韓燒大叔

营业中

休息中

120分鐘任食海鮮刺身任食放題，肉類同海鮮選擇都真係幾多。每四位就會先送原條蒲燒鰻魚，好大條好肥美😍醬汁甜度亦剛好🙌🏻然後仲有得玩抽獎！1-10號各有不同獎品，我地就抽到醬油蟹一客🙌🏻（大奬係當晚全張帳單免費😳！）用QR code點餐，見到咁多選擇真係好興奮😂我地叫到成枱都係，好澎湃。刺身質素都唔錯；小食推薦泡菜煎餅同柚子雞翼🙌🏻肉類同海鮮我喜歡美國安格斯下肩胛肉/韓式牛肉/韓式牛肋骨/澳洲草飼黑安格斯牛板腱同牛頸脊/薄切牛脷/墨魚咀/扇貝/帆立貝/白蜆/海虎蝦。有汽水啤酒任飲，一人一杯藍妹生啤爽歪歪☺️☺️甜品仲有爆谷同雪糕窩夫！

朋友11月生日飯想食韓燒，即刻諗起呢間。120分鐘任食海鮮刺身任食放題，每人都唔使$400，性價比甚高。而家做緊兩款限時優惠：1️⃣四人同行送1條原條浦燒鰻魚。2️⃣ 晚市每4人有得玩1次抽獎，我地就抽中醬油蟹一客。（其他奬品有韓牛、燒酒，甚至賬單免費😲）未開始韓燒已經嗌左一堆刺身同小食。三文魚/希靈魚/北寄貝/帶子⋯ 好新鮮，質素一啲都唔輸蝕。小食推介泡菜煎餅同韓式炸雞。不過唔好食咁多，留返個肚食烤肉。肉類同海鮮款式都多：安格斯下肩胛肉/韓式牛肋骨/安格斯封門柳/牛板腱/牛頸脊/薄切牛脷/扇貝/帆立貝/白蜆/海虎蝦⋯叫到成枱都係。嘆住任飲啤酒食烤肉，一流。

一入到去店員安排我地三人坐最入既一張細枱，張枱基本上坐個半人就可以，兩個女仔都手臂撞手臂。問可唔可以轉枱，職員問完話好full 冇枱轉，明明出面4人卡位大半數係坐2-3人，而且當時係唔爆。唔明點解唔可以轉🥲而且枱面有個圓盤 食具只可以放係旁邊。成餐飯感覺好迫 唔會想坐多一個鐘。😮‍💨到坐低發現櫈有幾笪油，職員比左張乾紙巾我抺，但係太油跟本抺唔乾淨。而枱面又油又污糟。我真係唔明點解d人comment話好乾淨😌到食物方面，加一後大概要$330左右一位，真心食x角仲好過佢。肉質素真十分一般，雖然食放題預左冇咁高質素，但唔係咁差囉 連飲品都係汽水機😧 真係服左佢。野食點差法？例如腩肉係有豬so味，又薄。食一口已經唔想食 因為太薄燒完好乾。牛肋骨比較肥，啖啖油而肉分布好少。牛肉碎濕濕 燒幾下已經爛哂。雞肉就冇乜野 都ok. 雞軟骨都正常 而炸雞就味道好怪 又甜甜地有少少爆谷味😅 去到個半鐘左右我已經要停手喇 跟本冇野想再encore, 而職員亦過黎通知last order, 食完感受就係唔會再幫趁，因為無論係食物質素，環境，職員服務都係一般之下🥴 咁既食物質素 其實只可以收漢x苑價錢架咋⋯⋯

呢間嘢喺IG見到覺得幾吸引，所以過嚟試吓。餐廳入邊本身選擇已經唔算多， 肉質亦都唔係好，環境都一般，呢啲都其次，落咗好多次單都keep住漏單，隔籬枱都係咁樣，個阿姐送餐嘅時候亂咁嚟，喺度問邊一台嗌咗肉呀，完全唔會睇單咁送餐。見佢漏單諗住出去同個經理講，點知個經理西口西面咁，以為OpenRice冇負評就會質素幾好，點知成間嘢質素仲差過漢和，真係寧願食漢和都冇咁嬲！真係冇下一次，希望呢間嘢快啲執咗佢 唔好再為害人間

