韓燒大叔

营业中

休息中

同屋企人提早做冬，過咗嚟食韓燒！呢間餐廳氣氛好好！好似置身係韓國！厚燒鰻魚：經過燒烤，鰻魚皮香脆，肉質鮮嫩，而且冇咩骨！啖啖肉好正，好肥美！柚子單骨雞翼：柚子的酸甜風味與雞肉的鮮嫩相融合，放題熱食都夠晒熱！韓式炸雞（蜂蜜牛油味）：外皮金黃酥脆，內裡鮮嫩多汁。韓式手卷（牛肉）：唔會雪到死實實好凍，都幾似出邊韓國舖頭賣的！扇貝：扇貝非常新鮮，唔會離開個殼，肉質鮮嫩，回本位。格仔餅：即叫即整，仲有職員幫助！口感酥脆。搭配不同的餡料，如鮮奶油、果醬，甚至係雪糕或花生醬等！

上網搵到呢間新開嘅韓式燒肉店，呢間餐廳好易搵喺友誠五樓，佢哋午餐有套餐價錢$88至$168不等，亦都有午市放題$168任食90分鐘，如果加埋海鮮就$206一位，我哋就揀咗午市任食海鮮放題。呢度用QR code點餐好方便，肉類款式多有安格斯肩胛肉、薄切牛脷、五花腩、肥牛、豬頸肉及雞肉等等，海鮮方面有翡翠螺、蜆、八爪魚仔及魷魚, 燒烤爐上面有一個圓形木架，放滿唔同嘅食物之後打卡好靚👍出面大雪櫃有各款前菜-泡菜、鵪鶉蛋、韓式辣魷魚醬及辣拌米蟹，另外汽水都係自助任飲，甜品仲有軟雪糕同埋泡芙及brownie㖭！

🍽 韓燒大叔➰➰➰➰➰➰➰➰➰➰➰🔱海鮮刺身燒肉自助晚餐 $368好耐都未食過燒肉，今日約埋啲朋友黎到呢間餐廳試吓佢哋嘅燒肉放題，連海鮮都有得食。仲有啤酒汽水可以任飲。肉類應有盡有。有牛肉牛仔骨，有羊片，有豬頸肉，雞肉。海鮮有八爪魚、墨魚仔、蝦、凡立貝、海螺、仲有多春魚。全部都好新鮮嘅。🔱4位仲有一條又厚又大燒漫魚送，漫魚好肥美，有三文魚刺身甘香肥美。甜蝦新鮮好大隻。咬落甘甜，充滿膠質。🔱甜品都有好多款，有格仔餅加上啲朱古力醬超好味，有芝麻糯米糍、有和果子、仲有泡夫，燒完嘢食後，食番甜品，都係唔錯的享受。

呢間餐廳做緊四人同行就有鰻魚送，都幾肥美，而且仲有抽獎！七點前去到已經勁多人，好彩有訂位啫 ！美國安格斯下肩胛和肩胛翼下肩胛肉質鮮嫩，帶有豐富的牛肉香氣，口感細膩豐潤。肩胛翼肉質豐腴，濃郁的牛肉風味充滿口腔，咬下時口感豐富，帶有香氣四溢的誘人味道。牛助骨幾肥美澳洲草飼黑安格斯封門柳是一種高品質的牛肉。肉質細嫩多汁，帶有濃郁的牛肉香氣，草飼養方式讓牛肉更具風味和質地，每一口都是一種享受。牛舌薄切口感好好！讓人愛不釋手。自助區好多嘢食

今日去食左我既最愛韓國菜!!!餐廳環境好闊落新淨，位置又好坐，仲有幾部大電視播住KPOP MV ，呢到環境令我對餐廳加分。佢有兩個選擇，我地揀左海鮮刺身韓燒自助餐。肉類選擇都幾多，只是牛肉已有6種選擇，除左燒肉海鮮，仲有一啲韓式小食，如炸雞, 冷面, 炒粉絲等，岩晒我呢啲韓菜狂熱者。一坐底店員會先上幾款肉類，這時可以先試下邊款好食，然後再用手機QR CODE加單，我地試晒所有唔同部位牛肉，一般都唔錯，都有牛味，我個人最中意係安格斯下肩胛，肥瘦適中，肉汁豐富。除左手機落單，出面仲有自助吧，有好多唔同既韓式小菜，最重要既泡菜係好食既。最開心係可以自制窩夫，同埋任食雪糕。因為太飽食唔落個窩夫，見有人係到整得好開心，下次去一定會留肚食。但食埋個雪榚埋尾，今餐好完美~

