韓燒大叔

营业中

休息中

🚩韓燒大叔〰️〰️〰️〰️〰️〰️〰️〰️〰️〰️〰️〰️〰️〰️天氣凍返啲就要瘋狂食肉肉‼️依間韓燒大叔好似係新開，估唔到平日夜晚都人流滿滿～依家晚市滿四位就會送一條超長超厚嘅鰻魚，肉質好唔錯唔係cheapcheap個啲晚市吃到飽就$299一位，燒肉海鮮刺身啤酒任飲‼️如果飲得嗰啲飲返兩三杯其實都已經回咗本🤭肉類有好幾款，特別推薦牛仔骨同豬頸肉～肉類唔會雪到梅梅黑黑，不過大家記得要用油起咗個爐先，如果唔係就會好黐底🥹海鮮方面魷魚墨魚八爪魚，依類型就已經有好幾款，帆立貝同蝦都唔錯👍🏻除左要自己燒嘅食物之外仲有熟食同埋刺身比大家頂住肚先，有我最最最愛嘅韓國魚糕，真係好有韓國街頭嘅感覺🤤🤤刺生嘅三文魚同蝦比想像中出色太多，大件有油香味😎甜品方面有唔同嘅果子，熱辣辣窩夫🧇我仲自己吱左座雪糕係上面🤭

心血來潮想食韓燒，一於出旺角，此店位置優越，地鐵站一出就到，入座後店員講解任食套食內容，自助區一眼見晒，細得可憐，不過冇所謂，此行烤肉為主，滿足到我就得，飲品選擇也太少了吧😰，得汽水機同熱麥茶🆘️，唯一可取之處係個爆谷機，即制爆谷香脆可口帶有濃厚焦糖味，正👍🏻肉類拼盤➡️賣相不俗，有澳洲安格斯牛板鍵、牛脷、豬扒、五花腩、豬頸肉、雞肉、一口牛，若你問我有邊款好食，真係噏唔出🙆🏻‍♀️，不至於難食，但真係好一般，ORDER咗幾款牛肉，肩胛翼、封門柳、牛板鍵、牛頸脊，望落款款都差唔多樣，估唔到食落口都係差唔多😅小食➡️泡菜煎餅、魚片串、炸雞等……反而小食仲好食過D肉🍀🍀整體性價比不高🍀🍀，食物質素及飲品款式有待提高🧏🏻‍♀️

今日同同事出咗街食lunch，因為出咗糧既關係，所以食得豐富啲，去咗食燒肉放題，我地即刻上網搵咗間靚靚既韓燒。我地一上到去，睇到餐牌，最平有$78既set，但我地無點到，點了兩個$168 即任食set。一開始我點了三款肉，牛仔骨，牛肉同辣味薄豬扒，再加兩款熱食，跟着我地就出咗去自坐bar拎野，出到去俾佢嚇一跳，完來有非常多韓式前菜同醬汁，兩樣野都有差不多十款式或以上，我都講唔晒咁多，食都食唔晒咁多款，醬汁我們只拎了6款，其中一款有啲特別，叫大叔醬汁。另外我哋拎咗五六款韓式前菜，大部份都不俗，最有印象最好食係泡菜，味道不會過鹹過辣，如無意外應該係自家製。我地拎晒所有嘢返去都用咗10分鐘，因為太多選擇，終於開始食，我地食咗前菜同啲熱食先，泡菜燒餅好脆口，炒粉絲味道啱啱好。講到燒肉，我地食完頭一輪，梗係唔到啦，我地總共食咗四輪，幾款燒肉既顏色好生鮮，仲紅卜卜。雖然係肉嘅種類唔算太多，大約10款左右，但係質素唔差，有調味既肉又調到恰到好處。其實lunch來講，野食質素唔差，我覺得高於一般放題，物超所值！飲品又有得任飲，加埋有熟食，甜品，熱湯，真係不錯既選擇。