好耐冇食韓燒放題，知道旺角有間唔錯的韓燒大叔，見今晚肚餓放工就直接過來食。呢到座位舒適，冷氣充足，吸油煙系統做得好好，就算食完出去件衫都唔會好臭。座低無耐，侍應已經好快過來推薦我地用 qr code 點野食， 我就快速選左d 肉類比媽咪燒住先，而我就負責出去拎前菜，醬汁和飲品。呢到泡菜夠正宗入口爽甜小辣，其他分好細細碟的前菜都好正， 有鹵水鵪鶉蛋、 辣蟹仔、 辣魷魚和黑豆呢幾款我推薦比大家。當我拎完前菜返來已經見成枱美食，超推澳洲穀飼黑安格斯牛板腱、美國安格斯下肩胛肉、牛舌、牛仔骨、鰻魚、豬腩肉、豬頸肉，燒好記得用生菜加蒜片醬汁直送入口更加有韓國地道風味。呢到一個價錢包以為得韓燒？錯了！仲有日式刺身炸物可點， 韓式炸雞，飯糰都有只係我地食唔到咁多無點太多，如你係鍾意食韓燒又想食下刺身呢到都係好選擇最正係呢到係旺角約人都好方便。

原來依家做緊訂枱優惠，4人訂枱加$88食海鮮刺身，再加送原條鰻魚，味道都唔錯，輕輕燒番熱，已經聞到好香啦，仲要勁大條，4人個都差啲食唔哂！擺盤方面幾有心機，基本上都以小碟小碟咁上，分別放係個爐旁邊，幾打卡able。另外，燒烤肉類味道都唔錯，當中最推薦豬頸肉，好爽口而調味剛好，除左肉類外，仲加購左可以叫海鮮，例如扇貝、貝類唔會有沙石及腥臭味，都ok~~~韓式小食/小菜款式都幾多，又有魚糕又有泡菜煎餅又有水冷麵又炸雞又雞翼，韓式小菜就咁睇最少都有幾十款，仲要完全唔馬虎，食物質素性價比都幾高～另外仲設有自助區，有自助雪糕機、爆谷、窩夫機等，仲有一口的蛋卷、蛋糕、泡芙等，size岩岩好可以淺嘗，好味再拎多啲！

Book咗位可以突然間cancel咗你個位，不停話人手唔夠，佢哋真係以為自己生意好好，所以就係咁樣做，仲有回覆WhatsApp嘅時候，淨係話自己冇問題係人哋嘅問題，呢一啲唔係重視服務嘅公司

天氣開始涼就想食熱野搵間平平$300任食2個鐘既韓燒仲要座標旺角夠方便抵玩包括20多款肉：安格斯下肩胛/肩胛翼/內裙肉/封門柳/牛板腱......另外可加錢單點海鮮等韓式牛肉 x 生蒜 x 生菜 x 泡菜ko咗好多舊🥰 咁既價錢真係食依間好過食漢和我最鍾意佢有大量韓式小菜連泡菜魷魚都有，著實少見甜品也是驚喜不斷：刨冰/爆谷/窩夫(🍇小卷蛋真係好好味）雖然食肉已經飽曬但都忍唔住食咗兩round甜品2小時完全不會悶

我提前兩日訂位book星期五晚，打算同班朋友去慶祝生日，結果當晚同朋友臨去前兩個鐘先發現個booking俾餐廳冇預警之下取消咗！打去問，職員竟然話應該有打電話俾我問過先取消，我有晒電話記錄根本冇佢餐廳打過電話嚟！然後佢就轉口風話係OpenRice Apps嘅問題！最好笑係前後兩個職員都話：「今晚已經冇枱，或者比第二日你。冇位我都冇辦法！」咁唔負責任嘅餐廳，你叫我再嚟食第二次？餐廳一開始已經承認咗係自己取消Booking，結果搵唔到電話record就賴OpenRice Apps出問題，因為餐廳嘅不負責任搞到當晚成班朋友極度掃興！你比第二日我有咩用？平日晚飯時間就話容易搵地方，星期五晚突然cancel我Booking唔出聲，仲要職員態度係睬都傻，唔緊要～ 今時今日喺香港咁樣做生意，你哋繼續用呢個態度經營，我等睇結果。

今日去左旺角E2出口GU樓上食韓燒，每位$298任食兩個鐘。呢度嘅爐係有一個竹環包住，方面放一碟碟嘅食物，而一開始會有8小碟嘅肉類放嘅竹環上面，而且呢度嘅肉全部都細細碟，可以乜都試下。肉類有來自美國澳洲嘅安格穀飼/草飼牛，內群肉、肩胛翼、牛板腱、封門柳，牛頸脊等等嘅部位都有。另外豬頸肉、雞翼、雞軟骨都不錯。呢度有好多款韓式小食，醬油鵪鶉蛋、辣拌米蟹、辣魷魚醬等等嘅冷盤都有。熱食方便大推韓式炸紫菜粉絲卷，仲有泡菜煎餅、韓式蛋卷、魚糕串都好好食。呢度仲有炸雞，有原味辣味、芝士、蜂蜜牛油。甜品方面有好多唔同嘅蛋糕泡芙，而且仲有爆谷雪糕，另外仲有刨冰可以食。