呢度嘅午市有套餐同韓燒可以揀，韓燒都只係百幾蚊，天氣凍啱晒！😁熱食選擇都唔少，推介以下幾款：❤️柚子單骨雞翼夠味，燒得幾靚，面頭芝麻好香👍❤️雞蛋卷足料賣相吸引，口感有層次😋燒肉方面推介：❤️牛肋骨醃得夠味，肥瘦均勻肉質唔韌，燒出嚟好香口～❤️安格斯下肩胛肉望落偏瘦但燒出嚟都唔錯😯 幾有牛味👍❤️韓式辣豬肉豬肉幾嫩，甚至比起肩胛肉再嫩少少🤏微辣都幾惹味～甜品款式略嫌少咗啲，只有圖中兩款店員換燒盤都幾殷勤，整體性價比都算高👍

一坐底就見到一碟碟肉圍住個烤爐等緊我地，成間餐廳充滿住烤肉香氣同keep 住播K-pop，未食先興奮。 我終於明點解呢度會座無虛席啦！呢度都有唔少靚肉選擇，澳洲穀飼黑安格斯牛、澳洲草飼黑安格斯牛、美國安格斯牛、薄切牛脷、豬頸肉等等全部都令我食指大動。食得韓燒，一定要狂食生菜包蒜蓉片包薄切豬腩肉，再點一款鍾意嘅醬汁，諗起都想食多次！海鮮方面最正既係鰻魚、海虎蝦、帆立貝、扇貝， 估唔到呢度嘅海鮮一啲都唔馬虎，鮮甜彈牙，encore 左好幾次😍 除咗肉同海鮮，當然唔少得刺身同韓式小食喇。食到飽飽哋，千祈唔好唔記得要燒返個新鮮菠蘿，香甜多汁，可以解解膩。仲未講完架，另一個超正嘅位係啤酒任飲🍺！藍妹生啤、韓國黑啤等等任君選擇！烤肉送酒完全係韓國文化。唔飲酒既都有麥茶、汽水、檸檬茶提供。驚喜位留番係甜品區。waffle 機、爆谷機，雪糕機齊樣樣曬，我既私心食法就係加爆谷、曲奇碎、朱古力醬落雪糕度，開心加加倍！題外話，呢度係用QR code 落單 ，跟著我地發現原來撳個掣就可以更換烤盤，好細心喱！

最近坊間真係開咗好多燒肉店 不過韓燒好似比較少見 我哋今日就為咗午市任食燒肉而嚟～地點方便就喺旺角地鐵站E出口一出左手邊就係啦！我哋避開咗人潮揀咗2:00左右時間入座店員好快安排咗窗口位俾我哋 兩個人坐非常闊落燒烤爐同枱面都有大量空間放野食講明係任食嘅，我哋當然唔會客氣啦！肉類用QR code落單，全部韓牛同我嚟一round先韓式牛肋骨相當好食本身都擔心海鮮會唔會冇咁出色？點知最後 白蜆我哋前後encore咗四碟！！韓式配菜區大量唔同款式嘅韓國醃製拌菜 淨係揀呢度都花多眼亂覺得食肉太油膩？仲有10款以上嘅燒烤蔬菜俾你揀！旁邊就係調味料區同埋嘢飲部乾淨企理～感覺非常良好淨係食燒肉唔夠喉？Menu仲有唔少嘅熱食俾你填飽個肚～泡菜煎餅同韓式炒粉絲，大家一定要試試仲有甜品呀！軟雪糕泡芙Brownie任夾唔嬲豐儉由人如果覺得肉類選擇唔夠多嘅話 仲可以用自助餐優惠價 追加醬料料理或者其他燒烤肉類原來午市仲會有四人同行送小食嘅promotion下次約多兩個friend嚟 再大食一餐！餐廳內不斷播放唔同嘅K-Pop MV超有氣氛