📍位置：旺角站 E2 出口，直行轉左邊，步行約1分鐘到。🏠環境：佔地全層，空間感十足，桌椅間寬闊，坐得好舒服☺️，裝修以簡約工業風為主，設有多個卡座和電視播放韓國流行音樂，氣氛一流。每枱設有圓形木架，用來擺放鐵碟打卡幾靚！近門口有酒吧和收銀位，旁邊設有自助吧，提供多款韓式前菜，泡菜、青瓜、魷魚、蓮藕、芽菜、海帶、蘿蔔等；也有生菜、青紅椒、香菇和菠蘿等蔬果；多款韓式醬料，自由配搭；飲料有汽水或者熱茶，非常豐富❣️🤵🏻服務：QR Code下單，收取加一。🍽️午市：主打韓燒自助餐，午市90分鐘每人$168（未包加一），肉類和韓式小食選擇多，只是飲品和甜品不多，不過都好滿足。🥗韓式小菜：炸雞軟骨、韓式蛋卷、炸紫菜粉絲卷、春卷、泡菜煎餅等，🤩個人推薦香脆的雞軟骨、😋醬油鵪鶉蛋和🥚蛋卷，令人驚喜之作👍，朋友就喜歡醋蒜頭😆，非常惹味。🥩肉類：韓式🐮牛肋骨、美國安格斯下肩胛肉、韓式🐔雞肉、🐷薄切五花腩、韓國午餐肉、韓式🐮牛肉、韓式🐷豬頸肉和🐑羊肉等，👍個人推薦油花分布平均的牛肩胛肉，入口軟嫩🤤；豬頸肉很多汁多油脂🤩；五花腩肥瘦相間，用生菜、泡菜和大醬來包，🤤口感豐富。🦑海鮮：青口、白蜆、🐚翡翠螺、韓式🦑魷魚

放工約左同事食晚餐，今次黎到位於旺角嘅韓燒大叔食燒肉放題。🍴晚市自助燒肉放題($386)除咗燒肉任食🥩更有無限量供應海鮮🦐刺身，選擇幾豐富。燒肉款式種類繁多😆牛肉有多個部位提供，包括：美國安格斯下肩胛肉、澳洲穀飼黑安格斯封門柳、薄切牛舌，韓式牛肋骨、韓式牛肉💁🏻‍♀️另外仲有帶子、海蝦、雞軟骨、韓式豬皮整體質素都唔錯，肉質幾嫩點埋餐廳提供嘅醬料，味道更豐富👐🏻除咗燒肉，餐廳仲有多款韓式小食，包括：韓式粉絲、泡菜煎餅、炸雞🐓魚糕、韓式飯卷，小食都好夠熱🔥味道唔錯。個人比較喜歡炸雞同泡菜煎餅，幾香脆惹味👅自助區方面，前菜、飲品同甜品都係任飲任食，款式都幾豐富，有泡芙、蛋糕🍰卷蛋同雪糕🍦等等，值得推介係佢地既爆谷🍿️香甜夠脆，配雪糕一流🍨

店名: 韓燒大叔地址: 旺角西洋菜南街51號友誠商業中心5樓旺角站E2出口，行1分鐘環境: 4/5價錢: 4/5味道: 4/5旺角新開一間放題韓燒，肉類選擇十分之多，而且入去有多部電視播緊Kpop，充滿韓國🇰🇷嘅味道，而且晚市設有普通自助同加刺身之選，今次就同朋友試咗普通嘅韓燒自助餐🙈晚市韓燒自助餐❤️❤️❤️❤️$298@1位一入去設有自助區，供大家拎各種蔬菜、小菜、醬汁、甜品及飲品，自助區最推介菠蘿同韓式小菜，不論係泡菜、芽菜定青瓜，都十分入味😆首先會上咗頭盤，有各種嘅牛肉、雞肉、豬腩肉、豬頸肉等，牛肉最推介美國安格斯下肩胛肉、牛脷同霜降一口牛，牛味濃郁豐富，充滿口🥳豬頸肉亦都非常有咬口，啖啖油脂喺口中散發😚用QR code落單，除咗可以叫肉類之外，仲可以叫各種嘅熱食、主食等😋佢哋仲有好多韓式小食🙌🏻有炸雞、魚糕串、炒粉絲、海鮮煎餅等，真係好似去咗韓國咁🤩最後仲可以試吓佢哋嘅即製爆谷，配上自製窩夫同雪糕做甜品，作為結尾十分滿足‼️

