既主菜鐵板牛肉!!!大佬,未黎前菜就黎左個主菜!?我直頭呆左,我男朋友

住咗葵芳多年,眼見附近餐廳越來越多,本來是開心事,開咗幾個月的呢間韓國餐廳,平日都無時間去食,呢幾日係假期終於可以試下,點知令我好失望,因這間餐廳的服務真係差,我相信只能做我一次生意!個餐都無問題,只係杯飲品小得可憐;因我哋對韓國餐都不是太熟悉,咁我就問一個女侍應(不是著制服的),佢黑口黑面及不耐煩咁回應,之後就叫我地自己睇下先再叫佢,我哋當時都諗住落order,但佢就咁走左去,我哋可能阻住佢同其他同事傾計,咁真係對佢唔好意思!!!叫佢加水又唔啾唔啋咁,都唔知佢知唔知,應都唔應你,好似得罪佢咁,仲要唔該佢幾次添,如果係人多而態度係咁都情有可原,但當時不是太多人! 其他餐廳係多人d侍應都唔係咁,起碼會應下你! 唔只係我哋呢枱係咁諗,坐我隔離個枱客都係咁評論呢位女侍應,我都唔係要求過高的人,但都對呢位女侍應唔順,果日真係食得唔係咁開心,因新年流流見個黑面神!見之前都有其他人留言寫某位女侍應,都唔知係唔係同一人,我唔會再比錢呢間餐廳養呢個人,呢間餐廳的高層都唔知點請人,見咁多人投訴都未有所改善,我會叫其他朋友唔好去呢間餐廳,貼錢買難受!!!

今日同阿媽黎葵芳食飯, 特登搵0的未食過既, 見到呢個都好似ok, 又係50~60蚊一個set, 就入左去啦~帶位入個小姐都幾好服務, 我就叫左辣豆腐牛肉湯套餐, 有飯, 泡菜, 前菜同紅棗茶, 我阿媽就叫左傳統石頭飯, 都有湯, 泡菜, 前菜同紅棗茶. 前菜好一般，　可食可唔食～我0個個湯唔算太辣, 但上枱時都係滾緊, 比隻蛋我可以打落去個湯到一陣滾~不過隻蛋好細隻, 味道都ok~我阿媽個石頭飯都好熱，　有飯焦～好香～但個湯就一般～我最like係佢用韓國傳統鐵更同筷子，　幾特別～一個餐都好夠飽，　我地都食唔哂～不過服務真係好唔得，　我問吓佢餐既問題，　佢都係黑面答，　反而其他有著制服既服務都ｏｋ，　只係冇著一般制服０個個唔得，　黑面～冇多謝，　感覺好差！！！

我叫的是三色炒粉絲，哈，好大碟，分三堆，不過其中一堆有wasabi味，所以暖暖無食。暖暖叫的是雞肉石頭飯，好多洋囪，食完好口乾，好多味精。我覺得跟餐的蘿蔔湯好好飲。服務一般。

我喺度食個兩次。一次食晏，一次晚飯。担白講佢\d嘢食真係嘛嘛地，個石頭飯d飯太軟了，d汁又嘛嘛地唔係o甘好食。食完一次就冇打算再去食多次。但係男友話佢\未試過。於是再去食多次。今次餐\飲叫個柚子沙冰。個柚子沙冰幾好飲有柚子味。好過泰屋o個個所謂沒有柚子的柚子冰。可能間餐\廳新開，d人新人關係。所以做o野麻麻。兩個都係叫餐\o黎得一碗湯。同佢\講話餐\飲係柚子沙冰個侍應仲同我講埋要轉餐\飲加幾多錢。無啦啦比杯柚子茶我。仲同我講杯柚子沙冰令你唔係令外叫o羊~有d吹漲。新人多冇計~d裝修有點而好笑，出面座位d燈。成日覺得d燈罩會好易笠住其他人個頭。就好似髮型屋個電髮器o甘~下次再去都係為咗杯沙冰而去。

見這裡食評唔錯，又近近哋屋企，於是決定和男友來這裡過我們的第二個Halloween。這裡的環境裝修極像過氣food court，啲枱拍得密密麻麻，令人坐得渾身不自在。我們都點了set dinner，我要了雞肉雜菜鍋($58)，男友就要雞肉鐵板餐($62)。Set dinner包一杯比功夫茶略為大些少的紅棗茶/柚子茶，紅棗茶味道幾好，柚子茶超甜。雞肉雜菜鍋跟海帶湯，海帶湯超級味精，好咸，喝了一啖然後即棄；雞肉雜菜鍋分量頗大，湯底同樣超咸超味精，雞肉唔滑，最好味係啲粉絲，白飯淋到成pat嘢咁，劣呀！雞肉鐵板餐亦唔見得好，味太濃，唯一好處係分量夠，男友都食得飽。食物質素同連鎖快餐店不相佰仲，可能仲差啲添；但價餞卻比他們貴成倍！一定無下次！

我見佢新咪黎食下囉....個環境都幾好....就比佢吸引住....就叫埋d朋友去食..都幾好咁,,,是食set lunch...d粉絲都唔熱..只得微暖....但都可以接受!!!!d服務就一半半喇!!!有d就好好笑容...而有某位女侍應(高,,瘦,,黑面..聽朋友講佢由奧海城到黎左呢間...d態度都係唔好)...我對佢不太滿意...叫左佢幾次...只係說聲"等"好喇...等...但佢冇好快咁做到...唉...咁既服務不好呢!!!下次有機會再去食見到係咁我一定會打上寫字樓投訴呀~~