上星期我哋去咗旺角嘅「韓燒大叔」食午餐🍱，佢哋嘅午餐有自助燒烤放題同埋午市套餐，我哋揀咗午市套餐，真係抵食！套餐包括三款韓式小食、湯、主食同飲品，絕對可以滿足你嘅食慾！🍽️🥩🍲🥢😄首先係「韓式肥牛部隊鍋」，呢個部隊鍋份量十足又好味，部隊鍋係韓國傳統菜式，佢哋加上嫩滑嘅肥牛同，加埋特製韓式湯底，燉煮得恰到好處。湯底微辣鮮甜，肥牛軟嫩多汁，仲有其他配料包括芝士、午餐肉、香腸等等，真係一道非常豐富嘅菜式！🍲🥩🔥😋另外「蒲燒鰻魚辣醬石頭鍋飯」，呢個菜真係好香口！鰻魚燒得鮮嫩多汁，蒲燒醬汁香甜微，配埋石頭鍋飯，味道更加濃郁。每一口都可以享受到鰻魚嘅鮮美同飯焦嘅香氣，令人回味無窮。🍚🐟🌶️🥢😍「韓燒大叔」真係一個非常豐富抵食嘅餐廳。如果你想食一個豐富嘅午餐，呢度絕對係一個好選擇！🍽️🍚🥩🌶️😄

好耐冇食韓燒，宜家天氣凍凍地，咁encore大叔啦。上次食完果套餐好滿意，今次繼續揀佢。餐廳晚市真係好full，一定要預先定位，現在仲有大抽獎，好開心。出面雪櫃好多嘢食可以拎，淨係韓式前菜已經有數十款，泡菜，鵪鶉蛋，醃蘿蔔，醃蒜頭都係必食，酸甜可口，解膩一流。一坐低，會即刻送上8小碟燒肉，比你慢慢燒再落單其他嘢食。最鐘意係食封門柳同埋牛脷，兩個都係薄切,微微燒下已經可以食。口感都偏彈牙，同埋牛味好重。韓式雞肉預先用韓式辣醬醃制過，雞肉軟嫩又香甜，一向唔鐘意食雞啲FD都讚不絕口。五花肉，五花肉需要燒耐少少，逼出豬肉油脂，再夾埋蒜片泡菜同生菜大醬一齊食，簡直人間美味。刺身品種都好豐富，求其揀咗帆立貝，刺蝦同赤貝，全部都好新鮮肥美。如果覺得烤肉唔夠食，仲可以叫埋韓式魚糕，炸雞等小食，不過我同FD超飽肚，唯有下次試試！食到最後一定要推薦佢嘅包穀雪糕，包穀焦糖味好濃同埋勁脆，同雪糕超match，忍唔住食咗兩碗TIM。每一次食完大叔，都飽到第二日唔洗食早餐，真係抵食！

好奈無食韓燒，見朋友去過這間任食既韓燒大叔 d相好靚，同樣樣都細細碟咁，可以試好多款！今晚收工就去試試！入到嚟周圍都有電視播韓國MV🤩又有梳化位卡位，幾舒服😌 價錢幾抵又唔食一個人都唔使300！肉類款式好多！韓式牛肉, 韓式牛肋骨, 韓式辣豬肉，韓式豬扒，韓式豬頸肉，韓式雞肉，韓式雞軟骨，韓式雞翼等等⋯當中個人覺得最正既有：霜降一口牛、澳洲穀飼黑安格斯牛板腱、澳洲草飼黑安格斯封門柳！肉質軟腍，牛肉味濃👍🏻高質～熟食款式都好多，有韓式柚子單骨雞翼、泡菜煎餅、韓式炸雞、韓式水冷麵、就連自製窩夫格仔餅都有真係試都試唔晒。。最鍾意佢嘅韓式蘿蔔湯，夠甜夠清，最岩解食燒肉既油膩😋每人飲左成兩碗，好正！有自製雪糕機🤩有得玩有得食😄仲有啲朱古力碎曲奇碎同埋士多啤梨醬朱古力醬等等係側邊可以自己加！飲品就喺出邊汽水機任攞👍🏻🍱餐廳：韓燒大叔 (旺角)🏫地址: 📌旺角西洋菜南街51號友誠商業中心5樓