見佢新開，要book 都起碼2星期後先有位位置好近地鐵站，GU 樓上環境唔錯嘅，夠光猛，油煙味唔係好重入座前先選擇套餐，正常係$298+10%(另加88有酒/海鮮/刺身)見款式唔係好多，就揀$298價格一坐底就會上一轉餐內食物，重點來的，除牛舌、豬頸肉、雞肉其他牛類根本分唔到邊隻打邊隻食過好食嘅都叫唔返了👎👎全部差不多樣魚糕可以一d 味都無，仲要係微暖好似浸左成日，連本身d 咸味都無個湯同水無分別！個蘿白湯，味道一言難盡最離譜，連個飯都係微微暖甜品櫃，無拎過來食，不評論可能係我唔好彩基本上所有熱食都唔係熱的，食物種類唔多，飲品得汽水機個幾款

韓燒大叔旺角西洋菜南街51號友誠商業中心5樓經開旺角，好耐冇食韓國菜，老友推介超近地鐵的韓燒放題，手機自助落單，任食任飲，好爽。😝食韓燒梗係要勁多肉先啦，我哋叫咗韓式牛肉、牛肋骨、辣豬肉、豬扒、豬頸肉、雞肉、美國安格斯下肩胛肉、薄切牛脷，主要用蒜蓉醃料，鹹度適中，份量十足，叫咗一轉已經飽飽，唔夠喉可以去蔬菜吧，仲有好多選擇。😁韓式小食有驚喜，我哋叫咗蛋卷、紫菜包飯、單骨雞翼，每人一件啱啱好，食材新鮮冇味精。😊飲品吧有冰水機、汽水機、熱麥茶、醬汁，我飲咗勁多熱麥茶，推薦！😂甜品吧有爆谷機，軟雪糕機、泡芙、朱古力蛋糕，好正！😍韓燒大叔 環境舒適、種類豐富、侍應服務態度好，喜歡韓風的朋友必到。😎🤘🏻

係旺角揀左一間未食過嘅韓燒店 - 韓燒大叔 !!! 平日好爆場 😬😬 我哋揀咗 $298 套餐 , 再加 $88 食埋海鮮刺身 ! 自助區有唔同嘅蔬菜 , 仲有大量新鮮乾淨嘅菜俾你做生菜包 !! 仲有菠蘿 , 金菇 , 鮮冬菇 , 雞髀菇 , 青椒 , 秋葵 , 粟米等等 ~ 仲有好多唔同嘅韓式泡菜 ❤️ 有我最鍾意嘅鵪鶉蛋 ❤️ 呢度嘅韓燒爐圍住有一個圓形嘅木盆 , 非常 ig-able 😎😎見到好多食客都叫到成個圈都係野食 , 然後不停打卡影相 , 勁興奮 ! 每款燒肉都係細細碟 , 食完覺得好食先再 encore , 啱晒眼闊肚窄嘅我 😝呢度有好多選擇 , 有韓式牛肉 , 豬扒 , 豬頸肉 , 雞肉 , 雞翼 , 簿切牛脷 , 五花肉 , 帆立貝 , 海虎蝦 , 白蜆 , 扇貝 , 墨魚咀 , 翡翠螺 , 扇貝 🤗 熟食仲有韓式炸雞 , 單骨雞翼 , 泡菜煎餅 , 粉絲蛋卷 , 春卷等等 ~ 刺身有三文魚 , 希靈魚 , 赤蝦 , 赤背 , 北寄貝 , 帶子 , 墨魚片 , 立魚 ! 仲有泡菜豬肉湯同韓式蘿蔔湯 !! 想食啲澱粉都有韓式水冷麵 ~ 特別推介墨魚咀大大粒 , 彈形爽口

韓國控最愛吃部隊鍋💖一個部隊鍋出唔出色要睇佢啲料夠唔夠多，呢間真係唔係講笑😂😂配料好多，午餐肉厚切、腸仔n條、泡菜、椰菜🥬好多、韓國年糕、魚腐⋯⋯⋯咁多料一碟上，緊係大大盤啦🫣🫣🫣講真，一個人真係吃唔晒，飽肚之選👍👍仲要讚呢到既環境，位置好闊落，適合大班人聚會🎄💖我見隔離台吃午餐放題都好吸引，好多款肉類選擇，下次約埋三五知己一齊嚟韓燒韓燒🈵️位置亦好方便，地鐵站一出就係👍👍

