韓燒大叔

营业中

休息中

今日去左旺角E2出口GU樓上食韓燒，每位$298任食兩個鐘。呢度嘅爐係有一個竹環包住，方面放一碟碟嘅食物，而一開始會有8小碟嘅肉類放嘅竹環上面，而且呢度嘅肉全部都細細碟，可以乜都試下。肉類有來自美國澳洲嘅安格穀飼/草飼牛，內群肉、肩胛翼、牛板腱、封門柳，牛頸脊等等嘅部位都有。另外豬頸肉、雞翼、雞軟骨都不錯。呢度有好多款韓式小食，醬油鵪鶉蛋、辣拌米蟹、辣魷魚醬等等嘅冷盤都有。熱食方便大推韓式炸紫菜粉絲卷，仲有泡菜煎餅、韓式蛋卷、魚糕串都好好食。呢度仲有炸雞，有原味辣味、芝士、蜂蜜牛油。甜品方面有好多唔同嘅蛋糕泡芙，而且仲有爆谷雪糕，另外仲有刨冰可以食。