我地9點後先入座，食左大約1個鐘（當時只係10：05分左右） 想用佢個格仔餅機整格仔餅食，點知個職員話‘已經收左’ 🥲好啦， 到我地差唔多走，想臨走飲杯茶，個職員話‘唔知收左未，可能都收左....’其實咁樣真心好差，如果你d甜品係會提早收既，其實可以喺我地入座時講聲囉！！ 而唔係到人地想食果陣先見到乜都收哂！ 我地同其他人一樣都係比$329食，如果係因為我地入座時間太晏，你地要趕收工既，應該一早喺入座時講聲，咁我地可以早d去拎左甜品先，而唔係好似而家咁囉！

🚩韓燒大叔〰️〰️〰️〰️〰️〰️〰️〰️〰️〰️〰️〰️〰️〰️天氣凍返啲就要瘋狂食肉肉‼️依間韓燒大叔好似係新開，估唔到平日夜晚都人流滿滿～依家晚市滿四位就會送一條超長超厚嘅鰻魚，肉質好唔錯唔係cheapcheap個啲晚市吃到飽就$299一位，燒肉海鮮刺身啤酒任飲‼️如果飲得嗰啲飲返兩三杯其實都已經回咗本🤭肉類有好幾款，特別推薦牛仔骨同豬頸肉～肉類唔會雪到梅梅黑黑，不過大家記得要用油起咗個爐先，如果唔係就會好黐底🥹海鮮方面魷魚墨魚八爪魚，依類型就已經有好幾款，帆立貝同蝦都唔錯👍🏻除左要自己燒嘅食物之外仲有熟食同埋刺身比大家頂住肚先，有我最最最愛嘅韓國魚糕，真係好有韓國街頭嘅感覺🤤🤤刺生嘅三文魚同蝦比想像中出色太多，大件有油香味😎甜品方面有唔同嘅果子，熱辣辣窩夫🧇我仲自己吱左座雪糕係上面🤭

心血來潮想食韓燒，一於出旺角，此店位置優越，地鐵站一出就到，入座後店員講解任食套食內容，自助區一眼見晒，細得可憐，不過冇所謂，此行烤肉為主，滿足到我就得，飲品選擇也太少了吧😰，得汽水機同熱麥茶🆘️，唯一可取之處係個爆谷機，即制爆谷香脆可口帶有濃厚焦糖味，正👍🏻肉類拼盤➡️賣相不俗，有澳洲安格斯牛板鍵、牛脷、豬扒、五花腩、豬頸肉、雞肉、一口牛，若你問我有邊款好食，真係噏唔出🙆🏻‍♀️，不至於難食，但真係好一般，ORDER咗幾款牛肉，肩胛翼、封門柳、牛板鍵、牛頸脊，望落款款都差唔多樣，估唔到食落口都係差唔多😅小食➡️泡菜煎餅、魚片串、炸雞等……反而小食仲好食過D肉🍀🍀整體性價比不高🍀🍀，食物質素及飲品款式有待提高🧏🏻‍♀️

今日同同事出咗街食lunch，因為出咗糧既關係，所以食得豐富啲，去咗食燒肉放題，我地即刻上網搵咗間靚靚既韓燒。我地一上到去，睇到餐牌，最平有$78既set，但我地無點到，點了兩個$168 即任食set。一開始我點了三款肉，牛仔骨，牛肉同辣味薄豬扒，再加兩款熱食，跟着我地就出咗去自坐bar拎野，出到去俾佢嚇一跳，完來有非常多韓式前菜同醬汁，兩樣野都有差不多十款式或以上，我都講唔晒咁多，食都食唔晒咁多款，醬汁我們只拎了6款，其中一款有啲特別，叫大叔醬汁。另外我哋拎咗五六款韓式前菜，大部份都不俗，最有印象最好食係泡菜，味道不會過鹹過辣，如無意外應該係自家製。我地拎晒所有嘢返去都用咗10分鐘，因為太多選擇，終於開始食，我地食咗前菜同啲熱食先，泡菜燒餅好脆口，炒粉絲味道啱啱好。講到燒肉，我地食完頭一輪，梗係唔到啦，我地總共食咗四輪，幾款燒肉既顏色好生鮮，仲紅卜卜。雖然係肉嘅種類唔算太多，大約10款左右，但係質素唔差，有調味既肉又調到恰到好處。其實lunch來講，野食質素唔差，我覺得高於一般放題，物超所值！飲品又有得任飲，加埋有熟食，甜品，熱湯，真係不錯既選擇。