呢間韓燒餐廳真係好正呀！環境好新淨✨地理位置仲要好方便，旺角地鐵站一出就係。餐廳環境非常舒適，仲有kpop聽，可以睇住靚仔靚女食飯😌我哋係食晚市放題，scan QR code就可以任叫，佢哋嘅燒烤選擇非常豐富，有牛肉、豬肉、雞肉等等。作為一個牛肉控，當然係瘋狂叫牛肉食😋佢哋嘅牛肉質地鮮嫩，肉汁豐富，每一口都好滋味。仲有佢哋嘅特製醬汁，可以自己調配，揀鍾意嘅味道，配合燒烤肉類，味道更加出色。除咗燒烤，餐廳仲有其他嘅韓國菜式，例如魚糕、水冷麵等等。服務方面，餐廳嘅服務員都好友善同專業。佢哋會耐心解答我哋嘅問題，同埋幫手處理燒烤過程中嘅一切。令我哋嘅用餐體驗更加愉快👍🏻

無諗過做放題嘅餐廳 賣單叫食品外賣水準咁高 分裝每個小菜都有獨立盒仔 啲汁水唔會撈埋一碟炒粉絲肉足料 味道十分之好 每樣野份量都好足好大份價錢係韓國餐同呢個地點黎講唔算貴 甚至叫平會再支持

終於約到三五知己一齊去韓燒😍朋友揀嘅🤭《韓燒大叔》｛地鐵站E出口｝一上就係啦🤭超方便。地方算大，環境乾淨。估唔到有驚喜🤤有位超窩心嘅單眼皮妹妹(侍應)知道我唔食牛以後，介紹咗🐖🐔同大大條鰻魚比我🥰仲幫埋我哋燒🥹🤩服務態度一流👍🏻仲提我哋🐖燒得太耐會唔好食🤭🤫🐔好滑，鰻魚好綿，好香😋食飽停手嘅時候，諗住去自助吧拎甜品，居然有焦糖爆谷🍿️😱😱😱加埋雪糕🍦一定要俾👍🏻👍🏻👍🏻👍🏻👍🏻一定要留肚食呢個🥹聽講個爆谷材料係由美國入口😯😯妹妹仲話，11月會有抽獎活動，內容真係唔記得，剩係記得大獎係全單全免😅🤣🤣真係要快啲再約朋友去😍

UNCLE SIUUUUU！今日终於有时间同朋友们一齐上嚟食任饮任食晚市放题只要$298/位～➕$88可以任饮啤酒锺意食韩烧嘅人，一定要来试一试啦啲🐮🐮同🐷🐷嘅品质真系唔差仲有超大条嘅鳗鱼一定要食🤩锺意食生牛肉嘅朋友都唔好错过啦🙌又有刺身带子 北寄贝 三文鱼同甜虾等等还有好多韩式小食啦强烈推介：泡菜煎饼、韩式紫菜粉丝卷、炸鸡软骨粒、紫菜包饭餐厅内设有自助调料台，有多款小食 汽水 甜品选择，仲有现场即整嘅焦糖爆谷（可以加雪糕🍦一齐食👍👍）🈺最後最後 埋单嘅时候职员话嚟紧11月会有抽奖活动，超过四个人会送西冷或者鳗鱼，可能仲会有奖品提供喔

已經好幾年冇食韓式烤肉，聽朋友介紹，說這裡的質素絕對唔差，所以今晚決定嚟試一下。我非常喜歡泡菜，見到雪櫃擺滿了不同種類，小小碟的泡菜，即時感到非常滿足，因為可以試好多不同的味道。而我首選辣蘿蔔，辣味夠又爽口，去油一流。隨咗泡菜，這裡亦提供很多不同的醬汁可選擇。至於肉類，一埋位就會自動上八小碟，頗為精緻，而味道可算相信不俗。我最喜歡的是韓式牛肉和肩胛肉。特別是韓式牛肉，味道夠濃郁，我前後食咗四碟。豬頸肉和牛肉粒也是不錯的選擇。而這裡的甜品也算蠻特別，除了雪糕外，竟然有爆谷機，企响度都聞到那陣陣的香甜味，忍唔住又攞啲食下。