平時都係比較多食日式燒肉今次就睇下韓燒有無驚喜💕好彩一啲都無令我失望🥰平時食燒肉 我都會好留意抽風😂因為好怕會食到成身燒烤味但係食完 一啲味都無😝呢方面做得好好👍🏻食物方面 有唔同種類嘅食物生、熟、刺身都有😝仲有好多韓式前菜💕最鍾意佢嗰個鵪鶉蛋😝肉類選擇亦都好多😍十分高質💕牛舌仲好好味添上菜方面 每次都會一碟碟上份量唔會一次過上好多唔會造成浪費 唔夠可以再叫 上菜速度好快 唔會order左好耐先黎而且收拾食完嘅碟都好快😝

今次嚟到旺角就試吓韓燒自助餐，見旺角鬧區竟然有一道新裝修大廈，入去見到有間韓燒大叔，一於試下，入到你環境都幾寬敞🫶🏻🫶🏻今次揀左個包埋海鮮刺身，肉類款式好多，一口牛、牛脷、肩胛肉等等😽😽其中，我最鐘意澳洲安格斯牛板鍵，好多肉汁，包埋蒜生菜勁好味四個人或以上就會送多一條鰻魚😋😋燒落勁香，1d都唔腥，超大條，好惹味甜品都有好多選擇，呢度竟然可以即製窩夫，自己加雪同配料，高級，真心推薦！

最鍾意食韓國野嘅我 今次嚟到旺角嘅韓燒大叔 呢度有任食套餐 場內仲不停播Kpop MV 好似去左韓國咁呢度有個自助區 可以拎嘢飲 前菜 醬料 同埋甜品一坐低就已經有八款肉，包括韓式牛肉，韓式豬頸肉，韓式雞肉，薄切牛脷，美國安格斯下肩胛肉，澳洲榖飼黑安格斯牛板腱，五花腩(薄切)，韓式辣豬肉跟住我哋仲有叫咗澳洲草餇黑安格斯牛頸脊，霜降一口牛，扇貝，虎蝦等等仲有啲熟食同埋刺身 三文魚 帶子 魷魚雖然任食 但係肉嘅質素都好有保證 大食嘅朋友仔嚟呢度一定滿載而歸

120分鐘任食海鮮刺身任食放題，肉類同海鮮選擇都真係幾多。每四位就會先送原條蒲燒鰻魚，好大條好肥美😍醬汁甜度亦剛好🙌🏻然後仲有得玩抽獎！1-10號各有不同獎品，我地就抽到醬油蟹一客🙌🏻（大奬係當晚全張帳單免費😳！）用QR code點餐，見到咁多選擇真係好興奮😂我地叫到成枱都係，好澎湃。刺身質素都唔錯；小食推薦泡菜煎餅同柚子雞翼🙌🏻肉類同海鮮我喜歡美國安格斯下肩胛肉/韓式牛肉/韓式牛肋骨/澳洲草飼黑安格斯牛板腱同牛頸脊/薄切牛脷/墨魚咀/扇貝/帆立貝/白蜆/海虎蝦。有汽水啤酒任飲，一人一杯藍妹生啤爽歪歪☺️☺️甜品仲有爆谷同雪糕窩夫！

朋友11月生日飯想食韓燒，即刻諗起呢間。120分鐘任食海鮮刺身任食放題，每人都唔使$400，性價比甚高。而家做緊兩款限時優惠：1️⃣四人同行送1條原條浦燒鰻魚。2️⃣ 晚市每4人有得玩1次抽獎，我地就抽中醬油蟹一客。（其他奬品有韓牛、燒酒，甚至賬單免費😲）未開始韓燒已經嗌左一堆刺身同小食。三文魚/希靈魚/北寄貝/帶子⋯ 好新鮮，質素一啲都唔輸蝕。小食推介泡菜煎餅同韓式炸雞。不過唔好食咁多，留返個肚食烤肉。肉類同海鮮款式都多：安格斯下肩胛肉/韓式牛肋骨/安格斯封門柳/牛板腱/牛頸脊/薄切牛脷/扇貝/帆立貝/白蜆/海虎蝦⋯叫到成枱都係。嘆住任飲啤酒食烤肉，一流。